ქართველმა ძიუდოისტმა, ვარლამ ლიპარტელიანმა, ზაგრების გრან პრი ბრინჯაოს მედლით დაასრულა. 100 კილომდე წონით კატეგორიაში მოჭიდავე ქართველმა სპორტსმენმა, მედლისთვის ბრძოლაში, აზერბაიჯანელი ელხან მამადოვი გაფრთხილებებით დაამარცხა.მამადოვთან დაპირისპირებამდე ლიპარტელიანმა იაპონელი დაიკი ნიშიამა და ლატვიელი იევგენის ბოროდავკო დაამარცხა, ხოლო პორტუგალიელ ჟორჟე ფონსეკასთან თავად დამარცხდა.
ზაგრების გრან პრიზე საქართველო ორი მოჭიდავით იყო წარმოდგენილი და მედალი ორივემ მოიგო. პირველ დღეს, ამირან პაპინაშვილმა ოქროს მედალი აიღო.
