რუსეთის გოსდუმის თავმჯდომარის მოადგილემ, იგორ ლებედევმა კიდევ ერთხელ დაგმო ქართული გუნდების ანტისაოკუპაციო აქცია. ის აშკარად გაღიზიანებულია, რომ უეფამ ქართული კლუბები არ დასაჯა.
"ქართული გუნდების აქცია უეფასა და ფიფას ყველა შესაძლო წესის დარღვევაა, რომელიც კრძალავს პოლიტიკის ნებისმიერ რეკლამას ან პოლიტიკის ხსენებას ოფიციალური მატჩებისას. უეფამ უკვე გვიპასუხა, რომ ეს ღონისძიება საქართველოს ჩემპიონატის ეგიდით ტარდება. ამდენად, ამასთან არავითარი კავშირი არ აქვთ, მაგრამ საქართველოს ფეხბურთის ფედერაცია ხომ უეფას წევრია. შესანიშნავად გვესმის, რომ სფფ არ დასჯის ამ ფეხბურთელებს. სადღაც გულის სიღრმეში, ალბათ, მხარსაც უჭერენ.
როდესაც დმიტრი ტარასოვმა "ფენერბახჩესთან" მატჩის შემდეგ პუტინის გამოსახულებიანი მაისურა გამოფინა, მთელი მსოფლიო გადაირია. ამ დანაშაულისთვის კინაღამ ტარასოვის ჩამოხრჩობა მოითხოვეს. ახლა არანაკლებ მნიშვნელოვანი მოვლენა მოხდა და საერთაშორისო ორგანიზაციები ვალდებულნი არიან, რეაგირება მოახდინონ. ჩვენთან რომ რომელიმე კლუბი ანტიქართული ან ანტიუკრაინული ლოზუნგებით გამოვიდეს, მთელი ევროპა, დეპუტატები და ჟურნალისტები ილაპარაკებდნენ, რომ დასასჯელნი არა მარტო ფეხბურთელები, არამედ მთელი ქვეყანაა. სპორტი პოლიტიკის გარეშე - ეს სპორტის ლოზუნგია.
თუ დღეს მთელი საზოგადოება დაინახავს, რომ ქართველი ფეხბურთელები არანაირად არ დაისაჯნენ, ხვალ ასევე უკრაინელი ფეხბურთელები მოიქცევიან, ზეგ კი ბოსნიელები კოსოვოელების წინააღმდეგ. ფეხბურთი შეიძლება პოლიტიკურ სარბიელად გადაიქცეს. უეფა ვალდებული იყო, სფფ-სთვის ეთქვა, რომ ფეხბურთელები არასწორად მოიქცნენ და დასასჯელნი არიან.
შეუძლიათ თუ არა რუსეთში მოასპარეზე ქართველი ფეხბურთელების საქართველოს ნაკრებში გამოძახება შეწყვიტონ? რუსოფობიული განწყობილებები სიგიჟის პიკზე მათ ყველაფერს მოამოქმედებინებს. ჩვენ გვახსოვს, როგორ "დაესხნენ თავს ზურგიდან" რაკიცკის, როდესაც "ზენიტში" გადმოვიდა. იგივე ახლა საქართველოში იწყება. სავსებით შესაძლებელია, ანტირუსული განწყობილებების ტალღაზე სფფ-მ თქვას, რომ მეტად აღარ უნდათ ნაკრებში კვირკველია და ანანიძე იხილონ. ზოგიერთი ჩინოვნიკის უტვინობა მსოფლიოში სიტუაციას არ აუმჯობესებს. დაზარალდებიან გულშემატკივრები და სპორტსმენები, რომლებსაც ეს მაისურები არ ჩაუცვამთ", - განუცხადა ლებედევმა championat.com-ს.
რუსულ სპორტულ მედიაში მიზანმიმართული ანტიქართული კამპანია დაიწყო - გოსდუმის დეპუტატი ქართული კლუბების დასჯას მოითხოვს 
ომარ თეთრაძე ქართული გუნდების ანტისაოკუპაციო აქციაზე: ეს ფეხბურთელებს არ ალამაზებს
ახრიკ ცვეიბა: ეს ქართველი ფეხბურთელების მხრიდან ამაზრზენი აქცია იყო
"ერთ დროს დაჩოქილი გვეხვეწებოდნენ თურქებისგან დაცვას" - რა რეაქცია მოჰყვა ქართული კლუბების ანტიოკუპაციურ მაისურებს რუსეთში
![არგენტინის ახალი იმედი და ბრაზილიის მარცხი - 10 სექტემბრის დაიჯესტი [VIDEO]](/pictures/image7/174099a601249842a2157a0501674fc9.jpg "არგენტინის ახალი იმედი და ბრაზილიის მარცხი - 10 სექტემბრის დაიჯესტი [VIDEO]")
![ეს უნდა ნახოთ - "როსტოვის" მცველის სასწაული მოქმედება "ლოკომოტივის" წინააღმდეგ [VIDEO]](/pictures/image7/fda805a8c2d3d89648b6101fc212e899.jpeg "ეს უნდა ნახოთ - \"როსტოვის\" მცველის სასწაული მოქმედება \"ლოკომოტივის\" წინააღმდეგ [VIDEO]")
![ევროპა ლიგა. პლეი-ოფი: გვილიას "აიბროქსული" დრამა და ქართველთა სხვა ამბები [VIDEO]](/pictures/image7/d4185429e77170aacd0db6817b72a321.jpg "ევროპა ლიგა. პლეი-ოფი: გვილიას \"აიბროქსული\" დრამა და ქართველთა სხვა ამბები [VIDEO]")
