- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
[ლელოს სტუმარი] "შესაძლოა, იმიტომაც, რომ თავმდაბალი ვარ...."
![[ლელოს სტუმარი] "შესაძლოა, იმიტომაც, რომ თავმდაბალი ვარ...."](images/new_photo/01/2017/QARTULI/SOCCER/CLUB/BATUMIDINAMO/TEAM/davit-kvirkvelia-21032017-001.jpg)
<p>ბათუმის "დინამოს" 36 წლის მცველი დავით კვირკველია განვლილ კარიერაზე საუბრობს <br> ეროვნული ლიგის ყველაზე ტიტულოვანი ფეხბურთელი დღესდღეობით ბათუმის "დინამოს" მცველი, 36 წლის <strong>დავით კვირკველიაა</strong>, რომელსაც ტიტულები საქართველოშიც (თბილისის "დინამო") მოუპოვებია და რუსეთშიც (ყაზანის "რუბინი");</p><p>ცალკე საუბრის თემაა დავით კვირკველიას სანაკრებო კარიერა, თითქმის 12 წელიწადი რომ გრძელდებოდა და ალბათ, ნამდვილად არ არის პატარა საქმე, როცა ფეხბურთელი ჩვენს უპირველეს გუნდში 58 მატჩს ჩაატარებს...</p><p>...ვინც უნდა ყოფილიყო საქართველოს ნაკრების მთავარი მწვრთნელი (თუ <strong>ექტორ კუპერს</strong> არ ჩავთვლით), ყველა თვალდახუჭული ენდობოდა ამ მართლაც უნივერსალ და საიმედო ფეხბურთელს - დიდი შრომისა და პროფესიონალიზმის წყალობით რომ შექმნა თავისი ხანგრძლივი და წარმატებული კარიერა, თანაც, სანაკრებო იქნებოდა თუ საკლუბო დონეზე, ერთნაირი წარმატებით ასპარეზობდა სხვადასხვა პოზიციაზე: მარცხენა მცველის, მარცხენა ნახევარმცველის, მარცხენა გარემარბისა თუ... საყრდენი ნახევარმცველის.</p><p>არადა, ფეხბურთში პირველ ნაბიჯებს რომ დგამდა, სულაც... "პლეიმეიკერი" გახლდათ! შარშანდლიდან მოყოლებული კი, თავისი ახალი გუნდის, ბათუმის "დინამოს" შემადგენლობაში ამჯერად უკვე ცენტრალურ მცველად მოგვევლინა. წინა, გარდამავალ ჩემპიონატში ბათუმის "დინამომ" რომ ბრინჯაოს მედლები მოიპოვა, ამ წარმატებაში მნიშვნელოვანი წვლილი ქართული ფეხბურთის მართლაც დამსახურებულმა ვეტერანმა დავით კვირკველიამაც შეიტანა.</p><p>ჰოდა, ალბათ, არც არავის უნდა გაჰკვირვებოდა ჩვენი არჩევანი, როცა გარდამავალი ჩემპიონატის საუკეთესო მცველად გაზეთმა "ლელომ" და კომპანია "ლიდერბეთმა" სწორედაც დავით კვირკველია რომ მიიჩნია...</p><p>...ცალკე თემაა დავით კვირკველიას პიროვნული თვისებები. დღესაც ისეთივე თავმდაბალია, როგორიც გავიცანით 2002 წლის ზაფხულში, როცა <strong>გივი ნოდიას</strong> დიდი დამსახურებით, ბევრისთვის უცნობი ფეხბურთელი თბილისის "დინამოში" გამოჩნდა...</p><p><p><div style="text-align: center;"><span style="color: #ff0000;"><strong>საყრდენიც ვიყავი, გამთამაშებელიც...</strong></span></div></p> <strong>- გუნდური ტიტული ბევრი გაქვთ. ინდივიდუალური?</strong></p><p>- რასაც ახლა ვიხსენებ, ისაა, რომ ზაპოროჟიეს "მეტალურგში" ასპარეზობის დროს, თანაგუნდელებს შორის უკრაინის ჩემპიონატის პირველი წრის საუკეთესო ფეხბურთელი გავხდი.