<p><p><p>"ბორჯღალოსნების" სამწვრთნელო შტაბმა, 2019 წლის პირველი საშინაო მატჩისთვის 23-კაციანი განაცხადი დაასახელა.</p></p></p><p><p><p>წელს ჩვენი გუნდი საქართველოში სულ ოთხ თამაშს გამართავს - ორს რაგბი ევროპაზე და ორსაც აგვისტოში, მსოფლიო თასის მოსამზადებელ ეტაპზე. პირველ მატჩში კვირას, 17 თებერვალს, ავჭალის სტადიონზე ესპანეთს ვმასპინძლობთ. შეხვედრა 18 საათზე დაიწყება და მასზე დასასწრები ბილეთები ონლაინ <a href="https://www.tkt.ge/Show/6549/ragbi-evropa" target="_blank">www.TKT.GE/Rugby</a>-ზე, ასევე "ავჭალის" სტადიონის სალაროებში (ყოველ დღე 11-იდან 19 საათამდე) იყიდება.</p></p></p><p><p><div style="text-align: center;"><span style="color: #3366ff;"><strong>სამი ცვლილება შერკინებაში</strong></span></div></p> ერთი კვირის წინ რუმინეთთან კლუჟში მოგებული (18:9) მატჩის შემდეგ, მილტონ ჰეიგმა ხაზი უცვლელი დატოვა. ფულბეკი <strong>ლაშა ხმალაძე</strong> იქნება, რომელმაც რუმინეთთან 70-ე კეპი მოიხვეჭა; ცენტრში <strong>გიორგი კვესელაძე</strong> და <strong>ზურაბ ძნელაძე</strong> შეწყვილდებიან; ფრთებზე <strong>სანდრო თოდუა</strong> და <strong>გიორგი აფციაური </strong>დადგებიან; ხოლო ღერძზე ზედიზედ მეოთხე თამაშია <strong>ვასილ ლობჟანიძისა</strong> და <strong>თედო აბჟანდაძის</strong> დუეტი იქნება.</p><p>შერკინების სამივე ხაზში თითო ცვლილებაა: პირველ ნომრად და კვაჭად ადგილი შეინარჩუნეს <strong>გურამ გოგიჩაშვილმა</strong> და <strong>შალვა მამუკაშვილმა</strong>, ხოლო მარჯვენა ბურჯად თამაშს <strong>ლევან ჩილაჩავა</strong> იწყებს, რომელიც კლუჟში მარაქაფაში იყო; მეორე ხაზში გუნდის კაპიტან <strong>გიორგი ნემსაძეს</strong> ამჯერად <strong>ნოდარ ჭეიშვილი</strong> შეუწყვილდება, რომელიც რუმინეთში ასევე მარქაფაში იყო; მარქაფიდან ძირითადში დაწინაურდა <strong>გიორგი თხილაიშვილიც</strong>, მეორე ფლანკერი <strong>გიორგი ცუცქირიძე</strong>, ხოლო შემკვრელი რუმინელებთან მეორე ლელოს ავტორი <strong>ბექა გორგაძე</strong> იქნება.</p><p>ძნელაძე, გორგაძე და ცუცქირიძე ზედიზედ მეხუთე თამაშს იწყებენ; ბოლო 23 თამაშია განაცხადშია და 21-ჯერ სასტარტო იყო ლობჟანიძე (ზედიზედ მე-12-ედ ძირითადში); ზედიზედ მე-19 სანაკრებო მატჩს ატარებს მამუკაშვილი; ბოლო 13 შეხვედრიდან 12-ჯერ იყო სასტარტოში ხმალაძე (ზედიზედ 8-ჯერ); ხოლო კვესელაძე "ბორჯღალოსნების" კვართს მიჯრით მე-15-ედ (სულ 16 კეპი) მოირგებს.</p><p>მილტონ ჰეიგი ნაკრებისგან საუკეთესო თამაშის მოლოდინშია და გულშემატკივრის ლამაზი რაგბით და მოგებით გახარებას ეცდება:</p><p>"წინა კვირაში გულმოდგინედ ვიმუშავეთ, რათა რუმინეთთან მატჩისთვის ინტენსივობის მაქსიმუმისთვის მიგვეღწია. ამან ნაყოფი გამოიღო და ის შედეგი მივიღეთ რაც გვინდოდა. ამ მხრივ ეს კვირაც გასულის იდენტური იყო. სხვაობა ისაა, რომ "მატჩის დღეს" შინაურ კედლებში, ჩვენი ოჯახებისა და ფანტასტიური ქომაგის წინაშე ვითამაშებთ!