<p><p><div style="text-align: center;">ფოტო: rugby.ge/გოგიტა ბუხაიძე</div></p></p><p><p><p>"უმცროსი ბორჯღალოსნები" სამხრეთაფრიკული ტურნესთვის შევარდენის სანაკრებო ბაზაზე ინტენსიურ მზადებას განაგრძობენ.</p></p></p><p><p><p>გუნდი 4-22 ივნისს არგენტინაში გასამართი მსოფლიო რაგბის 20-წლამდელთა ჩემპიონატისთვის ემზადება, მანამდე კი, 2 აპრილს, სამხრეთ აფრიკაში ჩავა და სამ ამხანაგურ შეხვედრას გამართავს.</p></p></p><p><p><p><strong>ილია მაისურაძის</strong>, <strong>ლადო კილასონიასა</strong> და <strong>ზურაბ ამონაშვილის</strong> შეგირდები 9 აპრილს მასპინძელთა 20-წლამდელთა ნაკრებს შეხვდებიან; 13 აპრილს ჩვენი მეტოქე არგენტინის 20-წლამდელთა ნაკრები იქნება, ხოლო 17 აპრილს ნამიბია XV-ს ვეთამაშებით.</p></p></p><p>მომავალი ტურნეს მიზანია, რომ მოთამაშეებმა მაღალ სათამაშო ტემპს ალღო აუღონ და 20-წლამდელთა ჩემპიონატისთვის მოემზადონ:</p><p>"გათვლა მსოფლიოს ჩემპიონატზე კეთდება და სამხრეთაფრიკული ტურნირი მზადების შემადგენელი ნაწილია, რათა სადაც საჭიროა, სწორედ იქ ვიყოთ საუკეთესო ფორმაში. აფრიკაში სამი ურთულესი შეხვედრა გველის. ეს თამაშები ოფიციალური ტურნირის წინ ძალიან კარგი გამოცდილება იქნება" - ამბობს ამონაშვილი და აღნიშნავს, რომ დიდი, დასკვნითი შეკრების პირველი ორი კვირა ფიზმომზადებას დაეთმო:</p><p>"დიდი შეკრების პირველ ორ კვირაში ძირითადი აქცენტი ფიზმომზადებასა და ჰიპერტროფიაზე გაკეთდა. მოთამაშეთა ნაწილს კუნთის მასა აქვს მოსამატებელი; ზოგს პირიქით, გამოშრობა სჭირდება. ყველაფერი გეგმის მიხედვით მიდის. ფიზმომზადების მწვრთნელები ძალიან კარგად მუშაობენ. გვაქვს მოთამაშეთა მონაცემები და ვაკონტროლებთ ენერგიის დანახარჯსა და აღდგენას. მოსამზადებელი ეტაპი ცოცხალი პროცესია, რასაც მუდმივი დაკვირვება სჭირდება. სამხრეთ აფრიკაში რომ ჩავალთ, მოიმატებს ბურთით ვარჯიშები და მეტს ვიმუშავებთ უნარებსა და ტაქტიკაზე".</p><p>მარტის დასაწყისში "უმცროსმა ბორჯღალოსნებმა" ფრანგ 20-წლამდელებთან თბილისში ორი მაღალი დონის შეხვედრა გამართეს, რამაც მწვრთნელებს პრობლემები დაანახა და ახლა მათ აღმოფხვრაზე მიდის მუშაობა:</p><p>"ორი ძალიან კარგი და დროული თამაში გვქონდა საფრანგეთთან, რამაც პრობლემები დაგვანახა. აქ ბიჭებმა ის სათამაშო ტემპი შეიგრძნეს, რომელიც ძალიან ახლოსაა იმ ტემპთან, რაც ჩემპიონატზე გველოდება. გარდა ამისა, ეს თამაშები გამოვიყენეთ სელექციისთვის, გავსინჯეთ მოთამაშეები. ჩვენთან არიან ისეთი მორაგბეები, რომელთაც აქამდე არცერთ ასაკობრივ ნაკრებში არ უთამაშიათ და მათ მიიღეს საერთაშორისო გამოცდილება. ფრანგებთან მატჩებმა დაგვანახა დაცვის ხარვეზები; ასევე, სრულად ვერ გამოვავლინეთ ჩვენი შესაძლებლობები შეტევაში და ახლა სწორედ ამ კომპონენტების გაუმჯობესებაზე ვიმუშავებთ".</p><p><p><div style="text-align: center;"><span style="font-size: large;"><span style="color: #3366ff;"><strong>რეზერვი უმნიშვნელოვანესია!</strong></span></span></div></p> მოცემულ მომენტში შეკრებაზე 38 მორაგბეა შესული და მათგან სამხრეთ აფრიკაში 30 გაემგზავრება. სამწუხაროდ, აფრიკულ ტურნეზე გუნდს რამდენიმე ლეგიონერი დააკლდება. გაფართოებულ შემადგენლობას დაემატა <strong>გეგა მურუსიძე</strong> "არმაზიდან".