</p><p><strong></p><p>- ყველა "კლასიკურ მემარცხენედ" გიცნობთ და მარცხენა ფლანგზე რა ამპლუაში არ გითამაშიათ; ახლა კი ცენტრალურ მცველად მოგვევლინეთ... </strong></p><p>- პირველად გორის "დილაში" დამაყენეს ცენტრალურ მცველად და ახლა ბათუმის "დინამოშიც" ასეა. სხვათა შორის, "რუბინში" საყრდენ ნახევარმცველადაც მითამაშია, ოღონდ სულ ორჯერ და ისიც მოსამზადებელი პერიოდის მატჩებში. ცენტრალურ მცველად რომ თამაშობ, მეტი აზროვნება გჭირდება, ფლანგზე უკვე სისწრაფე გადადის წინა პლანზე.</p><p><strong>- ყველაზე კომფორტულად თავს მაინც რომელ პოზიციაზე გრძნობთ?</strong></p><p>- ადრე, ვთქვათ, 23 წლის ასაკში, შესაძლოა, გამემახვილებინა ყურადღება იმაზე, თუ რომელ პოზიციაზეა ჩემთვის უფრო კომფორტული თამაში; ახლა კი ასე გიპასუხებთ: დაცვის ყველა პოზიციაზე შემიძლია თამაში. ოღონდ, თუ "ასარჩევად" მექნება საქმე, მაშინ მარცხენა მცველის პოზიციას ავირჩევ.</p><p><strong>- ბავშვობაში მარცხენა მცველად დაიწყეთ თამაში?</strong></p><p>- ჩემს პირველ "ოფიციალურ" გუნდში, ფოთის "ფაზისში" (პირველ ლიგაში რომ გამოდიოდა), გამთამაშებლადაც ვითამაშე.</p><p><strong>- მარცხენა მცველად პირველად ვინ დაგაყენათ?</strong></p><p>- თბილისის "დინამოში" ივო შუშაკის დროს 3-5-2 სქემაში მთელი მარცხენა ფლანგის კონტროლი მევალებოდა. მერე გია გეგუჩაძე მოვიდა გუნდში და უკვე 4-4-2 სისტემით ვთამაშობდით. მარცხენა მცველად სწორედ გეგუჩაძემ დამაყენა.</p><p><strong>- თქვენი სათამაშო კარიერა ფოთიდან დაიწყო...</strong></p><p>- სულ თავიდან რომან ოდიკაძე მწვრთნიდა "ფაზისში". მერე ფოთის "კოლხეთში" გადავედი, სადაც სოსო ფილიასა და გია ტყებუჩავას ხელმძღვანელობით ვთამაშობდი.</p><p><strong>- სოსო ფილია წლების განმავლობაში "გადაბმულად" მუშაობდა "კოლხეთში". იგივე სიტუაციაა "ჩიხურას" შემთხვევაშიც, რომელსაც სოსო ფრუიძე უკვე მეცხრე წელიწადია, რაც წვრთნის...</strong></p><p>- გასაგებია, რისი თქმაც გსურთ. სტაბილურობის შეგრძნება ფეხბურთელისათვისაც ძალიან მნიშვნელოვანია და ასევე, საკლუბო სისტემის ჩამოყალიბებისათვის. არც ერთ ფეხბურთელს არ სიამოვნებს მწვრთნელების ხშირი ცვლა. როცა იცი მწვრთნელის მოთხოვნები და მასთან მუშაობასაც მიჩვეული ხარ, თავს ბევრად უფრო კომფორტულად გრძნობ.</p><p>მაგალითად, "ალანიაში" ხანმოკლე პერიოდში ოთხი მწვრთნელი გამოვიცვალე და ამ ცვლილებებმა გუნდს ვერაფერი არგო; საპირისპირო სიტუაცია იყო ყაზანში: "რუბინს" ასეთი შედეგები რომ ჰქონდა და რამდენიმე წლის განმავლობაში ქვეყნის მასშტაბით დომინანტი იყო, კლუბის ხელმძღვანელების მხრიდან მთავარი მწვრთნელის, ყურბან ბერდიევის მიმართ ხანგრძლივი ნდობის ფაქტორიც განაპირობებდა.