კოპა ამერიკა სენტენარიო. 1/2-ფინალი: ბატიგოლზე მეტი [VIDEO]

მესი ნაკრების რეკორდსმენია, არგენტინა ფინალშია * აშშ-ს უკვე 12 მატჩია ფრე არ უთამაშია - 9 მოგება, 3 წაგება. სამივე მატჩი ამერიკელებმა 0-ზე წააგეს.* არგენტინამ ზედიზედ მე-9 თამაში მოიგო, აქედან 6 გოლგაუშვებლად, საერთო ბურთების სხვაობით - 24:2.* "ალბისელესტეს" 11-თამაშიანი წუგებელი სერია აქვს (9 მოგება, 2 ფრე). ბოლოს არგენტინა 2015 წლის 9 ოქტომბერს ეკვადორთან დამარცხდა - 0:2.* ლიონელ მესიმ არგენტინის ნაკრებში 55-ე გოლი გაიტანა და ნაკრების ყველა დროის ბომბარდირი გახდა. მან გაბრიელ ბატისტუტას გაუსწრო.ის, რაც ჰიუსტონში, "ენ ერ ჯი სტედიუმზე" მოხდა, ნამდვილი ფეხბურთის ზეიმი გახლდათ, მაგრამ მასპინძელი ამერიკელებისთვის, ვაი, რომ ერთი გუნდის შესრულებით.არგენტინამ არათუ უბრალოდ მოუგო მეტოქეს, არამედ საერთოდ გააქრო საფეხბურთო რუკიდან. აშშ-ს მეტოქის კარში კი არა, კარისკენაც არ დაურტყამს, არც ერთხელ (!). არც დაბლოკილი დარტყმა ყოფილა და არც რაიმე მსგავსი. ხერარდო მარტინოს გუნდმა, ფაქტობრივად, სრულყოფილი მატჩი ჩაატარა. საინტერესოა ისიც, რომ მაგალითად, ანხელ დი მარიასა და სერხიო აგუეროს საერთოდ არ უთამაშიათ.ანგარიში ესეკიელ ლავეციმ გახსნა, როდესაც ამერიკელთა დაცვა ჩავარდა, არანაირი თამაშგარე არ გამოვიდა, მცველებს ლავეცი გაეპარათ, რომელსაც ოსტატურად ჩაუგდო ლიონელ მესიმ, ესეკიელმაც თავურით გაუტანა ცოტა წინ გამოსულ გუზანს.32-ე წუთზე თავად მაესტროს ჯერი დადგა და მესიმ ისეთი სილამაზის ჯარიმა შეაგდო, თანაც, ისეთი დისტანციიდან, რომ ამის აღწერა შეუძლებელიცაა და შეურაცხმყოფელიც გოლისადმი. ამ ბურთით ლეო არგენტინის ყველა დროის საუკეთესო ბომბარდირი გახდა 55 გოლით, გაასწრო რა ერთით გაბრიელ ომარ ბატისტუტას. ამ უკანასკნელმა მოგვიანებით აღნიშნა, მესი ამ პლანეტიდან არ არისო და ალბათ, მართალიცაა, ლეოს გოლმა გრავიტაციის კანონები დაარღვია.მეორე ტაიმში გონსალო იგუაინმაც გაილაღა. "პიპიტამ" ორი შეაგდო და აქედან ერთი მესიმ ლანგარზე მიართვა, როდესაც გატანა თავადაც შეეძლო. არგენტინელებს კიდევ არაერთი მომენტი ჰქონდათ, ხან ძელი იყო, ხან თავად აცილებდნენ, ხანაც საბრალო გუზანი იგერიებდა. თუმცა 4:0-იც სავსებით საკმარისია და "ტატას" გუნდი ისე დაფრინავს, მისი შემჩერებელი არავინ ჩანს. მაგრამ ვინ იცის, დაველოდოთ ფინალს. "ალბისელესტეს" მეტოქე გუშინ გამთენიისას ირკვეოდა ჩილესა და კოლუმბიას შორის.მარტინო ძალიან კმაყოფილი იყო. "ჩემი ბიჭებით ვამაყობ და აღფრთოვანებული ვარ" - განაცხადა მან და ასეც უნდა იყოს. კლინსმანს კი რა უნდა ეთქვა - ხელები ამიწევიაო."ბედნიერი ვარ, მაგრამ ასევე, მადლიერი ჩემი თანაგუნდელების, რომლების გარეშეც ამ შედეგს ვერ მივაღწევდი. ასე რომ, რეკორდი მათაც ეკუთვნით. ჩემთვის "ბატიგოლის" მაჩვენებლის გაუმჯობესება ორმაგად მნიშვნელოვანია", - თქვა მესიმ.შეგახსენებთ, რომ მესის 55 გოლის გასატანად 112 მატჩი დასჭირდა ნაკრებში, ხოლო ბატისტუტას 77 შეხვედრაში 54 ბურთი აქვს გატანილი. მესიმ რეკორდი თავის 29-ე დაბადების დღემდე 3 დღით ადრე დაამყარა."მე ნაკრების გოლეადორი ისე გავხდი, რომ ეს თითქმის, არც შემიმჩნევია. ეს ჩემი თვითმიზანი არ ყოფილა, მთავარი გუნდის წარმატება გახლდათ, სტატისტიკაზე ნაკლებად ვფიქრობდი ხოლმე. ახლა რეკორდი ლეოსია. სიმართლე ითქვას, ცოტა მტკივნეულია, მაგრამ ჩემი რეკორდი რიგით ან ასაკოვან მოთამაშეს არ გაუუმჯობესია, ეს გააკეთა ფეხბურთელმა, რომელიც სხვა სამყაროდანაა" - განაცხადა ბატისტუტამ.მესის უკვე სამი ფინალი აქვს ნათამაშები - 2007 და 2015 წლებში კოპა ამერიკაზე და 2014 წელს მსოფლიოს ჩემპიონატზე. თითქოს, მოვიდა დრო, არგენტინამ ბოლოს და ბოლოს, მოიგოს ფინალი. თანაც კოპა ამერიკა ტრიუმფით 1993 წლის მერე არ დაუსრულებია და შანსი აქვს, თან ნავსი გატეხოს და ჩემპიონობების რაოდენობით ურუგვაისაც გაუთანაბრდეს."ჩვენი მიზანი ფინალში გასვლა იყო და ეს შევასრულეთ. ახლა კი, ცხადია, ახალი მიზანი გვაქვს, ფინალის მოგება. ამას ყველა ველოდებით და ყველანი ბოლომდე დავიხარჯებით. ტურნირის დაწყებიდან სწორად და კარგად ვთამაშობთ, ვპროგრესირებთ. ასე რომ, იმედი მაქვს, ფეხი ამჯერად აღარ დაგვიცდება. ჩვენ ჩემპიონობას ვიმსახურებთ, თუ იმას გავითვალისწინებთ, რასაც ბოლო წლებში ვაკეთებდით" - დასძინა მესიმ.<div style="text-align: center;">იხილეთ ვიდეო<a href="/mtavari/video.html?view=video&video=7772" target="_blank"><img src="pictures/artimages/image16/9fabdf7cfe8f951130be54f72a043b6f.jpg" border="0" alt="Sportall.Ge" title="კოპა ამერიკა სენტენარიო. 1/2-ფინალი: ბატიგოლზე მეტი [VIDEO]" /></a> </div>აშშ-არგენტინა 0:4გოლები: 0:1 ლავესი (3), 0:2 მესი (32), 0:3 იგუაინი (50), 0:4 იგუაინი (80)აშშ (4-4-2): გუზანი - იედლინი, კამერონი, ბრუკსი, ჯონსონი - ზარდესი, ბრედლი, ბეკერმანი (60. ბირნბაუმი), ზუსი - ვონდოლოვსკი (46. პულიშიჩი), დემპსი (78. ნაგბე)არგენტინა (4-3-3): რომერო - მერკადო, ოტამენდი, რამირო ფუნეს მორი, როხო (84. კუესტა) - მასკერანო, ფერნანდესი (59. ბილია), ბანეგა - ლავესი (67. ლამელა), მესი, იგუაინიგაფრთხილება: ვონდოლოვსკი -კუთხური: 1-4 ჯარიმა: 13-9 თამაშგარე: 2-9 კარში დარტყმა: 0(0)-11(7) ბურთის ფლობა: 32%-68%მაყურებელი: 70 858ყოველდღიური სპორტული გაზეთი "ლელო"

