მოლდოვის ჩემპიონი "შერიფი" ქართული კლუბებისთვის უცხო გუნდი არაა.
შეგახსენებთ, რომ "შერიფი" თბილისის "საბურთალოს" დაუპირისპირდება.
შარშან აღნიშნულმა კლუბმა გამოთიშა ქუთაისის "ტორპედო" ჩემპიონთა ლიგის პირველი საკვალიფიკაციო ეტაპიდან.
მიუხედავად ამისა, "შერიფმა" ევროტურნირებზე გასვლა ვერ მოახერხა. ჯერ ჩემპიონთა ლიგის მეორე ეტაპზე დამარცხდა ჩრდილომაკედონიურ "შკენჯიასთან" და შემდეგ ევროპა ლიგის პლეი-ოფში წააგო "ყარაბაღთან".
რას წარმოადგენს "შერიფი"?
კლუბი 1997 წელს ყოფილი პოლიციელის და კომპანია "შერიფის" თანამშრომლის, ვიქტორ გუშანის მიერ დაფუძნდა. "შერიფმა" ასპარეზობა მოლდოვის რანგით მეორე ჩემპიონატში დაიწყო, პირველსავე წელს პირველ ადგილზე გავიდა და უმაღლეს ლიგაში აღზევდა.
1999 წელს კლუბმა მოლდოვის თასის მოგება მოახერხა, ორი წლის შემდეგ კი უკვე ქვეყნის ჩემპიონობა დაისაკუთრა და ჩემპიონის სტატუსი 10 წლის მანძილზე შეინარჩუნა.
აღსანიშნავია ის ფაქტი, რომ ტირასპოლის "შერიფი" გახდა პირველი მოლდოვური კლუბი, რომელმაც შემადგენლობაში ბრაზილიელი და აფრიკელი ლეგიონერები აიყვანა.
კლუბმა არსებობის მანძილზე ოთხჯერ შეძლო ევროპის ლიგის ჯგუფურ ეტაპზე გასვლა. პირველად მოლდოვური კლუბი 2009-10 წლების სეზონში ჯგუფში საკმაოდ რთულ მეტოქეებთან, ბუქარესტის "სტიაუასთან", "ტვენტესა" და "ფენერბაჰჩესთან" მოხვდა. მაშინ "შერიფმა" 5 ქულით მე-3 ადგილი დაიკავა და ასპარეზობას გამოეთიშა.
მომდევნო წელს "შერიფი" კვლავ გავიდა ჯგუფურ ეტაპზე და ამჯერადაც ძლიერი მეტოქეები შეხვდა - კიევის "დინამო", ბორისოვის "ბატე" და "ალკმაარი". მოლდოველებმა 5 ქულით ბოლო ადგილი დაიკავეს.
მესამედ ევროპის ლიგის ჯგუფში მოხვდა 2013-14 წლების გათამაშებაში. მისი მეტოქეები იყვნენ "ტრომსო", "ანჟი" და "ტოტენჰემი". მოლდოვური კლუბი კვლავ პლეი-ოფის გარეშე დარჩა და 6 ქულით მე-3 ადგილი დაიკავა.
აღსანიშნავია ის ფაქტი, რომ ტირასპოლის "შერიფი" გახდა პირველი მოლდოვური კლუბი, რომელმაც შემადგენლობაში ბრაზილიელი და აფრიკელი ლეგიონერები აიყვანა.
კლუბმა არსებობის მანძილზე ოთხჯერ შეძლო ევროპის ლიგის ჯგუფურ ეტაპზე გასვლა. პირველად მოლდოვური კლუბი 2009-10 წლების სეზონში ჯგუფში საკმაოდ რთულ მეტოქეებთან, ბუქარესტის "სტიაუასთან", "ტვენტესა" და "ფენერბაჰჩესთან" მოხვდა. მაშინ "შერიფმა" 5 ქულით მე-3 ადგილი დაიკავა და ასპარეზობას გამოეთიშა.
მომდევნო წელს "შერიფი" კვლავ გავიდა ჯგუფურ ეტაპზე და ამჯერადაც ძლიერი მეტოქეები შეხვდა - კიევის "დინამო", ბორისოვის "ბატე" და "ალკმაარი". მოლდოველებმა 5 ქულით ბოლო ადგილი დაიკავეს.
მესამედ ევროპის ლიგის ჯგუფში მოხვდა 2013-14 წლების გათამაშებაში. მისი მეტოქეები იყვნენ "ტრომსო", "ანჟი" და "ტოტენჰემი". მოლდოვური კლუბი კვლავ პლეი-ოფის გარეშე დარჩა და 6 ქულით მე-3 ადგილი დაიკავა.
