ირაკლი აბუსერიძე: მშენებელმა ტყემალაძემ ისიც არ იცის, ლელო რამდენი ქულაა

რაგბის კავშირის განმეორებით საპრეზიდენტო არჩევნებს "ფეისბუქის" გვერდით ირაკლი აბუსერიძე გამოეხმაურა, რომელმაც 30 დეკემბერს ჩატარებულ არჩევნებში გაიმარჯვა, მაგრამ საჯარო რეესტრმა პრეზიდენტად არ დაარეგისტრირა. მან ახალი კანდიდატი იოსებ ტყემალაძე გააკრიტიკა:"ხვალ, 2021 წლის 24 თებერვალს, ქართული რაგბისთვის არაკეთილის მოსურნე ხალხი, ყველა ჩვენი წარმატების, ყოველი დადებული ლელოს, გულშემატკივრის სიხარულის, მუხლჩაუხრელი შრომის, ვარჯიშის, ბრძოლის წყალში ჩაყრას შეეცდება!ერთ, რაგბთან არაფერ შუაში კაცს - მშენებელ იოსებ ტყემალაძეს, რაგბის კავშირის პრეზიდენტობის უკანონოდ გაფორმება სურს (ალბათ ისიც კი არ იცის, ლელო რამდენი ქულაა). მივმართავ ყველა იმ სარაგბო კლუბს, ვინც მშენებელი იოსებ ტყემალაძე კანდიდატად წარადგინა. მივმართავ ამ კლუბების ადმინისტრაციას და მორაგბეებს: მე და ჩემი გუნდი გაგებით ვეკიდებით თქვენს გადაწყვეტილებას, რადგან კარგად ვიცით როგორი ზეწოლის და მუქარის პირობებში გიწევთ ამ ნაბიჯის გადადგმა, თუმცა სრული პასუხისმგებლობით ვაცხადებთ: ყველასთვის საბედნიეროდ, მშენებელი იოსებ ტყემალაძე, ხვალ რაგბის კავშირის პრეზიდენტი ვერ გახდება!მშენებელი იოსებ ტყემალაძე ვერ და არ დააკომპლექტებს საქართველოს ნაკრების სამწვრთნელო შტაბს! ვერ და არ გადაწყვიტავს საქართველოში საკლუბო რაგბის განვითარების ბედს, ახალგაზრდებში რაგბის პოპულარიზაციის ბედს, ქართველ მწვრთნელთა კვალიფიკაციის ამაღლების საკითხს, რადგან მშენებელი იოსებ ტყემალაძის წინააღმდეგ დგას ქართული რაგბი! მე, ბორჯღალოსანი კაპიტანი, საქართველოს რაგბის კავშირის ლეგიტიმური პრეზიდენტი ირაკლი აბუსერიძე, ჩემი გუნდი და საქართველოს 18 სარაგბო კლუბის წარმომადგენელი! ჩვენ არ ვაპირებთ ხვალინდელ უკანონობაში მონაწილეობის მიღებას. ხვალ, არჩევნების ჩასატარებლად საჭირო ქვორუმი ვერ შედგება!თხოვნით მოგმართავთ ჟურნალისტებს, სათითაოდ გამოკითხეთ ყველა სარაგბო კლუბის წარმომადგენელი ვინც ხვალ, რაგბის კავშირში, მშენებელი იოსებ ტყემალაძის მხარდასაჭერად მივა. გამოკითხეთ და აჩვენეთ ქართული რაგბის გულშემატკივრებს ვიღაც, ასევე რაგბთან არაფერ შუაში ხალხი, რომლებმაც კლუბებს ძალით გააფორმებინეს მინდობილობები და მათ მაგივრად აპირებენ ხმის მიცემას. ზოგს საერთოდ ნანახიც არ აქვს რაგბი, არ იცის რამდენი კაცი თამაშობს.მივმართავთ მშენებელ იოსებ ტყემალაძეს: იოსებ, ხვალ შენ ქართულ რაგბს ხელში ვერ ჩაიგდებ! ეხლა დაჯექი და იფიქრე რამდენი ბოდიშის მოხდა მოგიწევს და რა ზომა-წონის ხალხი გადაგვიმტერე. იფიქრე! შენი პროფესიის კაცი, ორ აგურს სადმე იშოვნის!და ბოლოს, მინდა ვკითხო ბაჩო ხურციძეს: ამ მშენებელი კაცის მოსაყვანად იბრძოდი ბაჩო?! ბოლომდე სამშენებლო კომპანიად გინდოდა რაგბის კავშირის გადაკეთება?!"