"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა

"ლივერპული" პრემიერლიგის "გალაქტიკოსი" გახდა" - ჯეიმი კარაგერი

შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?

ნიკოლოზ ბასილაშვილი ჩინური ტურნირის პირველივე წრეში დამარცხდა

"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა

"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?

შენგელია: გასაკვირია ჯიკიჩი ევროლიგის გუნდს რომ არ წვრთნის

[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ის ერთფეროვანი აღარ არის - ის საუკეთესოა! [VIDEO]

მესის ჰეთ თრიქი და 2 საგოლე პასი - "ლა პულგას" ბენეფისი ბოლივიასთან [VIDEO]

"დარწმუნებული ვარ, ხალხს ეს სიტყვები გააბრაზებს, მაგრამ მაინც უნდა ვთქვა" - შოტლანდიელმა მწვრთნელმა მესი გააკრიტიკა

დი მარიამ სანაკრებო კარიერა დაასრულა

"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ

მესიმ კარიერაში ყველაზე სწრაფი გოლი გაიტანა - არგენტინამ გაიმარჯვა

ბრაზილიამ 2019 წლის შემდეგ პირველად ვერ გაიმარჯვა [VIDEO]

ბრაზილიის ნაკრები კოპა ამერიკაზე თამაშზე უარს აცხადებს

ლეგენდარული მენოტი გარდაიცვალა - მან თბილისის "დინამოს" ევროპის უძლიერესი გუნდი უწოდა

არგენტინა დამაჯერებლად ლიდერობს, მესი მშვენიერ ფორმაშია [VIDEO]

კოპას სიმბოლური ნაკრები - როცა მესის ყველაფერი ბრწყინვალედ გამოსდის

"მან ჩემს სამწვრთნელო განვითარებაში დიდი წვლილი შეიტანა" - მოურინიო მესიზე

დრამატული მატჩი მესამე ადგილისთვის! კოლუმბიამ კომპენსირებულ დროში იმარჯვა[VIDEO]

[VIDEO] მესის უჩვეულო ქმედება, რის გამოც არგენტინელმა მეტოქეს ბოდიში მოუხადა

"ვითამაშებ თუ არა მსოფლიო ჩემპიონატზე?" - მესიმ სამომავლო გეგმებზე ისაუბრა

ვან გაალი: არგენტინის მსოფლიო ჩემპიონობა დაგეგმილი იყო

საგიჟეთი, 83 წუთის დაგვიანებით დაწყებული მატჩი, ტრავმის გამო ატირებული მესი და ლაუტაროს გამარჯვების გოლი [VIDEO]