<p>19 ნოემბერს კარდიფში, „ფრინციფალითიზე“, უელსთან ისტორიულ გამარჯვებაში ქართულმა შერკინებამ უდიდესი როლი ითამაშა.</p><p>2017 წელს, როდესაც ქართული შერკინების სიძლიერის შესახებ მთელი მსოფლიო საუბრობდა, უელსმა მატჩის მიწურულს დანიშნულ 5-მეტრიან შერკინებაში ხრიკს მიმართა და "ბორჯღალოსნებს" საჯარიმო ლელოზე თამაშის შესაძლებლობა არ მისცა, რის შედეგადაც „დრაკონებმა“ 7 ქულით, 13:6 მოიგო.</p><p>5 წლის თავზე, შერკინების წესებში შეტანილი ცვლილებების შემდეგ, "ბორჯღალოსნების" შერკინება თითქოს ისე მრისხანედ აღარ გამოიყურებოდა, მაგრამ კარდიფში, დასკვნით 5 წუთში მან სრულად დაიბრუნა ძველი დიდება, უელსი მისსავე შერკინებაში ორჯერ დააჯარიმა და პირველს ლუკა მატკავას მიერ 42 მეტრიდან გატანილი ჯარიმა მოჰყვა, რომელმაც ანგარიშში დაწინაურების შესაძლებლობა მოგვცა, ხოლო მეორით მეტოქეს ბურთი ჩამოვართვით და ისტორიული გამარჯვება დავიბევეთ.</p><p>ამრიგად, რომ არა შერკინების ბრწყინვალე გარჯა, შესაძლოა 19 ნოემბერი ტკბილ-ცხარე მოგონებად დარჩენილიყო. თამაშად, სადაც გვქონდა შანსი, ასე კი ქართული რაგბის ისტორიის ახალი ფურცელი დაიწერა და ის კიდევ უფრო მაღალ დონეზე ავიდა.</p><p>და რას ფიქრობს "ბორჯღალოსნების" შერკინების მწვრთნელი ილია მაისურაძე?</p><p><p><p>„ის იყო უმნიშვნელოვანესი გამარჯვება არა მხოლოდ ნაკრებისთვის, არამედ ქვეყნისთვის, გულშემატკივრისთვის და მთლიანად ქართული რაგბისთვის. დარწმუნებული ვარ, ეს გამარჯვება მთელ ქართულ რაგბის დამატებით მუხტს და სტიმულს მისცემს, ახალ სიმაღლეზე აგვიყვანს. ჯერ კიდევ ზაფხულში, იტალიასთან გამარჯვებამ როგორც ბიჭებს, ასევე სამწვრთნელო შტაბს უდიდესი თავდაჯერებულობა მოგვცა. ეს დინამიკა „ფრინციფალითიზე“ გაგრძელდა და რა თქმა უნდა, ჩვენი თავდაჯერებულობა კიდევ უფრო გაიზარდა. გახარებული ვართ, მაგრამ არ უნდა გავჩერდეთ და წინ უნდა ვიაროთ. სწორი დაგეგმვით, პროფესიონალიზმით, თავდადებით, შრომით და ცოდნით, დარწმუნებული ვარ, კიდევ უფრო მეტს მივაღწევთ“.</p></p></p><p><p><p><img src="pictures/artimages/original/67b50bd3e81a6c47884c547038b67b9f.jpg" border="0" alt="Sportall.Ge" title="ილია მაისურაძე: უელსთან შერკინებამ ერთ მექანიზმად იმუშავა" /></p></p></p><p><p><p>აღსანიშნავია, რომ ნოემბრის ტესტ-მატჩები "ბორჯღალოსნებმა" სანაკრებო დონეზე გამოუცდელი მარჯვენა ბურჯებით ჩაატარა – გურამ პაპიძეს სულ 2 კეპი ჰქონდა, ვახტანგ აბდალაძე და სანდრო ქუნთელია კი დებიუტანტები იყვნენ.