- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"შავი ლომი" | სასარგებლო მოთელვა "ბენეტონთან"
<p>‘შავმა ლომმა’ 2026/27 წლების სეზონის პირველ მატჩში, „ავჭალაზე“ გაერთიანებული რაგბის ჩემპიონატის (URC) იტალიურ გუნდს, ‘ბენეტონს’ უმასპინძლა და სასარგებლო გამოცდილება შეიძინა.</p> <p> </p> <p>მართალია შეხვედრა სტუმრების გამარჯვებით დასრულდა (36:14), თუმცა ამ ეტაპზე შედეგზე ბევრად მეტად სხვა ფაქტორები იყო საინტერესო. გუნდმა პირველად ითამაშა პიერ-ანრი ბრონკანის ხელმძღვანელობით, რამდენიმე მორაგბემ კი პირველად მოირგო ‘შავი ლომის’ კვართი. სასიხარულოა, რომ მათი უმრავლესობა ჯერ ძალიან ახალგაზრდაა და აქ მიღებული გამოცდილება, მომავალ შეხვედრებში ძალიან წაადგებათ.</p> <p> </p> <p>სამწვრთნელო შტაბისთვის საინტერესო იყო მოთამაშეების საქმეში ხილვა, თანაც ისეთ ძლიერ მეტოქესთან, როგორიც ‘ბენეტონია’ და დღეს მოედანზე ჯამში 32 მორაგბე გავიდა. მიუხედავად იმისა, რომ ბურთს უმეტესად მეტოქე აკონტროლებდა, მწირი შესაძლებლობებისას გამოჩნდა პოტენციალი, რომელთა დახვეწისა და შეთამაშების შემდეგ, ‘შავი ლომი’ შეტევაში უფრო შემოქმედებითი იქნება და ოფიციალურ შეხვედრებში (ჩელენჯ თასზე), მეტოქეებს არაერთ პრობლემას შეუქმნის.</p> <p> </p> <p>იყო ეფექტური მომენტებიც და იტალიელებს ოთხი ლელო გავუტანეთ, რომელთაგან ორი მცირედი წინთამაშის გამო გაუქმდა. პრობლემები გვქონდა დისციპლინის მხრივ, რასაც ჯარიმებთან ერთად ყვითელი ბარათებიც მოყვა და იყო უნებლიე შეცდომებიც, რის გამოც მეტოქისგან სამი ლელო მივიღეთ, სულ კი იტალიელებმა ექვსი ლელო მიითვალეს.</p> <p> </p> <p>შეხვედრა სტუმრების შეტევებით დაიწყო და ხაზის გაჭრის შემდეგ ლელო გარდაუვალი ჩანდა, მაგრამ ბოლო მომენტში თავის დაცვა მოვახერხეთ. მე-8 წუთზე მეტოქემ მორკინალებით შემოგვიტია და მერე ბურთი ხაზზე გაიტანა, რასაც ბურთში ხელის ჩარტყმისთვის რომა მახათაძის სინბინი მოყვა. კაცნაკლულმა მასპინძლებმა თითქმის მთელი 10 წუთის განმავლობაში თავი დაიცვეს, მაგრამ მე-18 წუთზე მოლს ლელო მაინც მოყვა და ანგარიში გაიხსნა.</p> <p> </p> <p>გაშვებული ლელოს შემდეგ ‘შავი ლომი’ გააქტიურდა, ფაზები აკინძა და მეტოქის ლელოს 5 მეტრამდე მიუახლოვდა. იქ ‘ბენეტონმა’ გადაცემა ჩაჭრა და კონტრშეტევაზე ლელო გარდაუვალი ჩანდა, თუმცა აკა ტაბუცაძე ეპიზოდს არ გამოეთიშა, სისწრაფის ხარჯზე მანძილში მნიშვნელოვანი ჩამორჩენა დაფარა და ჩვენს 5-მეტრიანთან შესრულებული ბოჭვით გუნდი 100%-იანი ლელოსგან იხსნა.</p> <p> </p> <p>37-ე წუთზე ტაბუცაძემ ერთხელაც გაიბრწყინა, ამჯერად შეტევაში. მოლის შემდეგ მარცხენა ფრთიდან ბურთი მარჯვენა ფრთაზე ბოლომდე ჩათამაშდა, ლუკა ცირეკიძემ ბოლო მცველი აიყვანა და ოვალი ტაბუცაძეს გაატანა, რომელმაც ის ლამაზ ნახტომში ალამთან ცალი ხელით დაამიწა. ცირეკიძემ ურთულესი პოზიციიდან გარდასახა და დაგვაწინაურა, მაგრამ თამაში რომ განახლდა პირველი ბურთი ვერ ავიღეთ და ფაქტობრივად არაფრისგან ლელო მივიღეთ - 7:10.</p> <p> </p> <p>მეორე ტაიმი ცუდად დავიწყეთ. დებიუტშივე ტაბუცაძე სინბინით დაისაჯა და ერთ წუთში მესამე ლელო მივიღეთ. 