- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დიდი 10: ქუთაისის "აიამ" ლიდერობა დაიბრუნა, "ლელომ" ბონუს-ქულა დაკარგა
<p>გასულ უქმეებზე დიდი 10-ის მორიგი ტურის მატჩები გაიმართა <br> <em>ფოტო: ანი რეხვიაშვილი</em></p><p>გასულ უქმეებზე დიდი 10-ის მორიგი ტურის მატჩები გაიმართა.</p><p>ქუთაისის "აიამ" თბილისის "აკადემიას" მეორე ტაიმში სამი უპასუხო ლელო გაუტანა, მეტოქე ბონუსით, 22:9 დაამარცხა და წინა დღით დაკარგული ლიდერობა დაიბრუნა.</p><p>თბილისელებმა პირველი ტაიმი, განსაკუთრებით, მისი სადებიუტო ნაწილი კარგად ჩაატარეს, სწრაფი კონტრშეტევების შემდეგ სამი დასარტყმელი ჯარიმა გამოიმუშავეს და დავით მოძღვრიშვილმა სტუმრები 9:0 დააწინაურა. ეს საწყის 13 წუთში მოხდა, რის შემდეგაც "აკადემიამ" ქულის აღება ვეღარ მოახერხა.</p><p>ქუთაისელებმა პირველი ქულები ტაიმის გაწითლებულ დროზე აიღეს, გიორგი ბაბუნაშვილმა ჯარიმა გაიტანა. მეორე ტაიმში მათ ცვლილებებს მიმართეს. "აკადემიას" დაღლა დაეტყო და 58-ე წუთზე "აია" პირველად დაწინაურდა. გიორგი როხვაძემ თამაში ააჩქარა. სწრაფი კონტრშეტევის შემდეგ გიორგი აბრამიძე მცველებმა წითელ ზოლში შეაჩერეს, მაგრამ როხვაძემ რაქიდან ბურთი აიტაცა, მცველები გაიტყუა და შებრუნებული პასით ლელო ზურაბ ძნელაძეს გაატანინა. ბაბუნაშვილმა გარდასახვით მასპინძლები დააწინაურა.</p><p>"აიამ" წნეხი გაზარდა, მეტოქის 22-ში დამკვიდრდა და ირაკლი ლუარსაბიშვილი სინბინით დაისაჯა, ერთ წუთში კი მოლი ლელოთი საბა ერემეიშვილმა დაასრულა. ერემეიშვილმა მატჩის მიწურულს მეორე ლელოც მიითვალა, რითაც ქუთაისელებს ბონუსი მოუპოვა, ბაბუნაშვილმა ორიდან ერთი გარდასახა და მატჩი 22:9 დასრულდა.</p><p>ამ მოგების შემდეგ "აიას" 43 ქულა გაუხდა და "ლოკომოტივს" ერთი ქულით გადაასწრო.</p><p><span style="color: #3366ff;"><strong>* * *</strong></span></p><p>"ლელო-სარასენსმა" თბილისურ დერბიში "არმიას" პირველ ტაიმში 5 ლელო გაუტანა და 36:0 დაწინაურდა, მაგრამ 38 წუთის შემდეგ მონაგარს ვეღარაფერი შემატა, თავად სამი ლელო გაუშვა და ბონუს-ქულა დაკარგა.</p><p>ლელოელებმა მეტოქის შეცდომებით კარგად ისარგებლეს. ირაკლი ყიასაშვილმა ანგარიში ჯარიმით გახსნა, მალევე ბურთი მეტოქის შერკინებაში მოიპოვა და მერაბ კვირიკაშვილის პასის შემდეგ მიზანს ალექსანდრე თოდუამ უწია. მე-8 წუთზე აკა ტაბუცაძემ გადაცემა ჩაჭრა და 70-მეტრიანი რეიდი ლელოთი დაასრულა, ხოლო ტაიმის შუაში მცველები კვირიკაშვილის ცრუმოძრაობას აჰყვნენ და გამოცდილმა "ბორჯღალოსანმა" ხაზი მარტივად გაჭრა - 22:0.