გურამ კაშიასა და ვაკო ყაზაიშვილის "სან ხოსე ერსქვეიქსმა" MLS-ის რეგულარული სეზონის უკანასკნელ შეხვედრაში "პოტლენდთან" წააგო და პლეი-ოფში გასვლა ვერ მოახერხა.
ვაკო ყაზაიშვილმა მოედანზე 61 წუთი გაატარა, ხოლო გურამ კაშიამ მატჩი სრულად ჩაატარა. საერთო ჯამში, ვაკომ სეზონში 32 შეხვედრაში მიიღო მონაწილეობა, მოედანზე 2097 წუთი გაატარა, ამ დროში 8 გოლი გაიტანა და 5 საგოლე გადაცემა გააკეთა. ასევე, 1 ყვითელი ბარათიც მიიღო (კარიერაში სულ 5). გურამ კაშიამ 23 შეხვედრაში ითამაშა, არც გოლი გაუტანია, არც საგოლე გადაცემა გაუკეთებია, რაც ცენტრალური მცველისთვის გასაკვირი არაა. გურამმა ამ შეხვედრებში 2 ყვითელი ბარათი მიიღო.
აღსანიშნავია, რომ MLS-ის რეგულარული სეზონის რეკორდი დაამყარა "ლოს ანჟელესის" თავდამსხმელმა კარლოს ველამ, რომელმაც 33 გოლი გაიტანა და წინა რეკორდის ავტორ მარტინესს 2 გოლით აჯობა. ზლატან იბრაჰიმოვიჩმა რეგულარული სეზონი 30 გოლით დაასრულა.
სამწუხაროა, რომ "სან ხოსემ" პლეი-ოფში ადგილი ბოლო ტურებში დაკარგა, რადგან ზედიზედ 6 შეხვედრა წააგო და საერთოდ, უაკანასკნელ 11 მატჩში 9 მარცხი განიცადა. კაშია და ყაზაიშვილი საქართველოს ნაკრებს შეუერთდებიან, ვლადიმირ ვაისმა ორივე მათგანი ეროვნულ გუნდში გამოიძახა.
![alt](/pictures/image50/fdd37b6da82f9e7978940032f3917082.jpg "ქართველების "სან ხოსე" პლეიოფს მიღმა დარჩა, კარლოს ველამ MLS-ის რეკორდი დაამყარა")
ვაკო ყაზაიშვილის ბილიარდის სიზუსტით გატანილი მორიგი გოლი MLS-ში [VIDEO]![Sportall.Ge](/pictures/artimages/original/c41d6bcf28c3701ca96b30d78e300d2e.jpg "ქართველების "სან ხოსე" პლეიოფს მიღმა დარჩა, კარლოს ველამ MLS-ის რეკორდი დაამყარა")
![[პერსონალური ტესტი] რომელ ქართველ ფეხბურთელთან ერთად გაატარებდით კარანტინს?](/pictures/image7/afdfaca7f82063189423665af6a70434.jpg "[პერსონალური ტესტი] რომელ ქართველ ფეხბურთელთან ერთად გაატარებდით კარანტინს?")
