ანჩელოტი კაკას და ნეიმარს დაუკავშირდა - ბრაზილია მუნდიალის მოგების მოლოდინშია
<p>ბრაზილიაში ნაკრების მწვრთნელად კარლო ანჩელოტის დანიშვნის გამო დიდი აჟიოტაჟი და მოლოდინია იმისა, რომ 24 წლის შემდეგ ისევ გახდებიან მსოფლიოს ჩემპიონები.</p> <p> </p> <p>CNN Brasil-ის ცნობით, ანჩელოტის თავის თანაშემწედ კაკას დანიშვნა სურს და უკვე დაუკავშირდა კიდეც. ის მისი მწვრთნელი „მილანსა“ და „რეალში“ იყო და ერთმანეთთან კარგი ურთიერთობა აქვთ.</p> <p> </p> <p>Globo იტყობინება, რომ ანჩელოტი ნეიმარს (სანტოსი) და კაზემიროს (მანჩესტერი) ესაუბრა და ეროვნულ გუნდში დაბრუნება შესთავაზა. განსაკუთრებულ იმედებს 2026 წლის მუნდიალზე ის ნეიმარზე ამყარებს. ნეიმარს და კაზემიროს ნაკრებში 2023 წლის შემოდგომის შემდეგ არ უთამაშიათ. </p> <p> </p> <p>ანჩელოტის თქმით, მისთვის ეს დიდი გამოწვევაა, სამუშაოს 26 მაისს შეუდგება, იქამდე კი „რეალში“ თავისი შესანიშნავი თავგადასავლის კარგად დასრულება უნდა.</p>