დღეს, 26 ოქტომბერს, ქართველი ძიუდოისტები ვაჟა მარგველაშვილი (66) და ამირან პაპინაშვილი (60) აბუ დაბის გრან პრიზე ბრინჯაოს მედლებისთვის იჭიდავებენ.პაპინაშვილმა პირველ შეხვედრაში დანიელ ბენ დავიდი იპონით დაამარცხა, შემდეგ კი ორი ვაზარით ფრანგ ვინსენტ ლიმარს სძლია. ნახევარფინალში პაპინაშვილი ბრაზილიელ ფელიპე კიტადასთან იპონით დამარცხდა.
ჩვენი ძიუდოისტი ბრინჯაოსთვის შეხვედრაში ესპანელ ფრანცისკო გარიგოს შეხვდება.
მარგველაშვილმა კი პირველ შეხვედრაში სერბ სტრაჰინჯა ბუნჩიჩს იპონით მოუგო, შემდეგ ყაზახი გუმარ კირგიზბაევი იპონით დაამარცხა. მარგველაშვილმა მესამე შეხვედრაში აზერბაიჯანელ ნიჟატ შიხალიზადასთან იპონით წააგო, რეპეშაჟში გადაინაცვლა და ირანელ გასემ ნოურიზადეჰს ვაზარით
მარგველაშვილი ბრინჯაოსთვის შეხვედრაში ყაზახ იელდოს ზუმაკანოვს შეხვდება.
სწორედ ზუმაკანოვთან წააგო პირველივე წრეში 66 კგ წონით კატეგორიაში ჩვენმა კიდევ ერთმა მონაწილემ, ლაშა გიუნაშვილმა.
ტურნირის ფინალური ბლოკი 17:00 საათზე დაიწყება.
![მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]](/pictures/image7/2613e714e00dac6b35b09ec834caa542.jpg "მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]")
