გიორგი მაკარიძე: იმ გოლს ნამდვილად ვერ დავიბრალებ

"შესვენებისას ვნახე ვიდეო და გავერკვიე ყველაფერში, მხოლოდ ამის შემდეგ დავწყნარდი" საქართველოს ეროვნული ნაკრების ბოლო ორ შეხვედრაში ერთ-ერთი საუკეთესო იყო გიორგი მაკარიძე. პორტუგალიური "მორეირენშეს" მეკარემ საფრთხე არაერთხელ აარიდა ჩვენს კარს და ეს მატჩები რომ არ წავაგეთ, ამაში მისი წვლილი ძალიან დიდია.<a href="/fekhburthi/fekhburthii/erovnuli-nakrebiiii/108706-avstria-saqarthvelo-11-koleris-kileri-video.html" target="_blank">- ავსტრია-საქართველო 1:1 - კოლერის კილერი [VIDEO]</a><a href="/fekhburthi/fekhburthii/erovnuli-nakrebiiii/108589-saqarthvelo-irlandia-11-mogebac-sheidzleboda-video.html" target="_blank">- საქართველო-ირლანდია 1:1 - მოგებაც შეიძლებოდა [VIDEO]</a>მაკარიძესთან სასაუბრო ბევრი დაგვიგროვდა - როგორც საკლუბო, ისე სანაკრებო თემაზე. "ლელო" მას პორტუგალიაში შეეხმიანა და ინტერვიუ ჩაწერა...- როგორ შეაფასებდით ირლანდიასა და ავსტრიასთან შეხვედრებს?- უკეთესიც შეიძლებოდა, ყოფილიყო, თუმცა ორ ძლიერ მეტოქესთან მოგვიწია თამაშმა და არ არის ცუდი შედეგი ორი ფრე. რაც შეეხება თამაშის ხარისხს, ირლანდიასთან საკმაოდ კარგად ვითამაშეთ. თავიდან ბოლომდე ვაკონტროლებდით თამაშს, თუმცა რეალური საგოლე მომენტები მაინც ცოტა გვქონდა...ავსტრიაში კარგად დავიწყეთ მატჩი, იმიტომ კი არა, რომ გოლი გავიტანეთ, თამაშითაც ვახერხებდით ბურთის დაჭერას. პირველი 15 წუთი გააზრებულად ვთამაშობდით, თუმცა მერე, ალბათ, ავსტრიელების დამსახურებაა, რომ ძალიან უკან ჩავჯექით და, ფაქტობრივად, ბურთის მოშორებაზე ვითამაშეთ პირველი ტაიმის დარჩენილი ნაწილი. შესაბამისად, გოლი რომ გავუშვით, ლოგიკურიც იყო. რაც შეეხევა მეორე ტაიმს, უკვე არეული თამაში იყო. ორივე გუნდს დაღლა დაგვეტყო და შეიძლებოდა ერთი კონტრშეტევით თამაშის მოგება, თუმცა ფრე მაინც სამართლიანი იყო.საერთო ჯამში, ორივე თამაშში ფრე ლოგიკური შედეგი იყო, ჩემი აზრით.- ირლანდიასთან გაშვებული გოლი გაიხსენეთ. ერთი მხრივ, აშკარად ჩანდა, რომ თქვენს წინააღმდეგ თამაშისას ირლანდიელმა წესები დაარღვია, იდაყვი ჩაგარტყათ, თუმცა არსებობს ასეთი აზრიც - მაკარიძე კარიდან არ უნდა გამოსულიყოო. ეს ვლადიმირ ვაისმაც აღნიშნა...- ირლანდიასთან გოლს რაც შეეხება, მოკლედ ვიტყვი - ჩემი ბრალი ის არის, რომ უფრო აგრესიულად უნდა გავსულიყავი იმ ბურთზე. ბევრმა თქვა და დიახ, მწვრთნელმაც მითხრა, რომ არ უნდა გავსულიყავი იმ ბურთზე, თუმცა ეგეთ ჩაწოდებულზე 10-დან 9 შემთხვევაში გავდივარ და მომავალშიც ასე მოვიქცევი, რადგან ხელით ვთამაშობ, სიმაღლეც მიწყობს ხელს...