<p>30 ოქტომბერს საქართველოს თასის საპასუხო მერვედფინალური მატჩები გაიმართება <br> 30 ოქტომბერს საქართველოს თასის საპასუხო მერვედფინალური მატჩები გაიმართება და როგორც ამ გათამაშებას "სჩვევია", გარკვეულ სიურპრიზებსაც უნდა ველოდოთ.</p><p>ყოველ შემთხვევაში, ინტრიგა ნამდვილად იქნება: რვა წყვილიდან ხომ, ფაქტობრივად, მხოლოდ სამშია გარკვეული მეოთხედფინალისტის ვინაობა, დანარჩენ ხუთ წყვილში კი ნებისმიერი შედეგია მოსალოდნელი და სადმე დამატებითი დრო ან პენალტების სერიაც რომ დაინიშნოს, არც ეს უნდა გაუკვირდეს ვინმეს.</p><p>ისე, მართლაც საინტერესოა, თუ როგორი "წარმომადგენლობა" ეყოლებათ მეოთხედფინალში უმაღლესი და პირველი ლიგის გუნდებს.</p><p>დღესდღეობით კი ასეთი სიტუაციაა: 16 მერვედფინალისტიდან 5 პირველ ლიგას წარმოადგენს, 11 კი - უმაღლესს (მხოლოდ "ზუგდიდი" გამოეთიშა გათამაშებას 1/16-ფინალში). მოკლედ, დაველოდოთ მოვლენების განვითარებას...</p><p>30.10. თბილისი. "დინამო არენა". 14:00</p><p><strong>დინამო (თბ)-კოლხეთი (ხ)</strong></p><p>პირველი მატჩი: 9:0</p><p>დისკვალიფიკაცია: უსტარიცი (დინამო)</p><p>ქვეყნის ჩემპიონი და თასის მფლობელი მართლაც მშვენიერ ფორმაში ხვდება სათასო პაექრობას: დუშან უჰრინის გუნდმა ზედიზედ რვა მატჩი მოიგო.</p><p>ამ სერიის ერთ-ერთი შემადგენელი ნაწილი პირველი მერვედფინალური შეხვედრაც იყო, ხობის ნაცვლად, ფოთში რომ ჩატარდა და სადაც, ფაქტობრივად, გაირკვა კიდეც ამ წყვილში გამარჯვებულის ვინაობა.</p><p>მოგეხსენებათ, რომ "დინამოს" ჩეხი თავკაცი მხოლოდ გამოუვალი მდგომარეობის გათვალისწინებით ახდენს ძირითად შემადგენლობაში როტაციას; თუმცა პირველ მერვედფინალში რამდენიმე ისეთ ფეხბურთელს მისცა თავის გამოჩენის საშუალება, სხვადასხვა მიზეზით ძირითადში იშვიათად რომ ჩნდებიან (გიორგი მიქაბერიძე, პატრიკ ვუო, გიორგი შაშიაშვილი, ირაკლი ლექვთაძე).</p><p>ჰოდა, ზოგმა მათგანმა გაამართლა კიდეც: მიქაბერიძემ (ისე, როგორც დარკო გლიშიჩმა და ჩისკომ) დუბლი შეასრულა, ვუომ კი ერთ გოლს 2 საგოლე პასი მიუმატა.</p><p>აი, რაც შეეხება ხობის "კოლხეთს", პირველი ლიგის ამ "სტაჟიან" წევრზე მხოლოდ იმის თქმა შეიძლება, რომ მერვედფინალის წილისყრისას ყველაზე მეტად ამ გუნდს არ გაუმართლა...</p><p>30.10. ფოთი. "ფაზისი". 