<p>საქართველოს ჩემპიონმა ქუთაისის "აია" დაამარცხა <br> საქართველოს ჩემპიონის, თბილისის "ლელოსა" და ქუთაისის "აიას" დაპირისპირება კურიოზული ლელოთი დაიწყო.</p><p>მატჩის მეორე წუთი მიმდინარეობდა, ლელოელებმა ბურთი აუტში გადაიტანეს. ქუთაისელთა ჩათვლის მოედნიდან 10 მეტრში სტუმართა ერთ-ერთმა მორაგბემ ბურთი აუტიდან სწრაფად შეიტანა, ისე, რომ თანაგუნდელები ამისთვის მზად არ იყვნენ. ბურთი ლელოში შეგორდა. მასთან ყველაზე სწრაფად "ლელოს" მესამეხაზელი <strong>თორნიკე ბუბუტეიშვილი</strong> მიიჭრა და ანგარიში გახსნა. ფულბეკმა ირაკლი ყიასაშვილმა გარდასახვა გაიტანა - 7:0.</p><p>ასეთ დასაწყისს, ცხადია, არავინ ელოდა. არც "აია", რომელიც ამ ტურამდე გათამაშების ლიდერი იყო და, რადგანაც მეტოქეს ნაკრებში მივლინებული რამდენიმე მორაგბე აკლდა, გამარჯვების მიღწევის კარგი შანსიც ჰქონდა. ეს მატჩის მსვლელობამაც დაადასტურა. ქუთათურებმა თამაში მალე დაალაგეს და ტაიმი 20:12 მოიგეს.</p><p>ვითარება არც შესვენების შემდეგ შეცვლილა. 59-ე წუთისთვის "აია" ათი ქულის სხვაობით - 25:15 იგებდა. თუმცა, თამაშის მსვლელობას ეტყობოდა, რომ განხორციელებული შეცვლები მასპინძლებს უფრო აძლიერებდა.</p><p>დასკვნითი ოცი წუთი გადამწყვეტი აღმოჩნდა. მატჩის ამ მონაკვეთში თავი შეცვლაზე შესულმა გარემარბმა <strong>თორნიკე ახობაძემ</strong> გამოიჩინა.</p><p>61-ე წუთზე "ლელომ" მეტოქის 22-მეტრიან ზონაში დერეფნიდან მოლი ააგორა, რომელიც რაკში გადავიდა. მერე მასპინძლებმა ბურთი მარჯვნივ, გრძელ ფრთაზე ბოლომდე ჩაათამაშეს, სადაც ახობაძის შეჩერება ვერავინ შეძლო.</p><p><strong>ყიასაშვილმა</strong> ვერ გარდასახა - 20:25. თუმცა, მან ხუთ წუთში საჯარიმოს გატანა შეძლო და სხვაობა ორ ქულამდე შეამცირა - 23:25.</p><p>გამარჯვების მომტანი ლელო ახობაძემ მატჩის დასრულებამდე ერთი წუთით გაიტანა. საკუთარი 22-მეტრიანი ზონიდან ბურთი ყიასაშვილმა წამოიღო, მერე მარცხენა ფრთაზე <strong>ჯაბა სიხარულიძემ</strong> 30 მეტრი ირბინა. "ლელომ" შეტევის მიმართულება შეცვალა, ბურთი ისევ მარჯვნივ ხაზზე ჩაათამაშა, სადაც ისევ ახობაძე დაუხვდა და მეორე ლელო მიითვალა. ყიასაშვილმა ვერ გარდასახა - 28:25.</p><p><span style="color: #3366ff;"><strong>დიდი 10. XIV ტური</strong></span></p><p><em><strong>ლელო-აია 28:25</strong></em></p><p>ლელო (15-9) ყიასაშვილი, მამუკაშვილი (ახობაძე 50), ხეცოიძე, ხეცურიანი, ტაბუცაძე, გავაშელიშვილი (ბარკალაია 50), მინდიაშვილი. (1-8) ჯულაყიძე (მარგალიტაძე 52), ლომთაძე (მამისაშვილი 60), ქართველიშვილი (მჭედლიძე 60), ხორბალაძე (სიხარულიძე 45), ქოიავა, ბუბუტეიშვილი, საღინაძე, მაისურაძე.</p><p>4ლ: ბუბუტეიშვილი, მამუკაშვილი, ახობაძე (2). 2ს,გ: ყიასაშვილი.</p><p>აია (15-9) მოდებაძე, ძნელაძე (ძაგნიძე 49), მანაგაძე (აბჯანდაძე 46), კიკვაძე, აბრამიძე, ბაბუნაშვილი, თუთბერიძე. (1-8) რატიაშვილი (წაქაძე 57), ტორაძე (არემიშვილი 56), ხარებავა, მ.ბაბუნაშვილი (მარშანია 55), შალამბერიძე, რევიშვილი, დანგაძე, მღებრიშვილი.</p><p>3ლ: აბრამიძე, ძნელაძე, ხარებავა. 2ს,2გ: ბაბუნაშვილი</p><p>მსაჯი: შოთა თევზაძე</p><p><span style="color: #3366ff;"><strong>სხვა მატჩები</strong></span></p><p><em><strong>ლოკომოტივი-ბათუმი 24:24</p><p>ბაგრატი-არმია 8:28</p><p>არმაზი-აკადემია 11:20</p><p>ჯიქი-ყოჩები 37:0</p><p></strong></em></p><p><span style="color: #3366ff;"><strong>სატურნირო მდგომარეობა</strong></span></p><p><em>ა გ თ მ ფ წ ბ ქ პ</em></p><p>1. ლელო 14 9 2 3 +59 45 5</p><p>2. აია 14 10 0 4 +49 44 4</p><p>3. ბათუმი 14 9 1 4 +134 43 5</p><p>5. ჯიქი 14 8 1 5 +127 43 9</p><p>4. ლოკომოტივი 14 8 2 4 +61 41 5</p><p>6. აკადემია 14 8 0 6 +23 36 4</p><p>7. არმია 14 7 0 7 -10 32 4</p><p>8. ბაგრატი 14 3 0 11 -196 18 6</p><p>9. არმაზი 14 3 0 11 -80 16 4</p><p>10. ყოჩები 14 2 0 12 -167 11 3</p><p><span style="color: #3366ff;"><strong>XV ტური </strong></span></p><p>ჯიქი-ბაგრატი</p><p>ყოჩები-ლოკომოტივი</p><p>ბათუმი-ლელო</p><p>აია-არმაზი</p><p>აკადემია-არმია</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
დიდი 10 | "აია" საქართველოს ჩემპიონია!
U21 | ბოლო დღე ავსტრიულ შეკრებაზე, დღეს ახალგაზრდული სლოვაკეთში გაემგზავრება
7-კაცა | მაკარსკაში კლოდ სორელის ხსოვნის პატივსაცემად
კაბო-ვერდე რთულად დასამარცხებელია - ვინ ითამაშებს ამჯერად?
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
დვალიშვილი VS ომალი 2 - დიდ ბრძოლამდე სულ ცოტა დრო რჩება