ლუქსემბურგში ჩატარებულ ძიუდოში ევროპის ახალგაზრდულ ჩემპიონატზე საქართველომ ხუთი მედალი მოიპოვა.
ნიკა ხარაზიშვილი (90 კგ) ოქროს მედალს დაეუფლა, საბა ინანეიშვილი (+100 კგ) და გიორგი სარდალიშვილი (60 კგ) ვერცხლს, ილია სულამანიძე (100 კგ) და თორნიკე ფოლადაშვილი (90 კგ) კი ბრინჯაოს.
ხარაზიშვილმა სლოვაკ ბენჟამინ მატასეიეს, ფოლადაშვილს, უნგრელ პიტერ საფრანს და ნიდერლანდელ ტიგო რენეს სძლია და ევროპის ჩემპიონი გახდა.
ფოლადაშვილმა რეპეშაშჟი თურქი აჰმეტ ჩუჰარდარი, შემდეგ რუსეთის წარმომადგენელი იხვან ედილსულტანოვი დაამარცხა და ბრინჯაოს მედლის მფლობელი გახდა.
სულამანიძემ იტალიელ დანიელე აკოლის და პოლონელ მიხალ იედრეძევსკის აჯობა, ნახევარფინალი რუს მატვეი კანინოვსკისთან წააგო, ხოლო ბრინჯაოს მედლისთვის ბრძოლა სლოვაკ ვიქტორ ადამს მოუგო.
ინანეიშვილმა გერმანიის სახელით მოჭიდავე დანიელ უძილაური, პოლონელი ვოიცეხ კორდიალიკი და უკრაინელი ოლექსეი გალაკა დაამარცხა, ხოლო ფინალში უნგრელ რიჩარდ სიპოშთან დამარცხდა.
სარდალიშვილმა ბერძენ გეორგიოს კესიდისს, იტალიელ ჯუზეპე დე ტულიოს, ბელგიის წარმომადგენელ დენი ალტემიროვს და ებრაელ მატან კოკოლიაიევს სძლია, ფინალში კი ფრანგ რომან ვალადირ პიკასთან დამარცხდა.
3 ქართველი წონითი კატეგორიის სათავეში - IJF-მ რეიტინგი განაახლა
![თბილისის გრანდ-სლემზე თუშიშვილმა ოქროს, ინანეიშვილმა კი ბრინჯაოს მედალი მოიპოვა [VIDEO]](/pictures/image7/e5e091071931cb5657fb70e706be5bbe.jpg "თბილისის გრანდ-სლემზე თუშიშვილმა ოქროს, ინანეიშვილმა კი ბრინჯაოს მედალი მოიპოვა [VIDEO]")
![იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]](/pictures/image7/08cc28cd274f2e85ffa1bcd94959c1aa.jpg "იპონი 43-ე წამზე - სულამანიძემ ბაქოს გრან სლემი მეორედ მოიგო [VIDEO]")