უკანასკნელად ევროტურნირებზე "შერიფმა" არც ისე დიდი ხნის წინ, 2017 წელს იასპარეზა. ევროპა ლიგის ჯგუფში მხოლოდ 1 თამაში წააგო, 9 ქულა დააგროვა და ბურთების უარესი ბალანსის გამო ვერ გავიდა პლეი-ოფში.
რაც შეეხება თბილისის "საბურთალოს", 1999 წლიდან საფეხბურთო კლუბი ქართული ფეხბურთის ღირსებას იცავს. "საბურთალო" ახალგაზრდა კლუბია და ტიტულების გრაფაში საქართველოს ჩემპიონობა უწერია. "საბურთალო" ეროვნული ლიგის მოქმედი ჩემპიონია და მიმდიანრე სეზონში ორი წრის შემდეგ ეროვნულ ლიგას ლიდერობს.
დღევანდელი "შერიფი"
ახლა კვლავ მეტოქეზე გადავიდეთ. გუნდის მთავარი მწვრთნელი 45 წლის ხორვატი ზორან ზეკიჩი გახლავთ, რომელიც "შერიფს" 2019 წლის მაისიდან წვრთნის. მისი ხელმძღვანელობით გუნდმა 4 შეხვედრა ჩაატარა და 4-ვე მოიგო. თუმცა, აღსანიშნავია, რომ ზეკიჩი მოლდოვურ გუნდს 2014-15 წლებშიც თავკაცობდა. კლუბის დირექტორი კი ქართველი ვაჟა თარხნიშვილია, რომელიც "შერიფის" ნამდვილი ლეგენდა გახლავთ.
მოლდოვის მიმდინარე 8-გუნდიან ჩემპიონატში "შერიფი" დამაჯერებლად იკავებს პირველ ადგილს. დნესტრისპირელთა კლუბმა 13 გამართული შეხვედრიდან 11 მოიგო და ბურთების შთამბეჭდავი ბალანსი აქვს - 33:4-ზე.
უეფას კლუბების რეიტინგში, რომელსაც მადრიდის "რეალი" ლიდერობს, ტირასპოლის "შერიფს" 108-ე ადგილი უკავია.
ფეხბურთელების სატრანსფერო ფასები
ამჟამად "შერიფის" განაცხადში 22 ფეხბურთელია. მათი საერთო ღირებულება 11,23 ("საბურთალოსი"- 5.78) მილიონი ევრო გახლავთ, საშუალო ასაკი კი 27 წელია. კლუბში მოლდოვის ნაკრების 4 ფეხბურთელი თამაშობს, 1 კი ბელორუსის ეროვნული გუნდის წევრია. ჯამში კი, "შერიფს" 14 ლეგიონერი ჰყავს.
ყველაზე ძვირად ღირებული ფეხბურთელები გუნდში პოლონელი იაროსლავ იახი და ბელორუსი იური კეინდრიში არიან. ორივე ფეხბურთელის სატრანსფერო ღირებულება 1.1 მილიონი ევროა. გუნდის კაპიტანი და ცენტრალური მცველი ვეაჩესლავ პოსმაჩი "ტრანსფერმარკეტის" მიერ 1 მილიონად არის შეფასებული.
