<p>საგურამოს სპორტკომპლექსის მოედანზე ბაქოს "ინტერმა" რუსთავის "მეტალურგთან" საკონტროლო მატჩი გამართა <br> აზერბაიჯანის ჩემპიონი, თანამეგობრობის თასის გამარჯვებული, აზერბაიჯანის ჩემპიონატის ორგზის ბრინჯაოსპრიზიორი - აი, ასეთია ბაქოს "ინტერის" ქართველი თავკაცის, <strong>კახა ცხადაძის</strong> იქაური მონაგარი ბოლო ოთხი სეზონის განმავლობაში. აქვე იმასაც შეგახსენებთ, რომ უკვე მეორე წელიწადია, კახა ცხადაძეს კიდევ ერთი ქართველი სპეციალისტი ეხმარება: 1981 წლის თასების მფლობელთა თასის ტრიუმფატორი <strong>ზაურ სვანაძე</strong>.</p><p>სანაკრებო პაუზების დროს ბაქოს "ინტერი" შეკრებას საქართველოში ხშირად გადის ხოლმე და ასე იყო ახლაც: ქართველი მწვრთნელების დამოძღვრილი გუნდი ხუთი დღის განმავლობაში თბილისში ემზადებოდა და საფეხბურთო სკოლა "ოლიმპიკის" მოედნებზე ვარჯიშობდა.</p><p>"ინტერი" აზერბაიჯანში 13 ოქტომბერს გაემგზავრა, მანამდე კი ორი საკონტროლო მატჩიც ჩაატარა: 11 ოქტომბერს დუბლშემადგენლობამ ცხინვალის "სპარტაკს" 2:0 მოუგო, მეორე დღეს კი ძირითადი შემადგენლობა რუსთავის "მეტალურგს" დაუპირისპირდა.</p><p>აღსანიშნავია, რომ "ინტერი"-"მეტალურგის" ამ სპარინგმატჩს დაახლოებით 200 გულშემატკივარი ესწრებოდა და საგურამოს საფეხბურთო სპორტკომპლექსის მოედანზე ჩატარებული შეხვედრა საინტერესოც გამოდგა.</p><p>ვიდრე ამ საკონტროლო მატჩის პერიპეტიებზე ვისაუბრებდეთ, ისიც უნდა ითქვას, რომ მეტოქეებს არაოპტიმალური შემადგენლობებით მოუწიათ მოედანზე გამოსვლა. "ინტერს" აკლდა საქართველოს ნაკრებში გამოძახებული <strong>ბაჩანა ცხადაძე</strong>, აზერბაიჯანის ნაკრების ფეხბურთელები (ვაგიფ ჯავადოვი, რუსლან ამირჯანოვი, სალახატ აგაევი), აგრეთვე, აზერბაიჯანის ახალგაზრდული ნაკრების ორი მოთამაშე (აბდულა აბაციევი, ილგარ ალეკპეროვი).</p><p>ამათ გარდა, კვლავაც ვერ ითამაშა თბილისის "დინამოს" ყოფილმა ფეხბურთელმა <strong>მიკელ ალვარომ</strong>: 30 წლის ბასკი ნახევარმცველი მძიმე ტრავმის მერე კვლავაც სარეაბილიტაციო პერიოდს გადის და ჯერჯერობით ინდივიდუალური პროგრამით ვარჯიშობს.</p><p>არანაკლები საკადრო პრობლემა ჰქონდა "მეტალურგის" მთავარ მწვრთნელ <strong>გელა სანაიასაც</strong>: სხვადასხვა სახის ტრავმის გამო ამ საკონტროლო მატჩში მონაწილეობა ვერ მიიღეს <strong>ლევან კორღალიძემ, დავით კირკიტაძემ, გიორგი ბერიაშვილმა, გიორგი ქავთარაძემ, ლევან კაკუბავამ</strong> და <strong>გიორგი გავაშელიშვილმა</strong>.