14:00<strong></p><p>კოლხეთი (ფ)-მეტალურგი</strong></p><p>პირველი მატჩი: 0:2</p><p>ამ წყვილის ფავორიტმა "მეტალურგმა" პირველ მერვედფინალურ დაპირისპირებაში სავსებით საკმარისი "ჰანდიკაპი" შექმნა და არ არის გამორიცხული, რომ რუსთაველთა მთავარმა მწვრთნელმა გელა სანაიამ 30 ოქტომბერს თავისი გუნდის ძირითად შემადგენლობაში გარკვეული როტაციაც მოახდინოს.</p><p>ყველაფერს თავი რომ დავანებოთ, "მეტალურგმა", ოთხ დღეში თბილისის "დინამოს" უნდა უმასპინძლოს!..</p><p>პირველ ლიგაში მოასპარეზე "კოლხეთი", როგორც მოსალოდნელი იყო, თავის ზონაში ერთპიროვნული ლიდერია და თუ გაუთვალისწინებელი არაფერი მოხდა, უმაღლეს ლიგაში გადასასვლელ პლეი ოფშიც აუცილებლად მოხვდება.</p><p>"კოლხეთი" რომ ურიგო ფეხბურთს არ თამაშობს, "მეტალურგთან" პირველ მერვედფინალურ შეხვედრაშიც დავრწმუნდით და ფოთელთა საუკეთესო ბომბარდირმა დათა სიჭინავამ ორჯერ ხარიხასაც გაარტყა ბურთი.</p><p>30.10. ზესტაფონი. "დავით აბაშიძე". 15:00</p><p><strong>ზესტაფონი-სიონი</strong></p><p>პირველი მატჩი: 0:1</p><p>აი, ერთ-ერთი ყველაზე ძნელად პროგნოზირებადი წყვილი; თანაც, პირველი მატჩი ისეთი ანგარიშით დამთავრდა, 30 ოქტომბერს მასპინძლებს მხოლოდ მოგება (თანაც - სასურველი ანგარიშით) რომ ესაჭიროებათ.</p><p>თუმცა, გარკვეული ფსიქოლოგიური უპირატესობა მაინც მასპინძლებს უნდა ჰქონდეთ.</p><p>"ზესტაფონი" ამ ბოლო დროს ჩემპიონატში წარმატებით ასპარეზობს და ნელ-ნელა უახლოვდება ლიდერთა ჯგუფს, მაშინ, როცა "სიონის" საქმეები უკან და უკან მიდის. ალბათ, ამის "გამოძახილიც" იყო ბოლნისელთა გუნდში მომხდარი საკადრო ცვლილებაც: როგორც უკვე იცით, მთავარი მწვრთნელის პოსტი გიორგი კიკნაძემ დატოვა და მის ნაცვლად 30 ოქტომბერს "სიონს" გიორგი ლოლაძე დამოძღვრავს.</p><p>სხვათა შორის, ჩემპიონატის უახლოეს ტურში, 3 ნოემბერს რომ უნდა ჩატარდეს, "ზესტაფონმა" სწორედ "სიონს" უნდა უმასპინძლოს.</p><p>30.10. სამტრედია. "ეროსი მანჯგალაძე". 14:00</p><p><strong>მერანი-გურია</strong></p><p>პირველი მატჩი: 2:1</p><p>უმაღლესლიგელთა კიდევ ერთი საინტერესო წყვილი, სადაც ასევე ძნელია ფავორიტის გამოცნობა და ეს იმის მიუხედავად, რომ მწვრთნელშეცვლილ და საკადრო პრობლემებით "დახუნძლულ" მარტვილელებს, ერთი შეხედვით, იოლი ამოცანა აქვთ გადასაჭრელი - პირველ მატჩში მოპოვებული უპირატესობის შენარჩუნება.</p><p>თუმცა იმ პირველი მერვედფინალური შეხვედრის შემდეგ "მერანმა" ჩემპიონატში ზედიზედ 4 თამაში წააგო, "გურია" კი, ყველასათვის მოულოდნელად, კვლავაც ზედა ექვსეულშია "მოკალათებული"...