</p><p><img src="pictures/artimages/image17/569732874b9c3ba747a5fdde8c9b3d07.jpg" border="0" alt="Sportall.Ge" title="[ლელოს სტუმარი] "შესაძლოა იმიტომაც, რომ თავმდაბალი ვარ...."" /></p><p><p><div style="text-align: center;"><span style="color: #ff0000;"><strong>ბერდიევის ფენომენი</strong></span></div></p> <strong>- ბერდიევზე კიდევ ვისაუბრებთ. მანამდე ის გავიხსენოთ, როგორ მოხვდით თბილისის "დინამოში"?</strong></p><p>- გივი ნოდიას ინიციატივით, რომელიც იმ დროს "დინამოს" სპორტულ დირექტორად მუშაობდა. რა თქმა უნდა, გუნდის მთავარ მწვრთნელს, ივო შუშაკს მოსწონდა ჩემი თამაში. ყველაფერი მოვიგე მაშინ "დინამოსთან" ერთად. კარგად გახსოვთ, რა ძლიერი გუნდი იყო. საქართველოს ეროვნული და ახალგაზრდული ნაკრებები რომ თამაშობდნენ, შეუძლებელი იყო ვარჯიშის ჩატარება. ორი-სამი კაცი რჩებოდა სულ ბაზაზე, დანარჩენები ნაკრებებში იყვნენ გამოძახებულნი...</p><p><strong>- "ალანიაში" გატარებულ პერიოდს როგორ იხსენებთ?</strong></p><p>- "თანამეგობრობის თასი" რომ მოვიგეთ, არაერთი შეთავაზება იყო: კიევის "დინამოდან", "შახტარიდან", "კრილიადან", იმავე "რუბინიდან", სადაც მოგვიანებით მაინც წავედი. არასოდეს ვაქცევდი ყურადღებას "სატრანსფერო საუბრებს" და ვცდილობდი, მუდამ რეალობიდან გამომდინარე მემოქმედა. საბოლოოდ, "ალანიაში" გადავედი და, მართალია, გუნდი გავარდა რუსეთის უმაღლესი ლიგიდან, მიმაჩნია, რომ ძალიან დიდი გამოცდილება მივიღე. საქართველოს ჩემპიონატთან შედარებით სხვაობა ძალიან დიდი იყო. პირობითად, აქ თუ ათი კილომეტრი იყო სარბენი, იქ ოცი უნდა გერბინა. პირველი ოთხი ტური კი, საერთოდ, ძალიან გამიჭირდა.</p><p><strong>- მერე იყო ზაპოროჟიეს "მეტალურგი" და ამას "რუბინში" გადასვლა მოჰყვა...</strong></p><p>- ყველა რუსული ტიტული მოვიგე "რუბინში". ძალიან მაგარი გუნდი შეიკრიბა. რაც მთავარია, იქ დამხვდნენ ნუკრი რევიშვილი და ლაშა სალუქვაძე, რომელთა დახმარებითაც ადაპტაცია არ გამჭირვებია. რა ფეხბურთელები თამაშობდნენ მაშინ "რუბინში", ყველას გვახსოვს - კრისტიან ნობოა, კრისტიან ანსალდი, სერგეი სემაკი, სერგეი რებროვი, სავო მილოშევიჩი, გიოქდენიზ კარადენიზი... 27 წლის ვიყავი და ლამის ყველაზე ახალგაზრდად ვითვლებოდი გუნდში...</p><p><strong>- თუ ყველაზე ახალგაზრდა იყავით?</strong></p><p>- არა, რიაზანცევი იყო ყველაზე ახალგაზრდა... ძალიან შეკრული, მეგობრული გუნდი იყო...</p><p><strong>- რას იტყვით ყურბან ბერდიევზე?</strong></p><p>- ძალიან ძლიერი ფსიქოლოგია. ვერ ვიტყვი, რომ მაინცდამაინც კომუნიკაბელურია, მაგრამ ერთს გეტყვის და ისეთს, რომ ეს ნათქვამი ბოლომდე ჩაგწვდება. შეიძლება სულ შენ გალაპარაკოს, ერთი თქვას თვითონ და იმ ნათქვამმა გადაწყვიტოს ყველაფერი...</p><p><strong>- თქვენ იმ დროს თამაშობდით "რუბინში", როცა რუსეთ-საქართველოს ომი მოხდა. თუ გრძნობდით აგრესიას ამის გამო?