<p>კრისტალბეთ ეროვნულ ლიგაში მე-18 ტური, ანუ მეორე წრე დასრულდა. ხუთშაბათს ოთხი მატჩი გაიმართა. კვლავ გაიმარჯვა მოქმედმა ჩემპიონმა "იბერია 1999"-მა და ექვსქულიანი უპირატესობით ლიდერობს. ასევე მოიგეს "გარეჯმა", "დინამო ბათუმმა" და წყალტუბოს "სამგურალმა". </p> <p> </p> <p><strong>ტორპედო 0:2 გარეჯი </strong></p> <p> </p> <p>საგარეჯოელებმა ქუთაისში მოუგეს "ტორპედოს". "გარეჯს" ამ ტურამდე ზედიზედ სამი ფრე ჰქონდა, "ტორპედომ" კი კარგი სერია ბოლოს ზედიზედ ორი მარცხით დაასრულა.</p> <p> </p> <p>მე-19 წუთზე ლამაზი გოლი გაიტანა "გარეჯის" გარემარბმა ვახო ბედოშვილმა. ის პირველად გამოიძახეს საქართველოს 21-წლამდელთა ნაკრების გაფართოებულ შემადგენლობაში და დიდი შანსია, ევროპის ჩემპიონატზე ითამაშოს.</p> <p> </p> <p>ბოლოს კი "გარეჯმა" კონტრშეტევაზე დაიჭირა მეტოქე, კერძოდ, მათე ქომეთიანის პასს მოჰყვა სერგო კუხიანიძის გოლი და საბოლოოდ, 0:2.</p> <p> </p> <p><strong>თელავი 1:3 სამგურალი </strong></p> <p> </p> <p>წყალტუბოს "სამგურალმა" ზედიზედ მეორედ მოიგო და მეშვიდე ადგილზეა, "თელავი" კი ბოლო ადგილზე დარჩა. თელაველებს 12 ტურია არ გაუმარჯვიათ და ამ 12 შეხვედრაში მხოლოდ ორი ქულა აიღეს.</p> <p> </p> <p>მიმდინარე კრისტალბეთ ეროვნულ ლიგაში ყველაზე სწრაფი გოლი ვნახეთ. მე-20 წამზე "სამგურალი" გიორგი ფანცულაიამ დააწინაურა დაბალი დარტყმით.</p> <p> </p> <p>თელაველებმა მე-15 წუთზე გაათანაბრეს, როცა ნიკა ცეცხლაძემ გამოზომილი დარტყმით ახლო კუთხეში გაუტანა ნოდარ ყალიჩავას - 1:1.</p> <p> </p> <p>თუმცა პირველივე ტაიმში ფანცუალაიამ მეორედ დააწინაურა სტუმრები. გიორგი ფანცულაიამ ტექნიკურად დაასრულა კონტრშეტევა, მეკარეს თავზე გადაუგდო ბურთი. ფანცულაიას დუბლი... ორივეჯერ ლუკა ხორხელის პასით გაიტანა. გიორგის მიმდინარე კრისტალბეთ ეროვნულ ლიგაში 7 გოლი მოუგროვდა.</p> <p> </p> <p>მეორე ტაიმის შუაში ანგარიში 1:3 გახდა. "სამგურალმა" ბრაზილიური გოლი მიითვალა: ჯეფერსონ ჯერალდოს პასით ვინისიუსმა გაიტანა...</p> <p> </p> <p><strong>იბერია 1999 3:1 გაგრა </strong></p> <p> </p> <p>მოქმედმა ჩემპიონმა კვლავ მოიგო და ექვსქულიანი ჰანდიკაპით ლიდერობს. "იბერია 1999"-მა "გაგრას" ექვსმატჩიანი წაუგებელი სერია შეწყვიტა...</p> <p> </p> <p>არადა, თავიდან "გაგრა" იგებდა ლევან გეგეჭკორის ორიგინალური გოლით. გეგეჭკორმა რბილი დარტყმით თავზე გადაუგდო ბურთი მეკარე თორნიკე მეგრელიშვილს.</p> <p> </p> <p>თუმცა მცირე მონაკვეთში იური ტაბატაძემ დუბლი შეასრულა და ტაიმი იბერიელებმა მოიგეს. იურიმ ჯერ საჯარიმოს მისადგომებიდან ძლიერი დარტყმით გაათანაბრა, მერე კი თავურით გაიტანა. იური ტაბატაძე ბომბარდირთა დავაში დაწინაურდა - 9 გოლი აქვს... </p> <p> </p> <p>მეორე ნახევარში მასპინძლებმა კიდევ ერთხელ მოახერხეს გაგრელთა კარის აღება. თორნიკე ახვლედიანის პასი, ამირან ძაგანიას მეკარესთან პირისპირ გასვლა და საბოლოოდ 3:1. ახვლედიანიც და ძაგანიაც მინდორზე ხუთი წუთის შესულები იყვნენ.