</p><p>30.10. თბილისი. "მიხეილ მესხი". 14:00</p><p><strong>სპარტაკი-ტორპედო</strong></p><p>პირველი მატჩი: 2:2</p><p>აი, კიდევ ერთი წყვილი, სადაც ერთმანეთს უმაღლესი ლიგის გუნდები დაუპირისპირდებიან; აქვე ბარემ ისიც ვთქვათ, რომ პირველი მერვედფინალური მატჩებიდან მეტ-ნაკლებად ყველაზე მოულოდნელი შედეგი ხომ ქუთაისში დაფიქსირდა: წყვილის ფავორიტად მიჩნეული "ტორპედო" ორჯერ აგებდა "სპარტაკთან", თუმცა საბოლოოდ, მაინც ფრედ დაამთავრა შეხვედრა.</p><p>იმ საინტერესო პაექრობაში ორმა შემტევმა გამოიჩინა თავი: ნიკა საბანაძემ ("ტორპედო") და ვახტანგ ფანცხავამ ("სპარტაკი") დუბლი შეასრულეს.</p><p>იმასაც შეგახსენებთ, რომ ჩემპიონატში დღევანდელი მეტოქეები 1-ელ სექტემბერს დაუპირისპირდნენ ერთმანეთს და "მიხეილ მესხზე" ჩატარებული შეხვედრის ბედი "ტორპედოს" ცენტრალური მცველის, გიორგი ხიდეშელის ერთადერთმა გოლმა გადაწყვიტა.</p><p>30.10. ქობულეთი. "ჩელე არენა". 14:00</p><p><strong>დინამო (ბთ)-დილა</strong></p><p>პირველი მატჩი: 0:1</p><p>ძველი მეტოქეები დღესდღეობით სხვადასხვა ლიგაში ასპარეზობენ, თუმცა ბათუმელებს ისეთი შემადგენლობა ჰყავთ, უმაღლეს ლიგაში პირველ ექვსეულში მოსახვედრადაც რომ იბრძოლებდნენ!</p><p>ამირან მუჯირს, სევასტი თოდუას, გიორგი მანწკავას, მიხეილ ალავიძეს, ბესიკ ჩიმაკაძეს, გიგა ჟვანიასა და ირაკლი ჩირიკაშვილს, ვფიქრობთ, წარდგენა არ სჭირდებათ, ისე, როგორც "დინამოს" მთავარ მწვრთნელს - კობა ჟორჟიკაშვილს.</p><p>თუმცა, ძნელი სათქმელია, თუ რამხელა მნიშვნელობას მიანიჭებენ ზღვისპირელები... თასის გათამაშებას: ბათუმის "დინამოს" უმთავრესი მიზანი ამ სეზონში ხომ პირველ ლიგაში წარმატებული ასპარეზობა და მერე, პლეი ოფში მოხვედრაა!</p><p>30.10. ქუთაისი. "ცენტრალური". 14:00</p><p><strong>ჩიხურა-ლოკომოტივი</strong></p><p>პირველი მატჩი: 3:0</p><p>დისკვალიფიკაცია: გიორგი დათუნაიშვილი (ჩიხურა)</p><p>30.10. მცხეთა. "მცხეთა-პარკი". 14:00</p><p><strong>ვიტ ჯორჯია-შუქურა</strong></p><p>პირველი მატჩი: 0:1</p><p><strong>ყოველდღიური სპორტული გაზეთი "ლელო"</strong></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"უოტფორდმა" ჩიქოვანის ტრანსფერი დეტალების გარეშე დაადასტურა
სასიამოვნო სიახლე: "ზესტაფონმა" ეროვნული ლიგისკენ 1 ნაბიჯი გადადგა
ფანების ჩხუბის გამო "საპოვნელა", "სიონი", "დინამო" (თბ) და "ცხინვალი" დაისაჯნენ
