"იბერია 1999" და "ტორპედო" კვლავ იგებენ
<p>კრისტალბეთ ეროვნულ ლიგაში მე-14 ტური დაიწყო. ორი მატჩი გაიმართა. "იბერია 1999"-მა "სამგურალს" მოუგო და ლიდერობა კიდევ უფრო გაიმყარა. ქუთაისში კი "ტორპედომ" აჯობა "დინამო ბათუმს". ეს "ტორპედოელთა" ზედიზედ მესამე გამარჯვებაა.</p> <p> </p> <p><strong>ტორპედო 1:0 დინამო ბთ</strong></p> <p> </p> <p>ქუთაისელებმა ზედიზედ მესამედ გაიმარჯვეს, აი ბათუმელებს კი მიჯრით ხუთი მოუგებელი მატჩი მოუგროვდათ.</p> <p> </p> <p>"ტორპედო" ისევ მეხუთე ადგილზეა, მაგრამ ამ დროისთვის მეორეზე მყოფ ბათუმელებს მხოლოდ 3 ქულით ჩამორჩება.</p> <p> </p> <p>ერთადერთი გოლი ბიორნ იონსენმა გაიტანა 54-ე წუთზე. მან ბურთი ჩაჭრა, პაატა ღუდუსაურს გააყოლა. შემდეგ მისგან მიიღო პასი და ერთი შეხებით ზუსტად დაარტყა - 1:0.</p> <p> </p> <p>იონსენს, რომელიც კრისტალბეთ ეროვნული ლიგის საუკეთესო ბომბარდირია, წლეულს 4 გოლი აქვს გატანილი.</p> <p> </p> <p><strong>იბერია 1999 2:1 სამგურალი </strong></p> <p> </p> <p>"იბერია 1999"-მა მორიგი მატჩი მოიგო და ამ მომენტისთვის 12-ქულიანი უპირატესობით ლიდერობს. ლევან კორღალიძის გაწვრთნილმა გუნდმა ბოლოს შარშან 18 სექტემბერს წააგო ქუთაისის "ტორპედოსთან" (1:2), მას მერე კი 26 მატჩია არ დამარცხებულა...</p> <p> </p> <p>"სამგურალისთვის" ეს ზედიზედ მესამე მარცხია. მთავარი მწვრთნელის რანგში დებიუტი ჰქონდა ბრაზილიელ ტიაგო გომესს.</p> <p> </p> <p>პირველი ტაიმი უგოლოდ დამთავრდა, მეორეში კი იური ტაბატაძემ პენალტით გახსნა ანგარიში. ეს იურის მეშვიდე გოლია სეზონში... ის პენალტი ნიკა ხორხელის აქტიურობას მოჰყვა.</p> <p> </p> <p>62-ე წუთზე "სამგურალმა" ლაშა შერგელაშვილის შორიდან გატანილით გაათანაბრა - 1:1.</p> <p> </p> <p>მალევე, მეორე პენალტი დაინიშნა სამგურალის კარში, ისევ ნიკა ხორხელმა მოიპოვა და ისევ იური ტაბატაძემ დაარტყა. თუმცა მეკარე ნოდარ ყალიჩავამ მოიგერია!..</p> <p> </p> <p>"იბერია 1999"-მა მაინც გაიმარჯვა: მინდორზე რვა წუთის შესულმა დავით სხირტლაძემ გიზო მამაგეიშვილის კუთხურიდან ჩაწოდებული ბურთი თავით გადაგზავნა კარში - 2:1. ეს სხირტლაძის პირველი გოლია "იბერია 1999"-ის მაისურით.</p> <p> </p> <p><strong>erovnuliliga.ge</strong></p>