ზაფხულის, ანუ ნაცუ ბაშოს გაუქმების შესახებ გადაწყვეტილება ცნობილი გუშინ, 5 მაისს გახდა, თუმცა პრობლემური საკითხების შესახებ საუბარი იაპონელებმა დღეს, 6 მაისს დაიწყეს.
ბაშო პირველად 1946 წელს გაუქმდა, როცა მეორე მსოფლიო ომის შედეგად დანგრეული ტოკიოს დარბაზის აღდგენა ვერ მოასწრეს. მეორედ - 2011 წელს, როცა სუმოსთან დაკავშირებული აზარტული თამაშების გამო ბაშო არ ჩატარდა და მესამე, უკვე კორონავირუსის გამო. იაპონიის მთავრობამ საგანგებო მდგომარეობა 31 მაისამდე გაახანგრძლივა, ნაცუ ბაშო კი დედაქალაქში 24 მაისს უნდა დაწყებულიყო.
აღსანიშნავია, რომ შეიცვალა ნაგოია ბაშოს ადგილმდებარეობაც, სუმოს მომდევნო სუპერტურნირი
ტოკიოში ჩატარდება და მას ისევ ჰაცუ ბაშო ერქმევა.
იაპონელებს კი მომავალ ბაშოსთან დაკავშირებით რამდენიმე შეკითხვა გაუჩნდათ. მათ შორის პირველი რეიტინგს ეხება, შენარჩუნდება თუ არა მიმდინარე ბანძუკე, თუ სუმოს ასოციაცია განაახლებს მას?
ეს შეკითხვა მას შემდეგ გაჩნდა, რაც რამდენიმე რიკიშიმ კარიერის დასრულების შესახებ გამოაცხადა. ახალი ბანძუკეს შედგენა კი 23 ადამიანისაგან შექმნილი დეპარტამენტის ხელშია. ამდენი ადამიანის შეკრება, პლუს ამას, 700 რიკიშის სტატისტიკის ხელახლა დამტკიცება, ქაღალდების აქეთ-იქით ფრიალი, ძალიან ბევრ ლოჯისტიკურ პრობლემას ქმნის. ეს ისეთი საკითხია, რომლის მოგვარებაც Zoom-ის საშუალებით შესაძლებელი არ გახლავთ.
ამას ისიც ემატება, რომ გიოჯები (მსაჯები) სხვადასხვა კლუბიდან უნდა ჩამოვიდნენ და ახალ ფურცელზე დაწერონ ყველაფერი. ამას კვლავ ქაღალდების ბევრი ადამიანის მიერ აქეთ-იქით წაღება-წამოღება მოჰყვება, როცა სამყაროს სლოგანი "სახლში დარჩი" არის.
თუმცა, ამის პარალელურად, ბაშოს გაუქმება შესანიშნავი შანსია ქართველი და არამხოლოდ ქართველი სუმოისტებისთვის, მოირჩინონ ტრავმები.
მოგეხსენებათ, ლევან გორგაძე, იგივე ტოჩინოშინი და თეიმურაზ ჯუღელი, იგივე გაგამარუ, უკანასკნელ რამდენიმე ბაშოზე ტრავმით ასპარეზობდნენ. ახლა კი მათ აქვთ შესაძლებლობა, დაზიანებები მოიშუშონ და შემოდგომაზე გასამართ ბაშოს უკვე მომზადებულები შეხვდნენ.
ტოჩინოშინის სარეიტინგო პოზიციის გათვალისწინებით, ლევანს ტრავმის მორჩენის შემთხვევაში თავისუფლად შეუძლია ჩემპიონობისთვის ბრძოლა.
მომზადებულია The Japan Times-ის მიხედვით
ახალი ბანძუკე გამოქვეყნდა - ტოჩინოშინის პოზიცია შეიცვალა
!["რიოგოკუ კოკუგიკანის" სასახლეში ცერემონია შედგა - ნახეთ, როგორ გააცილეს სუმოდან ტოჩინოშინი [VIDEO]](/pictures/image7/95ba3c907c1a8fb0bbe894f1cdf95e2e.png "\"რიოგოკუ კოკუგიკანის\" სასახლეში ცერემონია შედგა - ნახეთ, როგორ გააცილეს სუმოდან ტოჩინოშინი [VIDEO]")
![დრამატული დაპირისპირება - ტოჩინოშინი ტაკანოშოსთან დასანანად დამარცხდა [VIDEO]](/pictures/image7/1ce3513a92b70dd9a3b2014db772f862.jpg "დრამატული დაპირისპირება - ტოჩინოშინი ტაკანოშოსთან დასანანად დამარცხდა [VIDEO]")
![ტოჩინოშინის საფირმო ჩავლება და დოჰიოზე გაგორებული მეტოქე [VIDEO]](/pictures/image7/30c44b989b9a5773a96e340de439d04c.jpg "ტოჩინოშინის საფირმო ჩავლება და დოჰიოზე გაგორებული მეტოქე [VIDEO]")
![3 მარცხიანი სერია დასრულდა, ტოჩინოშინმა მარტივად გაიმარჯვა [VIDEO]](/pictures/image7/2145b3af142649f362cd21df1ebbf7ef.jpg "3 მარცხიანი სერია დასრულდა, ტოჩინოშინმა მარტივად გაიმარჯვა [VIDEO]")
![მეტოქე "ტოჩის" ყელში წვდა და დოჰიოდან გადააგდო, ქართველმა ივლისის ბაშო უარყოფითი ბალანსით დაასრულა [VIDEO]](/pictures/image7/a043632bdbf53cb7c0cfede9ea785135.jpg "მეტოქე \"ტოჩის\" ყელში წვდა და დოჰიოდან გადააგდო, ქართველმა ივლისის ბაშო უარყოფითი ბალანსით დაასრულა [VIDEO]")