ცენტრიდან ნელი ბურთი ჩააწოდეს და ასეთ შემთხვევაში მეკარემ უნდა ითამაშოს თავის საჯარიმოში. მსაჯმაც ბოდიში მოუხადა მწვრთნელს, ჯარიმა იყოო - თვითონ ასე მითხრა. რას ვიზამთ, ფეხბურთში ხდება ეგეთებიც. ისიც ვიცი, რომ მცირე კონტაქტი შეიძლება მეკარესთან საჯარიმოს გარეთ, მაგრამ ამ შემთხვევაში აშკარა ჯარიმა იყო და საკუთარ თავს ვერაფერში ვერ დავადანაშაულებ.სხვა პატარა ეპიზოდებში შევცდი რამდენჯერმე ამ ორ თამაშში, ამას გულახდილად ვამბობ, მაგრამ იმ გოლს ნამდვილად ვერ დავიბრალებ.- ამ ეპიზოდის შემდეგ თქვენთვის ცოტა რთული ხომ არ იყო დარჩენილი დროის მინდორზე გატარება? არადა, ნერვიულობა არ გეტყობოდათ და როცა ირლანდიელები შედარებით გააქტიურდნენ, რამდენჯერმე საფრთხეც აარიდეთ ჩვენს კარს...- კი, ძალიან გამიჭირდა თამაშში დაბრუნება და მთლიანი გუნდის დამსახურებაა, რომ დავბრუნდი, რადგან, ფაქტობრივად, საქმე არ მქონია გოლის მერე 20 წუთის განმავლობაში. ძალიან გაურკვევლობაში ვიყავი, მსაჯს ვკითხე - რატომ არ დანიშნე ჯარიმა-მეთქი და ასე მიპასუხა - ბურთს არ შეხებიხარ და ამიტომო.უცებ მეგონა, რომ ვინც გოლი გაიტანა, იმან მომიგო საჰაერო დუელი-მეთქი და გაურკვევლობაში ვიყავი. მერე, შესვენებისას, ვნახე ვიდეო და გავერკვიე ყველაფერში, მხოლოდ ამის შემდეგ დავწყნარდი. ის, ვინც დამეჯახა და იდაყვი ჩამარტყა, საერთოდ არ თამაშობდა ბურთზე, ბევრად ადრე ახტა. ბურთისგან ორი მეტრით იყო დაშორებული.- მიგაჩნიათ თუ არა, რომ ირლანდიის ნაკრების დამარცხება რეალური იყო?- კი, ირლანდიის დამარცხება შეგვეძლო. თავდაჯერებულობა გვაკლია, უფრო მეტად უნდა ვირწმუნოთ საკუთარი ძალების.- ავსტრიასთან საგარეო შეხვედრა, ალბათ, საუკეთესო იყო თქვენს სანაკრებო კარიერაში. მასპინძელთა გოლამდე სასწაული ბურთი მოიგერიეთ სახით. ალბათ, ის მომენტიცაა, რომ ნაკრებს ბოლომდე შეეჩვიეთ...- ავსტრიასთან დიდი არაფერი გამიკეთებია, ყოველ შემთხვევაში, მე ასე მიმაჩნია. ასე რომ, საუკეთესო თამაში თუ არის, ალბათ მხოლოდ იმიტომ, რომ მანამდეც არაფერი გამიკეთებია ისეთი (იცინის)... ისე კი, თავს კარგად ვგრძნობდი იმ თამაშის დროს.- როგორ ფიქრობთ, ის თამაში, რასაც ახლა აჩვენებს საქართველოს ნაკრები, მისი მაქსიმუმია, თუ კიდევ შეგვიძლია მომატება?- საქართველოს ნაკრებს ძალიან ბევრი შეუძლია. გუნდში უაღრესად ნიჭიერი ბიჭები არიან. ჩემი აზრით, თუ შემდეგ ციკლში ყველა წამყვანი ფეხბურთელი ჯანმრთელად იქნება, ჩვენი გუნდი ევროპის 2020 წლის ჩემპიონატის ფინალურ ეტაპზე ითამაშებს. მაგალითად, ჯანო ანანიძე ნებისმიერ ევროპულ გუნდში თავისუფლად ითამაშებს. "ბენფიკაში" რომ იყოს, გარწმუნებთ, წამყვანი ფეხბურთელი იქნებოდა.- საინტერესოა კარიდან დანახული საქართველოს ნაკრები. როგორ ფეხბურთს ვთამაშობთ, რაში უნდა მოვუმატოთ?