ჩაკვეტაძის "უოტფორდს" ახალი მწვრთნელი ჰყავს
<p>გადაყენებული ტომ კლევერლის ნაცვლად „უოტფორდის“ მწვრთნელად 42 წლის ურუგვაელი პაულო პეცოლანო დანიშნეს.</p> <p> </p> <p>პეცოლანო ადრე „ტორკეს“, მონტევიდეოს „ლივერპულს“, მექსიკის „პაჩუკას“, ბრაზილიის „კრუზეიროს“ და ესპანეთის „ვალიადოლიდს“ ედგა სათავეში, რომელიც მისი ხელმძღვანელობით 2024 წელს ლა ლიგაში გადავიდა.</p> <p> </p> <p>„უოტფორდის“ ღირსებას გიორგი ჩაკვეტაძე იცავს, რომელსაც კონტრაქტი 2029 წლის ზაფხულამდე აქვს გაფორმებული, თუმცა პრემიერლიგის კლუბები ეპატიჟებიან და შეიძლება გუნდი გამოიცვალოს.</p>