- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ეროვნული ლიგა 2. I ტური: ფავორიტები სტატუსს ამართლებენ
<p>ჩემპიონატის ერთ-ერთმა ფავორიტმა "ვიტ ჯორჯიამ" სეზონი დამაჯერებელი გამარჯვებით დაიწყო <br> ადრეც არაერთხელ აღვნიშნეთ, რომ რანგით მეორე ლიგის (ამიერიდან, ეროვნული ლიგა 2 რომ ერქმევა) გათამაშებაც არანაკლებ ინტერესს იწვევს; ყველაფერს თავი რომ დავანებოთ, ეროვნული ლიგა 2-ის მონაწილე გუნდებიდან, ზოგი ხომ სხვადასხვა დროს საქართველოს ჩემპიონი ("სიონი", "ვიტ ჯორჯია") გამხდარა, ზოგს კი - თასი აუღია ("გაგრა", "გურია"), ხოლო "მერანსა" და "სამგურალს" საქართველოს თასის ფინალში უთამაშიათ.</p><p>ამბიცია არც დანარჩენ ოთხ გუნდს ("ცხინვალი", "რუსთავი", "ზუგდიდი", "მეშახტე") დაეწუნებათ და, აქედან გამომდინარე, საინტერესო და დამაინტრიგებელ ჩემპიონატს უნდა ველოდოთ.</p><p>შეგახსენებთ, ამ ლიგაშიც ათი გუნდი ოთხ წრედ იასპარეზებს: გამარჯვებული ავტომატურად აღზევებდა ეროვნულ ლიგაში, მეორე-მესამე ადგილზე გასული გუნდები კი პლეი ოფში დაუპირისპირდებიან ეროვნულ ლიგაში VIII და IX ადგილზე გასულ გუნდებს.</p><p>რაც შეეხება დაქვეითებას, ეროვნულ ლიგა 2-ში ბოლო ადგილზე გასული გუნდი III ლიგაში იასპარეზებს მომავალ სეზონში, VIII-IX ადგილზე გასულ ორ გუნდს კი პლეი ოფის მატჩები მოუწევს ბრძოლა რანგით ამ მეორე ლიგაში ადგილის შესანარჩუნებლად.</p><p>ამ მართლაც მარათონული ტურნირის წინ ძალიან ძნელია ამა თუ იმ გუნდს ფავორიტისა თუ აუტსაიდერის სტატუსი მივანიჭოთ; თუმცა, მაინც გვგონია, რომ ეროვნულ ლიგაში აღზევების უფრო მეტი შანსი "ვიტ ჯორჯიას", "გაგრას" და "მერანს" ექნებათ.</p><p>აღსანიშნავია, რომ სამივე ამ ფავორიტს კერძო მფლობელი ჰყავთ და ბარემ ისიც ვთქვათ, რომ ამ კლუბების მეპატრონეები - <strong>გურამ რუხაძე</strong> ("ვიტ ჯორჯია"), <strong>ბესო ჩიხრაძე</strong> ("გაგრა") და <strong>ფრიდონ ინჯია</strong> ("მერანი"), უკვე წლებია, საკუთარი ჯიბიდან ინახავენ თავიანთ კლუბებს და თავის დროზე, უმაღლეს ლიგაში გარკვეული წარმატებებისათვის მიუღწევიათ.</p><p>"ვიტ ჯორჯიამ" სეზონი დამაჯერებელი გამარჯვებით დაიწყო და ეს არც იყო მოულოდნელი: <strong>თენგიზ კობიაშვილის</strong> გუნდმა, ფაქტობრივად, მთლიანად შეინარჩუნა შარშანდელი ბირთვი და პლუს, რამდენიმე ფეხბურთელითაც (<strong>ბადრი ტეტუნაშვილი, გიორგი ჭანკოტაძე, ალეკო ჩაკვეტაძე</strong>) გაძლიერდა.