- ძალიან ტექნიკური ფეხბურთელები გვყავს და საკმაოდ კარგად ვაკონტროლებთ ბურთს. უფრო მეტი მუშაობა გვჭირდება იმ მხრივ, თუ ვინ სად უნდა გაიხსნას ბურთის ამოტანის დროს და ამ შემთხვევაში უკვე მეკარისგან და მცველებისგან დაიწყება ბურთის კონტროლი, პრესინგის დროსაც აღარ გაგვიჭირდება ბურთის ფლობა...მაგალითად, ავსტრიაში, პრესინგის დროს, ფაქტობრივად სულ ვიგერიებდით ბურთს წინ და ეგ იყო ცოტა არასასიამოვნო ჩემთვის. ვფიქრობ, ჩვენს ნაკრებს შეუძლია, ნებისმიერ შეხვედრაში აკონტროლოს ბურთი. უკეთესი იქნება, რაც არის ჩვენი საუკეთესო თვისება, იმაზე გავაკეთოთ აქცენტი.- კლუბზეც ვთქვათ. ბოლო დროს აღარ ჩანდით "მორეირენშეს" ძირითადში. ამის მთავარი მიზეზი, ალბათ, ის არის, რომ ბოლო დრომდე არ იყო გარკვეული, დარჩებოდით თუ არა...- ვიდრე დამიკავშირდებოდით, მწვრთნელსა და პრეზიდენტს ველაპარაკე. ჯერჯერობით, ალბათ, არ მომიწევს თამაში. მიზეზი ის არის, რომ "ბრაგას" უარი ვუთხარი ტრანსფერზე, თუმცა პირობებიც არ იყო კარგი და არავისთან არაფერზე ვიყავი შეთანხმებული და ვერავინ დამავალდებულებს, გინდა თუ არა, იმ გუნდში გადადიო... მოკლედ, ვნახოთ, რა და როგორ იქნება...- "ბენფიკასა" და "ბრაგას" თემა უკვე ჩავლილია და, ალბათ, ღიად საუბარიც შეიძლება - რეალური ინტერესი იყო ამ ორი კლუბისგან?- იანვარში გაირკვევა ყველაფერი. კი, იყო და არის "ბენფიკას" ინტერესი. დეტალებზე არ მინდა ლაპარაკი.- დაბოლოს, რას ეტყოდით საქართველოს ნაკრების გულშემატკივარს?- გულშემატკივარს ვეტყოდი, რომ ბოლომდე მხარი დაგვიჭირონ. თუ ჩასაფრებულები იქნებიან, რომ ვინმეს ფეხი დაუცდეს, დასცინონ და გააკრიტიკონ, ამ შემთხვევაში გაგვიჭირდება. ვგრძნობ, ვერ ვართ ფეხბურთელები ისე თავისუფლად მოედანზე. ეს იმის გამო, რომ ვიცით - რამე ისე რომ მოხდეს, მთელი საქართველო ჩვენ გაგვაკრიტიკებს. ამ შემთხვევაში უფრო რთულია თამაში და უფრო შებოჭილები ვართ ალბათ ფეხბურთელები... ყველას მაგივრად ვერ ვილაპარაკებ. ეს, უბრალოდ, ჩემი პირადი აზრია.რაც უფრო თავისუფლად და წნეხის გარეშე ითამაშებს ფეხბურთელი, უფრო კარგად გამოუვა ყველაფერი. თუმცა ვიღაც იმასაც იტყვის - რისი პროფესიონალი ფეხბურთელია, თუ წნეხს ვერ გაუძლოო, მაგრამ მე იდეალურ ვარიანტს ვამბობ.თუ ყველა ერთად ვიქნებით - ფეხბურთელები და გულშემატკივრები, უფრო მივაღწევთ წარმატებას. ჩვენ, ფეხბურთელები, ყველა თამაშში მაქსიმუმს ვაკეთებთ და თავს არ ვზოგავთ - ეს შემიძლია, ყველას სახელით ვთქვა. ყველანი ერთად დავდგეთ და მაქსიმუმი გავაკეთოთ ქართული ფეხბურთისთვის. დანარჩენი, რა და როგორ იქნება, უკვე ღვთის ნებაა!..(იბეჭდება მცირე ცვლილებით)ყოველდღიური სპორტული გაზეთი "ლელო"

