დიდი ფინალი შედგება - ცოტა ხანში ერთმანეთს ღვინიაშვილი და ჭრიკიშვილი დაუპირისპირდებიან

დღეს, 2 სექტემბერს ბექა ღვინიაშვილი და ავთანდილ ჭრიკიშვილი (- 90) სლოვაკეთის დედაქალაქ ბრატისლავაში ძიუდოისტთა "ევროპის ღია თასზე" ფინალში დაუპირისპირდებიან.

ფინალურ ეტაპზე მოსალოდნელი ქართული წყვილი შედგა, წლის ერთ-ერთი ყველაზე დიდი ქართული დაპირისპირება 17:00-ის შემდეგ გაიმართება.

ბექა ღვინიაშვილმა ნახევარფინალში კანადელი მოჰაბ ელ ნაჰასი იპონით დაამარცხა. ხოლო ავთანდილ ჭრიკიშვილს საკმაოდ რთული დაპირისპირება გამოუვიდა რუს რომან დონსტოვთან, რომელსაც დამატებით დროში იპონით სძლია.

ტურნირს მეოთხედფინალში კანადელ მოჰაბ ელ ნაჰასთან დაპირისპირებაში პაატა ღვინიაშვილი ტურნირს გამოეთიშა.

მოგეხსენებათ, ბექა ღვინიაშვილი და ავთანდილ ჭრიკიშვილი ამ წონაში მსოფლიოს ჩემპიონატზე წასასვლელად ერთმანეთის კონკურენტად განიხილება და დიდი ალბათობით დღეს მათ დაპირისპირებაში გადაწყდება მსოფლიო ჩემპიონატზე წამსვლელის ვინაობა.

მსოფლიო ჩემპიონატზე წამსვლელთა განაცხადში ამ დროისთვის უშანგი მარგიანი და გიორგი პაპუნაშვილი არიან დარეგისტრირებულები. გიორგი პაპუნაშვილს კი დიდი ალბათობით ერთ-ერთი შეცვლის. ხოლო უშანგი მარგიანს პლანეტის შარშანდელ პირველობაზე მოპოვებული ბრინჯაოს გამო განაღდებული აქვს ეს უფლება.

ფინალური ეტაპის ტრანსლაციის ხილვა sportall.ge-ზე შეგეძლებათ.