რა შემთხვევაში აღზევდება გაგამარუ უმაღლეს დივიზიონში? - ჰაცუ ბაშოს ამბები

AutoSharing Option
ჰაცუ ბაშუ დასასრულს უახლოვდება, 27 იანვარს ბოლო საშეჯიბრო დღე გაიმართება.

წლის პირველ სუპერტურნირზე გაგამარუმ იგივე თეიმურაზ ჯუღელმა კაჩი-კოშის მიაღწია ანუ დადებით ბალანსს, ხოლო ტოჩინოშინი ტურნირად ტრავმის გამო გამოეთიშა.

გაგამარუს ამბები
ქართველმა ფალავანმა წინა წლის ბოლოს მოახერხა მესამე დივიზიონს თავი დაეღწია და კვლავ სეკიტორი გახდა. ის ჯურიო ლიგის მეთოთხმეტე ნომრად იყო განთესილი და აუცილებლად უნდა მიეღწია დადებითი ბალანსისთვის, რომ მაკუშიტა დივიზიონში არ დაბრუნებულიყო.

თეიმურაზ ჯუღელს უკვე 8 გამარჯვება აქვს, რაც იმის გარანტიაა რომ მომავალ ბაშოზე მინიმუმ მეთოთხმეტე ნომერი აღარ იქნება. სუმოში არ
არსებობს გასაზღვრული წესი, თუ როგორ უნდა აღზევდეს სუმოისტი უმაღლეს დივიზიონში, მთავარია შემდეგ ბაშოებზეც დადებითი ბალანსი დააფიქსიროს და ორი ან სამი ბაშოს შემდეგ, შეიძლება მაკუუჩი დივიზიონში მოხვდეს. სასურველია დადებითი ბალანსი 10:5-ზე ან მეტი იყოს.

გაგამარუსთვის ჰაცუ ბაშო 79-ე ტურნირია კარიერაში, მათგან 36 ბაშო უმაღლეს დივიზიონში აქვს გატარებული, ერთხელ ვიცე ჩემპიონიც გახდა და ერთი ბაშო კომოსუბის ტიტულსაც ატარებდა. მისი მთავარი პრობლემა ტრავმებია, რაც ხელს უშლის უფრო სტაბილური შედეგის მიღწევაში. ვიმედოვნოთ 2019 წელს ყველანაირი შეფერხების გარეშე ჩაატარებს სეზონს.

ტოჩინოშინის ამბები
ქართველი ოძეკი ტრავმის შემდგემ რეაბილიტაციას გადის. მას ბარძაყის ტრავმა აწუხებს, რამაც ხელი შეუშალა ჰაცუ ბაშოზე თავისი შესაძლებლობების გამოვლენაში, ვნახეთ კიდეც პირველ ოთხ ბრძოლაში როგორ დამარცხდა და ვერ შეძლო საბრძოლო სცენარის შეცვლა.

ქართველი სეკიტორი მარტის სუპერტურნირზე უკვე კადობანში იქნება - ეს იმას ნიშნავს რომ ლევანმა მინიმუმ 8 გამარჯვება უნდა დააფიქსიროს, წინააღმდეგ შემთხვევაში ოძეკის ტიტულს კარგავს, ხოლო ამ ტიტულის დაბრუნება საკმაოდ რთული იქნება. თუ ტოჩინოშინი დადებით ბალანსს აჩვენებს, მაგ შემთხვევაში ის ტიტულს მინიმუმ კიდევ ორი ბაშო შეინარჩუნებს.

ჰაცუ ბაშოს ამბები
ტურნირს მოულოდნელად 12 გამარჯვებით 34 წლის მონღოლი სეკივაკე ტამავაში ლიდერობს, რომელსაც კარიერაში პირველად აქვს შანსი იმპერატორის თასი მოიგოს. მისი მდევარი 11 გამარჯვებით სეკივაკე ტაკაკეიშოა, რომელმაც ბოლო ნოემბრის ბაშო მოიგო.

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული