ბელგრადში ბერძნულ-რომაულ ჭიდაობაში მსოფლიოს ჩემპიონტზე ნუგზარ წურწუმიამ (55 კგ) ვერცხლის მედალი მოიპოვა.
წურწუმია ფინალში მსოფლიოსა და ევროპის ჩემპიონ ელდანიზ აზიზლისთან (აზერბაიჯანი) 4:13 დამარცხდა.
წურწუმიამ ფინალამდე მოჰამედ დრიდი (ალჟირი), არტიო დელეანუ (მოლდოვა) და იასურბეკ ორტიკბოევი (უზბეკეთი) დაამარცხა.
აღსანიშნავია, რომ წურწუმია მსოფლიოს ჩემპიონატის ფინალში ზედიზედ მეორედ, სულ კი მესამედ გავიდა.
დღეს მსოფლიოს ჩემპიონატზე ფრიდონ აბულაძემ (60 კგ), რამაზ ზოიძემ (72 კგ) და გიორგი მელიამ (97 კგ) მედლების მოპოვება ვერ შეძლეს.
ნუგზარ წურწუმია მსოფლიოს ჩემპიონატის ფინალში გავიდა