</p><p>23-ე წუთზე ტაბუცაძემ კიდევ ერთხელ ჩაჭრა მეტოქის გადაცემა და დუბლი გაიფორმა, ხოლო 37-ე წუთზე ბექა საღინაძემ რაქიდან შეუტია და თანაგუნდელის დახმარებით ლელოს ხაზი გადალახა. ყიასაშვილის დარტყმები ზუსტი იყო და "ლელო-სარასენსი" 36:0 დაწინაურდა.</p><p>თამაში რომ განახლდა, ნიკო აფციაურმა ხაზი გაჭრა და ბურთი 5-მეტრიან წყვეტილამდე მიიტანა. შეტევაში მიხეილ მასხარაშვილი ჩაერთო და მისი ლელო შავლეგ მახარაშვილმა გარდასახა.</p><p>მეორე ტაიმში "არმიამ" ბურთზე კონტროლი დაამყარა და კიდევ ორი ლელო გაიტანა, რითაც მეტოქეს თითქოსდა განაღდებული ბონუსი ჩამოართვა. 52-ე წუთზე, ახლოში რამდენიმე დარტყმის შემდეგ, ბურთი ფრთაზე ბოლომდე ჩათამაშდა და ნიკა ცირეკიძეს შემჩერებელი აღარავინ იყო. 67-ე და 70-ე წუთებზე "ლელო-სარასენსმა" სინბინით ორი მოთამაშე - ცისკარა ბერიაშვილი და რევაზ დუგლაძე დაკარგა. "არმიამ" რიცხობრივი უპირატესობით ისარგებლა, ბურთი მეტოქის შერკინებაში, ლელოდან 5 მეტრში მოიპოვა და ის გოდერძი ჭინჭარაულმა დაამიწა. მახარაშვილმა ორივე გარდასახვა გაიტანა და საბოლოო შედეგი დააფიქსირა, თუმცა მისი გუნდი მაინც სატურნირო ქულის გარეშე დარჩა - 21:36.</p><p><span style="color: #3366ff;"><strong>* * *</strong></span></p><p>"ბათუმი" დიდი 10-ის აუტსაიდერ "ბაგრატს" ქუთაისში რამდენიმე ლიდერის გარეშე ეწვია, თუმცა კლასსა და შერკინებაში უპირატესობა სათანადოდ გამოიყენა და 26:10 იმარჯვა. ზღვისპირელებმა 4 ლელო გაიტანეს, მხოლოდ ერთი გაუშვეს და ბონუს-ქულაც მიითვალეს.</p><p>მიუხედავად სათამაშო უპირატესობისა, ანგარიში მასპინძლებმა გახსნეს, ზვიად ოდიშარიამ ჯარიმა გაიტანა. სტუმრებმა 23-ე წუთზე უპასუხეს, მეტოქეს ბურთი მისსავე შერკინებაში აართვეს და ვანო ფუტკარაძე მცველებმა ვერ შეაჩერეს, ხოლო დურმიშხან ჯაბნიძემ გარდასახვა გაიტანა.</p><p>შესვენებამდე ანგარიში აღარ შეცვლილა, 46-ე წუთზე კი ლაშა ხმალაძემ გაიბრწყინა, მოედნის ცენტრში ხაზი გაჭრა და 22-ში შევიდა. მას გიორგი თხილაიშვილი დაეხმარა, რომელმაც გადაცემა დროულად დააბრუნა და "ბორჯღალოსანთა" მგეზავმა ლელო გაიტანა. ტაიმის შუაში "ბაგრატის" ბურჯი ნუგზარ ბალანჩივაძე სინბინით დაისაჯა და ცრუ შერკინება დაინიშნა, რის გამოც "ბათუმმა" დერეფნიდან მოლი დააყენა. ის ლელოთი ბექა მამრიკიშვილმა დაასრულა. ვიტალი კირინის გარდასახვა ზუსტი იყო - 19:3.