ავსტრალიის ღია პირველობა: ნადალის დასვენება და როჯერის ახალი რეკორდი

ტომიჩმა ცენტრალური მატჩი ჩაშალა როდესაც ავსტრალიის ღია პირველობის ბადე გამოქვეყნდა, ყველამ ერთად აღიარა, რომ მამაკაცებში პირველი წრის ცენტრალური შეხვედრა ესპანელი რაფაელ ნადალისა და ავსტრალიელი ბერნარდ ტომიჩის დაპირისპირება იქნებოდა.ტომიჩი დიდი ხანია მიიჩნევა ტურის ერთ-ერთ ყველაზე პერსპექტიულ და ნიჭიერ ახალგაზრდად, მაგრამ ის ვერ ამართლებს გაცემულ ავანსებს. ავსტრალიელმა წლევანდელი სეზონი თითქოს კარგად დაიწყო, გასულ კვირას სიდნეის ტურნირის ფინალში გავიდა, სადაც ხუან მარტინ დელ პოტროსთან წააგო. თანაც, ავსტრალიის ღიაზე ტომიჩი ყოველთვის მონდომებული და მოტივირებულია. ამიტომაც ჰქონდა ადგილობრივ პუბლიკას იმედი, რომ ბერნარდი წინააღმდეგობას გაუწევდა ესპანელს. საერთო ჯამში, პირველი სეტი თითქმის თანაბარ ბრძოლაში წარიმართა და ჩოგბურთელებმა პრაქტიკულად ერთნაირი სტატისტიკა დააფიქსირეს, ოღონდ, ნადალმა 4:4-ზე შეძლო ბრეიკის გაკეთება და სეტი 6:4 მოიგო.პარტიის მსვლელობისას, ავსტრალიელმა ექიმის დახმარებას მიმართა შემდეგ თამაში გააგრძელა, მაგრამ სეტის დასრულების შემდეგ, ტრავმირებულმა ფეხმა მატჩის გაგრძელების საშუალება არ მისცა და ნადალი თითქმის უბრძოლველად გავიდა მეორე წრეში. იქ რაფა მეტოქე 17 წლის ავსტრალიელი ტანასი კოკინაკისი იქნება, რომელიც ფართო საზოგადოებამ შარშან, დევისის თასზე გაიცნო.* * *სამი სეტის თამაში მოუწია ენდი მარეის, თუმცა მასზეც შეიძლება იმის თქმა, რომ უბრძოველად გააღწია შემდეგ ეტაპზე. ბრიტანელი 85 წუთის განმავლობაში დომინირებდა იაპონელ გო სოედასთან მატჩში და მხოლოდ ხუთი გეიმი დაუთმო მეტოქეს - 6:1, 6:1, 6:3."დიდი სლემის" ზედიზედ 57-ე ტურნირზე აიღო სტარტი შვეიცარიელმა როჯერ ფედერერმა. ახლა, ჩოგბურთის ცოცხალი ლეგენდა ისეთ მდგომარეობაშია, რომ მისგან ნებისმიერი დიდი გამარჯება ან სენსაციური მარცხია მოსალოდნელი. ამიტომაც, როჯერის ყველა შეხვედრისადმი დიდი მოლოდინია და ასე იყო გუშინ, მსოფლიოს 133-ე ნომერთან, ავსტრალიელ ჯეიმს დაკუორტთან მატჩის წინ.მაგრამ, ამჯერად, ფედერერმა არავის მისცა თავის ოსტატობაში ეჭვის შეტანის საბაბი. საათი და 46 წუთის განმავლობაში, დაკუორტს მხოლოდ ერთი ბრეიკ-პოინტი ჰქონდა, როჯერმა კი პირველი ორ სეტში თითოჯერ აიღო მეტოქის მოწოდება, მესამეში ეს ორჯერ გააკეთა და 6:4, 6:4, 6:2 მოიგო, რითაც მეორე წრეში ბლაჟ კავჩიჩზე გავიდა. სხვათა შორის, "დიდ სლემზე" ზედიზედ 57 მონაწილეობა ახალი რეკორდია. როჯერმა ამ მაჩვენებლით სამხრეთაფრიკელ უეინ ფერეირას გაუსწრო.* * *რამდენიმე ხუთსეტიანი მატჩი ვიხილეთ და ყველაზე ხანგრძლივი აღმოჩნდა შეხვედრა ფრანგ ჟილ სიმონსა და გერმანელ დანიელ ბრანდს შორის. ჩოგბურთელებმა 4 საათი და 32 წუთი დაჰყვეს კორტზე და ბოლო სეტი სიმონმა 16:14 მოიგო. ბრანდსს ამ მატჩში 111 (!) "ვინერსი" და 81 (!) უნებლიე შეცდომა ჰქონდა. ის ძალიან ახლოს იყო გამარჯვებასთან, შვიდი მატჩბოლი ჰქონდა, მაგრამ ყველა შანსი გაანიავა და მეორე წრის საგზური მეტოქეს დაუთმო.