</p><p>ამონაშვილი აღნიშნავს, რომ აფრიკაში წამსვლელი 30 მორაგბის შერჩევა დანარჩენების "ჩამოწერას" არ ნიშნავს და არგენტინაში წამსვლელთა სია ბოლო მომენტში გახდება ცნობილი:</p><p>"სამწუხაროდ, სამხრეთ აფრიკაში რამდენიმე ის მოთამაშე ვერ დაგვეხმარება, ვისი საქმეში ხილვაც გვსურდა. ფორმატიდან გამომდინარე, ამ ტურნეზე 30 მოთამაშე მიგვყავს, თუმცა წინა ტურნირების გამოცდილება გვაჩვენებს, რომ ყოველთვის მნიშვნელოვანია, ასე ვთქვათ, სარეზერვო მოთამაშეების მაქსიმალური მზადყოფნა. აფრიკაში სამი, ხოლო არგენტინაში ხუთი ურთულესი თამაში გველის შემჭიდროებულ ვადებში. ტრავმებისგან დაზღვეული არავინაა და შესაბამისად, შესაძლოა ნებისმიერ მორაგბეს დასჭირდეს შეცვლა. ამიტომ მნიშვნელოვანია, რომ აქ დარჩენილმა მორაგბეებმა სრული დატვირთვით გააგრძელონ მზადება და სათანადო ფორმაში იყვნენ".</p><p><strong></p><p></strong> <p><div style="text-align: center;"><strong> <span style="font-size: large;"><span style="color: #3366ff;">"უმცროს ბორჯღალოსნებს" კაპიტანი შეემატა</span></span></strong></div></p> ამ შეკრებაზე "უმცროს ბორჯღალოსნებს" გუნდის კაპიტანი, მგეზავი <strong>თედო აბჟანდაძე</strong> დაემატა, რომელიც რაგბი ევროპის ჩემპიონატზე "ბორჯღალოსნების" რიგებში თამაშობდა. მან შარშან ნოემბრიდან ეროვნული ნაკრების კვართი ზედიზედ შვიდ მატჩში მოირგო, ახლა კი 20-წლამდელებთან ერთად სამხრეთ აფრიკაში მიდის:</p><p>"სამხრეთ აფრიკაში გამგზავრებამდე ძალიან კარგი ორკვირიანი შეკრება გვაქვს. ძირითადად, ფიზმომზადებას გავდივართ, ნელ-ნელა სასურველ ფორმას ვუახლოვდებით და ეს გუნდსაც ეტყობა. სამხრეთ აფრიკაში შარშან ჩატარებულმა შეკრებამ კარგად დაგვანახა ჩვენი დადებითი და უარყოფითი მხარეები და რაც მთავარია, შევეგუეთ იმ სათამაშო ტემპს, რაც მსოფლიოს ჩემპიონატზე გველოდა.</p><p>ამ ტურნეზე სამხრეთ აფრიკის და არგენტინის 20-წლამდელთა ნაკრებებს, ასევე, ნამიბია XV-ს ვეთამაშებით. სამივე ძალიან კარგი გუნდია და ეს მომზადებაში დაგვეხმარება. წინასწარ პროგნოზების გაკეთება არ მიყვარს. 20-წლამდელთა ჩემპიონატზე ჩვენი მთავარი მიზანი კვლავ ტურნირზე დარჩენაა, თუმცა, თუ საშუალება გვექნება, უკეთესი შედეგის ჩვენებას ვეცდებით".</p><p>ეროვნულის შემდეგ 20-წლამდელთა ნაკრებზე გადმორთვა არ გამჭირვებია, რადგან ამ ბიჭების მხარდამხარ არაერთხელ მითამაშია. შეკრება ძალიან კარგადაა დაგეგმილი და ვემზადებით საერთო მიზნისთვის, რაც ჩემი აზრით, უმთავრესია".</p><p><p><div style="text-align: center;"><span style="font-size: large;"><span style="color: #3366ff;"><strong>საკუთარ ძალებში დასარწმუნებლად</strong></span></span></div></p> "უმცროსი ბორჯღალოსნების" უკანახაზელი <strong>დემე თაფლაძე</strong> ფიქრობს, რომ სამხრეთაფრიკული ტურნე გუნდს მაღალ ტემპში თამაშთან მიჩვევასა და თავდაჯერების შეძენაში დაეხმარება:</p><p>"საფრანგეთის ძლიერ ნაკრებთან გამართულმა ორმა შეხვედრამ დიდი გამოცდილება შეგვძინა. მათთან თამაშმა დაგვანახა ჩვენი სუსტი წერტილები და შეცდომები. ახლა ამ შეცდომების აღმოფხვრაზე ვმუშაობთ. ფიზმომზადების შეკრებაა და ინტენსიური, დატვირთული ვარჯიშები გვაქვს, რაც სამხრეთ აფრიკის ტურნესთვის გამოგვადგება. ასევე გვიწევს მაღალ ტემპთან შეჩვევა.