<p>ავტოსპორტის ქართველი გულშემატკივრები ამაზე უკეთეს დასაწყისს ვერ ვინატრებდით! <br> TCR-ის საერთაშორისო სერიის პირველობა ჩვენთვის, ჩვენსავე ავტოდრომზე, იდეალურად დაიწყო! <strong>დათა ქაჯაიამ</strong> პირველი რბოლა მოიგო, მეორე რბოლაში კი მე-6 ადგილი დაიკავა და რუსთავის ეტაპის შემდეგ, სატურნირო ცხრილს 38 ქულით ლიდერობს! ეს არის დიდი გამარჯვება, რომლითაც მთელმა საქართველომ უნდა იამაყოს!</p><p>"ბედნიერესი ვარ... სიტყვები არ მყოფნის! უბრალოდ, მინდა, მადლობა გადავუხადო ჩემს ქვეყანას ასეთი მხარდაჭერისთვის! მძიმე რბოლა იყო... სტარტი კარგი გამომივიდა, უპირატესობას ვზრდიდი, მაგრამ მე-6 წრის შემდეგ, წინა საბურავების გამო, იძულებული გავხდი, თავდაცვაზე გადავსულიყავი. რაც მთავარია, პირველი ადგილის შენარჩუნება მოვახერხე. საკუთარ ტრეკზე გამარჯვება განუმეორებელი განცდაა. უღრმესი მადლობა ყველას!" - განაცხადა ქაჯაიამ პირველი რბოლის შემდეგ.</p><p><img src="pictures/artimages/image17/306a45c3eaf7081f4cf798b40fc0a33b.jpg" border="0" alt="Sportall.Ge" title="დათა ქაჯაია პირველია - ქართველ მრბოლელს ამ კლასში აქამდე არ გაუმარჯვია" /></p><p>წარმატებული კვალიფიკაციის შემდეგ გაგვიჩნდა იმედი, რომ დათა რბოლასაც მოიგებდა, მაგრამ ისიც ცხადი იყო, რომ პირველი ადგილის შენარჩუნება ადვილი არ იქნებოდა. ქაჯაიამ შესანიშნავი სტარტი აიღო და პირველი 6 წრის განმავლობაში უპირატესობას სტაბილურად ზრდიდა, მაგრამ მე-6 წრიდან, წინა საბურავების პრობლემების გამო, იძულებული გახდა, თავდაცვაზე გადასულიყო...</p><p>ავტორბოლაში თავის დაცვასაც ნიჭი და მოხერხება უნდა! თამამად შეიძლება ითქვას, რომ დარჩენილ 9 წრეზე ქაჯაია შესანიშნავად იცავდა თავს უნგრელი ფერენც ფიცასგან. მისი და ქაჯაიას დუელის კულმინაცია მე-14 წრეზე დაფიქსირდა, როცა უნგრელი შეეხო კიდეც დათას "ალფა რომეო ჯულიეტას" უკანალს! მაგრამ ქაჯაიამ რამდენჯერმე შესანიშნავად დაუკეტა გასასწრები ზონები, ფიცას შანსი არ დაუტოვა და ფინიში პირველმა გადაკვეთა!</p><p>კვალიფიკაციის წესებიდან გამომდინარე, მეორე რბოლა ქაჯაიამ მე-10 პოზიციიდან დაიწყო, თუმცა მაინც მოახერხა წინ წაწევა და პირველ რბოლაში მოპოვებულ 25 ქულას, კიდევ 8 ქულა შემატა! ამას დაემატა კვალიფიკაციის მოგებისთვის მიღებული 5 ქულა და, დათა ქაჯაია პირველი ეტაპისა და 2 რბოლის შემდეგ, TCR Iნტერნატიონალ-ს 38 ქულით ლიდერობს!</p><p>ლიდერები ვართ გუნდებშიც: GE-Fორცე-ს ჯამში 52 ქულა აქვს, რადგან ჩვენი გუნდის მეორე მრბოლელმა, სერბმა დუშან ბორკოვიჩმა პირველ რბოლაში 2, ხოლო მეორე რბოლაში 12 და ჯამში 14 ქულა მოგვიტანა!</p><p>მომდევნო ეტაპი ბაჰრეინში, 14-16 აპრილს გაიმართება. როგორც იცით, რუსთავის ეტაპი პირველი იყო - სულ დარჩენილია 9 ეტაპი და 18 რბოლა.</p><p><span style="color: #3366ff;"><strong>სატურნირო ცხრილი</strong></span></p><p>(დარჩენილია 9 ეტაპი და 18 რბოლა)</p><p>ა მრბოლელი კვ. რ1 რ2 ქულა</p><p>1. დავით ქაჯაია 5 25 8 38</p><p>2. ატილა ტაში 4 10 18 32</p><p>3. პეპე ორიოლა 0 6 25 31</p><p>4. ჟან-კარლ ვერნეი 2 8 15 25</p><p>5. ფერენც ფიცა 3 18 0 21</p><p>6. სტეფანო კომინი 0 15 0 15</p><p>7. დუშან ბორკოვიჩი 0 2 12 14</p><p>8. რობერტო კოლჩაგო 1 12 0 13</p><p>9. ჯეიმს ნეში 0 0 10 10</p><p>10. ჯანი მორბიდელი 0 1 6 7</p><p>11. ჯაკომო ალტოე 0 4 1 5</p><p>12. პიერ კორთალსი 0 0 4 4</p><p>13. უგო ვალენტე 0 0 2 2</p><p><em>კვ - ქულა კვალიფიკაციაზე; რ1 - ქულა პირველ რბოლაში; რ2 - ქულა მეორე რბოლაში.</em></p><p><strong>შაკო ბუაჩიძე</strong></p><p><strong>ყოველდღიური სპორტული გაზეთი "ლელო"</strong></p>
ქუთაისელი
ვისაც მანქანით სწრაფი სიარული გიყვართ - ა, ბატონო, ტრასა, შესაძლებლობა და აქიარეთ უსაფრთხოდ, რამდენიც გინდათ! ქაჯაიას ბრავო! წარმატებები შემდეგ რბოლებზე!