ჯაბა დვალთან ერთად - "ზესტაფონი" წინსვლისთვის ბრძოლას იწყებს
გელა სანაია: ზღვისპირეთში ბევრი ტალანტი იკარგება
"ზესტაფონი" საფეხბურთო აკადემიას თბილისში ხსნის
საქართველოს თასის გათამაშება დაიწყო
დუშან უჰრინი ლევან ყენიაზე: იმედია, ეს შარშანდელის მსგავსი ტრავმა არ არის
ეროვნული ლიგა. XXX ტური. "სიონი" - "დინამო" თბ [LIVE]
დუშან უჰრინი: ლევან ყენიას ტრავმა ცუდად გამოიყურება
საქართველოს ორი ჩემპიონი ერთმანეთის პირისპირ - შესამჩნევი იაპონელი და განელებზე კარგი შთაბეჭდილებით
ქართველი მეკარე ესპანურ გუნდში გადავიდა
"ზესტაფონისა" და "დინამოს" ექსფეხბურთელი "პორტუში" გადადის
მსაჯის შეურაცხყოფისთვის ოქრიაშვილი გააძევეს - "სამგურალმა" "საბურთალოს" მოუგო [VIDEO]
გადაწყდა: ფოთის "კოლხეთს" უკრაინელი ალექსანდრ შტელინი გაწვრთნის
ლევან ყენიამ დისკვალიფიკაცია მოიხადა
ლადო ბურდული: ქართული გუნდებიდან ერთ-ერთი ყველაზე გამორჩეული სპარინგები გვქონდა
თბილისის "დინამო" კლუბის ნაწილობრივ გაყიდვას არ ადასტურებს
ლევან ყენია: მიმაჩნია, რომ ამ სიტუაციაში სწორად მოვიქეცი...
"გაგრამ " "ტორპედო" მინიმალური ანგარიშით დაამარცხა [VIDEO]
ბოლნისის "სიონმა" "საბურთალო" დაამარცხა [VIDEO]
"შევარდენს" ახალი მთავარი მწვრთნელი ჰყავს
"გაჭირვებულ ქვეყანაში ძნელი მოსასმენია, მოთამაშე 4-5 ათას ლარს რომ იღებს, მაგრამ სხვაგვარად არაფერი გამოვა"
გიორგი ბუხაიძე: კლუბთან კონტრაქტი ამომეწურა და არ ვიცი ჯერჯერობით სად წავალ
ეროვნული ლიგა. XIV ტური. "სიონი" - "დილა" [LIVE]
Geo Team: "უოტფორდში" ქართველი თავდამსხმელი გადადის
პასუხისმგებლობა მე ასე მესმის - ზვიად ჯელაძემ "საპოვნელა" მაინც დატოვა
ზესტაფონი-სიონი 0:0 - ბრძოლა და მშვიდობა [VIDEO]
გელა სანაიამ "შევარდენი" დატოვა - ახალი თავკაცის ვინაობა ჯერჯერობით უცნობია
გელა სანაია: ნაკრებით ფეხბურთის მშენებლობის დაწყება წარმოუდგენელია
"საპოვნელა" ზესტაფონს შეეხიზნება - ჯელაძე, ოდიკაძეები და ბევრი ახალწვეული თერჯოლაში
ეროვნული ლიგა. XVII ტური. "ტორპედო" - "სიონი" [LIVE]
"2026 წლიდან, 10 წლის თავზე, დიდი ძალისხმევის შედეგად, სამართლიანობა იზეიმებს და "დინამო თბილისს" ექნება დაფინანსების სხვადასხვა წყარო" - რომან ფიფიას განცხადება
Geo Team: ჩიქოვანმა "უოტფორდთან" კონტრაქტი გააფორმა, მაგრამ ჯერ ბელგიაში ითამაშებს
ლეგიონი გუშინ: ჯაბა კანკავას მესამე ყვითელი მესამე მატჩში
ლევან ყენიამ შესაძლოა, "ზლინის" წინააღმდეგ ითამაშოს