- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ჭაბუკთა "ა" ლიგა | "ლელომ" ტიტული უმძიმეს ბრძოლაში დაიცვა
<p><strong>ჭაბუკთა ‘ა’ ლიგის ფინალის წინ</strong></p><p><p><p>ბოლო 10 წლის მანძილზე უფროსი ასაკის ჭაბუკ მორაგბეთა პირველობის ტიტულის მფლობელს ‘აია’-‘ლელოს’ რიგით მე-8 დაპირისპირება (მათ შორის მიჯრით მეოთხედ) არკვევდა. აღნიშნულ პერიოდში დიდ დიღმელები 6-ჯერ გახდნენ ჩემპიონები (ერთხელ ფინალში ‘ხვამლს’ მოუგეს), ‘აიამ’ კი ტიტულის მოპოვება 2-გზის მოახერხა.</p></p></p><p>უკვე მრავალი წელია, რაც ‘ლელო’ საქართველოს ახალგაზრდული და ეროვნული ნაკრების მთავარ დონორს წარმოადგენს. ქართული რაგბის ბერმუხა ბათუ (ვასილ) კევლიშვილის დიდი ძალისხმევითა და თაოსნობით, ‘ლელოს’ რაგბის აკადემიაში მიმდინარე გამართულმა, საათივით აწყობილმა, უამრავი ინოვაციით გაჯერებულმა საწვრთნელო პროცესმა დიდ დიღმელებს ჭაბუკ მორაგბეთა ორივე ასაკის პირველობებზე პრაქტიკულად ჰეგემონია დაამყარებინა. ჭაბუკთა ‘ბ’ ლიგის პირველობაზე ‘ლელომ’ მიჯრით ბოლო 5 ჩემპიონატი მოიგო.</p><p>2 კვირის წინ, სამხრეთ აფრიკის 20 წლამდე ნაკრებთან გამართულ ამხანაგურ შეხვედრებში საქართველოს ახალგაზრდული ნაკრების დამრიგებელმა ლადო კილასონიამ სამონაწილეოდ ‘ლელოს’ 10 მორაგბეს უხმო, რომელთაც ‘ლელოს’ აკადემიის აღზრდილი არაერთი ლეგიონერიც შეემატათ. ‘ლელოს’ უფროსი ჭაბუკების გუნდს მეორე სეზონია, რაც ზურა ხორბალაძე ნაყოფიერად დამრიგებლობს. ახალგაზრდა ნიჭიერმა სპეციალისტმა ‘ა’ ლიგის ტიტული გასულ წელს, თავის სადებიუტო სეზონშივე მოიპოვა, მანამდე კი ‘ბ’ ლიგაში, ‘ლელოს’ უმცროსი ასაკის ჭაბუკები ზედიზედ 3-ჯერ გააჩემპიონა. აღსანიშნავია, რომ ზურა ხორბალაძეს დიდ სამსახურს მისი თანაშემწე, 20 წლამდელთა ნაკრების სტაფის წევრი რატი შანიძე უწევს.</p><p><p><p>მიმდინარე სეზონის ჯგუფური ეტაპზე, ‘აიამ’ ‘ლელოს’ ორივე შეხვედრა (21:15 და 24:8) მოუგო, რამაც რიონისპირელებს რეგულარული სეზონი პირველ ადგილზე ჩაამთავრებინა. სამართლიანობისათვის უნდა აღინიშნოს, რომ დიდ დიღმელები პრინციპულ მეტოქესთან ხსენებულ შეხვედრებში სერიოზულ საკადრო პრობლემებს განიცდიდნენ და საბოლოოდ ჯგუფურ ეტაპზე მე-2 ადგილს დაჯერდნენ. ‘აიას’ კი აშკარად დაეტყო ზურა ზვიადაძის ხელი. გამოცდილი ქუთაისელი სპეციალისტი წლების მანძილზე მშობლიური ქალაქის უმცროსი ასაკის მორაგბეებთან წარმატებით მუშაობდა, მიმდინარე სეზონში კი ‘ა’ ლიგაში, თავის სადებიუტო სეზონშივე მოახერხა მონოლითური, კონკურენტუნარიანი კოლექტივის შეკვრა, რომელიც ფინალამდე დამაჯერებლად მივიდა.