ასევე ოთხ საათზე მეტი დაჰყვეს კორტზე ავსტრალიელმა ლეიტონ ჰიუიტმა და იტალიელმა ანდრეას სეპიმ. და აქაც, ადგილობრივ პუბლიკას იმედგაცრუება ელოდა. ვეტერანმა 0:2-დან შემოაბრუნა მატჩის ბედი, ანგარიში გაათანაბრა, მაგრამ ბოლოს მაინც დანებება მოუწია. საინტერესოა, რომ ჰიუიტმა "დიდი სლემის" ტურნირებზე 41-ჯერ ითამაშა ხუთსეტიანი მატჩი, რითაც გაუთანაბრდა რეკორდსმენ ანდრე აგასის.* * *წინა დღისგან განსხვავებით, ამჯერად, ქალთა ბადეში სენსაციები არ მომხდარა. ფავორიტებმა გაიკვლიეს გზა შემდეგი ეტაპისკენ. ორ-ორი სეტში მოიგეს თავიანთი შეხვედრები ვიქტორია აზარენკამ და მარია შარაპოვამ, თუმცა მთელ რიგ მომენტებში ბოლომდე დამაჯერებლად თავს ვერ გრძნობდნენ. პოლონელმა აგნიეშკა რადვანსკამ კი საერთოდ, ერთი სეტიც წააგო.I წრეკაცებირაფაელ ნადალი (ესპ, 1)-ბერნარდ ტომიჩი (ავსტრა) 6:4 უარი; ტანასი კოკინაკისი (ავსტრა)-იგორ სისლინგი (ჰოლ) 7:6(4), 0:6, 7:6(3), 6:2; ჯეკ სოკი (აშშ)-ტობიას კამკე (გერ) 7:6(5), 5:7, 6:2, 6:4; გაელ მონფილსი (საფ, 25)-რაიან ჰარისონი (აშშ) 6:4, 6:4, 6:4; ანდრეას სეპი (იტა, 24)-ლეიტონ ჰიუიტი (ავსტრა) 7:6(4), 6:3, 5:7, 5:7, 7:5; დონალდ იანგი (აშშ)-რობინ ჰაასე (ჰოლ) 6:7(4), 7:6(2), 6:2, 1:0 უარი; დუშან ლაიოვიჩი (სერ)-ლუკას პუი (საფ) 6:4, 7:6(9), 4:6, 6:3; კეი ნიშიკორი (იაპ, 16)-მარინკო მატოშევიჩი (ავსტრა) 6:3, 5:7, 6:2, 4:6, 6:2; მილოშ რაონიჩი (კან, 11)-დანიელ ხიმენო-ტრავერი (ესპ) 7:6(2), 6:1, 4:6, 6:2; ვიქტორ ჰანესკუ (რუმ)-პეტერ გოიოვჩიკი (გერ) 7:6(5), 7:6(5), 6:3; იენ ჰსუნ ლუ (ტაივ)-ჯიმი ვანგი (ტაივ) 6:3, 6:2, 6:1; გრიგორ დიმიტროვი (ბულ, 22)-ბრედლი კლანი (აშშ) 6:7(7), 6:4, 6:4, 6:3; ბენუა პერი (საფ, 27)-ფრენკ დანჩევიჩი (კან) 7:6(12), 6:3, 6:4; ნიკ კირგიოსი (ავსტრა)-ბენჯამინ ბეკერი (გერ) 6:3, 6:7(5), 6:2, 7:6(2); რობერტო ბაუტისტა აგუტი (ესპ)-ტიმ შმიჩეკი (აშშ) 6:2, 6:1, 6:1; ხუან მარტინ დელ პოტრო (არგ, 5)-რინ უილიამსი (აშშ) 6:7(1), 6:3, 6:4, 6:4; ენდი მარეი (ბრიტ, 4)-გო სოედა (იაპ) 6:1, 6:1, 6:3; ვენსან მილო (საფ)-უეინ ოდესნიკი (აშშ) 7:5, 4:6, 6:7(4), 6:1, 6:3; მიხაელ ბერერი (გერ)-მიკაელ ლოდრა (საფ) 6:4, 7:5, 6:1; ფელისიანო ლოპესი (ესპ, 26)-სომდევ დევარმანი (ინდ) 6:4, 6:4, 7:6(2); სტეფან რობერი (საფ)-ალიაჟ ბედენე (სლოვენ) 7:6(3), 6:3, 6:0; მიხალ პრსიეჟნი (პოლ)-ორასიო სებალიოსი (არგ) 6:3, 7:6(4), 7:5; ბლაჟ როლა (სლოვენ)-ფედერიკო დელბონისი (არგ) 6:4, 6:2, 7:5; მარტინ კლიჟანი (სლოვაკ)-ჯონ ისნერი (აშშ, 13) 6:2, 7:6(6); ჟო-ვილფრიდ ცონგა (საფ, 10)-ფილიპო ვოლანდრი (იტა) 7:5, 6:3, 6:3; ტომას ბელუჩი (ბრა)-ჯულიან რაისტერი (გერ) 4:6, 6:3, 7:6(5) უარი; მარინ ჩილიჩი (ხორ)-მარსელ გრანოლერსი (ესპ) 4:6, 4:6, 6:3, 6:3, 6:2; ჟილ სიმონი (საფ, 18)-დანიელ ბრანდსი (გერ) 6:7(4), 6:4, 3:6, 6:3, 16:14; ფერნანდო ვერდასკო (ესპ, 31)-ჟე ჟანგი (ჩინ) 5:7, 6:3, 6:2, 6:3; თეიმურაზ გაბაშვილი (რუს)-სერგეი სტახოვსკი (უკრ) 6:7(3), 6:4, 6:2, 6:0; ბლაჟ კავჩიჩი (სლოვენ)-რადეკ შტეპანეკი (ჩეხ) 6:7(3), 4:6, 6:1, 2:0 უარი; როჯერ ფედერერი (შვეიც, 6)-ჯეიმს დაკუორტი (ავსტრა) 6:4, 6:4, 6:2.ქალებიელენა იანკოვიჩი (სერ, 8)-მიკასი დოი (იაპ) 6:1, 6:2; აიუმი მორიტა (იაპ)-ნადია კიჩენოკი (უკრ) 6:2, 7:6(5); კურუმი ნარა (იაპ)-შუაი პენგი (ჩინ) 7:5, 4:6, 6:3; მაგდალენა რიბარიკოვა (სლოვაკ, 32)-ანდრეა პეტკოვიჩი (გერ) 6:2, 6:3; მარინა ერაკოვიჩი (ზელ)-სორანა კირსტეა (რუმ, 21) 6:4, 7:6(6); ზარინა დიასი (ყაზ)-კატერინა სინიაკოვა (ჩეხ) 6:2, 6:4; ვარვარა ლეპჩენკო (აშშ)-ლესია ცურენკო (უკრ) 2:6, 6:3, 6:4; სიმონა ჰალეპი (რუმ, 11)-კატარჟინა პიტერი (პოლ) 6:0, 6:1; კარლა სუარეს ნავარო (ესპ, 16)-ვანია კინგი (აშშ) 6:3, 6:2; გალინა ვოსკობოევა (ყაზ)-ირინა-კამელია ბეგუ (რუმ) 7:5, 4:6, 7:5; სტეფანი ფოგელი (შვეიც)-კრისტინა მლადენოვიჩი (საფ) 7:5, 7:5; დომინიკა ციბულკოვა (სლოვაკ, 20)-ფრანჩესკა სკიავონე (იტა) 6:3, 6:4; ალიზ კორნე (საფ, 25)-პოლონა ჰერცოგი (სლოვენ) 1:0 უარი; კამილა ჯორჯი (იტა)-სტორმ სანდერსი (ავსტრა) 4:6, 6:1, 6:4; კარინ კნაპი (იტა)-პაულა ორმაეჩეა (არგ) 6:4, 6:2; მარია შარაპოვა (რუს, 3)-ბეტანი მატეკი (აშშ) 6:3, 6:4; აგნიეშკა რადვანსკა (პოლ, 5)-იულია პუტინცევა (ყაზ) 6:0, 5:7, 6:2; ოლგა გოვორცოვა (ბლრ)-ინ-ინ დუანი (ჩინ) 6:0, 7:6(6); მენდი მინელა (ლუქ)-კარინა ვიტჰოფტი (გერ) 6:1, 6:4; ანასტასია პავლიუჩენკოვა (რუს, 29)-ტელიანა პერეირა (ბრა) 7:6(7), 6:4; გარბინ მუგურუსა (ესპ)-კაია კანეპი (ესტ, 24) 6:2, 2:6, 6:2; ანა შმიედლოვა (სლოვაკ)-ტიმეა ბაბოში (უნგ) 4:6, 6:4, 7:5; კრისტინა მაკჰეილი (აშშ)-იუნ-სან ჩანი (ტაივ) 7:5, 6:4; კაროლინ ვოზნიაცკი (დან, 10)-ლურდეს დომინგეს ლინო (ესპ) 6:0, 6:2; სლოუნ სტივენსი (აშშ, 13)-იაროსლავა შვედოვა (ყაზ) 7:6(1), 6:3; აილა ტომლიანოვიჩი (ხორ)-ტადეია მაიერიჩი (სლოვენ) 3:6, 7:6(1), 6:4; ოლივია როგოვსკა (ავსტრა)-მარიანა დუკე-მარინო (კოლ) 6:3, 6:3; ელინა სვიტოლინა (უკრ)-სვეტლანა კუზნეცოვა (რუს, 19) 6:3, 6:3; ბოიანა იოვანოვსკი (სერ, 33)-იანა ჩეპელოვა (სლოვაკ) 6:7(1), 6:1, 6:3; ივონ მოისბურგერი (ავსტრია)-შანელ სხეპერსი (ს. აფრ) 7:6(3), 6:4; ბარბორა ზახვალოვა (ჩეხ)-სუ-ვეი ჰსიე (ტაივ) 6:1, 4:6, 6:1; ვიქტორია აზარენკა (ბლრ, 2)-იოანა ლარსონი (შვედ) 7:6(2), 6:2.ყოველდღიური სპორტული გაზეთი "ლელო"ასევე იხილეთ:<a href="/sport/individualuri-sakheobebi/chogburthi/59359-avstraliis-ghia-pirveloba-pirveli-slemis-pirveli-dghe.html" target="_blank">ავსტრალიის ღია პირველობა: პირველი სლემის პირველი დღე</a>

სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო

რამდენი გამოიმუშავა ბასილაშვილმა მუსეტის დამარცხებით და რა წინსვლა ელის რეიტინგში - ქართველი ჩოგბურთელის წარმატება რიცხვებში

ბასილაშვილი: ჩემს ამ ასაკში ასეთი ქამბექის შესრულება სრული სიგიჟეა

პსჟ-ს თავდამსხმელის გაყიდვა სურს და შეთავაზებებს ელის

20 წ. | ცვლილებები რაზმში

დიეგო ლონგო: "დილა" თავისი შესაძლებლობების მაქსიმუმისგან ჯერ კიდევ შორს არის

საქართველოს ეროვნული ნაკრების გაფართოებული შემადგენლობა ევრობასკეტისთვის ცნობილია

"მილანს" რასმუს ჰოილუნის შეძენა სურს

[PHOTO] მორიგი ბრწყინვალე ჟესტი - "ლივერპული" ჟოტას არ ივიწყებს

იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა

დირკ შუსტერი: უზომოდ ბედნიერი ვარ და თითოეული ფეხბურთელით ვამაყობ

აზაროვმაც ითამაშა და გოჩოლეიშვილმაც - "შახტარის" მომავალი მეტოქე "ბეშიქთაშია"

მძიმე არტილერია ბრუნდება! - "ბორჯღალოსნების" შემადგენლობა მსოფლიო ჩემპიონ სამხრეთ აფრიკის წინააღმდეგ

"დილამ" "რასინგს" ისევ მოუგო და მეორე ეტაპზე "რიგას" შეხვდება

[VIDEO] მიკერძოებული მსაჯობის მიუხედავად "ტორპედომ" "ორდაბასის" ბარიერი გადალახა და მეორე ეტაპზე გავიდა

