<p>საფრანგეთის სარაგბო ჩემპიონატის ელიტურ, მეორე დივიზიონში რეგულარული გათამაშების დასრულებამდე ორი ტურიღა დარჩა <br> საფრანგეთის სარაგბო ჩემპიონატის ელიტურ, მეორე დივიზიონში რეგულარული გათამაშების დასრულებამდე ორი ტურიღა დარჩა. პირველობისთვის, რომელიც ელიტურ, პირველ დივიზიონში პირდაპირ გადასვლის უფლებას იძლევა, ქართველ მორაგბეთა სამი გუნდი იბრძვის. ესენია: "ოიონაქსი", "აჟენი" და "მონ დე მარსანი".</p><p>პირველ ადგილზე ამჟამად <strong>ირაკლი მირცხულავასა</strong> და <strong>გიორგი ვეფხვაძის</strong> "ოიონაქსია", რომელმაც შინ შეძლო აუტსაიდერის, ფაქტობრივად, გასავარდნად განწირული "ბურგუენის" დამარცხება - 33:6. მირცხულავა ძირითად შემადგენლობაში იყო და მე-60 წუთზე შეცვალეს.</p><p>"ოიონაქსი" მომდევნო ტურში ისევ შინ თამაშობს. ამჯერად მეტოქე კატალონიური "პერპინიანი" იქნება, რომელიც პლეი ოფში შესვლისთვის იბრძვის. თუმცა, ნაკლებად მოსალოდნელია ოიონაქსელებმა საკუთარი კედლებიდან, თანაც ფინიშისწორს, ვინმე გახარებული გაუშვან.</p><p>"ოიონაქსს" ორი ქულით ჩამორჩება და მისი ყველაზე რეალური კონკურენტია <strong>თამაზ მჭდლიძის, ვახტანგ ახობაძისა</strong> და <strong>გიორგი თეთრაშვილის </strong>"აჟენი", რომელმაც შინ დიდი ანგარიშით დაამარცხა დივიზიონის დებიუტანტი, <strong>არჩილ ბეჟიაშვილის</strong> "ვანი" - 56:7.</p><p><strong><strong></strong></strong></p><p>აჟენელებმა მეტოქეს რვა ლელო გაუტანეს. აქედან ოთხი ახალზელანდიელი გარემარბის, ჯორჯ ტაისლის ანგარიშზეა. მჭედლიძემ თავიდან ბოლომდე ითამაშა. ბეჟიაშვილი 41-ე წუთზე შეცვალეს.</p><p>მომდევნო ტურში "აჟენი" სტუმრად ხვდება <strong>გიორგი შეყლაშვილის</strong> "ალბის", რომელიც დივიზიონში ადგილის შენარჩუნებისთვის იბრძვის. მატჩი, ცხადია, მძიმე იქნება. გამარჯვება ორივე გუნდს ჰაერივით სჭირდება, ამიტომ პროგნოზის გაკეთება შეუძლებელია. "ალბის", რაც უნდა სუსტი იყოს, შინ ბრძოლის გამართვა და გამარჯვება შეუძლია.</p><p>ახლახან კი გავრცელდა ინფორმაცია, რომ შეყლაშვილი მომავალი წლიდან "კოლომიეში" ითამაშებს. ქართველმა შერკინების ბურჯმა კონტრაქტი უკვე გააფორმა.</p><p>პირველობის კიდევ ერთი პრეტენდენტი <strong>ბექა გორგაძის</strong> "მონ დე მარსანი" "აჟენს" სამი ქულით ჩამორჩება. ჩვენებურის ამ გუნდმა შინ მიიღო <strong>ლევან დათუნაშვილის, მერაბ შარიქაძისა</strong> და <strong>გიორგი შარაშიძის</strong> "ორიაკი" და 43:25 დაამარცხა.</p><p>თამაში უხვლელოიანი და საკმაოდ უხეშიც გამოდგა. მატჩის არბიტრმა სამი მორაგბე გაასინბინა, მათ შორის შარაშიძეც, რომელიც ძირითად შემადგენლობაში იყო და 42-ე წუთზე შეცვალეს. შარიქაძემ მოედანი 67-ე წუთზე დატოვა, თუმცა რვა წუთით ადრე მეტოქეს ეფექტური ლელო გაუტანა. მან ხაზი მოედნის ცენტრში, მარჯვენა ფრთაზე გაჭრა. ლელოსთან ახლოს კიდევ ერთი მოწინააღმდეგე დატოვა უსაქმოდ და შებოჭილმა ბურთი ჩათვლის მოედანში გადადო.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mtavari/video.html?view=video&video=9535" target="_blank"><img src="pictures/artimages/image16/513db68c93c0b18b648187800d4da4bc.jpg" border="0" alt="Sportall.Ge" title="რაგბი. ლეგიონერები: მერაბ შარიქაძის ლელო "მონ დე მარსანს" [VIDEO]" /></a></p><p></strong></span></span></div></p></p><p>გორგაძემ სრულად ითამაშა, დათუნაშვილი ტრავმირებულია და სეზონის ბოლომდე ვეღარ ითამაშებს. "მონ დე მარსანი" ბოლოსწინა ტურში სტუმრად ეთამაშება "დაქსს", რომელსაც ჯერ კიდევ ემუქრება დივიზიონის დატოვების საფრთხე.