</p></p></p><p><p><p><strong>ზედრამატული ფინალი</strong></p><p>‘აია’-‘ლელოს’ წლევანდელი ფინალური შეხვედრის ლოკაციად რაგბის კავშირმა ქუთაისი შეარჩია. სატიტულო შეხვედრა „აია არენას“ ხელოვნურსაფარიან მოედანზე გაიმართა. რიონისპირელებმა უძლიერეს შემადგენლობას მოუყარეს თავი, დიდ დიღმელებმა კი ძირითადის 2 მორაგბე, შუამარბი დათა ახვლედიანი და ფულბეკი ნიკა ხალვაში მოისაკლისეს. შეხვედრამ ქუთაისში არნახული ინტერესი გამოიწვია და ტრიბუნებზე მატჩზე დამსწრე მსურველი ქომაგის სრულად განთავსება ფიზიკურად ვერ მოხერხდა.</p><p>ძლიერმა ქარმა მატჩის სანახაობრივი მხარე გვარიანად დააკნინა. გუნდებს სწრაფი იერიშის განხორციელება და ფეხით თამაში უჭირდათ, რის გამოც აქცენტს სრულად სტატიკაზე აკეთებდნენ. მეტოქენი შემხვედრ, დომინანტურ ბოჭვებს პირველ ტაიმში კარგად ასრულებდნენ და ტაიმიც მწირქულიანი გამოდგა. 21-ე წუთზე რიონისპირელთა მგეზავ გოგა უშვერიძეს ხელსაყრელი პოზიციიდან, ძელების პირდაპირ დანიშნული ჯარიმა გაუცუდდა. ‘ლელოს’ ჰავბეკმა კაპიტანმა გიგი სირბილაძემ კი 12 წუთის შემდეგ თავისი შანსი გამოიყენა და ზუსტად დარტყმული ჯარიმით საკუთარ გუნდს ტაიმი 3:0 მოაგებინა.</p><p>მეორე ტაიმი გაცილებით საინტერესო და ზედრამატული გამოდგა. პირქარში თამაში უკვე ჩემპიონს უწევდა და ტაიმის დებიუტში გიგი სირბილაძეს ჯარიმა ხელსაყრელი პოზიციიდან გაუცუდდა. მე-10 წუთზე, მთავარმა არბიტრმა დავით ბალუაშვილმა მეტოქის თავის არეშე განხორციელებული სახიფათო ბოჭვის გამო, ‘აიას’ მღლეტელ თორნიკე ტორაძეს წითელი ბარათი უჩვენა. სირბილაძემ გასატანი ჯარიმა ამჯერზეც ძელებს მიღმა დაარტყა.</p><p>რიცხობრივ უმცირესობაში დარჩენის მიუხედავად, ‘აიამ’ შეტევები გაამძაფრა და მეტოქეს 2 ყვითელი ბარათი მიაღებინა. მატჩის დასრულებამდე 12 წუთით ადრე ‘აიამ’ მიაღწია საწადელს და საჯარიმო ლელო გამოიმუშავა - 7:3. ‘ლელო’ არ შედრკა და 5 წუთის შემდეგ თანაგუნდელთა მძლავრი მიძალება კარგად აკინძული ფაზებით მღლეტელმა შოთა გვრიტიშვილმა გატანილი ლელოთი დააგვირგვინა. სირბილაძემ გარდასახვა გამოიყენა და ჩემპიონს 3-ქულიანი უპირატესობა დაუბრუნა - 10:7.</p><p>მატჩის ბოლო წუთებმა ‘აიას’ გააფთრებულ იერიშებში ჩაიარა. რიონისპირელები მეტოქის 5 მეტრიან ზონაში „დასახლდნენ“ და თან მსაჯს ლელოს 2 მოთამაშე გააძევებინეს (მათ შორის მღლეტელი შოთა გვრიტიშვილი წითელი ბარათით დაისაჯა). უამრავი მოთამაშის ტრავმის და მიღებული ჯარიმის მიუხედავად, ‘ლელო’ თავს მედგრად იცავდა, თუმცა „გაწითლებულ“ დროში ‘აია’ მორიგ ჯარიმას გამორჩა. რიონისპირელთა ჰავბეკმა თემურ ძოძუაშვილმა ამჯერზე კარში დარტყმა გადაწყვიტა.