საქართველოს ჭიდაობის ფედერაცია "ფეისბუქზე" განცხადებას ავრცელებს, სადაც ბოლოდროინდელ მოვლენებზე ეხმაურება.
გთავაზობთ განცხადებას უცვლელად:
"საქართველოს ჭიდაობის ეროვნული ფედერაცია დეტალურად იკვლევს ინციდენტს, რომელსაც ადგილი ჰქონდა 11 იანვარს, თბილისის სპორტის სასახლეში. ამავდროულად, ყურადღებით ვაკვირდებით ჩვენს წინააღმდეგ აგორებულ შავ პიარს, რომელიც ძალიან გავს წინასწარ დაგეგმილ პროვოკაციას.
ჭიდაობაში სიტუაციის არევის მსურველი ადამიანების ფანტაზიას საზღვარი არ აქვს და ყოველ დღე, მიზანმიმართულად ცდილობენ ახალ-ახალი "ნაღმის" დადებას. მათი მიზანია, დაძაბულობის მუხტი უფრო და უფრო გაიზარდოს და ნაბიჯ-ნაბიჯ, საჭიდაო სამყაროში მოტრიალე ხალხიც შეიყვანონ შეცდომაში.
გუშინ - 25 იანვარს, ტელეკომპანია
ტელეკომპანია რუსთავი 2-ის ჟურნალისტმა მარიამ გაფრინდაშვილმა ირიბად მიანიშნა, რომ ეს შემთხვევა შეიძლება უკავშირდებოდეს დავით ერაძის მიერ ერთი კვირის წინ მოჭიდავეების სკანდალზე მომზადებულ რეპორტაჟს.
ტელეკომპანიის გენერალურმა დირექტორმა ნიკა გვარამიამ კი პირდაპირ ახსენა 5 ათასი ლარის გირაოთი წახალისებული მოძალადეები, რომლებიც ჟურნალისტებზე თავდასხმის ორგანიზებას ახდენენ.
ტელეკომპანია რუსთავი 2-მა დაარღვია უდანაშაულობის პრეზუმფცია და ფაქტია, ხელი გამოიშვირა ჭიდაობის ეროვნული ფედერაციისა და პირადად მისი პრეზიდენტისკენ.
მოვუწოდებთ მას-მედიის წარმომადგენლებს, მაქსიმალურად შეიკავონ თავი ისეთი ინფორმაციების გავრცელებისგან, რომლებიც სიმართლეს არ შეესაბამება და ნუ შეეცდებიან, ქართული ჭიდაობის სამყაროში დღეს არსებული დაძაბული სიტუაცია კიდევ უფრო მეტად დაძაბონ.
საქართველოს ჭიდაობის ეროვნული ფედერაცია მაქსიმალურად ცდილობს, არ ჩაერთოს ადამიანთა გარკვეული ჯგუფისა და ტელეკომპანია რუსთავი 2-ის მიერ მიზანმიმართულად აგორებულ პროვოკაციაში და თავი აარიდოს ყოველდღიურად მომზადებულ შეურაცხმყოფელ დარტყმაზე კონკრეტული პასუხების გაცემას.
კარგად ვიცით, რომ სატელევიზიო სიუჟეტებში მხოლოდ ერთი მხარის საუბრის გამოქვეყნებით თავს არათანაბარ პირობებში ვიყენებთ და შესაძლოა ბევრმა მაყურებელმა ცალმხრივი სიუჟეტების ნახვის შემდეგ არასწორი დასკვნაც გამოიტანოს, მაგრამ... ჩვენი მთავარი საქმე სპორტის სიყვარულია და არა სკანდალური განცხადებები.
სხვაგვარად შეუძლებელი იქნებოდა იმ ისტორიული წარმატებების მიღწევა, რომლებსაც ბოლო წლებში მივაღწიეთ. 2018 წელს ჩვენმა მოჭიდავეებმა აქამდე არნახული შედეგიანობით გაგვახარეს. ეროვნულმა და ასაკობრივმა ნაკრებებმა მედლების რეკორდული რაოდენობა მოიპოვეს. ქართველი მოჭიდავეები საქართველოში წლის შემაჯამებელ ყველა გამოკითხვაში მოწინავეთა შორის იყვნენ, საერთაშორისო ფედერაციის ჯილდოც მივიღეთ და რაც ყველაზე გამორჩეულად სასიხარულოა, საქართველოს ჭიდაობის ფედერაცია ახლახან დასახელდა საქართველოს 2018 წლის საუკეთესო ფედერაციად.
სწორედ ამ შედეგიანობას ვერ ეგუება ბევრი მტრულად განწყობილი, პოლიტიკურად ანგაჟირებული ადამიანი და სამწუხაროა, რომ ბინძურ პროვოკაციებში სპორტსმენების გარევასაც არ ერიდებიან.
მივმართავთ სამართალდამცავ ორგანოებს, დაიცვან ფედერაცია მოსალოდნელი პროვოკაციებისგან. 25 იანვარს ადგილი ჰქონდა პირდაპირი დადანაშაულების ფაქტს, რაც მიზანმიმართული ბინძური კამპანიის ნაწილია", - წერია ჭიდაობის ფედერაციის განცხადებაში.
სპორტული ჟურნალისტის, დავით ერაძის სახლს ესროლეს
გოჩა შელია: ჭიდაობის ფედერაციაში ფინანსური დარღვევებია, 27 დღეში 100 000 ლარის პრემიებია გაცემული
გოჩა ჩორგოლიანი: არჩევნები და პრეზიდიუმი გაყალბებულია, გეგეშიძე შვიდი კაცის უფლებამოსილებას ასრულებს
ზურაბ დათუნაშვილი: ფედერაციიდან მამაო გამომიგზავნეს, რომელმაც მითხრა, პრივილეგირებული იქნებიო
დეზერტირების მოდგმავ ! ერთი ნაკაწრიც რომ არა აქვთ არცერთ თქვენგანს, არც თქვენს ლიდერებს მიშასგან დაწყებული კეზერაშვილით... თქვენც კლავიატურის ,,მებრძოლები'' ხართ, არც ვაჟკაცობა გაქვთ, არც ჭიდაობა იცით და საერთოდ რაიმეს თავი თუ გაქვთ! საცოდაოებო ... დაანებეთ თავი მოჭიდავეებს! უსაქმურებო ...
ჭიდაობის ფედერაციის პრეზიდენტებმა,აქაოდა ჩვენც პრეზიდენტები ვართო,დაიჯერეს,რომ მათთვის ყველაფერი ნებადართულია,ტყვიის სროლა,თავში ჩარტყმა,ვიღაცის დაჩაგვრა,იმ ავად სახსენებელი პრეზიდენტის მიბაძვით,ამათაც დაიჯერეს თავისი იუპიტერობა და კანონზე მაღლა დგომა და სხვათა შორის,ამათაც ჯერჯერობით ყველაფერი შერჩათ.მე წინასწარმეტყველი არა ვარ,მაგრამ ძიუდოისტების დროს ვთქვი,რომ კონფლიქტები გაგრძელდება მეთქი და ასეც ხდება.ასე იქნება მანამ,სანამ სამართალი არ გაიმარჯვებს,ან ერთპარტიული დიქტატურა არ დამყდარდება და ყველა პროტესტს ჩაახშობს.დიქტატურას ხალხი აღარ დაუშვებს,სამართლიანობას კი, ეს სასამართლო.ჰო და ვიცხოვრებთ ასე ქაოსში.