</strong></p><p>- არა, არ მახსენდება ასეთი რამ. იყო მხოლოდ ერთადერთი შემთხვევა: მე და ნუკრი რევიშვილი დუბლებში ვთამაშობდით. ტრავმა ახალი მოშუშებული გვქონდა. "სპარტაკის" დუბლებთან ვთამაშობდით და მაშინ მოხდა პატარა შელაპარაკება. მეტი არასდროს არაფერი ყოფილა.</p><p><strong>- ახლა "რუბინის" შემდგომ პერიოდზე ვილაპარაკოთ...</strong></p><p>- ექვსი თვე "ანჟიში" წავედი სათამაშო პრაქტიკისათვის. იქაც კარგი გუნდი იყო. გაჯი გაჯიევი გახლდათ მთავარი მწვრთნელი. ქართველებისგან ვიცოდი, რომ ძალიან ძლიერი სპეციალისტი იყო. სისტემატური სათამაშო პრაქტიკა მქონდა. სამწლიანი კონტრაქტის გაფორმება უნდოდათ, მაგრამ "რუბინმა" ჩემი დაბრუნება მოისურვა, სადაც ისეთი კონკურენცია იყო, რომ ერთხელ თუ დაგიცდებოდა ფეხი, მერე ძალიან ჭირდა ძირითადში დაბრუნება. ამასობაში, ჩემი კონკურენტებიც მშვენივრად თამაშობდნენ...</p><p><img src="pictures/artimages/image17/30548de57fe68f61834486d26978add8.jpg" border="0" alt="Sportall.Ge" title="[ლელოს სტუმარი] "შესაძლოა იმიტომაც, რომ თავმდაბალი ვარ...."" /></p><p><p><div style="text-align: center;"><span style="color: #ff0000;"><strong>ევროპა და დაბრუნება</strong></span></div></p> <strong>- და თქვენს კარიერაში ეროპული ეტაპი დაიწყო...</strong></p><p>- მქონდა სხვა ვარიანტებიც, მაგრამ საბერძნეთში გადავწყვიტე სათამაშოდ წასვლა. "პანიონიოსი" მაშინ უმაღლეს ლიგაში დასარჩენად იბრძოდა და კარგი ფეხბურთელები შეკრიბეს - მიტროღლუ, სამარისი, სიოვასი...</p><p>პირველი ექვსი თვის განმავლობაში ნორმალურად იყო ყველაფერი, მაგრამ ფინანსური კრიზისი ძალიან მტკივნეულად შეგვეხო... ამის შემდეგ ცოტა ხნით ვიყავი კვიპროსზე, "ანორთოსისში", საიდანაც დავბრუნდი საქართველოში და გორის "დილაში" ჩავირიცხე.</p><p><strong>- საქართველოს ჩემპიონატში 8 წლის შემდეგ დაბრუნდით. პირველი შთაბეჭდილება როგორი იყო?</strong></p><p>- რა თქმა უნდა, მე რომ კარიერას ვიწყებდი, მაშინ დონეც უფრო მაღალი იყო და ფაქტობრივად, ყველა გუნდსაც ამბიციური მიზნები ჰქონდა. თუმცა, გორის "დილაშიც" ძალიან კარგი გუნდი დამხვდა: ლაშა სალუქვაძე, გოგიტა გოგუა, გიორგი შაშიაშვილი, მათე ვაწაძე, - სულ ცოტა დაგვაკლდა ევროპალიგის ჯგუფურ ეტაპზე მოსახვედრად...</p><p><strong>- და აი, ცხრაწლიანი პაუზის შემდეგ თქვენს კარიერაში ისევ თბილისის "დინამოს" ჯერი დადგა...</strong></p><p>- ძალიან მაგარი ბაზა, ყველანაირი პირობა... ქართული ტიტულები ისევ მოვიგე. თუმცა, 2013 წლის ზაფხულში ჩვენგან ბევრი ითხოვდა ევროტურნირებზე "სტიაუას" თუ "ტოტენჰემის" გავლას. არადა, უბრალოდ, რთულია, როცა ჩემპიონატში არ არის კონკურენცია და უცბად, შენ ასეთ დონეზე უნდა მიაღწიო წარმატებას.