</p><p>ძალიან მნიშვნელოვანია, რომ მზადების პროცესს ზედმიწევნით მივყვეთ და რაც მთავარია, 100 პროცენტით დისციპლინირებულები ვიყოთ ჩვენი სამატჩო გეგმისა და ტაქტიკის განხორციელებისას, შეტევისა და დაცვის სისტემებში. ჩვენ შინ ვართ! ძალიან მნიშვნელოვანია, რომ ჩვენმა გულშემატკივარმა საუკეთესო მატჩი იხილოს!".</p><p><p><div style="text-align: center;"><span style="font-size: large;"><span style="color: #3366ff;"><strong>ორი დებიუტანტი მარქაფაში</strong></span></span></div></p> "ბორჯღალოსანთა" კვართს ესპანეთთან პირველად ორი მორაგბე მოირგებს. ისინი თამაშში მარქაფიდან ჩაერთვებიან. ერთ-ერთი მათგანი "ლელო-სარასენსის" მეორეხაზელი <strong>გრიგორ ქერდიყოშვილია</strong>, რომელიც გუნდთან ერთად ნოემბრის თიბისი რაგბის სერიების დროსაც ვარჯიშობდა, ხოლო მეორე "ორიაკის" 22 წლის მესამეხაზელი <strong>გიორგი ჯავახიაა</strong>, რომელმაც პრო დე2-ის მიმდინარე სეზონში 8-ჯერ ითამაშა.</p><p>დებიუტანტების თამაშს ელის მილტონ ჰეიგი და მათი დახასიათებისას ამბობს:</p><p>"ძალიან გვიხარია, რომ გრიგორ ქერდიყოშვილს თავის გამოჩენის შესაძლებლობას მივცემთ. მან ეროვნულ ნაკრებთან ერთად ნოემბერშიც და ახლაც ნაყოფიერად ივარჯიშა და მოუთმენლად ველით მის საერთაშორისო დებიუტს.</p><p>რაც შეეხება გიორგი ჯავახიას, მას აგერ უკვე ოთხი წელია, 18-წლამდელთა ნაკრებში თამაშის დროიდან ვაკვირდებით. მე მისგან განსაკუთრებით ბურთის ტარებისას "ფიზიკური დომინაციის" ელემენტებს ველი, ზუსტად ისე, როგორც ასაკობრივ ნაკრებებში აკეთებდა. ვნახავთ თავისი უნარები უფროს სანაკრებო დონეზეც თუ განავითარა".</p><p>პირველ ხაზში შეცვლაზე შევა <strong>ბექა გიგაშვილი</strong>, რომელიც რუმინეთში სასტარტოში იყო. შარშანდელი ივნისის ტესტების შემდეგ ნაკრებს უბრუნდებიან კვაჭი <strong>გიორგი ჭყოიძე</strong> და ბურჯი <strong>გიორგი მელიქიძე</strong>.</p><p>ივნისის ტესტების შემდეგ ბრუნდება 9 ნომერი <strong>გიორგი ბეგაძე</strong>. ხაზში შეცვლაზე შევა <strong>ლაშა მალაღურაძე</strong>, რომელმაც ნაკრებში ბოლოს ნოემბრის პირველ ტესტში, იტალიასთან ითამაშა. მარქაფაშია <strong>მირიან მოდებაძე</strong>, რომელმაც რუმინეთთან შეცვლაზე ითამაშა.</p><p><p><p><img src="pictures/artimages/original/7060dcf569cf8a600d7be850249dabde.png" border="0" alt="Sportall.Ge" title="საქართველოს ნაკრების შემადგენლობა ცნობილია - მილტონ ჰეიგმა ესპანეთთან ორ დებიუტანტს უხმო" /></p></p></p><p><p><p><p><p><strong>მომზადებულია Rugby.ge-ს მიხედვით</strong></p></p><br></p>
გიორგი
თუ საიდუმლო არ არის ვინ არის ის 2-3 9 ნომერი ლობჟანიძეს რომ ჯობია, თან დიდ 10-ში?
სპორტ ფაზა
ჩვენი სენია ბურთის ხელში ჩაგდების მერე, მისი მაშინვე უაზროდ ფეხით მოგერიება.....ამაზე უნდა უთხრას ვიღაცამ ჰეიგს რჩევა თუარა თვითონ რო არაა ამის მიმხვედრი კი ვხედავთ შოტლანდიასთან თამაშიდან მოყოლებული...თან როცა ვიგერიებთ კიდისკენ კი არ ვურტყამთ რო გადავიდეს...9 ნომერზე ჩვენი დიდი 10 დან ნაღდად შეიძლება 2-3 კაცის მოსინჯვა..ლობჟანიძეს არაფერს ვერჩი მარა მასზე უკეთესი 9 ნომრები აშკარსდ გვყავს და რატო არავის სინჯავს გაოცებულია ძაან ბევრი ადამიანი....
ბათუმი
რატომ არ თამაშობს მერაბ კვირიკაშვილი?