</p> <p> </p> <p>ლევან კორღალიძის გაწვრთნილ "იბერია 1999"-ს კრისტალბეთ ეროვნულ ლიგაში 30-მატჩიანი წაუგებელი სერია აქვს.</p> <p> </p> <p><strong>დინამო ბთ 2:0 კოლხეთი 1913 </strong></p> <p> </p> <p>ბათუმელებმა ზღვისპირული დერბი მოიგეს და მესამე ადგილზე დაბრუნდნენ, "კოლხეთი 1913" კი ბოლოსწინა, მეცხრე საფეხურზეა.</p> <p> </p> <p>ფოთელები მე-6 წუთიდან 10 კაცით თამაშობდნენ. მატჩი ახალი დაწყებული იყო, როცა ფოთელთა მცველმა აკაკი გიუნაშვილმა წესები დაარღვია გიტის პაულაუსკასის წინააღმდეგ. არბიტრმა ბაქარ ბრეგვაძემ ჯერ პენალტი დანიშნა, მაგრამ VAR-ზე გადამოწმებისას გაირკვა, რომ დარღვევა საჯარიმოს გარეთ იყო. შესაბამისად, ჯარიმა დაინიშნა, ხოლო გიუნაშვილი ბოლო იმედის ჯარიმისთვის გააძევეს.</p> <p> </p> <p>"დინამო ბათუმი" პირველი ტაიმის ბოლოს დაწინაურდა: რევაზ ინჯგიას ჩაწოდებულს მოჰყვა პაულაუსკასის გოლი.</p> <p> </p> <p>მეორე გოლი კი შესვენების შემდეგ, მალევე გავიდა. მოჰამედ ფოფანამ ქუსლით კარგი პასი გაუკეთა ნიკა კალანდარიშვილს, შემდეგ მისგანაც მიიღო გადაცემა და დაბალ კუთხეში დარტყმით 2:0 გახადა ანგარიში.</p> <p> </p> <p><strong>erovnuliliga.ge</strong></p>
tngh
"იბერია" ღირსეული ლიდერია... "დილა" სტაბილურად კარგად თამაშობს... ბათუმის "დინამო" ლიდერთა სამეულშია.
"ტორპედომ" გვინეა ბისაუს ნაკრების ფეხბურთელი დაიმატა
გიორგი ლორია თბილისის "დინამოში" დაბრუნდა
სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა
"ტორპედომ" გვინეა ბისაუს ნაკრების ფეხბურთელი დაიმატა
9 თვის შემდეგ - დანი კარვახალი მოედანს უბრუნდება
"ბორჯღალოსნები" | თამაშის კვირა
Areanapoli: საქართველო ტალანტების სამჭედლოა, ბართიშვილი - დაუმუშავებელი ბრილიანტი
კონტემ "ბაიერნის" ვარსკვლავის დამატება მოისურვა
ძაკარდო: ხვიჩა ნეაპოლში უნდა დაბრუნდეს - "ახალი კვარა"?
პსჟ-ს დამარცხებამაც ვერ უშველა - "ბოტაფოგოს" მწვრთნელი გადააყენეს
უყურე Setanta Sports ულიმიტოდ სილქნეტის ქსელში!
[VIDEO] სინათლე გვირაბის ბოლოს - პოგბამ "მონაკოსთან" კონტრაქტის გაფორმებისას ემოციები ვერ შეიკავა
18-წლამდელთა B ლიგის ჩემპიონი ვსა გახდა | ვერცხლი აჭარის ნაკრებს ერგო
მესი სიაში ვერ მოხვდა - რამოსმა დაასახელა 2 შემტევი, ვის წინააღმდეგაც თამაში ყველაზე მეტად უჭირდა
დიოკერეში "სპორტინგის" ვარჯიშებზე დაბრუნებას არ აპირებს - კლუბის პრეზიდენტი აზრს არ იცვლის
"მესი პსჟ-სთან არ დამარცხებულა, იცით, ეს რატომ მოხდა?" - ზლატან იბრაჰიმოვიჩი
"გავხდები თუ არა მწვრთნელი?" - რონალდომ სამომავლო გეგმებზე ისაუბრა
რა თქვეს ნამატჩევს მესიმ და კვარაცხელიამ?
კეინის დუბლი - 1/4-ფინალში "ბაიერნი" პსჟ-ს დაუპირისპირდება [VIDEO]
ლუის ენრიკე: ჩემი ფეხბურთელების მენტალიტეტით აღფრთოვანებული ვარ
გიორგი ლორია თბილისის "დინამოში" დაბრუნდა
როგორი შეფასებები მიიღეს პსჟ-ს ფეხბურთელებმა "ინტერ მაიამისთან" მატჩში?
[VIDEO] "კვარას" პსჟ-მ "ინტერ მაიამი" გაანადგურა და მეოთხედფინალში გავიდა