როგორც დანიური გამოცემა B.T. წერს, "ბრონდბიუ" სატრანსფერო ფანჯრის ბოლო დღესაც აწარმოებდა მოლაპარაკებებს "რანდერსთან" საბა ლობჟანიძის თაობაზე, თუმცა ზედმეტი ფეხბურთელების "თავიდან მოშორება" ვერ მოახერხა და საბა ლობჟანიძის ტრანსფერიც ვერ შედგა.
"ბრონდბიუს" მარცხენა მცველ იენს მარტინს გამელბისა და თავდამსხმელ ანტე ერსეგის სხვა კლუბებში გაშვება სურდა. თან, მცველის მიმართ ინტერესს დანიური სუპერლიგის რამდენიმე კლუბი იჩენდა, თუმცა თავად ფეხბურთელმა ყველა გუნდის წინადადება უარყო.
"ბრონდბიუს" სპორტულმა დირექტორმა კარლსტენ იენსენმა არაფერი თქვა საბა ლობჟანიძის მიმართ არსებული ინტერესის შესახებ, თუმცა აღნიშნა, რომ კლუბი ახალი ფეხბურთელის დამატებას იქამდე ვერ შეძლებს, სანამ ზედმეტი მოთამაშეებისაგან არ გათავისუფლდება.
"ბრონდბიუს" საბას შეძენა ზამთრის სატრანსფერო ფანჯრის დროს შეეძლება, ან საზაფხულო ფანჯრისას, როცა ლობჟანიძეს "რანდერსთან" კონტრაქტი დაუმთავრდება. თუმცა, საბას ძალიან კარგი ფორმიდან გამომდინარე, არაა გამორიცხული, რომ ქართველი შემტევით "ბრონდბიუზე" უფრო ძლიერი კლუბიც დაინტერესდეს.
![alt](/pictures/image50/d2bf14682cb1313c6b2664f2f78b8f15.jpg ""ბრონდბიუ" საბა ლობჟანიძის შეძენას სატრანსფერო ფანჯრის ბოლო დღესაც ცდილობდა, თუმცა...")
საბა ლობჟანიძემ დანიაში დუბლი შეასრულა [VIDEO]![Sportall.Ge](/pictures/artimages/original/c41d6bcf28c3701ca96b30d78e300d2e.jpg ""ბრონდბიუ" საბა ლობჟანიძის შეძენას სატრანსფერო ფანჯრის ბოლო დღესაც ცდილობდა, თუმცა...")
![ლეგიონის უქმეები: სამი ქართული გოლი ავსტრიაში, დანიასა და ირანში [VIDEO]](/pictures/image7/ff3015386206a8771ecc48b771e437e5.jpg "ლეგიონის უქმეები: სამი ქართული გოლი ავსტრიაში, დანიასა და ირანში [VIDEO]")