</p><p>საბედნიეროდ, ამ ახალ სეზონში ჩვენი ჩემპიონატის დასაწყისი ამ მხრივ მაიმედებს. ჯერ თითქოს ყველა გუნდი ერთნაირია, მაგრამ დაძაბულობა არის, ეს ფაქტია. მიმაჩნია, რომ მეორე წრეში უფრო ბევრი რამ გამოიკვეთება...</p><p>ისევ "დინამოს" თემას დავუბრუნდები. 1+1 სისტემით მქონდა კლუბთან კონტრაქტი. 2014 წელს, ზაფხულში, ჩემპიონთა ლიგაზე "აქტობესთან" მატჩის წინ ნეკნი გავიტეხე. ითქვა, რომ თუ გუნდი ვერ დაძლევდა ამ ბარიერს, გაახალგაზრდავება უნდა დაწყებულიყო. მოკლედ, დავტოვე "დინამო", ოღონდ არანაირი წყენა არ გამყოლია. პირიქით, მადლობელი ვარ კლუბის ხელმძღვანელობის.</p><p><strong>- სიტყვამ მოიტანა და, ალბათ, ყოველთვის იცავდით რეჟიმს...</strong></p><p>- კი, თუ რეჟიმს არ იცავ, ასაკის მატებასთან ერთად ტრავმების ალბათობაც იმატებს...</p><p><strong>- მერე იყო "სამტრედია"...</strong></p><p>- ძალიან კარგი კონტინგენტი შეიკრიბა. ეგაა, შეთამაშება გვაკლდა. თასის ფინალში 0:5 წავაგეთ "დინამოსთან". ასე ფინალის წაგება იშვიათია, მაგრამ რას ვიზამთ, ხდება. ესაა ერთ-ერთი ყველაზე ცუდი მატჩი ჩემს კარიერაში... არადა, როგორც გუნდურად, ისე ინდივიდუალურად. კარგი კონტინგენტი გვყავდა, მაგრამ შეთამაშებისათვის დრო არ გვეყო</p><p><strong>- და დაბრუნდით "დილაში"...</strong></p><p>- ჩემპიონი გუნდი იყო კარგი ფეხბურთელებით - მარცვალაძე, ნავალოვსკი, გოგუა... მაგრამ ზედ ევროთასების წინ გუნდი რამდენიმე წამყვანმა ფეხბურთელმა დატოვა და სომხურ "შირაქთან" მარცხის ერთ-ერთი მიზეზი ესეც იყო. სხვათა შორის, სწორედ შარშან ზაფხულს, "შირაქთან" წაგების მერე პირველად დავფიქრდი სერიოზულად ფეხბურთიდან წასვლაზე... თუმცა, შემდეგ გადავიფიქრე - ჯერ კიდევ მომდევს ჯანი და რატომ უნდა ვიჩქარო?!</p><p><img src="pictures/artimages/image17/ed77bc5cfc96a52fbec90a2b5efad8d5.jpg" border="0" alt="Sportall.Ge" title="[ლელოს სტუმარი] "შესაძლოა იმიტომაც, რომ თავმდაბალი ვარ...."" /></p><p><p><div style="text-align: center;"><span style="color: #ff0000;"><strong>ჩემს ასაკში ამის ზუსტად თქმა რთულია...</strong></span></div></p> <strong>- ჯანმრთელობა ხელს გიწყობთ და, რატომ უნდა იჩქაროთ წასვლა?</strong></p><p>- ჩემს ასაკში უკვე ძნელია ამაზე ზუსტად საუბარი. ერთი, რაც ვიცი, მიმდინარე სეზონს ჩავამთავრებ. მერე ვნახოთ... როცა შევატყობ, რომ ვეღარ ვთამაშობ, წავალ...</p><p><strong>- საქართველოს ნაკრებში 58 მატჩი ჩაატარეთ. გადაუჭარბებლად ვიტყვით, რომ ნამდვილად არ არის პატარა რიცხვი. ისე, როგორც არც ის ამბავი მიგვაჩნია უმნიშვნელოდ, როცა ჩვენი ნაკრების, ფაქტობრივად, ყველა მწვრთნელი გენდობოდათ...</strong></p><p>- ყველა ფეხბურთელის ოცნებაა ნაკრებში თამაში. პირველად ალექსანდრე ჩივაძემ დამიძახა ეროვნულ გუნდში - 2003 წელს, შვეიცარიასთან საშინაო მატჩში შედგა ჩემი დებიუტი. ამას რუსეთთან მატჩი უნდა მოჰყოლოდა და კარგად მახსოვს, გულისფანცქალით ველოდი, ვიქნებოდი თუ არა სანაკრებო სიაში...