<p>პიერ-ანრი ბრონკანისა და მარკო ბორტოლამის მიერ დასახებულ პირველ სანაკრებო, 34-კაციან გაფართოებულ სიაში 9 პოტენციური დებიუტანტია.</p> <p> </p> <p>ესენი არიან: ბურჯი მამუკა მსტოიანი, მეორეხაზელები - თემურ წულუკიძე, დავით ლაგვილავა და გაგი მარგველაშვილი, მესამეხაზელი ანდრო დვალი, 9 ნომერი გიორგი სპანდერაშვილი, ცენტრი დავით ბარბაქაძე, ფრთა ნიკოლოზ რეხვიაშვილი და ფულბეკი ოთარ მეტრეველი.</p> <p> </p> <p>მათი უმრავლესობა ეროვნულ გუნდში საქართველოს ახალგაზრდული ნაკრებების - 20 და 18-წლამდელთა გუნდების გავლით მოხვდნენ, თუმცა არის გამონაკლისიც. პოტენციური დებიუტანტებიდან 6 ლეგიონერია, ორი ‘შავი ლომის’ მოთამაშეა, ერთი კი საქართველოს პირველ ლიგაში მოთამაშე ბოლნისის ‘ყოჩების’ ღირსებას იცავს.</p> <p> </p> <p>ახალი სახეებიდან ყველაზე ასაკოვანი <strong>ნიკოლოზ რეხვიაშილია</strong>. 28 წლის მორაგბე მთელი კარიერის განმავლობაში მშობლიური კლუბის, ‘ყოჩების’ ერთგულია და მან გუნდი არც მაშინ მიატოვა, როდესაც პირველ ლიგაში დაქვეითდა. რეხვიაშვილს ახალგაზრდულ ნაკრებებში თამაშმა არ მოუწია, თუმცა ფარ-ხმალი არ დაყარა, განვითარება განაგრძო და საქართველოს 7-კაცა ნაკრების უცვლელ წევრად იქცა. სწორედ 7-კაცა გუნდში გამორჩეული თამაშით იცნობს მას რაგბის გულშემატკივარი და ახლა 15-კაცა ნაკრებში გამოძახებაც დაიმსახურა.</p> <p> </p> <p>24 წლისაა თბილისის ‘აკადემიას’ აღზრდილი ბურჯი <strong>მამუკა მსტოიანი</strong>,<strong> </strong>რომელიც 2021 წლიდან ფრანგულ ‘აჟენში გადავიდა და 2 წელი ესპუარებში გაატარა, 2023 წლიდან კი პირველ გუნდს გაუშინაურდა და შარშან პრო დე2-ში 22-ჯერ ითამაშა (1 ლელო), მიმდინარე სეზონში კი კლუბის მაისურით უკვე 12 შეხვედრა (1 ლელო) აქვს ჩატარებული. 2019/20 წლებში ის 20-წლამდელთა ნაკრებში მოიაზრებოდა და ამხანაგურ მატჩებშიც მიიღო მონაწილეობა, მაგრამ კოვიდ-პანდემიის გამო მსოფლიო რაგბის 20-წლამდელთა ჩემპიონატი გაუქმდა და ეს მნიშვნელოვანი გამოცდილება ვეღარ შეიძინა.</p> <p> </p> <p>ქუთაისის ‘აიას’ აღზრდილმა ფულბეკმა <strong>ოთარ მეტრეველმა</strong>, ბორჯღალოსნების კვართით 2025 წლის ზაფხულში სამხრეთ აფრიკული ‘ჩიტასის’ წინააღმდეგ ითამაშა, მაგრამ კლუბის წინააღმდეგ თამაში სანაკრებო კეპად არ ითვლება და ოფიციალურ დებიუტს რაგბი ევროპის ჩემპიონატზე ელოდება. კოვიდ-პანდემიის გამო 21 წლის მორაგბეს 18-წლამდელთა ტურნირები გაუცდა, თუმცა 20-წლამდელთა გუნდში თავი კარგად წარმოაჩინა და ამჟამად ‘შავი ლომის’ ღირსებას იცავს. მას წელს დებიუტი ჩელენჯ თასზე ჰქონდა.