</p><p>მატჩის საყაიმო ანგარიში ხელს უკვე ‘აიას’ აძლევდა, რამეთუ რიონისპირელები დებულების თანახმად ნაკლები წითელ-ყვითელი ბარათების გამო უპირატესობას ფლობდნენ და ტიტულსაც დაეუფლებოდნენ. ძოძუაშვილმა მღელვარება ვერ მოთოკა, 35 მეტრიდან დარტყმა გააცუდა, რამაც ‘ლელოს’ ტიტული შეუნარჩუნა. ‘ლელომ’ 10:7 მოიგო და ბოლო ათწლეულში ჩემპიონი მეშვიდედ გახდა. ‘ლელოს’ კაპიტანმა გიგი სირბილაძემ საჩემპიონო თასი ‘აიას’ დირექტორ შოთა გვენეტაძის ხელიდან ჩაიბარა.</p><p><strong>ბრინჯაოს მედალს ‘ხვამლი’ დაეუფლა</strong></p><p>„ხვამლი არენაზე“, ‘ხვამლი’-‘არმიას’ შეხვედრა ბრინჯაოს მედლის მფლობელს არკვევდა. ბოლო 10 წლეულში მეტოქეებს თითო პოდიუმი ქონდათ გახერხებული. 4 წლის წინ მუხიანელები ვიცე-ჩემპიონები გახდნენ, „არმიელებმა“ კი ბრინჯაოს მედლები 10 წლის წინ მოიპოვეს. მიმდინარე სეზონის ჯგუფურ ეტაპზე ‘ხვამლმა’ ‘არმიას’ ორივე შეხვედრა დამაჯერებლად, პრემიალური ქულით (31:12 და 38:17) მოუგო და თან მეტოქე სატურნირო ცხრილში მთელი 29 ქულით ჩამოიტოვა. აღსანიშნავია, რომ მუხიანელებმა რეგულარულ სეზონში მე-2 ადგილი ‘ლელოს’ მხოლოდ უარესი პირისპირ ბალანსის ქონის გამო დაუთმეს.</p><p>შეხვედრა ‘ხვამლის’ იერიშებით დაიწყო და შესვენებამდე მუხიანელებმა 12 უპასუხო ქულა აიღეს. მხტომელების ნიკუშა შარაშენიძისა და იკა მამუკაშვილის დადებულ ლელოთაგან, ‘ხვამლის’ ჰავბეკმა დაჩი წიკლაურმა 1 მათგანი გარდასახა.</p><p>მეორე ტაიმში ფავორიტმა სხვაობა 22 ქულამდე გაზარდა. მუხიანელთაგან მორიგი გატანილი ლელო მარბიელი კაპიტნის გიორგი ბოჩიკაშვილის ანგარიშზეა. დაჩი წიკლაურმა კი ზუსტ გარდასახვას, გატანილი ჯარიმაც დაურთო. ‘არმია’ მარცხს არ ეგუებოდა, ბოლომდე იბრძოდა და მატჩის დასკვნით ნაწილში 2 გარდასახული ლელოთი (კვაჭი ბუკა კუმელაშვილი და ჰავბეკი კაპიტანი გიორგი მიშელაძე) ანგარიშში ჩამორჩენა 8 ქულამდე შეამცირა. საბოლოოდ ‘ხვამლმა’ შეხვედრა 22:14 მოიგო და პოდიუმს 4 წლიანი პაუზის შემდეგ უწია.</p></p></p><p><p><p><strong>Rugby.ge</strong></p></p><br></p>
-
ქომაგები
მარტის დასაწყისია და დაასრულეს თამაშები. წესით და ჭკვიანი ხალხის ხელში, აწი შვიდკაცა რაგბის ფესტივალები და შემდეგ ჩემპიონატი უნდა ტარდებოდეს, ცოტა ხელით და სწრაფად თამაში მაინც რომ დაამუღამონ. საერთოდაც, ყველა სეზონის დასაწყისში და დასრულების შემდეგ, შვიდკაცას ეტაპები უნდა იმართებოდეს, თავის პრიზებით და ტიტულებით, თუ რამეს გვინდა როდესმე მივაღწიოთ.
