5-6 თებერვალს პარიზში ძიუდოს გრანდ სლემი დაიწყება.
თავდაპირველად საქართველოს სახელით 13 სპორტსმენი უნდა გამოსულიყო, თუმცა კოვიდ-პანდემიამ ჩვენი გუნდის მონაწილეების რაოდენობა 8-მდე შეამცირა. მიზეზი ორმხრივია: პირველი - კოვიდის დადასტურება, ხოლო მეორე - საფრანგეთში დაწერებული ახალი რეგულაციები, რომლის თანახმადაც, საჭიროა ვაქცინაციის დამადასტურებელი დოკუმენტი. მოგეხსენებათ, აქამდე პსრ-ტესტის პასუხიც საკმარისი იყო.
ამ ეტაპზე ვაჟთა და ქალთა შორის ჯამში 316 სპორტსმენია დარეგისტრირებული, საქართველოს სახელს კი დაიცავენ:
-60 - ჯაბა პაპინაშვილი, თემურ ნოზაძე
-66 - ვაჟა მარგველაშვილი, ბაგრატ ნინიაშვილი
-73 - ლაშა შავდათუაშვილი
-81 - ტატო
გრიგალაშვილი
-90 - ბექა ღვინიაშვილი, ლუკა მაისურაძე
რაც შეეხება დანაკლისს, თავდაპირველად დაიწერა, რომ მონაწილეობას მიიღებდნენ ვლადიმერ ახალკაცი (-81 კგ), ილია სულამანიძე, ონისე სანებლიძე (ორივე -100 კგ), გურამ თუშიშვილი, გელა ზაალიშვილი (+100კგ).