</p><p>საერთოდ, ბედნიერი ვარ, რომ ამდენი მატჩი ჩავატარე საქართველოს ნაკრების შემადგენლობაში. მართლაც, თითქმის ყველა მწვრთნელისგან მქონდა ნდობა. იმავე თემურ ქეცბაიას დროს თითქმის სულ ვთამაშობდი. მაშინ ძალიან კარგად დავიწყეთ...</p><p><strong>- რას ეტყოდით ახალგაზრდა ფეხბურთელებს?</strong></p><p>- არ უნდა შეჩერდნენ მიღწეულზე. დღეს საქართველოს ჩემპიონი ხდები? ხვალისთვის მიზნად კიდევ მეტი დაისახე! თუ ფეხბურთელი მიღწეულით დაკმაყოფილდა, მორჩენილია მისი პროგრესის საქმე. არც შრომა უნდა დაიზარონ და ცხოვრებაში რაღაცებზე უარის თქმაც უნდა შეეძლოთ...</p><p><strong>- ვერ ვიხსენებთ შემთხვევას, თქვენი ხანგრძლივი კარიერის განმავლობაში რომელიმე მწვრთნელთან რომ გქონოდათ კონფლიქტი...</strong></p><p>- მართლაც არ მქონია არავისთან კონფლიქტი, ვერ ვიხსენებ ასეთ შემთხვევას... არ ვიცი, შესაძლოა, იმიტომაც, რომ თავმდაბალი ვარ....</p><p><span style="color: #808080;"><em><strong>გია ტუხაშვილი</p><p>ალეკო კაკაურიძე</p><p></strong></em></span></p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
Gvancante
უმაგრესი ფეხბურთელი და ადამიანი!წარმატებებიიი❤
-
ირაკლი
ზალიან ვაფასებ ამ ფეხბურთელს, როცა ვიცოდი რომ განაცხადში იყო და ძირითად შემადგენლობაში თამაშობდა, ყოველთვის მშვიდად ვიყავი იმიტომ რომ საიმედოდ იცავდა. წარმატებები დავით გაიხარე
-
Alex.F.
ნამდვილად,მეც ვერ ვიხსენებ დათოს ჩაგდებულ თამაშს ეროვნულ ნაკრებში,აღარაფერს ვამბობ იმაზე რომ,მუდამ სულსა და გულს დებდა თითოეულ თამაშში.გისურვებ წარმატებებს და ჯანმრთელობას,გაიხარე!
-
gizog-s
საერთოდ, დიდხანს სიცოცხლეს ასაკოვან ადამიანებს უსურვებენ ხოლმე. მით უმეტეს მაშინ, თუ ცუდი ფერი ადევთ )))))))
-
ქომაგი
არცერთ ასაკობრივ ნაკრებში არ უთამაშია, მიუხედავად იმისა რომ საქართველოში გაიზარდა ისე მოხვდა ეროვნულში.
-
gizog
სანიმუშო ფეხბურთელი და სანიმუშო პიროვნება, ვერავინ თამაშობს მუდამ ერთ დონეზე, მაგრამ არ მახსოვს მას თამაში დიდი მონდომების გარეშე ჩაეტარებინოს. მადლობა დავითს მისი მიერ გულიანად ჩატარებული თამაშების გამო. ჯანმრთველობას და დიდხანს სიცოცხლეს ვუსურვებ.
-
ლუკა
შესანიშნავი ფეხბურთელი! ყოველთვის სასიამოვნო იყო მისი თამაშის ყურება ეროვნულ ნაკრებში. სტაბილურობით და გონივრული ქმედებებით გამოირჩეოდა ნაკრებში. ახალი თაობის ფეხბურთელებისთვის მის გვერდით თამაში დიდი სკოლა და პატივი არის. სასიხარულოა რომ ფეხბურთს თამაშობს საქართველოში. ასეთი ფეხბურთელები სათანადო დაფასებას და პატივს იმსახურებენ იმის ფონზე რაც ქართულ ფეხბურთში ხდებოდა. მადლობა ბატონ დავითს ქართულ ფეხბურთში მაღალი პროფესიული სტანდარტების შენარჩუნებაში თავისი დიდი წვლილის შეტანისთვის!
