<p>"შავი ლომის" სამწვრთნელო შტაბმა პენზაში "ლოკომოტივთან" გასამართი რაგბი ევროპის სუპერთასის მეორე მატჩისთვის შემადგენლობა დაასახელა.</p><p>გასულ შაბათს"‘შავმა ლომმა" თავის სადებიუტო თამაშში ისრაელის "თელავივ ჰითი" 33:10 დაამარცხა და სამით მეტი ლელოს გატანისთვის ბონუსიც აიღო.</p><p>იმ თამაშის შემდეგ სასტარტო შემადგენლობაში ხუთი ცვლილებაა. ტრავმირებული სოსო მათიაშვილის ნაცვლად, ფულბეკად თამაშს ლაშა ხმალაძე იწყებს. ფრთაზე სანდრო თოდუას მარქაფიდან ადგილი გაუცვალა მირიან მოდებაძემ. ძირითადში დაწინაურდა 9 ნომერი თენგიზ პერანიძე, გიორგი ბეგაძე კი ამ ტურში ისვენებს.</p><p>წინა თამაშის შემდეგ სასტარტოში ადგილი შეინარჩუნა ფრთამ აკა ტაბუცაძემ, რომელმაც "ჰითსს" სამი ლელო გაუტანა; ასევე - მგეზავმა გიორგი ბაბუნაშვილმა. უცვლელი დარჩა ცენტრიც – მერაბ შარიქაძე და დემურ თაფლაძე.</p><p>შეიცვალა ორივე ბურჯი და გოგა ქადარიასა და მიხეილ წიკლაურის ნაცვლად, თამაშს მიხეილ ორაგველიძე და ნიკა პატარაია იწყებენ. ძირითადშია კვაჭი შალვა მამუკაშვილი. ასევე უცვლელია შერკინების მეორე (ნოდარ ჭეიშვილი, დავით გიგაური) და მესამე ხაზი (ნიკო აფციაური, სანდრო მამამთავრიშვილი, ლუკა ივანიშვილი).</p><p>სასტარტო შემადგენლობაში მყოფი მორაგბეებიდან რაგბი ევროპის სუპერთასზე პირველად ითამაშებს პატარაია. ასეთი სამი მორაგბეა მარქაფაში – გოგა ხუროშვილი, ლუკა მატკავა და ლაშა ლომიძე.</p><p>"ამ ტურნირზე ჩვენი მიზანი ყველა თამაშის მოგება და მატჩიდან მატჩამდე უკეთესი ხარისხის ჩვენებაა. ამავდროულად, წნეხში გამოვცდით მოთამაშეებს, დებიუტანტები შეიძენენ საერთაშორისო გამოცდილებას. ეს თამაშები ნოემბრის ტესტებისთვის ერთგვარი სელექცია და შეთამაშების საშუალებაა“ – ამბობს მთავარი მწვრთნელი ლევან მაისაშვილი.</p><p>რაგბი ევროპის სუპერთასი (აღმოსავლეთი კონფერენცია)</p><p>III ტური. 23 ოქტომბერი, 13:30 საათი</p><p><strong>ლოკომოტივი პენზა – შავი ლომი</strong></p><p><strong>შავი ლომი</strong></p><p>ხაზი: 15. ლაშა ხმალაძე, 14. აკაკი ტაბუცაძე, 13. დემურ თაფლაძე, 12. მერაბ შარიქაძე (კაპ.), 11. მირიან მოდებაძე, 10. გიორგი ბაბუნაშვილი, 9. თენგიზ პერანიძე;</p><p>შერკინება: 1. მიხეილ ორაგველიძე, 2. შალვა მამუკაშვილი, 3. ნიკა პატარაია, 4. ნოდარ ჭეიშვილი, 5. დავით გიგაური, 6. ნიკო აფციაური, 7. სანდრო მამამთავრიშვილი, 8. ლუკა ივანიშვილი.</p><p>მარქაფა: 16. გოგა ხუროშვილი, 17. გოგა ქადარია, 18. გიორგი პერტაია, 19. მიხეილ ბაბუნაშვილი, 20. თორნიკე აქუბარდია, 21. ლუკა მატკავა, 22. ლაშა ლომიძე, 23. სანდრო თოდუა.</p><p>წყარო: <strong>rugby.ge</strong></p><p><p><p><br></p>
15-ქალა | ორი თამაში თებერვალ-მარტში
ჩელენჯ თასი | "ქონოთისთვის" სამი შეიცვალა
ჩელენჯ თასი | 140 წლის "ქონოთთან" გალვეიში
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
ზირკზე კვლავ სერია A-ში? - მოლაპარაკებები უკვე დაწყებულია
[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა
რაფინია ალკანტარამ ფეხბურთელის კარიერა დაასრულა
აზაროვის გარდა "შახტარს" უკრაინის ნაკრების მცველი დატოვებს
ნაახალწლევს პსჟ-ს და "კვარას" მარათონი იწყება - იხილეთ კალენდარი
კერპია - პსჟ ლუის ენრიკეს წარმოუდგენელ კონტრაქტს გაუფორმებს
ერევნის ტურნირზე საქართველოს ნაკრებმა მოლდოვას დიდი ანგარიშით სძლია
ვინც ზედმეტი კილოგრამებით დაბრუნდება, არ ითამაშებს - გვარდიოლა ფეხბურთელებს წონაზე შეამოწმებს
1914 წლის შედეგი გაიმეორეს - "ასტონ ვილა" 10 მატჩია ვერავინ აჩერებს
თუ კონტრაქტს არ გააგრძელებს - მიატოვიჩმა "რეალს" ვინისიუსის გაყიდვა ურჩია
[VIDEO] "მაქსი იმდენად გულუხვია, მეგობარი გამაცნო და მასზე გავთხოვდი" - ვანდა ნარას განცხადებას ყოფილი ქმრის თანდასწრებით, დიდი განხილვა მოჰყვა
ენრიკე პსჟ-ში კიდევ დიდხანს? - პარიზელებს სურვილი აქვთ, ესპანელი მოიფიქრებს
ფავრი დაგვემშვიდობა - შვეიცარიელმა სამწვრთნელო კარიერა დაასრულა
100 საუკეთესოში მე-14 ადგილზე - ხვიჩა The Guardian-ის რჩეულებს შორის მოხვდა
კლუბის ყიდვა და კარიერის განახლება - დანი ალვეში შესაძლოა, მოედანს დაუბრუნდეს
კვარაცხელიას მსგავსი ტრანსფერი ზამთარში? - რას გეგმავენ პსჟ-ში შეტევის ხაზში
შესაძლოა, შეთავაზება ზამთარშივე გააკეთონ - “ბაიერნს” კოსოვოელი ფორვარდი სურს
ტაბატაძე შეცვლაზე შევიდა და "კადისმა" მნიშვნელოვანი გამარჯვება მოიპოვა
ვსა-მ "ქუთაისი" დაამარცხა და თსუ ერთპიროვნულად გალიდერდა | "მარგვეთმა" რუსთავში იმარჯვა