</p> <p> </p> <p>2005 წელსაა დაბადებული ხუთი მორაგბე, საიდანაც სამი მეორეხაზელია.</p> <p> </p> <p>‘იუნკერების’ აღზრდილია <strong>თემურ წულუკიძე</strong>, რომელიც 2024 წლიდან საფრანგეთში გადაბარგდა და ‘ოიონას’ ესპუარებს შეუერთდა. მას ზურგს უმაგრებს როგორც 18-წლამდელთა, ასევე 20-წლამდელთა ნაკრებში ჩატარებული მაღალი დონის თამაშების გამოცდილება. ის 2025 წელსაც იყო ბორჯღალოსნების შეკრებაზე, მაგრამ თამაშმა არ მოუწია.</p> <p> </p> <p>ბორჯღალოსნების შეკრებაზე იყო, თუმცა ჯერ დებიუტი არ ქონია <strong>დავით ლაგვილავას</strong>, რომელმაც ასევე ორ-ორი წელი ითამაშა 18 და 20-წლამდელთა ნაკრებებში. ქუთაისის ‘აიადან’ ის ჯერკიდევ 2023 წელს ფრანგული ‘გრენობლის’ ესპუარებში გადავიდა, მიმდინარე სეზონის წინ ტოპ 14-ის ‘პერპინიანს’ შეუერთდა და ჩელენჯ თასის გათამაშებაში მის პირველ გუნდშიც ჰქონდა დებიუტი.</p> <p> </p> <p>ადრეული ასაკიდან წავიდა საფრანგეთში ქუთაისელი <strong>გაგი მარგველაშვილი</strong>, რომელიც ტოპ 14-ის ‘რასინგის’ ესპუარებში ირიცხება და სწორედ იქიდან მოხვდა ჯერ საქართველოს 18-წლამდე და მერე, საქართველოს 20-წლამდელთა (სადაც 2 წელი ითამაშა) ნაკრებებში. მას ეროვნულ გუნდში წელს პირველად უხმეს.</p> <p> </p> <p>‘ლელოს’ აღზრდილია მესამე ხაზელი <strong>ანდრო დვალი</strong>,<strong> </strong>რომელიც 2024 წელს ფრანგულ ‘პერპიანიანის’ ესპუარებს შეუერთდა და რამდენჯერმე პირველი გუნდის შემადგენლობაში ტოპ 14-შიც ითამაშა. მან ორ-ორი წელი გაატარა საქართველოს 18 და 20-წლამდელთა ნაკრებებში და იყო ორივე გუნდის კაპიტანი. აღნიშნულ პოზიციაზე არსებული კონკურენციის გათვალისწინებით, გასაკვირი არაა აქამდე ეროვნულ გუნდში გამოძახება რომ არ მიუღია, ახლა კი საკუთარი შესაძლებლობების უმაღლეს დონეზე დამტკიცების შესაძლებლობა ექნება.</p> <p> </p> <p>9 ნომრის პოზიციაზე დებიუტის შანსი ექნება <strong>გიორგი სპანდერაშვილს</strong>, რომელმაც თავი 18 და 20-წლამდელთა რიგებში თამაშისას დაგვამახსოვრა. თბილისის ‘ლელოს’ აღზრდილი მორაგბე 2025 წელს ‘შავ ლომში’ დაწინაურდა, ჩელენჯ თასზე „დიდი მატჩების“ გამოცდილებაც შეიძინა და ახლა ეროვნულ გუნდში დებიუტს ელოდება.</p> <p> </p> <p>ცენტრი <strong>დავით ბარბაქაძე </strong>ბორჯღალოსნებში გამოძახებულ მოთამაშეებს შორის ყველაზე უმცროსია. 19 წლის მორაგბემ თამაში ‘არმიაში’ დაიწყო და კაცთა ლიგაში, დიდ 10-შიც ჩაატარა რამდენიმე დასამახსოვრებელი შეხვედრა. ის იყო როგორც 18-წლამდე, ასევე 20-წლამდელთა ნაკრების ერთ-ერთი ლიდერი და 20-წლამდელთა გუნდში თამაში წელსაც ეკუთვნის. მისი მონაცემები უყურადღებოდ არც სკაუტებს დარჩენიათ და მიმდინარე სეზონის წინ ბარბაქაძე ტოპ 14-ის ‘ლიონის’ ესპუარებს შეუერთდა.</p> <p> </p> <p><strong>Rugby.ge</strong></p>