</p><p>აი, რაც შეეხება I ტურის ცენტრალურ შეხვედრას, ამ შემთხვევაში, ალბათ, ლოგიკური შედეგი დაფიქსირდა: ახალგაზრდა სპეციალისტის, <strong>გიორგი მიქაძის</strong> დამოძღვრილმა "მერანმა" და გამოცდილი უკრაინელი მწვრთნელის, <strong>ანატოლი პისკოვეცის</strong> ხელმძღვანელობით მოასპარეზე "გაგრამ" ფრედ (0:0) ითამაშეს.</p><p>სხვათა შორის, "მერანიდან" რამდენიმე წამყვანი ფეხბურთელი კი წავიდა, მაგრამ შევსებაც სოლიდურია: მარტვილელთა გუნდში გააგრძელებენ კარიერას ცენტრალური მცველი <strong>დავით მაისაშვილი</strong>, ცენტრფორვარდი <strong>რევაზ ბარაბაძე</strong> და გამოცდილი უკრაინელი ლეგიონერი<strong> სერგეი ტრეტიაკი</strong>.</p><p>ასევე რამდენიმე ახალწვეული ჰყავს "გაგრას", რომელთა შორისაც უნდა აღვნიშნოთ მეკარე <strong>გიორგი ნადირაძე</strong>, ცენტრალური მცველი <strong>გიორგი გეთიაშვილი </strong>და შარშანდელი სეზონის პირველი ლიგის ერთ-ერთი საუკეთესო ფორვარდი <strong>ნიკოლოზ ხინთიბიძე</strong>.</p><p>სამი ფავორიტი ვახსენეთ და, ძალიან დიდი ალბათობით, სწორედ ეს სტატუსი უნდა მივაკუთვნოთ "სიონსაც", 21-წლიანი პაუზის მერე რომ მოუწია რანგით მეორე ლიგაში ასპარეზობამ.</p><p>საერთოდაც, ბოლნისელთა გუნდის გამოსვლა დიდ ინტერესს არა მხოლოდ იმის გამო იწვევს, რომ, ფაქტობრივად, მთლიანად გადახალისებულია გუნდის შემადგენლობა: "სიონის" დირექტორად ხომ <strong>ბუბა ტყავაძე</strong> დაინიშნა, მთავარ მწვრთნელად კი ქართულ საკლუბო ფეხბურთში არანაკლებ ცნობადი სახე, გამოცდილი სპეციალისტი <strong>კობა ჟორჟიკაშვილი</strong>!</p><p>"სიონში" უამრავი გამოცდილი თუ ახალგაზრდა ახალწვეულია, თუმცა ორი მათგანი მართლაც იმსახურებს ცალკე აღნიშვნას: 35 წლის ნახევარმცველს<strong> ალექსანდრე კოშკაძესა </strong>და 32 წლის ცენტრფორვარდს <strong>ჯაბა დვალს</strong> ხომ უამრავი გუნდური თუ ინდივიდუალური ტიტული აქვთ მოპოვებული უმაღლეს ლიგაში სხვადასხვა დროს ასპარეზობისას.</p><p>როგორც აღვნიშნეთ, "სიონში" ახალგაზრდებიც მრავლად არიან და მათ შორის უნდა გამოვყოთ 20 წლის ცენტრალური მცველი <strong>ზურაბ ჯაფიაშვილი</strong>, რომელიც უმძიმესი ტრავმის მერე ერთწლიანი პაუზის მერე დაუბრუნდა ბოლნისურ</p><p>კლუბსა და, საერთოდ, ფეხბურთს...