ილია

ფეხბურთელებმა უნდა შეისწავლონ არა მარტო თავიანთი სესაძლებლობები , არამედ უფრო მეტად გააღმერთონ პარტნიორის ამით გუნდი მოიპოვებს ფსიქოლოგიურ მდგრადობას.
ილია

გაივსო პროფესორებით საქართველო. ახლა საქმეზე იფიქრეთ . თითოეულ ნაკლს მოწინააღმდეგე თავის სასარგებლოდ გამოიყენებს მეკარე სწორად იქცევა,რომ აქტიურობს მოწინააღმდეგეს არ უნდა მიეცეს მისი დაბლოკვის საშუალება და ეს მცველებმა უნდა გააკეთონ.
ზაზა

”არ უნდა გამოსულიყო” და ”გამოსვლისას შეცდომა დაუშვა(რაშიც გეთანხმები)” სულ განსხვავებული აზრებია. ანუ,მიმაჩნია,რომ თვითონ უნდა გადაწყვიტოს მეკარემ,გამოვიდეს,თუ არა. მარა რამდენად კარგად შეასრულა მან ეს გამოსვლა,სულ სხვა თემაა ეგ.
vaso

იმ გოლსჰი მაკარიზე უბრალოა რომ არა უხესჰობა, აიღებდა და მეორე, კაკაბაძეს და განსაკუთრებულად კვირკველიას როლს ამ გოლში რატომ არავინ ახსენებს? დაცვის უყურადღებობის გამო ორი ფეხბურთელი პირისპირ რჩებოდა მეკარესთან, ამიტომაც გამოვიდა მეკარე და სწორადაც, რომ არა ჯარიმა ბურთი მოგერიებული იყო. დაცვიდან გამომდინარე იყო ის და მეკარეს მათი შეცდომის გამოსწორება მოუწია, მარა ამ მსაჯებს რაGაც უნდა მოვუხერხოთ, თორე ეს ნამეტანია.რა ლორია ჯობია? კარგად ნახეთ ის მომენტი და დაინახავთ, რომ მეკარემ ის გააკეთა რაც ევალება. იმ თამაშებში, სხვა რომ მდგარიყო, ორივეს წავაგებდით. ძლივს ნორმალური მეკარე გვეღირსა და თავი დაანებეთ
odala

საქმე იმაშია რომ არანაირი ჯარიმა არ იყო თან და მგონი იტყუება რომ თითქოს მსაჯმა მასთან ლაპარაკში აღიარა რომ ჯარიმა იყო და ვაისს მოუბოდიშა. თვითონ შეასკდა მასტი და თან ისე რომ ბურთზე თამაშის შანსი არ ჰქონია. ხიზანიშვილი რომ ცდილობდა მიწაზე გართხმული თავით თამაშს, დაახლოებით ეგეთი ქაჯური რაღაც შეასრულა მასტმა და აღიარება უჭირს.
Tb

თუ ფეხბურთი ოდნავ მაინც გესმის მიხვდები რომ ეგ მეკარის აშკარა შეცდომაა. და ვაისის პროდესიონალიზმის ეჭვქვეშ დაყენებაც სასაცილოა. თუ არ იცით ნუღარ წერთ რა. .. პრინციპში ყველას აზრს აქვს არსებობის უფლება
ზაზა

როგორ დიდ პატივსაც არ უნდა ვცემდე ფეხბურთის სპეციალისტს,როცა იტყვის,რომ : ”მეკარე ამ ბურთზე არ უნდა გამოსულიყოვო” ,ეს იგივეა რომ სთქვა,მეკარეს კარში დარტყმული ეს ბურთი არ უნდა აეღოვო.ან ამ დარტყულ ბურთზე არ უნდა გადამხტარიყოვო... სიმართლე გითხრათ,მაშინვე ცოტა ეჭვი შემეპარა ამ კაცის პროფესიონალიზმში...
haha

სად გამოდიოდა რო გამოდიოდა. იმ სიშორიდან კარში ბურთს ვერ გაგიტანენ, აი რომ გამოდიხარ მაშინ იმათ აძლევ შანსს.
jaba

Jer taikitxe da mere gamoxate azri, gakiketebia rame cxovrebashi? sxvas rom ganikitxav, ar ginda sxvis dacinva, kvelam ertad ugulshematkivrod saqartvelis, tu somexi xar mashi sxva saqmea
odala

იმ გოლს ვერ დავიბრალებო, რომ თქვა მაგის მერე აღარც წამიკითხავს. მაგარი არაადეკვატური ჩანს ბიჭი.

