დღეს, 7 ივნისს, ნაციონალურ საკალათბურთო ასოციაციაში პლეი-ოფის 2 შეხვედრა გაიმართა.

"ლოს ანჯელეს კლიპერსმა" სერიის მე-7 შეხვედრაში "დალას მავერიკსს" უმასპინძლა და 15-ქულიანი უპირატესობით 126:111 დაამარცხა.

მასპინძელთა რიგებიდან საუკეთესო კავაი ლეონარდი გახლდათ, რომელმაც თავი 28 ქულით, 10 მოხსნით, 9 შედეგიანი გადაცემით, 4 ჩაჭრითა და 1 დაფარებით გამოიჩინა.

პოლ ჯორჯმა 22 ქულა, 6 მოხსნა, 10 შედეგიანი გადაცემა და 3 ჩაჭრა დააფიქსირა.

რაც შეეხება "დალასს", ლუკა დონჩიჩმა გუნდს 46 ქულა, 7 მოხსნა და 14 შედეგიანი გადაცემა შესძინა.

ფინი სმიტის ანგარიშზე 18 ქულა, 10 მოხსნა და 2 შედეგიანი გადაცემა გახლდათ.

ამრიგად, დაძაბული სერია კალიფორნიელების გამარჯვებით დასრულდა. "კლიპერსი" პლეი-ოფის მეორე წრეში 8 ივნისს, "იუტა ჯაზის" წინააღმდეგ ჩაერთვება.

Video

კლიპერსი - დალასი 126:111

"ფილადელფიამ" "ატლანტა ჰოუქსს" უმასპინძლა. შეხვედრა სტუმართა გამარჯვებით, 128:124 დასრულდა.

მასპინძელთა რიგებიდან საუკეთესო ჯოელ ემბიდი გახლდათ, რომელმაც გუნდს 39 ქულა, 9 მოხსნა, 4 შედეგიანი გადაცემა, 1 ჩაჭრა და 3 დაფარება შესძინა.

კამერუნელ ცენტრს მხარი სეტ კარიმ და ტობიას ჰარისმა აუბეს, რომლებმაც კომბინირებულად 41 ქულა გამოიმუშავეს (სეტი 21, ტობიასი 20).

რაც შეეხება "ჰოუქსს", ტრეი იანგმა თავი 35 ქულით, 2 მოხსნით, 10 შედეგიანი გადაცემითა და 2 ჩაჭრით გამოიჩინა.

ბოგდან ბოგდანოვიჩმა და ჯონ კოლინსმა თანაბარი 21-21 ქულა დააგროვეს.

ამრიგად, პლეი-ოფის მეორე რაუნდის პირველი შეხვედრა "ატლანტამ" მოიგო. "ფილადელფია" წონასწორობის აღდგენას 8 ივნისს, კვლავ საკუთარ მოედანზე შეეცდება.

Video

ფილადელფია - ატლანტა 128:124

სათამაშო დღის 10 საუკეთესო მომენტი:

Video

სათამაშო დღის (6 ივნისი) 10 საუკეთესო მომენტი

მასპინძელი მეექვსედ დამარცხდა.. კავაი ლეონარდის მაგიურმა საღამომ "კლიპერსი" სერიაში დატოვა [VIDEO]

თეგები:

პოლ ჯორჯი

ლოს ანჯელეს კლიპერსი

ფილადელფია

კავაი ლეონარდი

ჯოელ ემბიდი

დალას მავერიკსი

ლუკა დონჩიჩი

ტრეი იანგი

ატლანტა ჰაუქსი

გაზიარება:

(0)

/

(0)