Nuovo Kvara - "ნაპოლიმ" ქართველის შემცვლელი შეიძინა

პსჟ შეიძლება მალე დონარუმას გარეშე დარჩეს

Giorgi² - ფრანგული "მეცი" ქართული ფრთებით შეუტევს

ქართული კლუბების შესაძლო მეტოქეები კონფერენციის ლიგის შესარჩევის მეორე რაუნდში

გრანიტ ჯაკა შესაძლოა, პრემიერლიგაში დაბრუნდეს

"რა გაუკეთებია, რომ "ბარსელონაში" ითამაშოს?" - "იუნაიტედის" ლეგენდამ რაშფორდი გააკრიტიკა

"რეალს" ალაბასთან კონტრაქტის გაწყვეტა სურს

"თუკი კვარაცხელიას ხელი არ შეუშალეს, ოსიმენს პრობლემებს რატომ უქმნიან?!" - ნიგერიელის მეგობარმა დე ლაურენტისი გააკრიტიკა

ვიქტორია აზარენკა დიდ სკანდალში გაეხვია

US OPEN 2016. II დღე: დღის ციფრი და სკანდალი

როგორ გამოიყურება მარია შარაპოვას მდიდრული სახლი [VIDEO+PHOTO]

როდის დაბრუნდება შარაპოვა? - მარიამ ვარჯიში დაიწყო

ნადალი: როდესაც მესიმ ექსტრა-ტაიმში გაიტანა, ცრემლები წამომივიდა

როჯერი საჩოგბურთო სამყაროს დაემშვიდობა - ატირებული ნადალი და ჯოკოვიჩი... ემოციური საღამო ლონდონში [VIDEO]

ელენა იანკოვიჩს ჩინეთი უყვარს

მოაშორეთ ეს იდიოტები!

ინდიან უელსი: სერენამ წაუგებლად წააგო

ბოგოტა ბერნარდ ტომიჩის ქალაქია

ქალთა შორის ავსტრალიის ღია პირველობის ფინალისტები გამოვლინდნენ

უიმბლდონი. III დღე: ჯოკოვიჩის დარტყმა კირგიოსის სტილში და წაგებული გათამაშება [VIDEO]

ელენა იანკოვიჩის 600 მოგება

სეზონის ლოგიკური დასასრული

ვიქტორია აზარენკა აშშ-ს ღია პირველობას გამოტოვებს

ბერნანდ ტომიჩი მაიამის სასტუმროში დააპატიმრეს

"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა

ბერნანდ ტომიჩის კონფლიქტი ავსტრალიაში

"მგრძნობიარე ადამიანი ვარ, განსაკუთრებით მაშინ, თუ საქმე ეხება პიროვნებას, რომელსაც ძალიან ვაფასებ" - რაფაელ ნადალის ემოციური ინტერვიუ

მაგიური ჯოკოვიჩი - ნოვაკი 2028 წლის ოლიმპიადაზე თამაშს გეგმავს

კარიერადასრულებული ორსული შარაპოვა რუსეთის სახელით ასპარეზობისთვის დაიჩაგრა?! - ლონდონში უცნაური ამბავი მოხდა

ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]

"როჯერ, ახლახან ჩამოვფრინდი ბაზელში, საიდანაც..." - როგორ გაეხუმრა მარი ფედერერს

ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა

ვიქტორია აზარენკა სტენფორდის ტურნირზე ვერ ითამაშებს

ფედერერის შემდეგ ნადალიც - ჩოგბურთიდან რაფაც მიდის

გინდოდათ შარაპოვასთან მესიჯობა? ახლა ეს შესაძლებელია

მარია შარაპოვა: კარიერის დასრულებას მივუახლოვდი, მაგრამ...

ᓩᓝᓒᓑᓣᓠᓗᓘ.

ვიქტორია აზარენკამ საქმე გაირთულა

ავსტრალიის ღია პირველობა: რაონიჩი უკვე დიდი ბიჭია

ფერდინანდმა ყველა დროის საუკეთესო ოთხ სპორტსმენში არცერთი ფეხბურთელი არ შეიყვანა

ჩოგბურთის ერთ-ერთმა სექსსიმბოლომ კარიერა დაასრულა!

უიმბლდონი. III დღე: აზარენკა უკვე დამაჯერებელია