დიდი 10 | ბათუმი 33:21 ხარები

2021 წლის მსგავსად, საქართველოს ჩემპიონი წელსაც ქუთაისში, ადგილობრივი ‘აიასა’ და ‘ბათუმის’ დაპირისპირებით გაირკვევა. წლევანდელი crocobet დიდი 10-ის წინასწარ ფინალში, ‘ბათუმმა’ რუსთავის ‘ხარებს’ 33:21 სძლია და 11 მაისს &bdquo;აია არენაზე“ ორი კვირის თავზე დაბრუნდება. ‘აიამ’ და ‘ბათუმმა’ რეგულარული სეზონი პირველ-მეორე ადგილზე დაასრულეს და 27 აპრილს შესარჩევ ფინალში ერთმანეთს დაუპირისპირდნენ. დაძაბულ შეხვედრაში ქუთაისელებმა 11:10 მოიგეს და გადამწყვეტ მატჩში თამაში ნაადრევად დაიბევეს, ზღვისპირელებმა კი ეს უფლება ‘ხარების’ ძლევით მოიპოვეს. საგულისხმოა, რომ 2017 წლის შემდეგ ‘აია’ ან ‘ბათუმი’ ფინალში აუცილებლად თამაშობდა, თუმცა მათი გზები მხოლოდ ერთხელ, 2021 წელს გადაიკვეთა. ამ პერიოდში ‘ბათუმმა’ ფინალი 5-ჯერ ითამაშა და თასი ორჯერ მოიპოვა, ‘აიამ’ კი სატიტულო შეხვედრაში სამჯერ მიიღო მონაწილეობა და ორჯერ გამარჯვებული დარჩა. შეგახსენებთ, ქუთაისელები 2024 წლის საქართველოს ჩემპიონები არიან და საკუთარ მოედანზე ტიტულის დაცვას ეცდებიან.   წინასწარ ფინალს ბათუმმა უმასპინძლა და პირველ ტაიმში ზღვისპირელებმა საგრძნობი უპირატესობა მოიპოვეს. ანგარიში ბუბა ნოზაძემ მე-5 წუთზე, კარის წინ 40 მეტრიდან გატანილი ჯარიმით გახსნა. ამას მასპინძელთა ხანგრძლივი, ფაზური შეტევა მოყვა და ლელოც გარდაუვალი ჩანდა, მაგრამ შემტევმა ფრთაზე ბურთი ვერ შეიმაგრა. სამაგიეროდ ‘ბათუმს’ ჯარიმის უპირატესობა დაუბრუნდა,, დერეფნიდან მოლი ააგორა და ვაჟა თაგაურმა მასპინძლეთა ლელო მაინც გაიტანა. გარდასახვა ძელმა აისხლიტა.   მე-18 წუთზე რუსთაველთა მდგომარეობა ლუკა კოხიას სინბინის გამო კიდევ უფრო დამძიმდა და ნოზაძემაც თავისი მეორე ჯარიმა გაიტანა. ზღვისპირელები უდიდეს ინიციატივას ფლობდნენ და სალელოვე შანსებს ერთის გამოტოვებით იყენებდნენ. 27-ე წუთზე ნოზაძის ფეხით შეცურებულ ბურთს პიტერ ვილიამსი მიყვა, მცველს აჯობა და ამ მატჩში თავისი პირველი ლელო გაიტანა, ნოზაძის გარდასახვამ კი ‘ბათუმელების’ უპირატესობა 18 ქულამდე გაზარდა. ‘ხარებს’ არაფერი გამოსდიოდა, თუმცა ტაიმის გაწითლებულ დროზე მათ მაინც შეძლეს პასუხის გაცემა. მოლის შემდეგ სანდრო ილურიძემ შეუტია, შებოჭილმა ვაჟა ხუციშვილს ოფლოუდი ამოუგდო და მისი ლელო სანდრო მარგიანმა გარდასახა - 18:7.   მეორე ტაიმის დასაწყისში ნოზაძემ შორეული ჯარიმით საკუთარი გუნდის უპირატესობა ორ გარდასახულ ლელომდე გაზარდა და დიდი ხნის განმავლობაში ანგარიში უცვლელი დარჩა. ამ პერიოდში ჯერ ბათუმელმა ნუკრი ფერსელიძემ, 5 წუთში კი რუსთაველმა ირაკლი ლუარსაბიშვილმა მიიღეს ყვითელი ბარათები, თუმცა კაცნაკლულმა სტუმრებმა შეძლეს თამაშში დაბრუნება.   64-ე წუთზე მარცხენა ფრთაზე მაიკელი როკონდინონოს კარგი გარღვევისა და ოფლოუდის შემდეგ, რატუ საინივალატიმ თავისი პირველი ლელო გაიტანა, 69-ე წუთზე კი ‘ხარებმა’ რიცხობრივი უპირატესობით ისარგებლა (გიორგი წიკლაურის სინბინი), საინივალატიმ მეტოქის 22-ში, ნულოვან ზონაში გაჭრა ხაზი და დუბლი მიითვალა. მარგიანმა ორივე გარდასახა და ანგარიში გაათანაბრა - 21:21.   ‘ბათუმი’ მალევე გამოფხიზლდა და უპირატესობა მალევე დაიბრუნა. სერგი ჩხაიძემ მცველი ცრუმოძრაობაზე დაიჭირა და ხაზი გაჭრა, ნოზაძის გავლით ბურთი ვილიამსამდე ჩათამაშდა და ისიც ლელოში ალამთან შეფრინდა. ვაჟა მიქაძემ რთული პოზიციიდან გარდასახა. 75-ე წუთზე ‘ხარებმა’ თავის 22-ში დაკარგა ბურთი, კავეკინი ტამბუმ ვილიამსს ოფლოუდი გაუხერხა და მანაც თავისი მესამე ლელოთი საბოლოო შედეგი დააფიქსირა - 33:21. მატჩის საუუკეთესო მოთამაშე ბუბა ნოზაძე გახდა.   ამრიგად, 11 მაისს 16 საათზე, ქუთაისის &bdquo;აია არენაზე“ მასპინძელი ‘აია’ და ‘ბათუმი’ ტიტულის მოსაპოვებლად შეიბმებიან. აქამდე ჩემპიონის თასს ‘აია’ 5-ჯერ, ხოლო ‘ბათუმი’ 4-ჯერ ფლობდა.   ‘ხარები’ კი crocobet დიდი 10-ის წლევანდელი სეზონის ბრინჯაოს მედალოსანი გახდა. რუსთაველებმა რეგულარული სეზონი მე-6 პოზიციაზე დაასრულეს, თუმცა ფლეი ოფის ორი ეტაპი წარმატებით გადალახეს და კლუბის ისტორიაში მე-7 მედალი მოიპოვეს (2 ოქრო, 2 ვერცხლი და 3 ბრინჯაო).   RUGBY.GE

დიდი 10 | ბათუმი 32:20 გორი

Crocobet დიდი 10-ის ახალი სეზონის დაწყებამდე დარჩა 4 დღე!

crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!

BBC: მუდრიკმა აკრძალული ნივთიერება უკრაინის ნაკრებში ყოფნისას მიიღო

"ტოტენჰემთან" მატჩში "ვილიარეალის" სასტარტო შემადგენლობა ცნობილია

7-კაცა | მზადება დაიწყო - ახალი მწვრთნელით, ახალი სისტემით და გაფართოებული შემადგენლობით

ყველაფერს ითვლიან - მესი და რონალდო ერთმანეთს გაფუჭებულ პენალტებშიც მიუახლოვდნენ

"ბრაზილიის ნაკრების შემდეგ მხოლოდ ამ კლუბში დავბრუნდები" - კარლო ანჩელოტი

"ერთადერთია, ვინც "ოქროს ბურთს" იმსახურებს" - პსჟ-ის სპორტულმა დირექტორმა მისი გუნდიდან Golden Ball-ის ფავორიტი დაასახელა

ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს

ამორიმი პრემიერ ლიგაში დათხოვნის პირველი კანდიდატია და პორტუგალიაში დაბრუნების ვარიანტიც გამოუჩნდა

უჩივლა თუ არა "ორბიმ" "პარი ნიჟნი ნოვგოროდს" - ბედოშვილის ტრანსფერიდან 1 თვეზე მეტის გასვლის შემდეგ რუსული კლუბის წარმომადგენელმა კომენტარი გააკეთა

უმტიტიმ 31 წლის ასაკში კარიერა დაასრულა

დვალმა პირველივე მატჩში საგოლე გადაცემა გააკეთა

"კვარასთვის" გადამწყვეტი მომდევნო 24 საათი იქნება" - პსჟ-ს დირექტორი

ყოჩაღი ფიზკულტურის მასწავლებელი - რუსეთში საფეხბურთო მოედანი ჩაინგრა

აბიდალმა თავისი გარდაცვალების ცნობა უარყო

ესპანეთში ლუკა გაგნიძის დებიუტი შედგა - ქართველი მწვრთნელმა შეაქო

შესანიშნავი ამბავი - კვარაცხელიას ტრავმა სერიოზული არ აღმოჩნდა და მისი დაბრუნების თარიღი ცნობილია

"ყველაზე მეტად მე ვიტანჯები" - ამორიმი წაგებული მანჩესტერული დერბის შემდეგ

"რეალი" ესპანეთში მსაჯობის მდგომარეობასთან დაკავშირებით FIFA-ში საჩივარს შეიტანს

დათხოვნიდან 1 კვირაში შესაძლოა, კვლავ პრემიერ ლიგაში დასაქმდეს - ესპირიტო სანტუს ახალი ვარიანტი აქვს

სალაჰი უკვე მეოთხეა - ეგვიპტელის მორიგი მიღწევა პრემიერ ლიგაში