სამი ფრე და "დილას" მოგება ბათუმში
ტური 14: დაძაბულობა, ბოლო წუთების დრამა, სადებიუტო გოლები
"იბერია 1999" და "ტორპედო" კვლავ იგებენ
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
ქართველი ტალანტი ჩაკვეტაძის სტილითა და ტოპჩემპიონატის პერსპექტივით - რა აახლოებს ხვიჩას "ოქროს ბურთთან" - ნუკრი რევიშვილი ბევრ თემაზე
დაბრუნებაც, დებიუტიც... "იბერია 1999"-მა და "დინამო ბათუმმა" მოიგეს, ერთი მატჩი ფრედ დასრულდა
ეროვნული ლიგა. I ტური. "დინამო" (ბთ) - "დინამო" (თბ) [LIVE]
ყურბან ბერდიევი: კვარაცხელიასა და ზურიკოსთან დაკავშირებით შეცდომა დავუშვი
[სპეციალისტის აზრით] "ჩიხურამ" და "ბათუმმა" კარი როგორმე "მშრალად" უნდა შეინახონ
წარმატებული უცხოელი მწვრთნელები, რომლებმაც ქართულ ხასიათს გაუგეს
ქინქლაძე: ჩვენი თაობის გუნდი ამ ნაკრებს პირველ ტაიმში 3:0-ს მოუგებდა
კვარას შეუძლია "რეალში" ან "ბარსელონაში" ითამაშოს, ის ამისთვის მზადაა - ლაშა სალუქვაძე
[ფრაგმენტი ისტორიიდან] დაუბრუნეთ ჯემალ ხერხაძეს ტიტული!
Geo Team: გია გეგუჩაძემ ბათუმის "დინამო" დატოვა
შეხვედრა წარსულთან: ბომბარდირული ისტორიები
ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]
16 წელი ისტორიული გამარჯვებიდან - 2003 წლის 30 აპრილი. საქართველო-რუსეთი 1:0 [VIDEO+PHOTO]
ფოთის "კოლხეთი" მთავარმა მწვრთნელმა დატოვა
ფოთის "კოლხეთის" ამბები: აზერბაიჯანელი მწვრთნელი და სტადიონის ფოტოები [PHOTO]
"საქართველოში მიაჩნიათ, რომ..." - ლაშა სალუქვაძემ "დინამო"-"ნეფტჩის" მატჩის შესახებ ისაუბრა
"მე საერთოდ ვერ წარმომიდგენია, როგორ შეიძლება, ირაკლი 11-კაციან განაცხადში ვერ მოხვდეს" - რევიშვილმა აზაროვზე ისაუბრა
ვიტალი დარასელიას თასი: ეს მარცხი არ არის კატასტროფა, მაგრამ... [VIDEO]
წასვლიდან ორ კვირაზე ოდნავ მეტში ბრუნდება - თბილისის შემდეგ ჭიაბრიშვილი ბათუმის "დინამოს" მწვრთნელი ხდება
"ხვიჩას ბევრი საუბარი არ უყვარს... გუნდურად უფრო გაზრდილია... სიყვარული ხელს ვერ შეგიშლის" - ნუკრი რევიშვილი
ნოვიკოვს, სავარაუდოდ, ქართველებისთვის ნაცნობი მწვრთნელი შეცვლის
ფოთის "კოლხეთის" მთავარ მწვრთნელად სოსო ფილია დაინიშნა
დინამო(ბთ)-იაგელონია 0:1 - მონდომებას კლასმა აჯობა [VIDEO]
soccer.ru: რუსეთის ჩემპიონატის 10 ყველაზე რეიტინგული ქართველი - ბრწყინვალეები, ჩემპიონები, ბომბარდირები, სიმბოლო და ჯარისკაცი
ფოთის "კოლხეთი" - მილიონერთა ქალაქის გაჭირვებული გუნდი
რუსეთის დამარცხება ასათიანის გოლით, "ბარსელონასთან" მოგება... - ინტერვიუ ფოთის "კოლხეთის" მწვრთნელთან...