</p><p>„შერკინების შეთამაშებას დრო სჭირდება, განსაკუთრებით მაშინ, როდესაც ამდენი ცვლილებაა. ასეთი თამაშების დროს შერკინებას მოსამზადებლად ყველაზე მცირე დრო ეთმობა. მსოფლიო თასის წინ შერკინების უნარებზე სამუშაოდ უფრო მეტი დრო გვექნება და შედეგიც უკეთესი იქნება. რაც შეეხება განვლილ თამაშებს, გარკვეულ ტექნიკურ დეტალებს მეტი ყურადღება მივაქციეთ და მექანიზმი სინქრონიზაციაში მოვიყვანეთ, 8-ვე მოთამაშემ ერთი მთლიანივით იმოქმედა და ამან საჭირო დროს იმუშავა“.</p><p>არ უნდა დაგვავიწყდეს, რომ მეტოქე გუნდშიც მაგარი ბიჭები თამაშობენ და ცდილობენ ხელი შეგიშალონ. პირველი ხაზი ორივე მხრიდან ზეწოლას განიცდის და მთავარია, პირველი ვინ დანებდება. უელსთან პირველ ტაიმში ვერ მოვახერხეთ ის, რაც გვსურდა, თუმცა ჩვენმა შეცვლებმა უელსისას ყველაფერში აჯობა“ – ამბობს მაისურაძე.</p><p>აღსანიშნავია, რომ უელსთან მატჩის მეორე ტაიმში მარჯვენა ბურჯად შეცვლაზე 20 წლის ალექსანდრე ქუნთელია შევიდა, რომელსაც სანაკრებო დებიუტი ერთი კვირით ადრე, სამოასთან ჰქონდა:</p><p>„მას არ ჰქონდა ამ დონის თამაშების გამოცდილება და ეს ერთგვარი რისკი იყო, თუმცა მან გაამართლა. ქუნთელიას ისეთი ფიზიკური მონაცემები აქვს, ასეთ პროგრესს თუ გააგრძელებს, მსოფლიოს ერთ-ერთი საუკეთესო მარჯვენა ბურჯი გახდება. ალექსანდრე მონდომებულია და ძალიან ბევრ ვარჯიშობს, არასდროს ნებდება. ვახტანგ აბდალაძე უდიდესი პროფესიონალია და ძალიან კარგია დინამიკაში, ღია თამაშში, დაცვასა თუ შეტევაში. ის ირლანდიაში ძალიან მაგარ კლუბში გაიზარდა, თუმცა სანაკრებო დონისთვის ორივე მათგანს ძალიან ბევრი მუშაობა მოუწევს“.</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
გიორგი 50
კიდევ ერთხელ გილოცავთ ყველას ისტორიულ გამარჯვებას... ნამდვილად, გადამწყვეტი როლი შერკინებამ ითამაშა... მატჩის ბოლოსკენ 3-ჯერ დავაჯარიმეთ... კი ბატონო, დახვეწეთ დინამიკა, მაგრამ არა სტატიკას ხარჯზე... დიდი, მადლობა ილიას სწორი ანალიზისთვის..
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
"ბორჯღალოსნები" | კაპიტნის ვარჯიში ტონგამდე
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
პირველი პრესკონფერენცია სამხრეთ აფრიკიდან
"ბორჯღალოსნები" | შემადგენლობა მე-300 მატჩისთვის
ილია მაისურაძე: მთლიანობაში, ამ ორრაუნდიანი ტესტებით კმაყოფილი ვარ
"უმცროსი ბორჯღალოსნების" განრიგი მსოფლიოს ჩემპიონატზე ცნობილია
"ბორჯღალოსნები" | კაპიტნის ვარჯიში ტონგამდე
"ბორჯღალოსნები" | მომავალი მეტოქე - ტონგა
უმცროსმა ბორჯღალოსნებმა ზამთრის შეკრება გაიარეს
პიერ-ანრი ბრონკანი: ვფიქრობ, სწორი მიმართულებით მივდივართ
"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
"უმცროსი ბორჯღალოსნები" სამხრეთაფრიკული ტურნესთვის ემზადებიან