</p><p>შედარებით მოკრძალებული მიზნები უნდა ჰქონდეთ ამ სეზონში <strong>გია გიგატაძის</strong> ხელმძღვანელობით მოასპარეზე "სამგურალს" (სადაც გამოცდილი ფეხბურთელები გამოდიან - <strong>გიორგი ნერგაძე, გაგა ჩხეტიანი, დავით ციცხვაია</strong>) და <strong>კახა გოგიჩაიშვილის</strong> დამოძღვრილ "მეშახტეს". თანაც, ტყიბულელთა გუნდს პირველი ორი წრე საშინაო თამაშების ჩატარება ნეიტრალურ მოედანზე მოუწევთ.</p><p>ისე, დიდი შანსი იყო, რომ "მეშახტეს" სეზონი გამარჯვებით დაეწყო, მაგრამ პირველი ტურის დასკვნითი მატჩის მიწურულს, ტყიბულელთა გუნდის გამოცდილმა ახალწვეულმა <strong>საბა ლომიამ </strong>პენალტი ვერ გამოიყენა... თუმცა, ერთიანად სახეშეცვლილი და "ზომაზე მეტად" გაახალგაზრდავებული "ცხინვალიც" (მხოლოდ სამი ფეხბურთელიღა რომ დარჩა შარშანდელი შემადგენლობიდან -<strong> გიორგი ცერცვაძე, ლაშა ქოჩლაძე, თამაზ მაქაცარია</strong>) არ იმსახურებდა დამარცხებას: <strong>გოჩა ჩიქოვანის </strong>გუნდმა არაფერი დაუთმო მეტოქეს.</p><p>სხვათა შორის, "ცხინვალში" ერთი ცნობადი ახალწვეულიც გამოჩნდა: 25 წლის ნახევარმცველი <strong>ლაშა გვალია</strong>.</p><p>დაბოლოს, ტურის კიდევ ერთ საინტერესო დაპირისპირებაზეც: ამბიციური მიზნების მქონე "რუსთავმა" მეორე ტაიმში გატეხა სხვებთან შედარებით აშკარად დაუკომპლექტებელი "გურიას" წინააღმდეგობა და 3:1 მოიგო. აღსანიშნავია, რომ ამ მატჩს ესწრებოდნენ საქართველოს ფეხბურთის ფედერაციის პრეზიდენტი <strong>ლევან კობიაშვილი</strong> და ტექნიკური დირექტორი<strong> ზაზა ზამთარაძე</strong>.</p><p>იმის მიუხედავად, რომ <strong>ვარლამ კილასონიას </strong>გუნდი 3 მატჩის წინ ამ წყვილის გამოკვეთილ ფავორიტად მიიჩნეოდა, "გურიამ" პირველ ტაიმში ერთი სახიფათო კონტრშეტევა გოლად აქცია (<strong>გიორგი კაშიამ</strong> რომ გამოიყენა მეკარესთან პირისპირ გასვლა), მეორე ეპიზოდში კი <strong>ნოდარ კიკნაველიძემ</strong> ოდნავ არაზუსტად დაარტყა.</p><p>აი, ეს იყო და ეს: ამის მეტად სტუმრებს არც შეუწუხებიათ "რუსთავის" გამოცდილი მეკარე<strong> მიხეილ ალავიძე</strong>, მაშინ, როცა საპირისპირო კართან მომენტი მომენტზე იქმნებოდა! ერთ ეპიზოდში "გურია" მეკარე <strong>ლაშა ძაგანიამ</strong> გადაარჩინა, როცა მასპინძელთა ახალწვეულის <strong>რატი ცაცკრიალაშვილის</strong> სახიფათო "სტანდარტული" მოიგერია, შემდეგ კი <strong>ალექსანდრე შენგელიამ</strong> ცარიელი კარიდან გამოიტანა<strong> დათა სიჭინავას</strong> დარტყმული ბურთი.