<p>ყაბარდოელი მძიმეწონოსანი ტრავმის გამო ერთწლიან იძულებით შვებულებაშია <br> <span style="color: #888888;"><span style="font-size: x-small;"><em><strong> ფოტოზე: ბილიალ მახოვი და დავით მოძმანაშვილი (მარჯვნივ)</strong></em></span></span></p><p>ირკვევა, რომ თავისუფალ ჭიდაობაში მსოფლიოს პირველობას გამოტოვებს რუსთა მძიმეწონოსანი "ვარსკვლავი", ჩვენი პლანეტის სამგზის ჩემპიონი და ლონდონის ოლიმპიადის ბრინჯაოსმედალოსანი <strong>ბილიალ მახოვი</strong>, ვისაც ლონდონის ოლიმპიადაზე <strong>დავით მოძმანაშვილმა</strong> მოუგო ნახევარფინალში.</p><p>დაღესტანში მოვარჯიშე ყაბარდოელი ამ დღეებში მახაჭყალაში ადგილობრივ ნაკრებს ესტუმრა შეკრებაზე და იქაურ მედიასაც მაშინ გაესაუბრა.</p><p><em>"ექიმებმა მხრის მყესების გაწყვეტა დამიდგინეს - ტრავმა თებერვალში მსოფლიოს თასისთვის მზადებისას მივიღე. მოჭიდავისთვის ეს ძალზე არასასიამოვნო პრობლემაა. მაგალითად, მსგავსი ტრავმის გამო მახაჩ მურთაზალიევი იძულებული გახდა, ჭიდაობისთვის თავი დაენებებინა.</p><p>ის მიზიარებდა თავის დიდ გამოცდილებას და მირჩევდა, არ გამეჭიანურებინა მკურნალობა. ტრავმის გამწვავებას მეც მირჩევნია, ერთი წელიწადი დავკარგო, ვიდრე - მთელი კარიერა. ამიტომ წავედი მიუნხენში, სადაც გავიკეთე ოპერაცია.</p><p>სამკურნალო თანხა დაღესტნის ნაკრების მხარდაჭერის ფონდმა გადამიხადა, რისთვისაც დიდ მადლობას ვუხდი საგიდ მურთაზალიევს და ომარ მურთუზალიევს. ოპერაციამ წარმატებით ჩაიარა და ექიმები კარგ პროგნოზს აკეთებ</em><em>ენ. ამასთან, მაფრთხილებენ, რომ ქირურგიულ ჩარევას მხოლოდ 30%-ით შეუძლია საქმის გამოსწორება, დანარჩენი 70% კი დამოკიდებულია იმაზე, თუ როგორ წარიმართება სარეაბილიტაციო პროცესი.</p><p>ორი თვე თაბაშირით დავდიოდი, ახლა კი მოვიხსენი და ფიზიოთერაპევტის მეთვალყურეობით პირველი სარეაბილიტაციო კურსიც გავიარე, რომლის დროსაც ხელის ფუნქციის აღდგენაზე ვმუშაობდით.</p><p>დარჩა კიდევ ორი კურსი. გერმანელი ექიმების თქმით კი, სრულ ვარჯიშს დეკემბერში დავიწყებ. მომენატრა ჭიდაობა და მინდა, მალე გავიდე ხალიჩაზე.</p><p>იმედია, აღდგენის პროცესი დაგეგმილზე დიდხანს არ გაგრძელდება და უკვე შემოდგომაზე შევძლებ სრულად ვარჯიშს".</em></p><p>ბუნებრივია, როგორც პიროვნებას და როგორც დიდ სპორტსმენს, მას მალე გამოჯანმრთელებას ვუსურვებთ, თუმცა ცხადია, რომ შემოდგომაზე ბუდაპეშტში გასამართ მსოფლიოს ჩემპიონატში ის არ იქნება. ეს კარგი ამბავია ჩვენი მძიმეწონოსნებისთვის. რუსებმა ვინც უნდა დააყენონ, ისედაც მწვავე საკადრო კრიზისი აქვთ, მახოვი კი მათი ლიდერი იყო.</p><p>დასასრულ, ერთი ცნობაც რუსეთის ქალთა ნაკრებიდან - ახლახან იქ დასრულდა ქვეყნის პირველობა მანდილოსანთა შორის, რომელიც წარუმატებელი აღმოჩნდა ორი ლიდერისთვის - <strong>ვალერია ჩეპსარაკოვასა</strong> (48) და ოლიმპიურ ჩემპიონ <strong>ნატალია ვორობიოვასთვის</strong> (72).</p><p>ქალთა ჭიდაობაში იმ დონეზე კარგა ხანს ვერ გავალთ, ესენი ჩვენებურთა ძირითად კონკურენტებად რომ განვიხილოთ, თუმცა თბილისი მათ კარიერაში ფეხბედნიერი ქალაქია - მარტში ორივე ჩვენს დედაქალაქში გახდა ევროპის ჩემპიონი, 2009-ში კი ეს ტიტული ახალგაზრდებში მოიპოვეს.