<p>ავტოსპორტი. დაკარი 2014 <br> ორი დღეა, რაც სამხრეთ ამერიკაში მეექვსედ აიღო სტარტი ლეგენდარულმა ავტომარათონმა - დაკარმა.</p><p>მეორე ეტაპმა, რომლის სიგრძე 366 კილომეტრს შეადგენდა, ავტომობილების კლასში ორი ფავორიტის დომინირება მოიტანა. გენერალურ კლასიფიკაციას სათავეში ჩაუდგა "დაკარის მეფედ" აღიარებული სტეფან პეტერანსელი, რომელიც კარიერაში მე-12 ტიტულზე აცხადებს პრეტენზიას.</p><p>ლეგენდარულ ფრანგს სერიოზული წინააღმდეგობა გაუწია ცნობილმა რალისტმა, ესპანელმა კარლოს საინსმა. მათ შორის სხვაობა წუთზე ნაკლები იყო და ასევეა საერთო ჩათვლაში: ორი ეტაპის შემდეგ პეტერანსელი მხოლოდ 28 წამს უგებს საინსს. მესამეზეა კლასიკური რალის კიდევ ერთი წარმომადგენელი, ყატარელი ნასერ ალ-ატიია, თუმცა ის უკვე ოთხ წუთზე მეტით ჩამორჩა ორ ფავორიტს.</p><p>* * *</p><p>მოტოციკლების კლასში შესანიშნავად გამოიყურებიან ის მოტომრბოლელები, რომლებმაც "ჰონდას" ტექნიკა აირჩიეს. შეგახსენებთ, რომ იაპონური მწარმოებელი რამდენიმეწლიანი პაუზის შემდეგ დაუბრუნდა დაკარს.</p><p>მეორე ეტაპი "ჰონდას" მოტოციკლით მოიგო ბრიტანელმა სემ სანდერლენდმა, რითაც მესამე ადგილზე გადაინაცვლა საერთო ჩათვლაში. ლიდერი კი ასევე "ჰონდას" წევრი, ესპანელი ხოან ბარედაა. მას ორი წუთით ჩამორჩება ჩილელი ფრანსისკო ლოპესი KTM-ის მოტოციკლით.</p><p>მოტოჩათვლის მთავარ ფავორიტებს არც ისე წარმატებული დღე ჰქონდათ: მარკ კომამ და სირილ დეპრემ სანდერლენდთან, შესაბამისად, რვა და ცხრა წუთი წააგეს.</p><p><strong><span style="color: #ff0000;">დაკარი 2014 ციფრებში</p><p></span></strong>- მონაწილეებმა უნდა დაფარონ ორი მარათონული ეტაპი, რომელთა საერთო სიგრძეა 2702 კილომეტრი;</p><p>- რალი-რეიდის მონაწილეები გაითამაშებენ ოთხ საჩემპიონო ტიტულს: მოტოციკლების, კვადროციკლების, ავტომობილებისა და სატვირთო ავტომობილების კლასში.</p><p>- მარათონის სტარტზე გავიდა 9 ქალი;</p><p>- მოგებების რაოდენობით რეკორდსმენია სტეფან პეტერანსელი. ფრანგმა 11-ჯერ გაიმარჯვა მარათონში, აქედან ექვსჯერ მოტოციკლით და ხუთჯერ ავტომობილით;</p><p>- დაკარი 2014-ის ყველაზე ახალგაზრდა მონაწილე 18 წლისაა. ეს არის არგენტინელი ფერიოლი, რომელიც კვადროციკლების კლასში გამოდის;</p><p>- თავის ისტორიაში მარათონს 28 ქვეყნის ტერიტორიაზე გაუვლია. წელს ამ სიაში მოხვდა ბოლივია, რომლის ტერიტორიაზე ორი ეტაპი გაიმართება;</p><p>- წელს სტარტზე გავიდა კვადროციკლების რეკორდული რაოდენობა - 41;</p><p>- მარათონის მონაწილეები 50 ქვეყანას წარმოადგენენ. ყველაზე მეტი - 124 სპორტსმენი ჰყავს საფრანგეთს;</p><p>- წლევანდელი რალი-რეიდის ყველაზე ასაკოვანი მონაწილეა 72 წლის იაპონელი იოშიმასა სუგარავა, რომელიც სატვირთო ავტომობილების კლასში გამოდის;</p><p>- 89 ეკიპაჟს (საერთო რაოდენობის 20 პროცენტი) დებიუტი აქვს დაკარზე;</p><p>- დაკარის მსვლელობას 190 ქვეყანაში აშუქებს 70 ტელეკომპანია;</p><p>- მონაწილეთა გარდა, მარათონში ჩაბმულია 210 თანმხლები მანქანა (მათ შორის, 55 სატვირთო და 11 ვერტმფრენი);</p><p>- რალი-რეიდის მსვლელობას აშუქებს 280 ჟურნალისტი;</p><p>- სულ სტარტზე ვიხილეთ 720 სპორტსმენი - ესენი არიან მძღოლები, შტურმანები და მექანიკოსები;</p><p>- დისტანციის საერთო სიგრძეა: 8739 კილომეტრი ავტომობილებისთვის, 9209 კილომეტრი სატვირთო მანქანებისთვის და 9395 კილომეტრი მოტოციკლებისთვისა და კვადროციკლებისთვის.</p><p>- მაყურებლებისა და მონაწილეების უსაფრთხოებისთვის მობილიზებულია 20 ათასი ადამიანი.</p><p>- ყველა ეტაპზე მაყურებელთა საერთო რიცხვი დაახლოებით 4.6 მილიონი ადამიანი იქნება, ტელევიზიით კი რბოლას თვალს მიადევნებს მილიარდზე მეტი ადამიანი.</p><p><strong>ყოველდღიური სპორტული გაზეთი "ლელო"</strong></p>
ავტოსპორტი: ფერნანდო ალონსოს 305 ათასი გამოვარდნისთვის
ფერნანდო ალონსომ ინდი 500 ვერ დაასრულა
მოტოგრანპრი: როსიმ დებიუტანტთან წააგო
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება
რალი: დრამატული ფინიში ჩილეში
დაკარი 2014: დაკარის მეფეს ორი წუთი დარჩა
დაკარი 2017: ახალი გადატრიალებები
ფორმულა 1: კარლოს საინსი - ყველაზე დაჩაგრული
დაკარი 2014: ახლა კარლოს საინსის ჯერია
"ᓞᓔ
დაკარი 2016: ლოებს საინსი მიჰყვა
დაკარი 2017: მეცამეტად პეტერანსელი!
დაკარი 2016: 50 წლის ტრიუმფატორი
დაკარი 2014: რბოლა მოსაწყენი გახდა