GEO TEAM: ხიზანიშვილმა სანიოლის თანაშემწის პოსტი დატოვა

თურქების მეტოქეები გაირკვა - რა გზა ექნებოდა საქართველოს ნაკრებს მუნდიალამდე, ჯგუფში მეორე ადგილი, რომ დაეკავებინა

ავა ვინმე სანიოლის ნაცვლად ეშაფოტზე? - გულშემატკივარი სფფ-სგან მეტ პატივისცემას იმსახურებს

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს

ბრწყინვალე ჟესტი - ჯანო ანანიძემ ეთერ ლიპარტელიანს საჩუქრად ბინა გადასცა

თურქეთმა მცველის დუბლით ავსტრიას მოუგო და 1/4-ფინალში ნიდერლანდებს შეხვდება [VIDEO]

"შეუძლებელია, სპორტი რუსეთის გარეშე არსებობდეს, ევროპელებს ერთი სული აქვთ, როდის დავბრუნდებით საერთაშორისო არენაზე" - ანანიძის ყოფილი თანაგუნდელი

კორღალიძე: იმედი გვაქვს, ის რაც იქ არ გავიდა, აქ გავა

ისევ ესპანეთში - გიორგი მაკარიძის ახალი გუნდი ცნობილია

GEO TEAM: ხიზანიშვილმა სანიოლის თანაშემწის პოსტი დატოვა

სომხეთმა ირლანდიას სძლია - აზერბაიჯანი და უკრაინა დაზავდნენ

მაკარიძემ პორტუგალიური გუნდი დატოვა

ინციდენტი მუნდიალის ფინალში: Pussy Riot-ი მოედანზე, დაკითხვა და შეურაცხყოფა [VIDEO]

თითქმის ნახევარი სტანდარტებიდან - სულ რამდენი გოლი გავიდა მუნდიალზე

9:1. სომხეთმა სასწაული ვერ შემოგვთავაზა - პორტუგალია მუნდიალზე გავიდა

ირლანდიელები სანიოლის ლოდინით დაიღალნენ და მწვრთნელად ჰადლგრიმსონი დანიშნეს

Mundo Deportivo: შენგელია თბილისში მაინც გაფრინდება - ეს სამშობლოსადმი უსაზღვრო სიყვარული და ერთგულებაა

ლევანდოვსკიმაც ვერ უშველა - ავსტრიამ პოლონეთს სძლია [VIDEO]

გიორგი მაკარიძემ "ალმერია" დატოვა

დიდ კაცთან პატარა კაცსა, როდის გასვლია მართალი? - ანუ მსოფლიოს ჩემპიონატი ჩამთავრდა

მსოფლიო ჩემპიონატის "სასწაული": ირანში სტადიონზე ქალები შეუშვეს [PHOTO]

მაკარიძე ისევ პორტუგალიის ჩემპიონატში იასპარეზებს

თურქეთმა უნგრეთს მოუგო - ისევ ესპანეთთან თამაში მოგვიწევს? [VIDEO]

სომხური დრამა ჩემპიონთა ლიგაზე, ქალი პრეზიდენტი და ანანიძის ექსმწვრთნელი...

სომხეთის მარცხი ფარერებთან და ჩერჩესოვის "ისტორიული შედეგი"

საფრანგეთმა ავსტრიას მოუგო - მბაპე საავადმყოფოში გადაიყვანეს [VIDEO]

ავსტრიამ აზერბაიჯანი დაამარცხა და ევრო 2024-ზე გავიდა

ფიფამ გულშემატკივართა ვერსიით მუნდიალის სიმბოლური ნაკრები შეადგინა

"მისნაირი ადამიანებისთვის ჯოჯოხეთში ცალკე ქვაბია" - ანანიძის ყოფილი თანაგუნდელის ხუმრობა ჯანოს შესახებ

"ვინც კი ოდესმე მინახავს, ყველაზე ჭკვიანი და ტექნიკური ფეხბურთელია" - ანანიძეზე ყოფილმა თანაგუნდელმა ისაუბრა

გიორგი მაკარიძემ "მარიტიმუსთან" კონტრაქტი გააფორმა

"თავისი ტალანტის მხოლოდ 50% გამოიყენა" - მალხაზ ასათიანმა ერთმანეთს კვარაცხელია და ანანიძე შეადარა

საქართველოს ნაკრებმა ფიფას რეიტინგში რეგრესი განიცადა

მსოფლიოს 2018 წლის ჩემპიონატის ულამაზესი ფანები [PHOTO]

[VIDEO] რონალდოს გაძევება და მარცხი დუბლინში - სომხეთს შეუძლია პორტუგალია მუნდიალის გარეშე დატოვოს

ავსტრია D ჯგუფში პირველია - საფრანგეთი მეორე [VIDEO]

სანიოლის კაპიტულაცია

სანიოლის აუხდენელი სურვილი - საქართველოს ნაკრები კვლავ ესპანეთს შეხვდება [VIDEO]