</p><p>რუსეთის პირველობაზე ჩეპსარაკოვა ფინალში <strong>ელენა ვოსტრიკოვასთან</strong> დამარცხდა, რუს ქალთაგან პირველმა ოლიმპიურმა ჩემპიონმა ვორობიოვამ კი ნახევარფინალში <strong>ეკატერინა ბუკინასთან</strong> წააგო.</p><p>ბუკინას ფინალში <strong>ტატიანა მოროზოვა</strong> ტრავმის გამო საჭიდაოდ არ გამოუცხადდა და უბრძოლველად გახდა ჩემპიონი.</p><p><em></p><p>"ზოგჯერ ოლიმპიური ჩემპიონებიც აგებენ. თუნდაც ბერძნულ-რომაულში ახლახან გამართული ქვეყნის პირველობა გაიხსენეთ, სადაც ალექსეი მიშინმა ლონდონის ოლიმპიადის გამარჯვებულ ალან ხუგაევს მოუგო. ამდენად, ჩეპსარაკოვასა და ვიორობიოვას წაგებებში გასაკვირი არაფერია.</p><p>ბუკინას საკუთარი შესაძლებლობების დამტკიცება უნივერსიადაზე მოუწევს, მსოფლიოს პირველობის წინ კი ვნახავთ, ვინ იქნება უკეთეს ფორმაში"</em>, - განაცხადა რუსეთის ქალთა ნაკრების მთავარმა მწვრთნელმა, სახელოვანმა <strong>იური შახმურადოვმა</strong>.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
ავი მუსაიფი
მახოვს ან ნურასილოვით,ან ხუგაევით შეცვლიან...
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
"ნაპოლიმ" სიმეონე "ტორინოში" გაანათხოვრა
ფიფას ტალანტების განვითარების სქემის კოორდინატორის ვიზიტი საქართველოში
"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს
"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა
"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით
პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს
ოდიშარია განაცხადში არ იყო - რფს სახლში "კუპსთან" დამარცხდა
ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა
ქართველი მსაჯები კონფერენს ლიგის მატჩს მოემსახურებიან
არაბიძემ კორეულ კლუბს ფიფაში უჩივლა და 2.88 მილიონს მიიღებს
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს
შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს
ლუკა იოვიჩი კარიერას საბერძნეთის ჩემპიონატში განაგრძობს
Geo Team: გიორგი გოჩოლეიშვილი კარიერას გერმანიის ბუნდესლიგაში განაგრძობს
[VIDEO] "ძალიან დამწუხრებული ვარ... ახლა მას ჩემთან საუბარი, რომ შეძლებოდა, ამას მეტყოდა..." - მოურინიო პრესკონფერენციაზე ატირდა
ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია
U19 | მონტენეგრო 2:1 საქართველო
დოპინგ-სკანდალი: ტაიმაზოვის ოლიმპიურ ოქროს დავით მოძმანაშვილს მისცემენ?
დავით მოძმანაშვილს დოპინგის მოხმარების გამო ოლიმპიურ ვერცხლის მედალს ჩამოართმევენ
დოპინგი: ტაიმაზოვის დასჯამ მასთან დამარცხებული დავით მოძმანაშვილი ვერ ახეირა
მოჭიდავე, რომელსაც თვალებში ცეცხლი უნთია! - მახოვი გენო პეტრიაშვილს ეძებს
დოპინგ-სკანდალი - დავით მოძმანაშვილი ოლიმპიურ ჩემპიონად გამოცხადდება?
"თავისუფალთა" ნაკრები მინსკში უძლიერესი შემადგენლობით გაემგზავრა
დოპინგ-სიურპრიზი: გიორგი გოგშელიძე ოლიმპიადის ვერცხლს მიიღებს?
დავით მოძმანაშვილმა უზბეკეთის სახელით აზიური თამაშები მოიგო