</p><p>საფრანგეთს ორივე თამაშში დიდი ბრძოლა გავუმართეთ და ორივეჯერ მცირედით ჩამოვრჩით. აქ მთავარი იყო დაგვენახა, რამდენად ვიყავით ფიზიკურად მზად და როგორ იმუშავებდა ჩვენი ტაქტიკა ძლიერ მეტოქესთან. შეკრებაზე ეროვნული ნაკრებიდან და საფრანგეთიდან რამდენიმე მორაგბე დაგვემატა. ამჟამად რადიკალურად განსხვავებული, ძალიან კარგი ვარჯიშები გვაქვს.</p><p>სამხრეთაფრიკულ ტურნეზე ძალიან მაღალ ტემპთან მოგვიწევს შეჯახება, რაც 20-წლამდელთა ჩემპიონატის წინ ძალიან კარგია. არგენტინაში ზუსტად ასეთ გუნდებთან მოგვიწევს თამაში და შევიძენთ გამოცდილებას, საკუთარ ძალებში დავრწმუნდებით. მსოფლიოს ჩემპიონატზე სამი თამაშის მოგება ძალიან დიდი შედეგია და ვეცდებით ამ შედეგის გამეორებას, პროგრამა-მინიმუმი კი 12 უძლიერესს შორის ადგილის შენარჩუნებაა".</p><p><strong></p><p>მომზადებულია rugby.ge-ს მიხედვით</strong><br></p>
U18. საქართველოს ნაკრები ფინალში ესპანეთთან ისევ დამარცხდა
18 წ. | შემადგენლობა ევროპის ჩემპიონატის ფინალისთვის
18 წ. | ნიდერლანდებს ბრძოლაში ვძლიეთ, ფინალს ზედიზედ მე-11-ედ ვითამაშებთ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
"უმცროსი ბორჯღალოსნები" U20 ექვსი ერის ზაფხულის სერიაზე გაემგზავრნენ
"ჩვენ ვართ ტიერ1 - საქართველო ტიერ2-ის სარაგბო ქვეყანა არაა" - რა ითქვა ახალზელანდიელებთან ნამატჩევს
"უმცროსი ბორჯღალოსნების" მეტოქეები და განრიგი მსოფლიოს ჩემპიონატზე ცნობილია
ლეგიონერები | 31 ქულა საფრანგეთში
"უმცროსმა ბორჯღალოსნებმა" წლის პირველი შეკრება დაასრულა
ლადო კილასონია: საფრანგეთთან თამაში ძალიან მაგარი ბიძგი იყო
20 წლამდელთა ნაკრების მწვრთნელი: რთული იქნება 12 უძლიერეს შორის დარჩენა, მაგრამ...
ისტორიაში პირველად - "უმცროსმა ბორჯღალოსნებმა" ახალი ზელანდიის ნაკრები დაამარცხეს!
უმცროსმა ბორჯღალოსნებმა ზამთრის შეკრება გაიარეს
"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი
"უმცროსი ბორჯღალოსნების" მწვრთნელი: ეს მაქსიმუმი არ არის
ზურაბ ამონაშვილი: ამ ორ თამაშს დადებითად შევაფასებ - დაცვაში პრობლემები გვქონდა
ურუგვაის მხოლოდ ერთი საათით ვაჯობეთ [VIDEO]
ტოპ 14: გიორგაძის ლელო და აბჟანდაძის 11 ქულა
პირველი პრესკონფერენცია სამხრეთ აფრიკიდან
თედო აბჟანდაძე: შესაძლოა, გულშემატკივარი ვერც აცნობიერებს, რამხელა ძალას წარმოადგენს მოთამაშისთვის
მადლობა რწმენისთვის! - "უმცროსი ბორჯღალოსნები" ფიჯისთან მატჩს აფასებს
ზურაბ ამონაშვილი: საფრანგეთთან კი არ გაგვიმართლა, გამარჯვება ჩვენი თამაშით მოვიპოვეთ
20 წ. | ლადო კილასონია – ფოკუსირება დეტალებზე
თედო აბჟანდაძე: თამაშიდან თამაშამდე ვიზრდებით - ბოლო მომენტში რაღაც გვაკლდა
ილია მაისურაძე: მთლიანობაში, ამ ორრაუნდიანი ტესტებით კმაყოფილი ვარ
"უმცროსი ბორჯღალოსნების" განრიგი მსოფლიოს ჩემპიონატზე ცნობილია
20 წ. | მზადება მსოფლიო ჩემპიონატისთვის
ილია მაისურაძე: უელსთან შერკინებამ ერთ მექანიზმად იმუშავა
ევროთასები: ჩილაჩავას დაბრუნება და აბჟანდაძის 11 ქულა
20 წ. | ლადო კილასონია – იგრძნობა სურვილი, გავხდეთ უკეთესები
ლეგიონერები - ჩილაჩავას ლელო და აბჟანდაძის 17 ქულა
20 წ. | ლადო კილასონია: ამაყი ვარ ამ გუნდს რომ ვწვრთნიდი
18-წლამდელთა ნაკრები გიორგი ნემსაძემ ჩაიბარა
18 წ. | ზურაბ ამონაშვილი: ზედმეტი ემოციებისთვის დავისაჯეთ