მე ვაკეთებ ჩემს საქმეს სპორტსმენებისთვის, რომელსაც ძალიან მალე ნახავთ, - ამის შესახებ ჟურნალისტებს ძიუდოს ფედერაციის პრეზიდენტმა დავით ქევხიშვილმა აღმასკომის სხდომის დასრულების შემდეგ განუცხადა. ჟურნალისტები დაინტერესდნენ ქევხიშვილისგან, თუ ვისთვის ინიშნება ახალი მწვრთნელი იმ ვითარებაში, როდესაც ძიუდოს ნაკრების წევრების ნაწილი ფედერაციის პრეზიდენტის გადადგომის მოთხოვნით საპროტესტო აქციებს მართავს.
"ადეკვატურია ახალ მწვრთნელზე ფიქრი, რადგანაც ჩვენ გვაქვს საქმე. ჩვენ საქმეს გავაკეთებთ ბოლომდე. რა თქმა უნდა, ნაკრები იქნება. მე არაერთხელ განვაცხადე, რომ მანიპულირება ყველას სახელით არ შეიძლება. დღევანდელ ნაკრებში არიან და იქნებიან ის სპორტსმენები, რომლებიც წავლენ
კითხვაზე, შეიძლება თუ არა ის სპორტსმენები, ვინც აქციებზე დგანან, ნაკრების წევრები აღარ იყვნენ, ქევხიშვილმა აღნიშნა, რომ "ეს მათი არჩევანია".
"ჩვენ მაქსიმალურად ღია ვართ ნებისმიერი დიალოგისთვის. მე არაერთხელ მითქვამს, რომ საკითხს ნუ უყურებთ სიმრავლით, საკითხს შეხედეთ სიმართლით. იყო რეკომენდაციები სამინისტროსგან და ყველამ ვნახეთ, რომ სამინისტრო სპორტსმენების პოზიციებს არ იზიარებს. რასაც ისინი ამბობენ, სიმართლე რომ ყოფილიყო, მე აქამდე აქ არ ვიქნებოდი. მე ვაკეთებ ჩემს საქმეს სპორტსმენებისთვის, რომელთაც ძალიან მალე ნახავთ. სპორტსმენების არჩევანია, ვინ გააგრძელებს და ვინ არა ვარჯიშს.
ფედერაციის კარი არავისთვისაა დაკეტილი, მიუხედავად არაერთი არასწორი და აგრესიული ქმედებისა", - განაცხადა ქევხიშვილმა.
▶ დავით ქევხიშვილი: ჰოლანდიელმა მწვრთნელმა აღმასკომის წევრების დადებითი განწყობა დაიმსახურა
მომზადებულია ipn.ge-ს მიხედვით