48-ე წუთზე ცირეკიძეს 22-იდან ფეხით მოგერიებისას დაუფარეს და მეოთხე ლელოს ზუსტი გარდასახვა მოყვა. 58-ე წუთზე იტალიელმა ფორვარდებმა ფაზები აკინძეს და მორიგი ლელო მიითვალეს, ათ წუთში კი ბურთი 22-ის მისადგომებთან დავკარგეთ, ‘ბენეტონი’ შეტევაში სწრაფად გადაერთო და უპირატესობა 29 ქულამდე გაზარდა.</p> <p> </p> <p>თამაში რომ განახლდა შოთა ხელაძემ რაქიდან გამოვარდნილი ბურთი აიტაცა და ლელომდე სულ ცოტა დააკლდა, რამდენიმე ფაზის შემდეგ კი მიზანს გიორგი სინაურიძემ უწია, მაგრამ საქმეში ვიდეო რეფერი ჩაერთო და რაქში წინთამაშის გამო ეს ლელო გაგვიუქმდა. ხელაძეს კარგი გარჯა 74-ე წუთზე დაუფასდა. ფორვარდებმა ფაზები აკინძეს და ყველა ჯერზე შეძლეს უპირატესობის ხაზის გადაკვეთა, ხელაძემ კი ლელო გაიტანა და მონაგარს გარდასახვიდან ორი ქულა მათე მახარაძემ შემატა. ბოლო წუთზე ოფლოუდის შემდეგ ხაზი თემურ ძოძუაშვილმა გაჭრა და ლელო გარდაუვალი ჩანდა, თუმცა გამეორებაზე გამოჩნდა, რომ დამიწებამდე მან ვარდნისას ბურთზე კონტროლი დაკარგა და თამაში 14:36 დასრულდა.</p> <p> </p> <p>ახლა ‘შავი ლომი’ ინგლისში გაემგზავრება, სადაც 18 სექტემბერს პრემიერშიფის ჩემპიონ ‘ნორთჰემპტონთან’ ამხანაგურ შეხვედრას გამართავს.</p> <p> </p> <p><strong>ამხანაგური მატჩი</strong></p> <p><strong>თბილისი. „ავჭალა“. 20:00 საათი</strong></p> <p><strong>შავი ლომი (საქართველო) - ბენეტონ ტრევიზო (იტალია) 14:36 (7:10)</strong></p> <p><strong>შავი ლომი</strong></p> <p><strong>ხაზი</strong>: 15. ლუკა ცირეკიძე, 14. აკაკი ტაბუცაძე, 13. ლუკა ტაბატაძე, 12. გიორგი კვესელაძე (კაპ.), 11. რომა მახათაძე, 10. დავით იმნაძე, 9. გიორგი სპანდერაშვილი;</p> <p><strong>შერკინება: </strong>1. გიორგი მამაიაშვილი, 2. ვახტანგ ჯინჭარაძე, 3. გიორგი ქიმუცაძე, 4. ვლადიმერ ჩაჩანიძე, 5. დემურ ეფრემიძე, 6. მაიკლ ქარი, 7. ლაშა ციხისთავი, 8. ოთარ გიორგაძე.</p> <p><strong>მარქაფა: </strong>დავით აბდუშელიშვილი, ბაჩუკი ბარათაშვილი, შოთა ხელაძე, ირაკლი ქვათაძე, ნიკოლოზ ნარმანია, ნიკოლოზ ხატიაშვილი, მიხეილ ბაბუნაშვილი, დავით არველაძე, ლეავასა პოტუ, გიორგი ცუცქირიძე, გიორგი სინაურიძე; თემურ ძოძუაშვილი, მათე მახარაძე, დემეტრე დევდარიანი, დათა ახვლედიანი, ვაჟა მიქაძე, ოთარ მეტრეველი.</p> <p><strong>2 ლელო:</strong> ტაბუცაძე, ხელაძე</p> <p><strong>2 გარდასახვა</strong>: ცირეკიძე, მახარაძე</p> <p> </p> <p><strong> Rugby.ge</strong></p>
-
თოკო
არც იუარსი, ეროვნული ლიგაც დასუსტდა არ ვიცი, წელიწადში 4 ოფიციალური თამაშისთვის შეიქმნა ეს გუნდი? ბრონკანი ძალიან მომწონს, მაგრამ ვინმე თუ მოყავდა უკანა ხაზში მოეყვანა. დღეს არაფრით გამორჩეული არ იყო არც ერთი და არც მეორე ლეგიონერი. ახალგაზრდების ინტეგრირება კარგია, მაგრამ საბოლოო ჯამში ნამდვილად სწორად მიდის საქმე? სწორად იხარჯება ფულადი რესურსი? ერთადერთი კარგი რაც ამ ფრენჩაიზის პროექტმა მოიტანა ის არის, რომ რამდენიმე კარგი მორაგბე ევროპაში წავიდა.