ავტოსპორტი: ფერნანდო ალონსოს 305 ათასი გამოვარდნისთვის
ფერნანდო ალონსომ ინდი 500 ვერ დაასრულა
მოტოგრანპრი: როსიმ დებიუტანტთან წააგო
ქეცბაია "ანორთოსისში" საქართველოს ნაკრების მეკარის გადაყვანას ცდილობს
"შავი ლომი" | ტოპ 14-ისა და ჩელენჯ თასის ორგზის ჩემპიონი თბილისში
19-წლამდე გოგონათა ნაკრებმა ევროპის ჩემპიონატის შესარჩევში ასპარეზობა დაასრულა
"რეალმა" "ჟირონასთან" ქულები და პირველობა დაკარგა
საქართველოს 23-წლამდე მოკრივეთა ნაკრებმა ევროპის ჩემპიონატზე სამი მედალი მოიპოვა
2026 წლის მსოფლიო ჩემპიონატზე თამაში სურს - რამოსი ევროპაში დაბრუნებას გეგმავს
ქოჩორაშვილი შეცვლაზე შეუშვეს - "სპორტინგმა" გაიმარჯვა
პირველი ტაიმის შემდეგ საქართველოს ნაკრები ესპანეთთან 14 ქულით მარცხდება
[VIDEO. ეროვნული ლიგა. XXXV ტური] ყველაზე მოტივირებული ფანცულაია იყო! "სამგურალმა" ბათუმის "დინამოს" შანსი არ დაუტოვა
"ლივერპულმა" ლონდონში "ვესტ ჰემს" სძლია - მამარდაშვილი სათადარიგო იყო
კიტეიშვილი შეცვლაზე შევიდა და გამარჯვების გოლი გაიტანა
[VIDEO] მიქაუტაძე შეცვლაზე შევიდა - "ვილიარეალმა" "სოსიედადს" მოუგო
დემეტრაშვილმა აბუ დაბის გრანდ სლემზე ბრინჯაოს მედალი მოიპოვა!
ნაკრების ვარჯიში ტენერიფეზე და ეპანეთთან მატჩის 12-კაციანი განაცხადი
[VIDEO. ეროვნული ლიგა. XXXV ტური] ფავორიტებმა იოლად მოიგეს! "იბერიას" ჩემპიონობამდე ერთი გამარჯვება აშორებს...
გირასი წასვლაზე თანახმაა - ფეხბურთელი ევროპის ტოპ კლუბებს სურთ
ბექაური ოქროსთვის, დემეტრაშვილი კი ბრინჯაოსთვის იბრძოლებს - აბუ დაბის გრანდ სლემის მესამე დღე
გააფორმებს თუ არა ახალ კონტრაქტს - ნოიერმა "ბაიერნში" შესაძლო დარჩენაზე ისაუბრა
"გაცილებით დაბალ დონეზეა, ხვიჩაზე ეს ამას არ ამართლებს..." - რას წერენ პსჟ-ის ფანები კვარაცხელიას შესახებ "მონაკოსთან" მატჩის შემდეგ
"ტრამპის აშშ-ის პრეზიდენტად არჩევის შემდეგ, რუსები უფრო აგრესიულები გახდნენ და ყველაფერი გაუარესდა" - ფონსეკამ უკრაინაში მიმდინარე ომზე ვრცლად ისაუბრა
ავტოსპორტი: დათა ქაჯაია რბოლას უბრუნდება
ᓓᓐᓗᓐ ᓥᓐᓯᓐᓘᓐᓛ "ᓞᓘᓙᓐᓞᓔᓑᓨᓘ" ᓞᓘᓠᓕᓔᓚᓘ ᓐᓓᓒᓘᓚᓘ ᓓᓐᓘᓙᓐᓕᓐ
დათა ქაჯაიამ TCR International-ის მეშვიდე რბოლაში მესამე ადგილი დაიკავა
ᓓᓐᓗᓐ ᓥᓐᓯᓐᓘᓐᓡ ᓒᓐᓛᓐᓠᓯᓕᓔᓑᓐ ᓘᓡᓢᓝᓠᓘᓣᓚᓘ ᓠᓔᓙᓝᓠᓓᓘᓗ
ᓓᕐᕗᕐ ᓥᕐᕯᓐᕘᓐ "ᓐᓥᓡᓔᓚᓔᓠᓔᓘᓨᕜᓘᕡ" ᓩᓔᕛᓞᓘᓝᓜᕐᓢᓡ 12 ᓠᓑᓝᓚᕘᓡ ᓨᓔᓛᓓᕔᕒ ᕚᓘᓓᓔᓠᓝᓑᓡ
დათა ქაჯაია ახალ სერიაში იასპარეზებს