</p><p>მატჩის საწყისი წუთები "ინტერის" უპირატესობით წარიმართა და ბაქოელთა გუნდის მაკედონიელ ლეგიონერ ილჩო ნაუმოსკის დებიუტშივე შეეძლო ანგარიშის გახსნა, მაგრამ რეალური მომენტი ვერ გამოიყენა;</p><p>ამის შემდეგ "ინტერის" ქართველმა ლეგიონერმა <strong>ალექსანდრე იაშვილმა</strong> გაიბრწყინა, თუმცა მის ჩინებულ რეიდს ასიფ მამედოვმა ლოგიკური გაგრძელება ვერ მოუძებნა.</p><p>მამედოვმა შეცდომა მალევე გამოასწორა, როცა "მეტალურგის" მცველების უხეში შეცდომის შემდეგ ბურთი, ფაქტობრივად, ცარიელ კარში შეაგორა. ამ სწრაფი გოლის მერე თამაში ცოტა "დაწყნარდა", თანაც ძლიერმა ქარმაც დაღი დაასვა შეხვედრას და პირველ ტაიმში განსაკუთრებული არც არაფერი მომხდარა.</p><p>თუმცა "მეტალურგს" ერთ ეპიზოდში შეეძლო, ანგარიში გაეთანაბრებინა: <strong>დავით ჩირგაძისა</strong> და ივან ბენიტესის საჰაერო ორთაბრძოლისას "ინტერის" არგენტინელ ლეგიონერს ბურთი "აეჭრა" და სტუმრები ძელმა იხსნა; დამატებაზე კი <strong>ბექა ტუღუშმა</strong> დაასწრო ყველას, მაგრამ მახვილი კუთხიდან ზუსტად ვერ დაარტყა.</p><p>დავით ჩირგაძე "მეტალურგის" ახალწვეულია და აქამდე დუბლშემადგენლობაში გამოდიოდა. მანამდე კი ტანმაღალი ფორვარდი წლების განმავლობაში აშშ-ის გუნდში, "ნიუ იორკ რედ ბულში" ირიცხებოდა. ჩირგაძის გარდა, ამ მატჩში კიდევ ერთი "ახალი სახე" ვიხილეთ: "გაგრას" და თბილისის "დინამოს" ყოფილი მეკარე, 27 წლის <strong>კოკა სეფიაშვილი</strong>, რომლის "მეტალურგში" ჩარიცხვის საკითხიც უახლოეს დღეებში გადაწყდება.</p><p>მეორე ტაიმი სანახაობრივად ბევრად უკეთესი გამოდგა და ისიც უნდა ითქვას, რომ პირველი 20 წუთის განმავლობაში "მეტალურგი" მეტოქეზე ბევრად აქტიურად გამოიყურებოდა. თუმცა "ინტერის" დაცვის ხაზი საიმედოდ ჰქონდათ გადაკეტილი <strong>ლაშა სალუქვაძესა</strong> და ბრიუს აბდულაიეს, ხოლო "მეტალურგის" ფეხბურთელთა რამდენიმე შორეული დარტყმის აღება <strong>გიორგი ლომაიას</strong> (რომელიც იმ დღეს კაპიტნის სამკლავურით ვიხილეთ) ნამდვილად არ გასჭირვებია.</p><p>ამასობაში ორივე გუნდის მთავარმა მწვრთნელებმა თავის გამოჩენის საშუალება სხვა ფეხბურთელებსაც მისცეს, თუმცა მეორე ტაიმის საწყისი 20 წუთის შემდეგ მოედანზე სიტუაცია რადიკალურად შეიცვალა და "ინტერის" უპირატესობა თვალსაჩინო გახდა.</p><p>სასარგებლოდ მოქმედებდა საყრდენი ნახევარმცველი, პარაგვაელი დევიდ კოლი (ადრე იტალიურ "ჩეზენაში" გამოდიოდა), ფლანგებზე აქტიურობდნენ არიფ დაშდამიროვი და მატია შპიჩიჩი, თუმცა ამ საკონტროლო მატჩში ერთი ფეხბურთელი მაინც ყველასგან გამორჩეული გახლდათ! 