კოტე
კარკაძზე ძალიან დამწყდა გული! ჩვენ შერკინებაში კვაჭი ყველაზე სუსტი წერტილია და მამუკაშვილ-ბრეგაძეზე შეყვარებულია მელიტონა. რამე რომ მოუვიდეთ მსოფლიო თასამდე მერე ვინ უნდა დააყენოს? ჟვანიასაც უთამაშია ბევრჯერ კვაჭად. არ მგონია 1 ნომერზე კონკურენციას გაუძლოს ჟვანიამ და რატომ არ ცდიან 2 მომერზე საინტერესოა? ვერ გავიგე მამუკაშვილში ახალი უნდა აღმოაჩინოს რამე?
მძიმე არტილერია ბრუნდება! - "ბორჯღალოსნების" შემადგენლობა მსოფლიო ჩემპიონ სამხრეთ აფრიკის წინააღმდეგ
შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა
"ბორჯღალოსნები" | მომავალი მეტოქე - მსოფლიოს 4-გზის ჩემპიონი და რეიტინგ-ლიდერი სამხრეთ აფრიკა
20 წ. | ცვლილებები რაზმში
დიეგო ლონგო: "დილა" თავისი შესაძლებლობების მაქსიმუმისგან ჯერ კიდევ შორს არის
"მილანს" რასმუს ჰოილუნის შეძენა სურს
[PHOTO] მორიგი ბრწყინვალე ჟესტი - "ლივერპული" ჟოტას არ ივიწყებს
დირკ შუსტერი: უზომოდ ბედნიერი ვარ და თითოეული ფეხბურთელით ვამაყობ
აზაროვმაც ითამაშა და გოჩოლეიშვილმაც - "შახტარის" მომავალი მეტოქე "ბეშიქთაშია"
შოტლანდიელების წინააღმდეგ მეოთხედ მოსაგებად - უმცროსი "ბორჯღალოსნების" შემადგენლობა
მძიმე არტილერია ბრუნდება! - "ბორჯღალოსნების" შემადგენლობა მსოფლიო ჩემპიონ სამხრეთ აფრიკის წინააღმდეგ
"დილამ" "რასინგს" ისევ მოუგო და მეორე ეტაპზე "რიგას" შეხვდება
[VIDEO] მიკერძოებული მსაჯობის მიუხედავად "ტორპედომ" "ორდაბასის" ბარიერი გადალახა და მეორე ეტაპზე გავიდა
Nuovo Kvara - "ნაპოლიმ" ქართველის შემცვლელი შეიძინა
პსჟ შეიძლება მალე დონარუმას გარეშე დარჩეს
Giorgi² - ფრანგული "მეცი" ქართული ფრთებით შეუტევს
ქართული კლუბების შესაძლო მეტოქეები კონფერენციის ლიგის შესარჩევის მეორე რაუნდში
გრანიტ ჯაკა შესაძლოა, პრემიერლიგაში დაბრუნდეს
"რა გაუკეთებია, რომ "ბარსელონაში" ითამაშოს?" - "იუნაიტედის" ლეგენდამ რაშფორდი გააკრიტიკა
"რეალს" ალაბასთან კონტრაქტის გაწყვეტა სურს
"თუკი კვარაცხელიას ხელი არ შეუშალეს, ოსიმენს პრობლემებს რატომ უქმნიან?!" - ნიგერიელის მეგობარმა დე ლაურენტისი გააკრიტიკა
რეტეგის მიქაუტაძე შეცვლის? - "ატალანტა" ქართველ ფორვარდზე ოცნებობს
"ეს საქმეს მიმარტივებს" - თოფურიამ ახსნა, როგორ ახერხებს მეტოქეების დანოკაუტებას
ლეგიონერები | სამი ლელო საფრანგეთში
გრიგორ ქერდიყოშვილი: ამბიციური საფრანგეთის წინააღმდეგ თამაში დიდი პატივია
"ბორჯღალოსნები" | მომავალი მეტოქე - "ჩიტასი"
"ბორჯღალოსნები" | მომავალი მეტოქე - მსოფლიოს 4-გზის ჩემპიონი და რეიტინგ-ლიდერი სამხრეთ აფრიკა
პრო დე2 - ქერდიყოშვილის დებიუტი საფრანგეთში
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
ქოქრილი: გაღიზიანება მესმის, გუნდი შენების პროცესშია და მინდა ეს გაიგოთ
ლეგიონერები - გიგაშვილის ლელო სანაკრებო შეკრებამდე
როგორ განწყობაზეა ჩვენი მეტოქე? - "ჩიტასის" შემადგენლობა
ლეგიონერები: სამი ლელო და ორი სიმბოლურში
გრიგორ ქერდიყოშვილი - "აჟენში" საქართველოს ნაკრებისთვის
ლეგიონერები - ქართული ლელოები "ორიაკისთვის"
ბოლო წუთებამდე ბრძოლაში - "ბორჯღალოსნები" "ჩიტასთან" დამარცხდნენ
გიორგი ჯავახია: ასეთი დონის გუნდების წინააღმდეგ არასდროს მითამაშია
პრო დე2: სათამაშო პრაქტიკა "შემოდგომის ერთა თასამდე