-
კილასონია
ხვამლის და არმიას თამაში მართლა სანახაობა იყო. აი, მეორე ფინალი კი, აია-ლელო რაღაც გორიალი და არ გვენახა ჯობდა.
-
Rugby supporters
ამ ჯახირობას თუ თამაში ერქვა არ ვიცოდით. საშინელება იყო მოედანზე, მსაჯზე გაწევა-გამოწევა ამ პატარა ბიჭების მხრიდან, ხელების ქნევა და მთელი დრო მხოლოდ კოლექტიური ჭიდაობა. მწვრთვნელები ხომ საერთოდ შეურაცხადები იყვნენ. რა იყო, რა უბედურება ტრიალებს ასეთი. არ გინდათ რაგბი ისწავლოთ და მოეწონოს ვინმეს სტადიონზე მისვლა ან ტელევიზიით ცქერა? ტატამი იყო თუ მოედანი, ვეღარ გაირჩეოდა :(((((
„შავი ლომის“ ბრიტანული ტურნე: მატჩები შოტლანდიაში და შემადგენლობაში ცვლილებები
"შავი ლომი" | 30 მორაგბით შოტლანდიაში
სარაგბო კლუბის ვარსკვლავი ტრაგიკულად დაიღუპა
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
მოურინიოს პორტუგალიის ნაკრების მწვრთნელად არ დანიშნავენ
"ესპანელი ბიჭუნა ხარ" - მახაჩევმა თოფურიას მიმართა
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია
[VIDEO] ლობჟანიძემ MLS-ში საგოლე პასი შეასრულა
[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა
სკანდალი. "მსაჯი რეციდივისტი და მძარცველია - მამარდაშვილის მომენტის გამო პენალტი არ უნდა დანიშნულიყო" - ესპანური მედია
[VIDEO] მამარდაშვილის მოგერიებები, "აკიდებული" პენალტი და "ვალენსიას" ათმატჩიანი წაუგებელი სერიის შეწყვეტა
საფრანგეთში რეფორმა იგეგმება, რათა პსჟ ვადამდე არ გახდეს ჩემპიონი
პსჟ ორი ფეხბურთელის შეძენას აპირებს და დაცვის ეკვადორული ცენტრი ეყოლება
"შახტარს" "ნაპოლის" მიერ სუდაკოვში შეთავაზებული თანხა ეცოტავა
საქართველოს ნაკრების ფეხბურთელმა შეიძლება ესპანური კლუბი დატოვოს
დიდი 10: "აია" და "ყოჩები" დაზავდნენ
დიდი 10. VIII ტურის წინ: "ბორჯღალოსნები" დაბრუნდნენ
დიდი 10: "ჯიქმა" "აიას" 19:15 სძლია
ჭაბუკთა B ლიგა: "ხომლი" ჩემპიონია
დიდი 10 | "აია" საქართველოს ჩემპიონია!
"არმია" "ბათუმთან" დამარცხდა და ბოლო ადგილზე რჩება
დიდი 10: "არმიამ" მიჯრით მესამე შეხვედრაში იმარჯვა
ქართული ჯარი - მესამედ მსოფლიო თასზე
"არმიამ" "ლელო-სარასენსი" დაამარცხა
38 წლის ფედერერმა 103-ე ტურნირი მოიგო და ცრემლები ვერ შეიკავა - 27 ოქტომბრის დაიჯესტი
დიდი 10: ჯიქი-ყოჩები, ლელო-ლოკომოტივი
დიდი 10: "ბათუმი" და "აია" დაზავდნენ
დიდი 10: "არმიამ" "ვეფხვებს" გაწითლებულ დროში სძლია
დიდი 10 ჩხუბით და "ლოკომოტივის" გამარჯვებით განახლდა
"ხვამლი" მონაკოს ტურნირზე იასპარეზებს
დიდი 10: "აიამ" 2 თვისა და 9 დღის შემდეგ პირველად გაიმარჯვა
დიდი 10: "ლოკომოტივი" - "არმია" 40:22
ლევან ჩილაჩავამ "გრენობლს" ლელო დაუდო [VIDEO]