35 წლის ალექსანდრე იაშვილზე მოგახსენებთ, თავისი მაღალი ოსტატობა არაერთხელ რომ გამოამჟღავნა.</p><p>როგორც თავის საუკეთესო წლებში, "იაშკა" ახლაც მოუღლელად მოქმედებდა და თავისი ზეენერგიული თამაშით პარტნიორებიც აიყოლია. ქართველმა ვეტერანმა ერთ ეპიზოდში მართლაც ზღაპრული პასი მისცა შეცვლაზე შემოსულ აზერ სალახლის, მაგრამ ახალგაზრდა მცველი ასეთ "მეფურ საჩუქარს", ეტყობა, არ ელოდა და რეალური მომენტიც ვერ გამოიყენა.</p><p>ამას გარდა, იაშვილი ორჯერ თვითონაც დაემუქრა "მეტალურგის" კარს: ერთ ეპიზოდში ჩინებული რეიდი განახორციელა, მაგრამ დარტყმა მცირეოდენ არაზუსტი გამოუვიდა; მეორედ კი ოსტატურად შეასრულა საჯარიმო დარტყმა, მაგრამ ბურთი ძელს მოხვდა.</p><p>თუმცა იაშვილი მოედნიდან უგოლოდ მაინც არ გასულა: "ინტერმა" სწრაფი და მრავალსვლიანი კომბინაცია გაითამაშა და არიფ დაშდამიროვის ფლანგური გარღვევის შემდეგ აზერბაიჯანული გუნდის ქართველმა ლეგიონერმა ახლო მანძილიდან ბურთი კარში შეაგორა - 2:0!</p><p><img src="pictures/artimages/image17/ed66cb36e374ef66501e703afe616da3.jpg" border="0" alt="Sportall.Ge" title="ალექსანდრე იაშვილის მასტერკლასი" /></p><p>აი, ასე დამთავრდა ორივე გუნდისათვის, უდავოდ, სასარგებლო სპარინგმატჩი, რომელშიც "ინტერმა" და "მეტალურგმა" ასეთი შემადგენლობებით იასპარეზეს:</p><p><strong>ინტერი:</strong> ლომაია - სალუქვაძე, აბდულაიე, ბენიტესი - დაშდამიროვი, დ. კოლი, ბაირამოვი (46. ნაზირი/70. ნამავენდი), შპიჩიჩი (74. სალახლი) - მამედოვი (50. ზარგაროვი), იაშვილი (87. ს. კოლი) - ნაუმოსკი (64. მანსუროვი)</p><p><strong>მეტალურგი:</strong> ბედიაშვილი (46. სეფიაშვილი) - ჯაფარიძე (63. ექვთიმიშვილი), ორბელაძე (46. მაისაშვილი), მახვილაძე, თ. კაკულია (75. სუხიაშვილი) - ვასაძე (68. დობროვოლსკი), რაზმაძე (43. გურ. გურეშიძე) - ტუღუში, ფიფია, გეწაძე (74. ხაბელაშვილი) - ჩირგაძე (46. სიხარულიძე).</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
წიტაიშვილი და აბუაშვილი შეცვლაზე და "მეცის" ფრე "ჰავრთან"
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"ვიცი, რომ "რეალის" ფანია, მაგრამ ამ ორ გუნდს უფრო მოუხდებოდა" - კახა ცხადაძემ ხვიჩა კვარაცხელიაზე ისაუბრა
ბაქოს "ნეფთჩის" ფანები კახა ცხადაძესა და ზაურ სვანაძეს ახსენებენ...
გელა სანაია: ზღვისპირეთში ბევრი ტალანტი იკარგება
რუსთავში "რუსთავი" ბრუნდება - "მეტალურგის" ნაცვლად
ერთხელ ბაქოში... სად გაგვასწრო მეზობელმა ფეხბურთში
ოთარ კიტეიშვილი: წყალი რომ წყალია, ისიც არ გვქონდა!..
