გუშინ, 26 მაისს რუსეთის პრემიერლიგის ბოლო ტური გაიმართა, სადაც მოსკოვის "ლოკომოტივმა" საკუთარ მოედანზე უფას უმასპინძლა.
ქართველი მცველი საბა კვირკველია მოსკოველთა გუნდის ძირითად შემადგენლობაში იყო, მაგრამ მე-17 წუთზე ტრავმის გამო შეცვალეს. მის ნაცვლად გამოსულმა ტარასოვმაც ტრავმა მიიღო და 29-ე წუთზე ხვიჩა კვარაცხელიამ შეცვალა.
რუსულმა გამოცემა championat.com-მა გაავრცელა ინფორმაცია, რომ საბა კვირკველიას ტრავმა სერიოზული არ აღმოჩნდა და ის საქართველოს ეროვნულ გუნდს შეუერთდება.
საქართველოს ნაკრები ევროპის ჩემპიონატის შესარჩევ ციკლში ივნისში ორ შეხვედრას გამართავს. ჯერ 7 ივნისს სახლში გიბრალტარის ეროვნულ გუნდს მივიღებთ, ხოლო 10 ივნისს გასვლაზე დანიას შევხვდებით.
ლეგიონის უქმეები: საბა კვირკველიამ ჩემპიონთა ლიგა გაიფორმა
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