</p><p>თუმცა, "რუსთავის" საუკეთესო ბომბარდირმა<strong> დათა სიჭინავამ</strong> მეორე ტაიმში მაინც შეძლო "თავისი" გოლ(ებ)ის გატანა: მართლაც "საფირმო" საჯარიმო დარტყმითაც იხეირა და თავისივე წამოწყებული კომბინაციაც (მშვენივრად რომ გააგრძელა <strong>გიორგი გაფრინდაშვილმა</strong>) ზუსტი დარტყმით დააგვირგინა.</p><p>ეს კი არა, მასპინძელთა პირველ გოლშიც სწორედ დათა სიჭინავამ შეიტანა ლომის წილი: მის მიერ ძლიერად დარტყმული ბურთის მოგერიება ლაშა ძაგანიას გაუჭირდა და <strong>ბესიკ ჩიმაკაძესაც </strong>ახლო მანძილიდან ანგარიშის გათანაბრება არ გასჭირვებია...</p><p><span style="color: #3366ff;"><strong>ეროვნული ლიგა 2. I ტური</strong></span></p><p>04.03. მცხეთა. მცხეთა-პარკი</p><p><em><strong>ვიტ-ჯორჯია-სამგურალი 3:0</strong></em></p><p>გოლები: 1:0 გურ. გურეშიძე (10), 2:0 ზ. ღირდალაძე (55), 3:0 შ. დავლაშელიძე (76)</p><p>ვიტ ჯორჯია: ჯ. შეროზია, ბ. ტეტუნაშვილი, რ. ჩიტიშვილი, ა. ჩაკვეტაძე, გიგა გურეშიძე, შ. ექვთიმიშვილი, გურ. გურეშიძე, გ. ჭანკოტაძე (74. ც. მოსიაშვილი), შ. დავლაშელიძე (83. ო. მუხულიშვილი), პ. ღუდუშაური (71. კ. კახაბრიშვილი), ზ. ღირდალაძე.</p><p>სწათადარიგოები: გ. ვაზაგაშვილი, გ. კვარაცხელია, ი. კამლაძე, ლ. ისერგიშვილი</p><p>მწვრთნელი: თენგიზ კობიაშვილი</p><p>სამგურალი: დ. კუპატაძე, ბ. ბიბილაშვილი, უ. ბანძელაძე, გ. ნერგაძე, ნ. შალამბერიძე (46. ბ. ლაღაძე), ი. კილაძე, ც. ხარაბაძე, თ. ჯიმშელეიშვილი, გ. გოგიჩაიშვილი, გ. ჩხეტიანი (84. ლ. ჩიხლაძე), დ. ციცხვაია (46. დ. ჩიხლაძე).</p><p>სათადარიგოები: თ. კაკუშაძე, ზ. ენდელაძე, ზ. ფანცხავა, ი. კუჭუხიძე</p><p>მწვრთნელი: გია გიგატაძე</p><p>გაფრთხილება: შ. ექვთიმიშვილი - უ. ბანძელაძე, დ. ჩიხლაძე, ც. ხარაბაძე</p><p>არბიტრი: ა. ნონიკაშვილი</p><p>04.03. მარტვილი. მურთაზ ხურცილავა</p><p><em><strong>მერანი-გაგრა 0:0</strong></em></p><p>მერანი: გ. კულუა, კ. მელიავა, ს. ორბელაძე, დ. მაისაშვილი, ვ. ლომაშვილი, ბ. ტეიდი, ვ. კურდღელაშვილი (89. ა. გიორგაძე), ა. შულაია, რ. გეწაძე, ს. ტრეტიაკი (89. ი. რუხაძე), რ. ბარაბაძე.</p><p>სათადარიგოები: შ. ჯიქია, ლ. წოწონავა, ზ. მამალაძე</p><p>მწვრთნელი: გიორგი მიქაძე</p><p>გაგრა: გ. ნადირაძე, თ. გაფრინდაშვილი, ლ. ქურდაძე, გ. გეთიაშვილი, გ. სამხარაძე, გ. კახიანი, შ. გვაზავა, ნ. ჯიშკარიანი (40. ო. ლუცენკო), გ. ქურდაძე (85. გ. წურწუმია), გ. ე. ტყეშელაშვილი, ლ. პაპავა (74. ზ. ხინთიბიძე).