ქართველი

ირაკლი, რატომ გაწუხებს ამბიციები? პირდაპირ რომ არაფერს გეუბნებიან და ხათრით გიდგანან გვერდში, ვერ ხვდები? კითხულობ კომენტარებს? რაც პატივი მიიღე არ გეყო? იქნებ გეფიქრა იმაზე, რომ შეირგო და ღვარძლი აფრქვიო.
გიორგი

ეგ რაგბის დასახმარებლად არ იყო პარლამენტში, ერთის მხრივ სპორტსმენების მხარდაჭერა მოიტანა ქოცებს, მეორეს მხრივ რასაც ეტყოდნენ იმას დაუჭერდა მხარს პარლამენტში. ეგ იყო მაგის მისიაც და ფუნქციაც პარლამენტში
ლევანი, არა მაისაშვილი

ეს იოსებ ტყემალაძე მეთსენატი,მენეჯერი, ლიდერი და....., კაი მენეჯერი შეიძლება მიშაც იყოს და ინვესტიციებიც მოიძიოს, მაგრამ ხომ არ ნიშნავს რომ მიშა ჩამოვიყვანოთ რაგბის პრეზიდენტად. ქართულ რაგბს ეხმარებაო.... ჩვენ რაგბის განვითარება გვინდა ქვეყანაში თუ ლელოსი. არ შეიძლება ეროვნულის ნაკრების მთავარი მწვრთნელი იყოს რომელიმე კლუბის მწვრთნელი და არ შეიძლება გახდე რაგბის კავშირის პრეზიდენტი, მხოლოდ იმიტომ რომ ხარ ეროვნულის მთავარი მწვრთნელის უახლოესი ძმაკაცი/ნათესავი.
.......

რატომღაც არავის უკითხავს ივანიშვილისთვის როცა 100 მილიონს დებდა რაგბში, მშენებელი იყო თუ ვაჭარი, არც ბიძომ იცოდა რაგბის თამაში და ლელოს დადება დარწმუნებული ვარ. მოგირჩათ ბიძოს მილიონები და ერთმანეთს დაერიეთ. ნაკრებიც იმის მესამედი არაა რაც იყო. ასე რომ არც თქვენ იყავით რაგბის მარადონები ამხელა ამბიციები რომ გაგაჩნიათ. რაგბი რომ კვდება და რუსეთის დონისკენ მიექანებით ნელნელა ეს არაფერია, მთავარია კაი ხელფასზე და ფულიან ქსელში გაებათ გაუმაძღარო სპაიდერმენებო.
ზურა

რაც ბოლო 10 წლის განმავლობაში რაგბიში თანხები დაიხარჯა, ქართულ სპორტში ყველა სახეობაზე რომ გადანაწილებულიყო, ახლა ბევრად წარმატებული სპორტსმენები გვეყოლებოდა სხვა სახეობებში. არ არის რაგბი "ჩვენი თამაში". უახლოესი 50 წელი მაინც ვერ მოვუგებთ იმ ნაკრებებს, რომლებიც რეიტინგში გვისწრებენ. ჰოდა, რუსეთთან მოგების ტრაბახსაც ყავლი გაუვიდა. კალათბურთი, წყალბურთი, ხელბურთი, მძლეოსნობა, ძალოსნობა დააფინანსეთ მაგ ფულით, შედეგიც იქნება, სპორტსმენებიც და გულშემატკივარიც მადლობელი და კმაყოფილი
გ

