საქართველოს ნაკრების ნახევარმცველი ვაკო გვილია კარიერას ვარშავის "ლეგიაში" გააგრძელებს.
დღეს გავრცელდა ინფორმაცია, რომ გვილიას 13 ივნისს უნდა გაევლო სამედიცინო შემოწმება და მის კონტრაქტს "ლუცერნიდან" 300 ათას ევროდ გამოისყიდდნენ, მაგრამ არმიულმა კლუბმა იჩქარა და დღესვე მოუწყო პრეზენტაცია.
გვილია ახალ გუნდში 8-ნომრიანი მაისურით იასპარეზებს. მან გასულ სეზონში "გურნიკში", სადაც განათხოვრებული იყო, 17 მატჩში 1 გოლი გაიტანა და 4 საგოლე გადაცემა გააკეთა.
გვილიას ორწლიანი ხელშეკრულება გაუფორმეს და მასთან ერთად წარადგინეს "ბორდოდან" დაბრუნებული 34 წლის მცველი იგორ ლეშუკი.
კლუბის სპორტულმა დირექტორმა რადოსლავ კუხარსკიმ განაცხადა, რომ ქართველი ლეგიონერი შესანიშნავი შენაძენია, გუნდს გააძლიერებს და მაღალი მიზნებისთვის იბრძოლებენ.
გვილიას თქმით, გადაწყვეტილების მიღებაზე დიდხანს არ უფიქრია და მოუთმენლად ელის ახალ გუნდში სეზონის დაწყებას.
"ლეგია" გასულ სეზონში ექსტრაკლასაზე მეორე ადგილზე გავიდა და ევროპა ლიგის გათამაშებაში შესარჩევი ეტაპიდან ჩაერთვება.
![alt](/pictures/image50/cbe56a6a8740571e1be6e01264bfd313.jpg "ვაკო გვილიამ "ლეგიასთან" ორწლიანი კონტრაქტი გააფორმა")
ვაკო გვილია 13 ივნისს "ლეგიაში" ჩაირიცხება - არმიული კლუბი მის კონტრაქტს გამოისყიდის![alt](/pictures/image50/d577f965f9816ebd08d453df57bb2c8e.jpg "ვაკო გვილიამ "ლეგიასთან" ორწლიანი კონტრაქტი გააფორმა")
"გურნიკი": გვილიას ძალიან კარგი კონტრაქტი შევთავაზეთ, მაგრამ...![Sportall.Ge](/pictures/artimages/original/c41d6bcf28c3701ca96b30d78e300d2e.jpg "ვაკო გვილიამ "ლეგიასთან" ორწლიანი კონტრაქტი გააფორმა")
![ვაკო გვილია "ლეგიაში" საქმეს შეუდგა - გოლი და საგოლე პასი სადებიუტო მატჩში [VIDEO]](/pictures/image7/4f6ce6adccfd7f084b881c5b8a9e72eb.jpg "ვაკო გვილია \"ლეგიაში\" საქმეს შეუდგა - გოლი და საგოლე პასი სადებიუტო მატჩში [VIDEO]")