</p><p>70-ე წუთზე სტუმრებმა კონტრშეტევისას სწრაფად გაშალეს ბურთი და დავით ტრაპაიძემ მეოთხე ლელო გაიტანა, რომელიც კირინმა გარდასახა. თამაში რომ განახლდა, ბათუმელები ბურთის მიღებისას ორჯერ შეცდნენ, "ბაგრატმა" 5-მეტრიანი შერკინებიდან შეუტია და ოდიშარიამ კარის წინ ხაზი გაჭრა. მანვე გარდასახვა სწრაფად შეასრულა, თუმცა ანგარიში აღარ შეცვლილა და სტუმრებმა ბონუსი შეინარჩუნეს.</p><p><span style="color: #3366ff;"><strong>* * *</strong></span></p><p>პირველი ტაიმის დასკვნითი 10 წუთი "არმაზმა" მოედანზე კაცნაკლულად გაატარა, რითაც "ჯიქმა" კარგად ისარგებლა, სამი ლელოთი 21 ქულა აიღო და თამაშის ბედი გადაწყვიტა.</p><p>მატჩის დებიუტში დიტო კიკნაძემ ფეხით გადაიკიდა ბურთი, ის თავადვე მოხსნა და გიორგი წიკლაურს ხაზი გააჭრევინა. ლელო გარდაუვალი ჩანდა, თუმცა შემტევს ილია სპანდერაშვილი წამოეწია და შეაჩერა. რეფერიმ მცველი მაღალი ბოჭვის გამო სინბინით დასაჯა, ხოლო მამუკა ნინიძემ ჯარიმით ანგარიში გახსნა. ამის შემდეგ გორელებმა ჯარიმები კარში აღარ ურტყეს, მაგრამ ვერც ლელო გაიტანეს, რადგან "არმაზი" თავს კარგად იცავდა.</p><p>"ჯიქი" შერკინებაში დიდ უპირატესობას ფლობდა და 30-ე წუთზე, მორიგი ჯარიმის შემდეგ, "არმაზი" მოედანზე მეორედ დარჩა კაცნაკლული. ამჯერად რეფერიმ გია ხარაიშვილი გაასინბინა და სტუმრებმა მეტობაში სამი ლელო გაიტანეს: 5-მეტრა შერკინებიდან ბურთი ფლანგზე ბოლომდე ჩაათამაშეს და იქ მეტობით ნიკა ბიწაძემ ისარგებლა; 37-ე წუთზე დევი დევსურაშვილმა ბოჭვა აირიდა და ბიწაძეს გადაცემა არ დაუგვიანა, რომელმაც მეორე ლელო გაიტანა; უკვე გაწითლებულ დროზე "ჯიქმა" სწრაფი კონტრშეტევა წამოიწყო და ფეხით ორჯერ თამაშის შემდეგ ლელო დიტო კიკნაძემ მიითვალა. ნინიძემ სამივე გარდასახა - 24:0.</p><p>მეორე ტაიმის თითქმის 30 წუთი გუნდებმა უქულოდ ჩაატარეს, მერე კი გორელთა კიდევ ერთმა უკანახაზელმა გამოიჩინა თავი. ნინიძემ მეტოქის გრძელი გადაცემა ჩაჭრა და ლელოს ზუსტი გარდასახვა მიაყოლა. "არმაზმა" 3 წუთში გიორგი კვესელაძის ლელოთი უპასუხა, სულ ბოლოს ბექა გუგეშაშვილმა გადაცემა ჩაჭრა, მაგრამ სისწრაფე არ ეყო და "ჯიქმა" პრემიალური გამარჯვება მოიპოვა - 31:5.</p><p><strong></p><p>მომზადებულია Rugby.ge-ს მიხედვით</strong></p>
crocobet დიდი 10-ის განახლება ერთი კვირით გადაიდო
დიდი 10 | არმია 23:19 ლელო
დიდი 10 | ბათუმი 14:14 ხარები