გელა ნუგზარაშვილი აირჩიეთ. კარგი მენეჯერია და ჩაის სმაც ეხერხება (ღვინოს შეეშვა, ნაღვლის ბუშტმა შეაწუხა და..)
გიორგი

აბუსერიძეს ეგონა რომ ბიძინა მას ანდობდა რაგბისთვის გამოყოფილ ფულს, მაგრამ ასე არ მოხდა. არადა, არც პირდაპირ უთხრეს ეს ამბავი. თვითონ კი ვერ მიხვდა. ჰოდა არის დიად გაურკვევლობაში.
ალექს

ე.ი გადავდოთ გვერდზე პოლიტიკა და ვინ ვის მხარესაა და ისე გავაანალიზოთ: რაგბი რომ ფინანსურად ფეხზე დადგა და ინფრასტრუქტურა გაძლიერდა ბიძინას და სახელმწიფოს დამსახურებაა განსაკუთრებით ბოლო წლებში, ეს ტყემალაძე კიდევ ბიძინას ყველა მსხვილ პროექტს ხელძღვანელობდა და კარგი მენეჯერია, არ ყოფილა მორაგბე, მაგრამ მენეჯმენტი და საქმის გაძღოლა იცის მაღალ დონეზე, აბუსერიძემ ამავე დროს რაგბის თამაშის გარდა არ იცის არაფერი, მიუხედავად იმისა, რომ პარლამენტარია და პრეზიდენტი რომ გახდეს ისევ ბიძინას, ტყემალაძეს და სახელწიფოს უნდა მიაკითხოს ფულზე და მერე ამ ფულით ისევ თავისი საქმეები მოიწყოს და რაგბი ისევ ისე ერთ დონეზე დარჩეს, ამიტომ ჩემის აზრით ჯობია ტყემალაძე იყოს პრეზიდენტი და აბუსერიძე იქნება თუ სხვა დაეხმაროს სპორტული შედეგების მიღწევაში, მაგრამ რეალურად აბუსერიძეს ის დიდი ფული აინტერესებს და არა რაგბის განვითარება და ამიტომ იბრიქება
გულშემატკივარი, ვეტერანი მორაგბე

ეხ აბუ! სამაგიეროდ ძალიან მაგარი მენეჯერია! შენ რომ ოთხი წელი პარლამენტში იჯექი გეკუთვნოდა?! რა გააკეთე, ვის დაეხმარე?! ტყემალაძე წლების განმავლობაში, უხმაუროდ, ყოველგვარი რეკლამის გარეშე ეხმარება ქართულ რაგბს! როგორც გულშემატკივარი და მეცენატი! ერთად გაზრდილი მეზობლები მაინც არ იყოთ!არ გიხდება ასეთი ბოღმის ნთხევა რაგბისტს! ქვორუმიც იქნება და საღი აზრიც გაიმარჯვებს!
alexandre, რაგბის გულშემატკივარი 1970-იან წლებიდან

უფალს ვევედრები, გონზე მოიყვანე რაგბის თემი, დალაგდნენ, ერთმანეთს მოუსმინონ, და რაც მთავარია, კანონს დაემორჩილონ! თუ დეკემბერში ქვორუმი არ იყო, რა საკვირველია კანონი დაირღვა, თქვე დალოცვილებო, რაღას აგრძელებდით მაშინ ყრილობას (თუ კრებას)? თუ მაგას ვერ ხვდებოდი, მაშინ მართლა არ შეიძლება შენი პრეზიდენტობა, ირაკლი. მერე რა უბედურებაა, რატომ არავის არ გინდათ დაემორჩილოთ კანონს და რაღაც უაზრო ბრექობით უარს ამბობთ არჩევნებში მონაწილეობაზე? წყნარად მიგეღო რეესტრის დასკვნა, შეგეტანა ეხლა განაცხადი და მოიგებდი წყნარად. მე ასე მგონია. მაგრამ, ეტყობა, ბევრი რამე არ ვიცით უბრალო გულშემატკივრებმა.
კორონა

