ბუდაპეშტში მიმდინარე მსოფლიო ჩემპიონატი ქართველი სპორტსმენებისათვის დასრულდა. შეჯიბრების ბოლოსწინა დღეს ხმალში ქალთა შორის გუნდურ ასპარეზობაში ჩვენმა ნაკრებმა 1/16-ფინალში, ტურნირზე მეორე ნომრად განთესილ რუსეთის ნაკრებთან 34:45 წააგო და ბრძოლას გამოეთიშა.
საქართველოს ქალ მოფარიკავეთა ნაკრებში თეოდორა კახიანმა, ლიკა ჯიჯეიშვილმა და დარია ანტონოვამ იასპარეზეს.
ქართველმა სპორტსმენებმა მედალი ვერ მოიპოვეს, თუმცა უნგრეთში გამართული ჩემპიონატი ბევრი რამით იყო დასამახსოვრებელი.
- პირველად საქართველოს სახელით იასპარეზა ათმა მოფარიკავემ
- პირველად ექვსი მოფარიკავე მოხვდა ძირითად ბადეში, საუკეთესო 64-ს შორის
- ბექა ბაზაძემ მსოფლიო ჩემპიონატებზე ინდივიდუალურ შეჯიბრებაში მეცხრედ იასპარეზა
- ბუდაპეშტში მსოფლიო ჩემპიონატზე დებიუტი ჰქონდათ ლაშა გალუაშვილსა და ნიკა შენგელიას
- სანდრო ბაზაძემ მსოფლიო ჩემპიონატებზე ნაჩვენები საუკეთესო შედეგი, მე-12 ადგილი გაიმეორა
- ლიკა ჯიჯეიშვილმა, თეოდორა კახიანმა და ლუკა ღაღანიძემ მსოფლიო ჩემპიონატებზე თავიანთი საუკეთესო შედეგები აჩვენეს
- ბუდაპეშტში მსოფლიო ჩემპიონატზე მონაწილეობის რეკორდი დამყარდა, უნგრეთში 1071-მა მოფარიკავემ იასპარეზა
საქართველოს ფარიკაობის ფედერაციის პრესსამსახური