სპალეტიმ ჟურნალისტ ქალს აკოცა და მოეფერა - ასე განუმარტა მსაჯის გადაწყვეტილების არამართებულობა
კაზემიროს ტონალი შეცვლის? - იტალიელი "მანჩესტერ იუნაიტედის" სამიზნეა
მატჩის გმირი, გურჯაანელი კინგი | დელტამ კსუ-კავკასია ბოლო წამებზე დაამარცხა
ლუის ენრიკემ "მარსელთან" მატჩში შემადგენლობა დაასახელა
კიტეიშვილის საგოლე პასი, მამაგეიშვილის დებიუტი და "შტურმის" გამარჯვება
საქართველოს ნაკრების ყოფილი ფეხბურთელი 37 წლის ასაკში გარდაიცვალა
[VIDEO] საქართველოს ნაკრებმა შვეიცარია დიდი ანგარიშით დაამარცხა
ლოკატელის პრემიერ ლიგაში ეპატიჟებიან - "იუვენტუსიდან" შესაძლოა, კაპიტანი წავიდეს
11 ფეხბურთელი უკვე შეარჩია - ანჩელოტის სამუნდიალო სიაში ეს მოთამაშეები აუცილებლად იქნებიან
თუ "მანჩესტერ იუნაიტედიდან" გაუშვებენ - კერიკს პრემიერ ლიგიდან უკვე სამი მსურველი ჰყავს
[VIDEO] პსჟ "მარსელის" დღევანდელ მატჩს განსაკუთრებული სტუმარი გახსნის
"ტორპედოში" 2 მატებაა - კლუბი დღეიდან მზადებას კვიპროსში განაგრძობს
პეპის დარწმუნებას ამ ორი ტრანსფერით შეეცდებიან - გვარდიოლა შესაძლოა, "სიტიში" დარჩეს
რუსულად საუბრის გამო დაისაჯა - "კარპატის" უკრაინელ მცველს კაპიტნის სამკლაური ჩამოართვეს
მამარდაშვილზე უარის მიღების შემდეგ, "ბეშიქთაშმა" კოლუმბიელი მეკარე დაიმატა
ფიგურული ციგურაობა | ოლიმპიურ თამაშებზე დევისის და სმოლკინის წყვილმა თავისუფალ პროგრამაში მეოთხე ადგილი დაიკავა
"სენტ-ეტიენმა" გაიმარჯვა - დავითაშვილმა ტრავმა მიიღო
[VIDEO] პირველად ქართული სპორტის ისტორიაში - საქართველოს ფიგურული ციგურაობის ნაკრები გუნდური ასპარეზობის ფინალშია!
[VIDEO] შერმადინის უნიკალური მიღწევა - "ტენერიფე" "ბურგოსთან" დამარცხდა
კვარაცხელიას დაბრუნება ფრანგულ კლასიკაში - მიქაუტაძის გამარჯვების დრო!..
გავიცნოთ "ბათუმის" მეტოქე ევროთასებზე - "ჰაიდელბერგი"
დიდი 10-ის საჩემპიონო ფინალის მონაწილე გუნდები ცნობილია
ქართული სარაგბო კლუბი ნავთობისა და გაზის კორპორაციასთან დამეგობრდა
"ბათუმი" ევროასპარეზს იტალიაში "როვიგოსთან" მატჩით დაიწყებს
დიდი 10. XIV ტურის წინ: შეხვედრები არატრადიციულ დროს
დიდი 10: 2018 წლის ზაფხულის ტრანსფერები
"კონტინენტის ფარი": "ბათუმმა" შეკრება დაიწყო
დიდი 10: "ლოკომოტივის" ზედიზედ მე-10 გამარჯვება
სარაგბო კლუბი "არმია" დაშლის პირასაა
დიდი 10: "ხარების" გამარჯვება ბოლო წუთებზე
კონტინენტის ფარი: "ბათუმი" რუმინელებთან 5-ქულიანი სხვაობით დამარცხდა
სარაგბო სეზონის წინ. წარდგენა: "არმია"