</p><p>სათადარიგოები: ბ. კაკუშაძე, გ. ტყეშელაშვილი, ზ. ქანთარია, ი. მაღრაძე</p><p>მწვრთნელი: ანატოლი პისკოვეცი</p><p>გაფრთხილება: რ. გეწაძე, ვ. ლომაშვილი, ბ. ტეიდი, კ. მელიავა - გ. ქურდაძე, ო. ლუცენკო</p><p>არბიტრი: დ. ხარიტონაშვილი</p><p>04.03. რუსთავი. ფოლადი</p><p><em><strong>რუსთავი-გურია 3:1</strong></em></p><p>გოლები: 0:1 გ. კაშია (31), 1:1 ბ. ჩიმაკაძე (57), 2:1 დ. სიჭინავა (62), 3:1 დ. სიჭინავა (74)</p><p>რუსთავი: მ. ალავიძე, გ. მინდორაშვილი, ე. კილაძე, ნ. აფაქიძე, გ. გაფრინდაშვილი, გ. ვასაძე, რ. ცაცკრიალაშვილი (72. გ. ჩიკვაიძე), ი. ქათამაძე, დ. სიჭინავა (80. გ. ნარიმანიძე), ი. გოგინაშვილი, ბ. ჩიმაკაძე (85. ზ. მეტრეველი).</p><p>სათადარიგოები: ზ. ლობჯანიძე, გ. გოცაძე, გ. სამადაშვილი, მ. მერლანი</p><p>მწვრთნელი: ვარლამ კილასონია</p><p>გურია: ლ. ძაგანია, ა. შენგელია, ა. ბენაშვილი, დ. მოსიძე, ნ. კიკნაველიძე, ზ. გოგუაძე, ს. მალანია (85. ნ. წერეთელი), ლ. შარიქაძე (76. ნ. ნარიაშვილი), ლ. კოტრიკაძე, გ. კაშია (50. ბ. ბარბაქაძე), ს. ბახია.</p><p>სათადარიგოები: ლ. ლაბაძე, ი. ხვედელიძე</p><p>მწვრთნელი: გია ჩხაიძე</p><p>გაფრთხილება: ი. გოგინაშვილი, გ. მინდორაშვილი - ნ. ნარიაშვილი</p><p>არბიტრი: გ. კიკაჩეიშვილი</p><p>04.03. თბილისი. ბენდელა</p><p><em><strong>სიონი-ზუგდიდი 1:0</strong></em></p><p>გოლი: 1:0 ზ. თევზაძე (52)</p><p>სიონი: თ. ზარქუა, თ. კირკიტაძე (89. ზ. ჯაფიაშვილი), ლ. კალანდაძე, ზ. თევზაძე, გ. გიორბელიძე, გ. ჭეიშვილი (75. ე. ლილუაშვილი), ზ. სიხარულია, გიორგი გურეშიძე, ა. კოშკაძე, ლ. მანაგაძე (70. ი. ხაბელაშვილი), ჯ. დვალი.</p><p>სათადარიგოები: ა. ყურაშვილი, ა. ნემსაძე, ს. აღდგომელაშვილი, ა. მაქაცარია</p><p>მწვრთნელი: კობა ჟორჟიკაშვილი</p><p>ზუგდიდი: ვ. ჯომიდავა, დ. ქირია, გ. მალანია, თ. აკობია, მ. რუხაია, ი. ჟვანია (84. ს. ფიფია), ა. წყაროზია, ნ. ქირია (64. ნ. ლაშხია), ც. სამუშია, ლ. კუკავა (74. ნ. ნარმანია), ა. ფარჯიკია.</p><p>სათადარიგოები: ბ. გაბედავა, გ. ბულია, ლ. აკობია, შ. მამინაშვილი</p><p>მწვრთნელი: ბესიკ შეროზია</p><p>არბიტრი: ი. კვირიკაშვილი</p><p>05.03. რუსთავი. ფოლადი</p><p><em><strong>ცხინვალი-მეშახტე 2:2</strong></em></p><p>გოლები: 0:1 ი. ბაჯელიძე (5), 1:1 ჯ. კასრელიშვილი (19), 2:1 თ. მაქაცარია (55), 2:2 გ. ვეკუა (69)</p><p>ცხინვალი: ვ. მელნიჩენკო, გ. ცერცვაძე, ჯ. კასრელიშვილი, მ. გელაშვილი, ნ. წივწივაძე, თ. ლომსაძე (52. ლ. გვალია), ს. ქრისტესიაშვილი (85. ლ. ლეჟავა), ე. სულთანიშვილი, გ. იოსელიანი, ლ. ქოჩლაძე, თ. მაქაცარია.