ბორჯღალოსნები | ახალი მწვრთნელების პირველი რაზმი - დებიუტანტებით
მიხეილ ნარიაშვილი - "ბორჯღალოსნების" შერკინების მწვრთნელი
საქართველოს მორაგბეთა ნაკრებისა და "შავი ლომის" მთავარი მწვრთნელის ვინაობა ცნობილია
"კრისტალ პალასი" მატეტას შემცვლელს "ვულვზიდან" 50 მილიონ ევროდ იმატებს
მიხეილ ვართანოვმა საქართველოდან პირველმა მიიღო ფიბა-ს მსაჯთა ინსტრუქტორის ლიცენზია
[VIDEOS] ბითაძეს სათამაშო დრო აღარ ეძლევა, მამუკელაშვილის სამი დაფარება "ნიუ იორკ ნიქსთან"
[VIDEO] ჩემპიონთა ლიგაზე ყველაფერი გაირკვა. მეკარე ტრუბინმა კურტუას გაუტანა - "რეალი" რვა საუკეთესოს შორის ვერ მოხვდა
[VIDEO] ხვიჩამ საგოლე პასი გააკეთა და ტრავმის გამო მოედნის დატოვება მოუწია
[VIDEO] "კვარას" საგოლე პასი და ვიტინიას ულამაზესი გოლი - პსჟ "ნიუკასლს" ამარცხებს
ლუის ენრიკემ "ნიუკასლთან" მატჩში შემადგენლობა დაასახელა
"ჩელსიმ" სტერლინგი თავიდან მოიცილა
[VIDEO] ასლანი კვლავ მოწოდების სიმაღლეზე იყო - საქართველოს ნაკრებმა ევროპის ჩემპიონატზე ასპარეზობა საფრანგეთთან მარცხით დაასრულა
მწვრთნელი დავითაშვილს დარჩენაში არწმუნებდა და თავად მიდის გუნდიდან
პსჟ შეიძლება ერთ-ერთი მთავარი ლიდერის გარეშე დარჩეს
ქართველი მსაჯები ევროპა ლიგის მატჩებს მოემსახურებიან
ბასილაშვილის პირველი გამარჯვება 2026 წელს - ნიკოლოზი ქიმპერის ჩელენჯერის 1/8 ფინალში გავიდა
"ბორნმუთმა" სემენიოს შემცვლელი ბრაზილიის ჩემპიონატიდან დაიმატა
ოფიციალურად: ტამი აბრაჰამი "ასტონ ვილაში" დაბრუნდა
ამ სეზონში უთამაშებელი სტერლინგი "ჩელსიდან" წასვლასთან ახლოსაა
"იუვენტუსს" "მილანის" ყოფილი ფეხბურთელის იტალიაში დაბრუნება სურს
"ლივერპულის" მეკარე კარიერას MLS-ში განაგრძობს
პსჟ-ისთან ერთად ლიგა 1-ის 5 გზის გამარჯვებული ინდონეზიურ კლუბში გადავიდა
ახალი კონტრაქტი ფერმინს - ლოპესს "ბარსელონაში" დარჩენა უნდა
რიჩარდ ქოქრილმა ბორჯღალოსნებისა და "შავი ლომის" მთავარი მწვრთნელის პოსტი დატოვა - ვინ შეცვლის ინგლისელს?
"ბორჯღალოსნების" მეტოქეები - მსოფლიოს ჩემპიონი სამხრეთ აფრიკა, იტალია და რუმინეთი ავსტრალიის მსოფლიო თასზე
მიხეილ ნარიაშვილი - "ბორჯღალოსნების" შერკინების მწვრთნელი
რაგბის ფედერაცია ქოქრილის შეცვლას გეგმავს - კანდიდატი ცნობილია
საქართველოს მორაგბეთა ნაკრების მწვრთნელის ვინაობა ცნობილია?
We Talk Rugby: საქართველოს ნაკრებს იტალიის დასამარცხებლად მსოფლიოს ერთ-ერთი საუკეთესო მწვრთნელი ჩაუდგება სათავეში?