-
.
მოთელვა კი არა,მეორე ტაიმში გათელვა იყო ეს თამაში.შავ ლომს ძალიან ცოტა სატურნირო თამაშები უწევს და აშკარაა,რომ ეს საკმარისი არ არის.ჰაერი,რაქი,მოლი,დერეფანი,ბურთის ამოგდება,მარაოში ბოლო პასი....დიდ რაგბში ისე მოდიან,რომ ბავშვთა რაგბიდან გამოსულებს,დიდი პრობლემები აქვთ ამ კომპონენტებში და ვეღარც დიდობაში ახერხებენ,ნაკლის გამოსწორებას და ისე გამოდის,რომ რაგბის მასიურობის ზრდამ,ხარისხის ზრდა კი არა,კლება გამოიწვია.ალბათ საკმარისი რაოდენობის ხარისხიანი ცოდნის მქონე ბავშვთა მწვრთნელები ვერ მოვამზადეთ თავის დროზე,რაგბის წესების ცვლილებების დინამიკასაც ვერ ავუღეთ სწორი ალღო და ახლა შედეგებს ვიმკით.რასაც ამ საიტზე და სტადიონის ტრიბუნებზე ვხედავ,რაგბის მიმართ ინტერესმაც მოიკლო.გასაგებია,ჩვენი რაგბის წინააღმდეგ 6 ერის და მსოფლიო რაგბის ფედერაციის,აგრეთვე ქვეყნის შიგნით პოლიტიკური ძალების მიერ აგორებული ქმედებები ხელს არ უწყობდა მის განვითარებას,მაგრამ კავშირის ფედერაციის ხელმძღვანელობა პირველ რიგში მისი საქმიანობის პოლიტიკის წარმოებას ნიშნავს და თუ შედეგები უარყოფითია,გამოდის რომ კარგად ვერ გიმუშავია.კარგია ამდენი სავარჯიშო და სათამაშო ბაზის მშენებლობა,გასაგებია,რომ ეს მომავალში ინვესტიციაა და მომავალში უნდა მოგვიტანოს შედეგები,მაგრამ საქართველოში რამდენიმე წლის წინ,უკვე ჩავატარეთ ჩემპიონატი და მაშინ აშნებულმა ბაზებმა,ვერ ვიტყვით,ხარისხობრივი ნახტომი მოგვიტანა,რაგბის განვითარებაში.მხოლოდ რაოდენობრივი ზრდა,მხოლოდ ჯანმრთელი ახალგაზრდების გაზრდისთვისაა კარგი.კი,ესეც დიდი საქმეა,მაგრამ გაცილებით ნაკლები დანახარჯებით,ქვეყანაში მძლეოსნობის განვითარებას,გაცილებით უკეთესი შედეგები შეეძლო მოეტანა და დინამოს სტადიონზე,მძლეოსნური სექტორის აღებასა და იქ ტრიბუნების აშენებაზე კი არ უნდა იყოს ლაპარაკი,არამედ საჯარო სკოლებში, ძველებურად მძლეოსნობის დაბრუნებას,რომელიც სპორტის ყველა სახეობაში ვარჯიშის დასაწყებად,საჭირო ფიზიკური უნარების ბაზის ყველა ბავშვისათვის მიცემას ნიშნავს.სწორედ მისი უქონლობაა ამდენი პრობლემა რომ ექმნებათ,ჩვენ ახალგაზრდებს,სპორტში სერიოზულად ვარჯიშის დაწყების შემდეგ.რაგბის,დღეს ბავშვთა კვალიფიციური მწვრთნელების სასწრაფოდ მომზადება სჭირდება,სარაგბო ილეთების სწორად სწავლებას რომ შესძლებენ,ბავშვებისათვის.რა თქმა უნდა ყველა ასაკისათვის საფეხურებრივად მომზადებული კადრების მომზადებაა საჭირო,რაც რამდენიმე წელში,მკვეთრი ხარისხობრივი ნახტომის გაკეთების საშუალებას მოგვცემს.როცა კვალიფიციური მწვრთნელები გაგვიჩნდება,მაშინ რაგბის მასობრიობის ზრდასაც ლოგიკურად მოჰყვება,ხარისხობრივი ზრდა და უმაღლესი დონის მორაგბეების გეგმაზონიერი მომზადება.დღეს მხოლოდ კაშკაშა ტალანტების გამოჩენასა და უცხოეთში მათ განვითარების იმედზე ვართ,მაგრამ იქამდე მაინც უდანაკარგოდ მივიყვანოთ და არა,უკვე უამრავი ტრავმით დაზიანებული ახალგაზრდები.