</p><p>დივიზიონიდან გავარდნის თეორიული საფრთხე ემუქრება <strong>შალვა სუთიაშვილისა</strong> და <strong>ლაშა თავბერიძის</strong> "ანგულემსაც", რომელმაც სტუმრად წააგო "პერპინიანთან" - 7:36. თავბერიძე 31-ე წუთზე შეცვალეს, სუთიაშვილმა მოედანი 56-ე წუთზე დატოვა.</p><p><span style="color: #3366ff;"><strong>II დივიზიონი, XXVIII ტური</strong></span></p><p>აჟენი-ვანი 56:7, ალბი-ბეზიე 25:23, კარკასონი-ნარბონი 26:13, კოლომიე-ბიარიცი 37:13, მონტობანი-დაქსი 40:31, მონ დე მარსანი-ორიაკი 43:25, ოიონაქსი-ბურგუენი 33:6, პერპინიანი-ანგულემი 36:7</p><p><span style="text-decoration: underline;">სატურნირო მდგომარეობა </span></p><p>1. ოიონაქსი - 86 ქულა, 2. აჟენი - 84, 3. მონ დე მარსანი - 81, 4. კოლომიე - 76, 5. მონტობანი - 76, 6. პერპინიანი - 74, 7. ბიარიცი - 72, 8. ორიაკი - 65, 9. კარკასონი - 63, 10. ბეზიე - 59, 11. ანგულემი - 56, 12. ვანი - 55, 13. დაქსი - 55, 14. ნარბონი - 51, 15. ალბი - 49, 16. ბურგუენი - 17</p><p><span style="color: #3366ff;"><strong>XXIX ტური</strong></span></p><p>ოიონაქსი-პერპინიანი, ალბი-აჟენი, ანგულემი-კარკასონი, ბეზიე-ვანი, ბურგუენი-ნარბონი, დაქსი-მონ დე მარსანი, ბეზიე-ორიაკი, კოლომიე-მონტობანი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ქართველები ევროტურნირების ფინალში
ბექა საღინაძის ლელოთი ჩელენჯ თასის ფინალში!
RugbyPass-ის ინტერვიუ დავით ნინიაშვილთან - "საქართველო 2027 წლის მსოფლიო თასზე მეოთხედფინალში გავა"
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"დიდი მატჩი და გამოცდა "მარიფილდზე", რათა ვნახოთ, სად ვართ" - მაისაშვილის და შარიქაძის კომენტარები
საქართველო VS ურუგვაი - თბილისის თასი 2015 იწყება
რაგბი ევროპა | მზადება ნიდერლანდებისთვის, ბექა გორგაძესთან ერთად
რაგბი. ლეგიონი: ქართველების მონაგარი, ოთხი სინბინი
ლეგიონერები | 31 ქულა საფრანგეთში
მერაბ შარიქაძე: უკვე დავიღალე მსაჯების შეცდომებზე საუბრით
ჩელენჯ თასი | ისტორიული მატჩის შემდგომი კომენტარები
ლეგიონერები: ორი ლელო პრო დე2-ში
საქართველო-აშშ. რა ითქვა ნამატჩევს
პრო დე2: სათამაშო პრაქტიკა "შემოდგომის ერთა თასამდე
ბექა გორგაძე: ფინალის მოსაგებად დამატებითი მოტივაცია არ გვჭირდება
რაგბი. ლეგიონი: საფრანგეთში მოთამაშე ქართველების ბოლო რეპეტიცია
ქართველ ლეგიონერთა ტრანსფერები: ბექა ბიწაძე "შამბერიში" ითამაშებს
რაგბი. ლეგიონი: მეორე დივიზიონში "არაქართული გუნდი" გალიდერდა
"ამჟამად არ გვეძლევა შესაძლებლობა, რომ ვითამაშოთ დიდ ბიჭებთან; შეგვიძლია თუ არა, დავამარცხოთ იტალია და ინგლისი?" - მერაბ შარიქაძისა და რიჩარდ კოკერილის ინტერვიუ [VIDEO]
რაგბი. ლეგიონი: ქართულმა გუნდებმა საფრანგეთის მეორე დივიზიონში პოზიცია გაიმყარეს
ლეგიონერები | ორი ლელო და სამნი სიმბოლურში
რაგბი. ლეგიონი: 27 ქართველი ელიტფედერალი
ბექა გორგაძე: შეცდომების დაშვების უფლება არ გვაქვს
ბექა გორგაძე: შეცდომების დაშვების უფლება არ გვაქვს
რაგბი. ლეგიონი: საფრანგეთში მოთამაშე რამდენიმე ქართველმა გუნდი შეიცვალა
ვასილ კაკოვინი მოედანს უბრუნდება
worldrugby: საქართველო საუკეთესო ათეულს უმიზნებს
რაგბი. ლეგიონი: მირცხულავასა და ვეფხვაძის "ოიონაქსი" ელიტაშია, კიდევ?
რაგბი. ლეგიონერები: ამჯერად, სამი ქართული ლელო [VIDEO]
"გლოსთერთან" ბოლომდე ბრძოლა შეგვიძლია" - რა ითქვა "იბერიანსთან" ნამატჩევს