<p>დღის მიღწევები და სტატისტიკა <br> ემოციური საღამო იყო გუშინ ბოსტონში. ლეგენდარულმა ფორვარდმა, "კლიპერსის" ვეტერანმა პოლ პირსმა ბოლო მატჩი ითამაშა კარიერაში. სიმბოლურია, რომ ეს მოვლენა დაემთხვა მატჩს "ბოსტონის" წინააღმდეგ, რომელშიც ის 15 წლის განმავლობაში თამაშობდა.</p><p>"ყველაფერი, რაც დღეს ხდებოდა, სიყვარულის დემონსტრაცია იყო. მე არ მქონია გამოსათხოვარი ტურნე კობი ბრაიანტის სტილში, როცა მას სიყვარულში უტყდებოდნენ ყოველ არენაზე. ასე რომ, ეს არის ჩემი დამშვიდობება, თან არა მხოლოდ "სელტიქსისთვის", არამედ მთელი ლიგისთვის. 18 წლის წინ, 1999 წლის 5 თებერვალს დაიწყო ჩემი კარიერა, ხოლო დასრულდა 2017 წლის 5 თებერვალს", - განაცხადა პირსმა, რომელსაც ბოსტონური პუბლიკა ძალიან თბილად შეხვდა.</p><p>თავის ბოლო მატჩში პირსი "კლიპერსის" სასტარტოში იყო და პირველი ხუთი წუთი ითამაშა, მაგრამ ქულა ვერ აიღო. მეორედ მოედანზე პირველი მეოთხედის დასრულებამდე 19 წამით ადრე შეუშვეს და პოლმა კარიერაში ბოლო სამქულიანი ჩააგდო. ეს იყო "ბოსტონის" საშინაო არენაზე პირსის 630-ე მატჩი და არ ყოფილა შემთხვევა, რომ უქულოდ დაეტოვებინოს მოედანი.</p><p>ამ მატჩის კიდევ ერთი აღსანიშნავი მომენტი იყო "ბოსტონის" საკლუბო რეკორდი - 52 ნასროლი სამქულიანი.</p><p>* * *</p><p>გუშინდელ სათამაშო დღეს, მორიგ სამმაგ დუბლს ელოდნენ რასელ უესტბრუკისგან, თუმცა, ტრიპლ-დაბლი "ტორონტოს" მცველმა კაილ ლოურიმ შეასრულა - პირველი ამ სეზონში და მეცხრე კარიერაში. მის ანგარიშზე 15 ქულა, 11 მოხსნა და 11 შედეგიანი პასი იყო. ამ გადაცემების დიდი ნაწილი იონას ვალანჩუნასის მისამართით იყო, რომელმაც 22 ქულა დააგროვა.</p><p>ასე თუ ისე, "ბრუკლინმა" გაუწია წინააღმდეგობა კანადურ გუნდს, მაგრამ მაინც წააგო ზედიზედ მერვე მატჩი და ზედიზედ მეთორმეტედ დამარცხდა საკუთარ მოედანზე.</p><p>რაც შეეხება რასელ უესტბრუკს, მან, ამჯერად, არა სამმაგ დუბლზე, არამედ, შედეგიანობაზე იზრუნა და ეს გამოუვიდა - 34-დან 16 ბურთი ჩააგდო და 42 ქულა დააგროვა, რასაც რვა შედეგიანი პასი და ოთხი მოხსნა დაუმატა.</p><p><strong><em>ბრუკლინი-ტორონტო 95:103</em></strong></p><p>24:26, 19:29, 20:20, 32:28</p><p>ბ: ლოპესი (20+7 მოხსნა), კილპატრიკი (18), ბუკერი (15+10 მოხსნა), ბოგდანოვიჩი (13).</p><p>ტ: ვალანჩუნასი (22), როსი (17), ლაური (15+11 მოხსნა+11 პასი), კეროლი (15), პაუელი (10), ვანვლიტი (10).</p><p><strong><em>ბოსტონი-კლიპერსი 107:102</p><p></em></strong>29:19, 27:28, 25:20, 26:35</p><p>ბ: ტომასი (28+8 პასი), სმარტი (13), ოლინიკი (13), ჯონსონი (13), ჰორფორდი (13+15 მოხსნა+6 პასი), კრაუდერი (11), ბრაუნი (11).</p><p>კ: გრიფინი (23+8 მოხსნა), კროუფორდი (23), ფელტონი (16), სპეიტსი (11), ჯორდანი (6+16 მოხსნა).</p><p><strong><em>ოკლაჰომა-პორტლენდი 105:99</p><p></em></strong>24:16, 22:36, 25:21, 34:26</p><p>ო: უესტბრუკი (42+8 პასი), ოლადიპო (24+13 მოხსნა), რობერსონი (14+11 მოხსნა), ადამსი (7+13 მოხსნა).</p><p>პ: ლილარდი (29+7 მოხსნა), მაკალუმი (19+8 მოხსნა), პლამლი (13), კრები (10).</p><p><strong>ყოველდღიური სპორტული გაზეთი "ლელო"</strong></p>
[VIDEO] ჰალიბარტონის და "ინდიანას" მორიგი სასწაული - "ოკლაჰომა" სუპერფინალის პირველ მატჩში დამარცხდა
[VIDEO] "ინდიანა პეისერსმა" "ნიუ იორკ ნიქსი" დაამარცხა და სუპერფინალში ითამაშებს
[VIDEO] პირველად 13 წლის შემდეგ - "ოკლაჰომა" კონფერენციის სუპერფინალში ითამაშებს
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
როგორია ნაკრები ხვიჩას და ლიდერების გარეშე და რა დავინახეთ სექტემბრისთვის?
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
ცნობილია ის ოთხი ფეხბურთელი, რომელთა შეძენაც კონტემ დე ლაურენტისს მოსთხოვა
"მესი თუ რონალდო?" - იგუაინმა უცნაური არჩევანი გააკეთა
"არც მესია, არც რონალდო და არც მარადონა, მაგრამ..." - არშავინმა კვარაცხელიაზე ისაუბრა