</p><p>სათადარიგოები: ლ. ჯამარაული, ნ. კენჭაძე, ბ. მირიანაშვილი, დ. კერესელიძე</p><p>მწვრთნელი: გოჩა ჩიქოვანი</p><p>მეშახტე: ა. ნონოსი, ლ. მჭედლიშვილი, მ. აფხაზავა, გ. ყურულაშვილი, ბ. გედენიძე, ბ. ქართველიშვილი, თ. კიკაბიძე (63. ს. ლომია), ნ. ჭკუასელი, ი. ბაჯელიძე (75. ვ. ხოსიტაშვილი), გ. ვეკუა, მ. ღონღაძე (83. მ. ნვანკვო).</p><p>სათადარიგოები: გ. გვენეტაძე, ი. კალაჯიშვილი, ლ. ჭოხონელიძე, ლ. ტყეშელაშვილი</p><p>მწვრთნელი: კახა გოგიჩაიშვილი</p><p>გაფრთხილება: მ. გელაშვილი, ჯ. კასრელიშვილი, ნ. წივწივაძე - ი. ბაჯელიძე, გ. ვეკუა</p><p>არბიტრი: დ. სანოძე</p><p><span style="color: #3366ff;"><strong>მომდევნო ტური</strong></span></p><p><span style="text-decoration: underline;">10 მარტი</span></p><p>სამგურალი-რუსთავი</p><p>მეშახტე-გურია</p><p>ცხინვალი-მერანი</p><p>გაგრა-სიონი</p><p><span style="text-decoration: underline;">11 მარტი</span></p><p>ზუგდიდი-ვიტ ჯორჯია.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა
"იბერია 1999"-მა კოტ-დ'ივუარის ნაკრების ფეხბურთელი დაიმატა
"დილას" იტალიელი მწვრთნელი ჩაუდგა სათავეში
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
ლუნინი "რეალს" მხოლოდ ერთ შემთხვევაში დატოვებს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"განავალი უნდა შეჭამო და მოინელო" - "ინტერის" მწვრთნელი პსჟ-სთან მარცხზე
"ტოტენჰემი", "რომა" და სხვები - მიქაუტაძის შეძენის სურვილი რამდენიმე კლუბს აქვს
მოისწრაფიშვილმა "სპარტაკთან" კონტრაქტი გააფორმა
ნიკოლოზ ბასილაშვილი უიმბლდონის კვალიფიკაციის ფინალში გავიდა
[ექსკლუზივი] ილია კოკაია: სრული პასუხისმგებლობით ვაცხადებ, რომ მე მზად ვარ
"პასუხისმგებლობა არა მხოლოდ კობიაშვილმა, აღმასკომმაც უნდა იტვირთოს!"
გურამ რუხაძე: საქართველოს ერთა ლიგის პროექტი ძალიან აწყობდა
გიორგი მიქაძემ "თელავი" დატოვა და "საბურთალო" ჩაიბარა
მოულოდნელი ამბავი - "სამგურალმა" მთავარი მწვრთნელი გიორგი მიქაძე გაათავისუფლა
ეროვნული ლიგა 2. VIII ტური:"ვიტ ჯორჯიამ" ისევ იმარჯვა, ბათუმის "დინამო" ისევ დამარცხდა
გიორგი მიქაძე: ისეთი ვითარება შეიქმნა, "მერანიდან" უნდა წამოვსულიყავი...