"კოლხეთის" მწვრთნელად კლიმენტი წიტაიშვილი დანიშნეს
ლაშა სალუქვაძე: ხვიჩას შეუძლია დიდ გუნდში ითამაშოს
[ლელოს სტუმარი] ვერ მოვისვენებ, სანამ "რუსთავი" უმაღლეს ლიგაში არ დაბრუნდება
ეროვნული ლიგა. V ტური. "დინამო" (ბთ) - "ტორპედო" [LIVE]
რევაზ ჩელებაძე: საბა კვირკველიას ტრანსფერზე "ლოკომოტივი" "რუბინს" შეუთანხმდა
სოსო ფილია ქალაქის მერს უჩივის: ნუ მემუქრები, ხალხს თავს არ ვაგინებინებ!
ლაშა სალუქვაძე: ხვიჩა რუსეთში თავს ცუდად გრძნობდა
გეგუჩაძე უნდა წავიდეს, ამას აღარ მოვითმენთ! - ბათუმის "დინამოს" გულშემატკივრები
[ექსკლუზივი] რომან ფიფია: ისეთი ლეგიონერები ჩამოვლენ, გაგიხარდებათ!..
ეროვნული ლიგა. IV ტური. "იბერია 1999" - "დინამო" (ბთ) [LIVE]
"კვარაცხელია დღეს ესპანეთს დაამარცხებს და გუტის ამ მაისურს გაუგზავნის" - რევიშვილი ესპანეთთან დაპირისპირებაზე
ყურბან ბერდიევი: კვირკველიას "ლოკომოტივში" გადასვლას არ ვნანობ
"კოლხეთის" დირექტორი თემურ ბარქაია: ჩვენი გადარჩენა სასწაულიცაა და ლოგიკურიც
ᕚᓔᕕᓐᓜ ᓜᓝᓓᓘᓐ: "ᕓᕘᓜᕐᕛᓝᕓᓐᓜ" ᓮᓣᓠᕪᓘᓚᓐᓕᓐᓡ ᓒᕐᕛᓝ ᓬᓐᓛᓝᓕᓔᓓᕘᕗ
ბათუმის "დინამო" უკრაინელმა ლეგიონერებმა დატოვეს
"ისეთები გვითხრა, მზად ვიყავით რუსეთის ნაკრები შეგვეჭამა!" - ლადო ბურდულმა მოჰყვა, როგორ აუმაღლა ივო შუშაკმა მოტივაცია საქართველოს ნაკრების ფეხბურთელებს რუსეთთან მატჩამდე
გია გეგუჩაძე: ძალიან რთული თამაშის მოლოდინი გვაქვს
"დილამ" სტუმრად "ტორპედოს" მოუგო; ორი მატჩი ფრედ დასრულდა
დინამო (ბთ)-სამტრედია 0:1 - მოიგო იმან, ვისაც მეტად გაუმართლა [VIDEO]
კვარაცხელია - ზაფხულამდე დარჩენა, "მანჩესტერი" თუ მაინც პსჟ - "გადამწყვეტი თავად ფეხბურთელის სურვილი იქნება"
"ზუგდიდის" მთავარი მწვრთნელი დავით მახარაძე სოსო ფილიამ შეცვალა
ქართველები ევროპის ჩემპიონატებზე - იყო დრო, ჩემპიონებიც გვყავდა და ვიცეჩემპიონებიც!
"მჯერა, ყველაფერს ჩვენ სასიკეთოდ დაასრულებთ" - კვარაცხელიას გზავნილი ბათუმის "დინამოს" ფეხბურთელებს "ტირანასთან" მატჩამდე [VIDEO]
"რუბინის" მწვრთნელი: დავითაშვილთან დაკავშირებით პრობლემები მის მშობლებთან უფრო გვაქვს
ექსპერიმენტი: მოდი, შევქმნათ საქართველოს ნაკრების იდეალური მწვრთნელი
"რუსთავმა" თურქულ შეკრებაზე წასაყვანი 26 ფეხბურთელი დაასახელა
გია გეგუჩაძე: ყველას იმედი გვქონდა, რომ შემდეგ ეტაპზე გავიდოდით
ნუკრი რევიშვილი: ქართველი ფეხბურთელები რუსებზე ნიჭიერები არიან