"შერიფის" ფეხბურთელების სატრანსფერო ფასები ასე გამოიყურება:
მეკარეები
მცველები
ნახევარმცველები
თავდამსხმელები
- ზვონიმირ მიკულიჩი (ხორ) - 350 000 ევრო
- დიმიტრუ ჩელეადრიჩი (მოლ) - 250 000
- სერგეი პასჩენკო (მოლ/რუს) - 100 000
მცველები
- იაროსლავ იახი (პოლ) - 1 100 000
- ვეაჩესლავ პოსმაჩი (მოლ) - 1 000 000
- ვლადიმირ კოვაჩევიჩი (სრბ) - 500 000
- კრიშტიანო (ბრა) - 700 000
- მატეო სუსიჩი (ხორ/ბოჰ) - 650 000
- ვილფრიდ ბალიმა (ბურკინა ფასო) - 250 000
ნახევარმცველები
- ალექსანდერ ბელოუსოვი (მოლ/რუს) - 100 000
- მიხაილ გეჩევი (მოლ) - 100 000
- იური კეინდრიში (ბლრს) - 1 100 000
- არტემ ჰორდიენკო (უკრ) - 800 000
- ხოსე ხურადო (ესპ) - 500 000
- ევგენი ონჩეა (მოლ) - 600 000
- მაქსიმ კოჯაკარუ (მოლ) - 275 000
- ანტუნ პალიჩი (ხორ) - 500 000
- გეორგ ანტონი (მოლ) - 400 000
თავდამსხმელები
- ლეანდრო რიბეირო (ბრა) - 600 000
- ანდრეი ბლიზნიჩენკო (უკრ) - 550 000
- პატრიკ პედერსენი (დან) - 400 000
- რობერტ ტამბე (კამერ) - 400 000
შედარებისთვის შეგიძლიათ იხილოთ "საბურთალოს" ფეხბურთელების სატრანსფერო ფასები:
მეკარეები
მცველები
ნახევარმცველები
- დენის სელიხოვი (უკრ) - 150 000 ევრო
- ომარ მიგინეიშვილი - 50 000
მცველები
- გაგი მარგველაშვილი - 400 000
- თედორე გრიგალაშვილი - 200 000
- გიორგი რეხვიაშვილი - 200 000
- დაჩი ცნობილაძე - 150 000
- ლუკა ლაკვეხელიანი - 350 000
- ცოტნე ნადარაია - 100 000
- გიორგი თევზაძე - 100 000
- გიორგი ჩაბრაძე - 250 000
- ნიკა მალი - 225 000
- გიორგი ჯინჯოლავა - 50 000
- ლევან კაკუბავა - 250 000
ნახევარმცველები
- ვაგნერ გონსალვეში - 500 000
- ლაშა შინდაგორიძე - 325 000 ელვინ ტერა (კენ) - 200 000
- სანდრო ალთუნაშვილი - 200 000
- თორნიკე გორგიაშვილი - 200 000
- გიორგი დიასამიძე - 375 000
თავდამსხმელები
- ინტერს გიი - 200 000
- გიორგი კოხრეიძე - 500 000
- გიორგი გაბედავა - 400 000
- ოგნიენ როლოვიჩი (მონტ) - 250 000
გუნდში თამაშობს გორის "დილას" ყოფილი შემტევი, ბრაზილიელი ლეანდო რიბეირო, რომელსაც "საბურთალოსთვის" 3 გოლი აქვს გატანილი 1 შეხვედრაში. მოლდოვის მიმდინარე ჩემპიონატში კი რიბეირომ 11 მატჩში მიიღო მონაწილეობა და 558 წუთში 3 გოლი გაიტანა. გუნდის საუკეთესო ბომბარდირები კი იური კეინდრიში და კამერუნელი რობერტ ტამპე არიან 5-5 გოლით. ეს უკანასკნელი "შერიფს" რუმინული "კლუჟიდან" შეუერთდა.
კლუბის სტადიონი
კლუბის მთავარი სტადიონი "შერიფის დიდი არენა" გახლავთ, რომელზეც, დაახლოებით, 13 000 ადამიანი ეტევა.
![Sportall.Ge](/pictures/artimages/original/0e4a7dd026e3cb9fd24f4f84196c604b.jpg "რას წარმოადგენს "საბურთალოს" მეტოქე ტირასპოლის "შერიფი"")
"შერიფი" აღმოსავლეთ ევროპის ერთ-ერთი ყველაზე კარგი გუნდია. ზოგადად კი, საშუალო დონის კლუბს წარმოადგენს, რომელსაც განსაკუთრებით მაღალი კლასის ფეხბურთელები არ ჰყავს და ნამდვილად არ არის ის გუნდი, რომლის დამარცხებაც "საბურთალოს" არ შეუძლია.
რიბეირომ "შერიფის" ვებგვერდთან ინტერვიუში აღნიშნა, რომ ეროვნული ლიგა ბევრად რთული ჩემპიონატია, ვიდრე მოლდოვის პირველობა. ვფიქრობთ, "შერიფის" შესახებ გარკვეული წარმოდგენა შეგიქმენით და შესაბამისად, თქვენი აზრიც გვაინტერესებს.
![alt](/pictures/image50/3b1687e3e0e4323cd468ca49923811fc.jpg "რას წარმოადგენს "საბურთალოს" მეტოქე მოლდოვური "შერიფი"")
ლეანდრო რიბეირო: იმედი მაქვს, საქართველოში ჩავალ და გამარჯვებას მოვიპოვებ
![Sportall.Ge](/pictures/artimages/original/c41d6bcf28c3701ca96b30d78e300d2e.jpg "რას წარმოადგენს "საბურთალოს" მეტოქე ტირასპოლის "შერიფი"")
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
