10-12 მაისს, უკრაინის დედაქალაქში დასრულდა "სახელოვან უკრაინელ მოჭიდავეთა და მწვრთნელთა ხსოვნის" რიგით XXIII საერთაშორისო ტურნირი, სადაც 22 ქვეყნის ნაკრებმა მიიღო მონაწილეობა. ქართველთა მონაგარი 5 ოქროს, 5 ვერცხლის, 7 ბრინჯაოს მედალია.
განსაკუთრებით შთამბეჭდავად თავისუფალი სტილით მოჭიდავეთა ნაკრები გამოვიდა. გიორგი იანტბელიძის გაწვრთნილმა გუნდმა 10 წონითი კატეგორიიდან 4-ში ოქროს მედალი მოიპოვა. აქედან ორში ქართული ფინალები შედგა.
ჩემპიონები გახდნენ ზურაბ იაკობიშვილი (65 კგ), ავთანდილ კენჭაძე (74 კგ), ტარიელ გაფრინდაშვილი (79 კგ) და ირაკლი მწითური (92 კგ). იაკობიშვილმა ფინალში თანაგუნდელ რამაზან მალაკოევს მოუგო, კენჭაძემ -
ზურაბ ერბოწონაშვილს. ელიზბარ ოდიკაძე (97 კგ) ვერცხლის მედალს დაეუფლა. ოთარ გოგავა და თეიმურაზ ვანიშვილი (ორივე 61 კგ) - ბრინჯაოებს.
ბერძნულ-რომაული სტილით მოჭიდავეთა ნაკრებიდან უმაღლესი სინჯის მედალი გელა ბოლქვაძემ მოიპოვა, 77 კილოგრამ წონით კატეგორიაში. ქერიმ მაჩალიკაშვილმა (63 კგ) და გურამ ხეცურიანმა (87 კგ) მეორე საპრიზო ადგილები დაიკავეს. კვარცხლბეკის მესამე საფეხურზე კი 5 ქართველი ავიდა: დავით ბაკურიძე (63 კგ), იური ლომაძე (72 კგ), ბექა მამუკაშვილი, დემურ ქავთარაძე (ორივე 77 კგ) და სულხან ბუიძე (130 კგ).
საერთო გუნდურ ჩათვლაში როგორც თავისუფალი, ასევე ბერძნულ-რომაული სტილით მოჭიდავეთა ნაკრებებმა მეორე ადგილები დაიკავეს. გუნდები კიევიდან თბილისის აეროპორტში დღეს (13 მაისს), თბილისის დროით 21:00 საათზე ჩამოფრინდებიან.
ჭიდაობის მსოფლიო რეიტინგს სათავეში ქართველი სპორტსმენი ჩაუდგა
ბუქარესტში ახალგაზრდა ქართველმა მოჭიდავეებმა 4 მედალი მოიპოვეს
მომზადებულია საქართველოს ჭიდაობის ეროვნული ფედერაციის Facebook-გვერდის მიხედვით
![ავთანდილ კენჭაძემ რუსეთის წარმომადგენელს დამაჯერებლად სძლია და მსოფლიოს ჩემპიონი გახდა [VIDEO]](/pictures/image7/a9a853db5912deb89ee5e824e4fb54e3.jpg "ავთანდილ კენჭაძემ რუსეთის წარმომადგენელს დამაჯერებლად სძლია და მსოფლიოს ჩემპიონი გახდა [VIDEO]")
![პეტრიაშვილი ფინალში აკგულთან დამარცხდა [VIDEO]](/pictures/image7/36724caccd76a0f97eb34c326b51dad4.jpg "პეტრიაშვილი ფინალში აკგულთან დამარცხდა [VIDEO]")
![გენო პეტრიაშვილი ევროპის ჩემპიონატის ფინალში გავიდა [VIDEO]](/pictures/image7/eb324e7d98edd6652e3300065fa123bb.jpg "გენო პეტრიაშვილი ევროპის ჩემპიონატის ფინალში გავიდა [VIDEO]")
![გენო პეტრიაშვილმა მსოფლიოს ჩემპიონატზე ვერცხლის მედალი მოიპოვა [VIDEO]](/pictures/image7/ab87c14566609d0fe02ebca1354ee2e8.jpg "გენო პეტრიაშვილმა მსოფლიოს ჩემპიონატზე ვერცხლის მედალი მოიპოვა [VIDEO]")
![პეტრიაშვილი მსოფლიოს ჩემპიონატის ფინალში გავიდა, კენჭაძე ბრინჯაოსთვის იჭიდავებს [VIDEO]](/pictures/image7/dc84e8319dc27cb90cf82747d2aa435c.jpg "პეტრიაშვილი მსოფლიოს ჩემპიონატის ფინალში გავიდა, კენჭაძე ბრინჯაოსთვის იჭიდავებს [VIDEO]")
