ცნობილი გახდა, თუ ვის მისცეს ხმა საქართველოს წარმომადგენლებმა ფიფას წლის საუკეთესო ფეხბურთელის გამოკითხვაში.
საქართველოს ნაკრების კაპიტანმა ჯაბა კანკავამ პირველ ადგილზე "ლივერპულის" მცველი ვირჯილ ვან დეიკი გაიყვანა, ხოლო მეორეზე - "ბარსელონას" ფორვარდი ლიონელ მესი, მესამე ადგილი კი ტურინის "იუვენტუსის" ფეხბურთელ კრიშტიანო რონალდოს არგუნა.
ხოლო მწვრთნელებში კანკავამ ასეთი არჩევანი გააკეთა:
- იურგენ კლოპი (ლივერპული)
- ხოსეპ გვარდიოლა (მანჩესტერ სიტი)
- მაურისიო პოჩეტინო (ტოტენჰემი)
ხოლო "ჯვაროსნების" მთავარმა მწვრთნელმა ვლადიმირ ვაისმა საუკეთესოებად შემდეგი ადამიანები დაასახელა:
ფეხბურთელი
- ლიონელ მესი
- კრიშტიანო რონალდო
- კილიან მბაპე (პსჟ)
მწვრთნელი
- ხოსეპ გვარდიოლა
- იურგენ კლოპი
- დიდიე დეშამი
შეგახსენებთ, რომ ფიფას წლის საუკეთესო ფეხბურთელი ლიონელ მესი გახდა, ხოლო საუკეთესო სპეციალისტად იურგენ კლოპი დასახელდა. სხვა საუკეთესოების გაგება ქვემოთ მოცემულ ბმულზე შეგიძლიათ.
ფიფამ პრიზები ჩამოარიგა - საუკეთესო ფეხბურთელი მესია, საუკეთესო მწვრთნელი - კლოპი