"შავი ლომი" | ჩელენჯ თასის პირველ ტურში "ოსფრიზმა" გვაჯობა
"შავი ლომი" | ბრონკანის სადებიუტო რაზმი ჩელენჯ თასზე
"შავი ლომი" | ლუკა ცირეკიძე მოსამზადებელ ეტაპსა და მომავალ შეხვედრაზე
VIDEO | ეროვნული ლიგა | გაგრა 1-3 დინამო (ბთ). კიდევ ერთი ნაბიჯი ჩემპიონობისკენ
"სტრასბურგთან" მატჩში პსჟ-ს შემადგენლობა ცნობილია
"ბრენტფორდთან" მატჩში ირაოლამ სასტარტოში მაინც ალისონი დააყენა
ფრანგულმა კლუბმა სექსისტური სკანდალის ფონზე სპორტული დირექტორი გაათავისუფლა
"ახლა ჩემი პრიორიტეტი მეუღლე და შვილებია" - კარვახალმა "ხეტაფეში" გადასვლის მიზეზი განმარტა
[PHOTO] მამარდაშვილი დღეს ძირითადიდან დაიწყებს? - ქართველის გამოქვეყნებულმა ფოტომ "ლივერპულის" ფანებში დისკუსია გამოიწვია
ლოჩოშვილის "კიოლნი" "აინტრახტთან" დამარცხდა
იეგოიანის "ექსელსიორმა" ისევ წააგო
ქვილითაია შეცვლაზე შევიდა - "ჰოლშტაინი" "ჰერტას" ფრედ ეთამაშა
"შავი ლომი" | ბრონკანის სადებიუტო რაზმი ჩელენჯ თასზე
"შავი ლომი" | ლუკა ცირეკიძე მოსამზადებელ ეტაპსა და მომავალ შეხვედრაზე
პსჟ მზადაა "ბარსელონას" მცველში 70 მილიონზე მეტი გადაიხადოს
22 წლის მცველი "ბარსელონას" დატოვებას აპირებს
ხვიჩა-ფერანი ერთდოულად - "მამარდას" მოლოდინი და სხვა მატჩები
სალაჰმა ისტორიული მიღწევა დააფიქსირა
"თუ რამე პრობლემა აქვს, ადრესატი მოძებნოს" - სპალეტიმ საკუთარი გუნდის ფეხბურთელზე ისაუბრა
"რა სირცხვილია, დიეტოლოგი დაიქირავე!" - თურქეთის ნაკრების ყოფილმა ფეხბურთელმა ლუკაკუ გააკრიტიკა
"კალათბურთი მაღალ დონეზე ესმის" - ოსტინ რივზმა სანდრო მამუკელაშვილზე ისაუბრა
18-წლამდელთა ჩემპიონატი დაიწყო | მებრძოლ ჭკადუას 11 სამქულიანი
"შტურმი" ქართველების გარეშე "ბორნმუთთან" დამარცხდა - ჭანტურიშვილმა "ფრაიბურგთან" შეუცვლელად ითამაშა
ესპანეთის გრანპრი ბარსელონასია
მიხაელ შუმახერის ბოლიდი იყიდება
მოგებული პირველი ტაიმის შემდეგ "შავი ლომი" "ბენეტონთან" დამარცხდა
"შავი ლომი" | ჩელენჯ თასის პირველ ტურში "ოსფრიზმა" გვაჯობა
"შავი ლომი" | 42 მორაგბით ჩელენჯ თასზე
"შავი ლომი" | ბრონკანის სადებიუტო რაზმი "ბენეტონთან"
"შავი ლომი" | ლუკა ცირეკიძე მოსამზადებელ ეტაპსა და მომავალ შეხვედრაზე
"შავი ლომი" | ბრონკანის სადებიუტო რაზმი ჩელენჯ თასზე
"შავი ლომი" | თბილისის თასი "ჩიტასთან" გამარჯვებით დავხურეთ
"შავი ლომი" | სექტემბერში "ბენეტონი" გვეწვევა
"შავი ლომი" | ახალი სახეებით "ჩიტასთან"