გიორგი მიქაძე - "სამგურალზე": საკმაოდ გავძლიერდით და მაღალი მიზნებისთვის ვიბრძოლებთ
პრო ლიგა 2: ამბიციური ფავორიტები და გასასინჯი უცხოელები
თენგიზ კობიაშვილი: მიზნად პრო ლიგა 1-ში გადასვლა დავისახეთ
"ვიტ ჯორჯიაში" ფინანსური პრობლემებია - კლუბის პრეზიდენტის კომენტარი
"მოთელვამდე კარგად იყო, მოედანზე გასვლამდე კი ცუდად გახდა და წაიქცა..."
"შუქურას" თენგიზ კობიაშვილი აღარ გაწვრთნის
აკაკი შულაია, ლაშა ჩალაძე და დავით კუპატაძე მარტვილის "მერანში" ითამაშებენ
ფრიდონ ინჯია: სახელმწიფოს მიდგომა ფეხბურთისადმი ისეთია, ბევრ ქვეყანას შეშურდება
"იბერიამ" მიქაძე გაუშვა და კორღალიძე მთავარ მწვრთნელად უკვე მესამედ დანიშნა
მასშტაბური გამოკითხვა - სფფ-ის ახალი ხელმძღვანელობის ერთი წელი მედიის თვალით
"გაგრას" ყოფილმა მწვრთნელმა ერევნის "ლოკომოტივი" ჩაიბარა
როგორ აფასებენ კლუბები ილია კოკაიას ფეხბურთიდან მოკვეთის გადაწყვეტილებას
გურამ რუხაძე: დღევანდელი ფედერაციის აპოლოგეტობას ვერავინ დამწამებს...
პირველი ლიგა. ამხანაგური მატჩი: ფავორიტთა სპარინგი
სამწვრთნელო ცვლილება ეროვნულ ლიგაში - ამბიციური მწვრთნელის პირველი კომენტარი
ყრილობა ფეხბურთში - სფფ-ის ახალ აღმასკომში 11 წევრი აირჩიეს
მინასიანის ნაცვლად "თელავის" მწვრთნელად მიქაძე დანიშნეს
ფრიდონ ინჯია: ამ ამბის შემდეგ არცერთი გუნდი არ დაუჯარიმებიათ
სფფ. XXVI ყრილობა: ვალები, არამიზნობრივი ხარჯვა, კრიმინალიც ახსენეს...
ეროვნული ლიგა 2. VI ტური:"თელავი"-"შევარდენი" და "ვიტ ჯორჯია"-"შუქურა უგოლოდ დასრულდა
თითქმის უმაღლესი - როგორი იქნება პრო ლიგა 2
მამუკა კვარაცხელია: ფედერაციაში თავიანთსავე ეთიკის კოდექსს არ კითხულობენ
[ლელოს სტუმარი] გიორგი ნადირაძე: რა ფული? ეს ხომ ჩემი ოცნების ასრულება იყო?!
"შუქურას" მწვრთნელად თენგიზ კობიაშვილი დაინიშნა
მარტვილის "მერანს" ახალი მწვრთნელი ჰყავს
კიდევ ერთი ქართველი აზერბაიჯანში - თამაზ ცეცხლაძე "სებაილში" ჩაირიცხა
ფრიდონ ინჯიას ინიციატივა: ჩავატაროთ ამიერკავკასიის თასი!
ეროვნული ლიგა 2. V ტური: მცხეთაში ლიდერების შეხვედრა უგოლოდ დასრულდა
"ვიტ ჯორჯიაში" მილიონებს იხდიან, საკონტროლო პაკეტის გაყიდვა კი არ მსურს"
ზამთრის თასი 2017: ვარსკვლავური ომები თბილისში [VIDEO+PHOTO]
"გაგრა" 2017 წლის ჩემპიონატის საშინაო მატჩებს "მცხეთა პარკზე" ჩაატარებს