მერანი-რუსთავის მატჩი, რომელიც სფფ-მ გარიგებულად მიიჩნია [VIDEO]
ალექსანდრე იაშვილი: ყველას დავანახეთ, რომ შეგვიძლია ასეთ გუნდებთან თამაში და მათი დამარცხება
აზერბაიჯანელებმა მთავარი მწვრთნელის პოსტი ოლეგ ბლოხინს შესთავაზეს - უკრაინელის პასუხი ცნობილია
გადაწყდა: ფოთის "კოლხეთს" უკრაინელი ალექსანდრ შტელინი გაწვრთნის
რისი გჯეროდათ? - როდის იყო, დონ კიხოტი შედეგებზე სწავლობდა?
იაშვილი: მიზანია ვიბრძოლოთ პლეი-ოფის საგზურისთვის, მინიმუმ მეორე ადგილისთვის
"თუ ეს სიტუაცია დიდ ხანს გაგრძელდება, დიდ პრობლემად იქცევა" - რა თქვა სანიოლმა თურქეთთან და ბულგარეთთან მატჩების წინ
ოფიციალურად: ცხადაძე აზერბაიჯანულ გუნდს გაწვრთნის
"კაპიტნისა და ვიცე-კაპიტნის საკითხი ჯერ არ გადამიწყვეტია" - ვილი სანიოლის პრესკონფერენცია
ზაურ სვანაძე: კარგ ქართველ ფეხბურთელზე უარის ვინ იტყვის, მაგრამ...
"შევარდენს" ახალი მთავარი მწვრთნელი ჰყავს
ველით სისტემის შეცვლას - ვილი სანიოლი და საქართველოს ნაკრები სომხეთისთვის ემზადებიან
ზაურ სვანაძე "გაბალასთან" მატჩზე: არ ვფიქრობ, რომ მოედანზე რაიმე არასაფეხბურთო მოხდება
გიორგი ბუხაიძე: კლუბთან კონტრაქტი ამომეწურა და არ ვიცი ჯერჯერობით სად წავალ
"ყინული დაიძრა, დარწმუნებული ვარ, რომ ახლო მომავალში ბევრი ქართველი ითამაშებს ევროპაში" - კახა ცხადაძე
[ლეგიონი] ხიზანიშვილმა გამარჯვების გაიტანა, კვეკვესკირს ხელი გაარტყეს [VIDEO]
კვეკვესკირის როლი გასახდელში დიდია... ეს კონკურენციაა... ბათუმში კარგი საფარი იქნება - სანიოლისა და იაშვილის პრესკონფერენცია
გელა სანაიამ "შევარდენი" დატოვა - ახალი თავკაცის ვინაობა ჯერჯერობით უცნობია
მერანი-რუსთავის ვიდეო, რომელიც სფფ-მ მედიის წარმომადგენლებს გადასცა [VIDEO]
თბილისის "დინამოს" მთავარი მწვრთნელის პოსტი ფელის ვისენტეს უკავია
გელა სანაია: ნაკრებით ფეხბურთის მშენებლობის დაწყება წარმოუდგენელია
თბილისის "დინამოს" ესპანელი თავკაცი: ეროვნული ლიგა ბრძოლისუნარიანი პირველობაა
თბილისის "დინამოს" მწვრთნელად ზაურ სვანაძე დანიშნეს
"გორდა", "მეტალურგი", "რუსთავი"... რუსთავში ახალი საფეხბურთო ცხოვრება იწყება
"მგონია, რომ ახალგაზრდულ ევროპის ჩემპიონატზე კვარაცხელიას უთამაშებლობის მიზეზი ეს ზეწოლა იყო" - ცხადაძე ხვიჩასა და U21 ნაკრებზე
ზაურ სვანაძე თბილისის "დინამოში" დაბრუნდა
კახა ცხადაძე ყაზახეთის პრემიერლიგაში დაბრუნდა
ბაქოს "ინტერმა" ზაურ სვანაძეს ერთწლიანი კონტრაქტი შესთავაზა
5 და მეტი - ქართული გუნდების დიდი ანგარიშით გამარჯვებები ევროთასებზე
ზაურ სვანაძემ და ბაქოს "ინტერმა" ახალი კონტრაქტი გააფორმეს