"ტორპედო" გულშემატკივრებს "ორდაბასისთან" მატჩზე მხარდაჭერისკენ მოუწოდებს

აღნიშნული მატჩის ბილეთების გაყიდვა რამდენიმე დღეა ონლაინ-გვერდ TKT.GE-ზე მიმდინარეობს. თავდაპირველად, მატჩზე დასასწრები ბილეთის ფასი 7 ლარს შეადგენდა, თუმცა, კლუბის, გულშემატკივრის ინტერესისა და მატჩის მნიშვნელობიდან გამომდინარე, ბილეთის ფასი 2 ლარი იქნება.

ჩვენთვის მნიშვნელოვანია, რომ კონკრეტულ მატჩს გულშემატკივართა დიდი რაოდენობა დაესწროს. "ტორპედო" ის კლუბია, რომლის წარმატებაც გულშემატკივრებთან ასოცირდება, შესაბამისად, თქვენი როლი ამ მატჩშიც განსაკუთრებული იქნება. "ტორპედოს" ძალიან სჭირდება თქვენი მხარდაჭერა!

ყველა იმ გულშემატკივარს, რომელმაც უკვე შეიძინა ბილეთი 7 ლარად, საჩუქრად საკლუბო ატრიბუტიკას გადავცემთ.