თუ რაგბისტი აბუსერიძე გახდა პარლამენტარი რატო არ შეიძლება მშენებელი ტყემალაძე იყოს პრეზიდენტი? თან რაგბისტი იყო ეგ ტყემალაძე როგორც ვიცი
კოტე

არა მგონია აბუ შენი მუქარით ვინმე შეაშინო, ხან შერიგებუსკენ მოუწოდებ მეორე მხარეს მდგომ სხვათაშორის შენზე არანაკლებ რაგბისტებს, ხან კიდევ შეურაცხყოფას აყენებ, ვითომ თქვენი აზრი ეს არ არის და გაშინებენო, ადმინისტრაციულ რესურსს იყენებენო, კარგად იცი რომ არაა ადვილი რაგბისტების შეშინება. უკაცრავად მაგრამ ცოტა ბოღმა და გაბრაზებული ადამიანის შთაბეჭდილებას ტოვებთ, შეიძლება სხვა კანდიდატებიც არ უქნია ღმერთს მაგრამ თქვენი პრეზიდენტობა ნამდვილად არ შეიძლება. ჯერ მოსულიც არ ხართ და ერთი კაცი გვყავს ევროპის რაგბის უმაღლეს წარმომადგენლობით ქართველი და იმის ლანძღვით იწყებთ, რაც იმან გააკეთა მეათედი გააკეთეთ და მერე ილაპარაკეთ
დათო

ეგრე გამოდის. აბუმ მარტო მე ვარ რაგბის სამყაროს რჩეულიო
!!!

სწავლა-განათლებას ააქვს საერთოდ რამე ღირებულება?! ბურთს(არ ააქვს მნიშვნელიბა ოვალურია თუ მრგვალი) რომ მაგრად თამაშობ ავტომატურად იმას ხომ არ ნიშნავს რომ საქმის ხელმძღვანელიც კარგი იქნები?! რამდენი წიგნი გაქვს წაკითხული იმას ხომ საერთოდ აღარ ააქვს მნიშვნელობა!!! მთელი ცხოვრება მოედანზე თუ სხვაგან რომ დარბიან მერე ეგრევე თანამდებობაზე რომ აღმოჩნდებიან ხოლმე წიგნებს როდის კითხულობენ რამე რომ ისწავლონ, გასახდელში?! ზოგიერთმა გამრავლება არ იცის კალკულატორის გარეშე და ამბიციები იცოცხლე იმნაირი აქვთ!!! რამდენი ესეთი შემთხვევაა და მერე გვიკვირს პრობლემები რატომ გვაქვსო!!!
ადამიანი

რაო აბუმ,თუ მე არ ვიქნების რაგბის პრეზიდენტი,სულაც ნუღა იარსებესო?
Gio

წადი რა, თავი დაგვანებე, პარლამენტში რომ იყავი, ხმა არ ამოგიღია, აღიარე ალალად-იყო იქ შენი ადგილი?
გიორგი

ოფიციალური საგიჟეთია.
R1valdo

და შენ პარლამენტში როცა გამოიჭიმე სიტყვა კონსტიტუცია გაგონილი მაინც თუ გქონდა ... ლაპარაკი ზედმეტია მის ცოდნაზე .... ასე რომ ჯერ საკუთარ თავს მოსთხოვე სიმართლე და სამართლიანობა და მერე სხვებისგან მოითხოვე...
gia

იცი რა ვერ გავიგე? შენც ხო ბიძინას პარტიიდან ხარ და ისიც, როგორ ვერ დალაგდით ბიძინასთან? ერთი დაგნიშნონ პრეზიდენტად მეორე მოადგილედ, შენ საქმე აკეთე ის ხარჯვას გაგიკონტროლებს, რომ ხელი არ წაუცდეს ვინმე შენიანს როგორც ხდება ხოლმე. თორე ხო ხედავთ ჩიხში ვართ.
რუსთავი

ვინც გარკვეულია დაწერეთ რა ხდება რაგბის არჩევნებზე, ან ეს აბუსერიძე ვინაა ეკუთვნის პრეზიდენტობა თუ არა, ან ის მშენებელი ვინაა, პოლიტიკა აფათურებს აქაც ხელს თუ არა. ვინც გარკვეული ხართ გთხოვთ დაწეროთ.
Gagi

aqamde xurcize mesmpatiureboda, magram shevcdi. es martla "am vidit ramdrns bedavs" ? tqven kide ras mblokavt sul? rusi geshiniat?
ჟორა გაბრიჭიძე

ირაკლი ბატონო, არცაა საჭირო პრეზიდენტმა იცოდეს ლელო რამდენი ქულაა, რადგან ეს მისი საქმე არ არის. მისი საქმეა, ვინც ეს იცის, ის მოიყვანოს თანამდეგობებზე და ყველა პირობა შეუქმნას, რომ მათ წარმატებით იმუშაონ. წინა პრეზიდენტმა კარგად იცოდა რაგბი, მაგრამ ცუდად იცოდა მართვა იმ საქმის, რომელიც რაგბს აკეთებს. ასე, რომ სპორტის ყველა ფედერაციის სათავეში კარგი მენეჯერები უნდა იდგეს და არა წარმატებული სპორტსმენები.
კოკო

ერთი აგვიხსენი ამხანაგო აბუსერიძემ რა გინდოდა ოთხი წელი პარლამენტში! იქიდან რით ეხმარებოდი რეგბის განვითარებას!

„შავი ლომის“ ბრიტანული ტურნე: მატჩები შოტლანდიაში და შემადგენლობაში ცვლილებები

"შავი ლომი" | 30 მორაგბით შოტლანდიაში

სარაგბო კლუბის ვარსკვლავი ტრაგიკულად დაიღუპა

20 წ. | მსოფლიომდე ინგლისთან

"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე

[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი

ლეგენდა მიდის - "ლიონის" მთავარი თავდამსხმელი მიქაუტაძე გახდება

ევროპის ჩემპიონატზე საქართველოს ნაკრების მეტოქეები ცნობილია

Ballon d'Or 2025: კვარაცხელია რეიტინგში კიდევ უფრო დაწინაურდა

მოურინიოს პორტუგალიის ნაკრების მწვრთნელად არ დანიშნავენ

მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს

"ესპანელი ბიჭუნა ხარ" - მახაჩევმა თოფურიას მიმართა

პსჟ გოლების მანქანის შეძენას გეგმავს

"რეალისთვის" ყველაფერი გავაკეთე" - კარლო ანჩელოტი

სუპერლიგის ფინალურ სერიაში "ქუთაისი" და თსუ შეერკინებიან

ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს

"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა

"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ

"იცით, "ალავესის" ფეხბურთელმა რა მითხრა?" - მამარდაშვილი

უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა

[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია

[VIDEO] ლობჟანიძემ MLS-ში საგოლე პასი შეასრულა

[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა

ირაკლი აბუსერიძე იოსებ ტყემალაძეს მიმართავს

დაძაბულობა რაგბის სამყაროში... ირაკლი აბუსერიძე "სპორტალში" [LIVE]

ირაკლი აბუსერიძე: გამოდით - მშენებლის დაცვა ქართულ რაგბს განაჩენს გამოუტანს!

ირაკლი აბუსერიძე: თუ რაგბი ჩვენი თამაშია, ოთხშაბათს შევხვდებით!

ან გვექნება რაგბის კავშირი, ან კიდევ ერთი სამშენებლო კომპანია - ირაკლი აბუსერიძე

აბუსერიძე: ტყემალაძის არჩევის აქტში უფრო მეტი დარღვევაა, ვიდრე ჩემი არჩევის აქტში იყო