- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
პორტუგალია-საქართველო 9:34 - მითი დაიმსხვრა [VIDEO+PHOTO]
![პორტუგალია-საქართველო 9:34 - მითი დაიმსხვრა [VIDEO+PHOTO]](images/new_photo/01/2014/QARTULI/RUGBY/Nakrebebi/erovnuli/MATCHES/portugal-georgia/portugal-georgia-9-34-merab-kvirikashvili.jpg)
<p>გავრცელებული სენტენცია, რომ საქართველოს ნაკრები ევროპის ერთა თასისთვის გადაზრდილია, ყოველ თამაშში ნათლად მტკიცდება <br> საქართველოს ნაკრებმა ერთა თასის წლევანდელ გათამაშებაში, რომელიც იმავდროულად, 2015 წლის მსოფლიოს თასის შესარჩევი ტურნირის მეორე წრეა, მეორე ტურის შეხვედრაში, სტუმრად, ლისაბონში დამაჯერებლად სძლია პორტუგალიის ნაკრებს - 34:9.</p><p>დავიწყოთ იმით, რომ ეს "ბორჯღალოსნების" რეკორდული სხვაობით გამარჯვებაა ლუზიტანელებთან სტუმრად გამართულ მატჩებში. აქამდე ყველაზე მეტი, ექვსი ქულით პორტუგალიელებს მათსავე მოედანზე 2010 წელს მოვუგეთ - 16:10. შესაბამისად, 25 ქულით მათი ლისაბონში დამარცხება იმის თქმის საშუალებას გვაძლევს, რომ მითი, მათი უხერხული მეტოქეობის შესახებ, დაიმსხვრა და "ლობუშებთან" გამარჯვება საეჭვო აღარასდროს უნდა იყოს.</p><p>ერთი საგულისხმო დეტალიც: "ბორჯღალოსნებმა" ბოლოს პორტუგალიის ეროვნულ გუნდთან 2005 წელს წააგეს. ეს ფაქტი ყველაფერზე თავისთავად მეტყველია.</p><p>ცხადია, ჩვენი გუნდის გამარჯვება საეჭვო არც ამჯერად ყოფილა. გასარკვევი მხოლოდ ის იყო, რამდენად დიდი იქნებოდა ქართველი მორაგბეების უპირატესობა მეტოქეზე.</p><p>თამაშმა ისეთი შთაბეჭდილება დატოვა, თითქოს "ბორჯღალოსნებმა" ნაკლები "სისხლით", ზედმეტი დაძაბვისა და ნერვების მოშლის გარეშე მოახერხეს მეტოქის დამარცხება.</p><p>რა თქმა უნდა, საქართველოს ნაკრებს უკეთესად თამაშიც შეუძლია. ხარვეზი ბევრი იყო, რაც ძირითადად შეტევას აფერხებდა და რამდენჯერმე კარგად წამოწყებული იერიში ჩაგვეშალა. გუნდმა შესანიშნავად ითამაშა დაცვაში. "ლობუშებს" მთელი მატჩის განმავლობაში ერთხელაც არ მისცემიათ შანსი, ჩვენს ჩათვლის მოედანს მიახლოებოდნენ.</p><p>ერთი სიტყვით, გავრცელებული სენტენცია, რომ საქართველოს ნაკრები ევროპის ერთა თასისთვის გადაზრდილია, ყოველ თამაშში ნათლად მტკიცდება. ცხადია, ცოტა უტრირებულია, მაგრამ "ბორჯღალოსნებმა" პორტუგალიას "სიარულით" მოუგეს.</p><p>ჩვენი გუნდი დიდ უპირატესობას ფლობდა შერკინებაში, რამაც, გასაკვირი არ არის, რომ წარმატებაში გადამწყვეტი მნიშვნელობა იქონია. აღსანიშნავია, რომ სამი ლელოდან სამივე უკანახაზელებმა გაიტანეს, რაც კიდევ ერთხელ ადასტურებს ამ რგოლის მოთამაშეების უდავო პროგრესს.</p><p>თამაში ცოტა მძიმედ დაიწყო. სანამ ანგარიშში საგრძნობლად არ დავწინაურდით, ეს კი დაახლოებით 28-ე წუთზე მოხდა, ჩვენს მორაგბეებს ოდნავი ნერვიულობა ეტყობოდათ, რაც თამაშის დალაგებაში საგრძნობლად გვიშლიდა ხელს.</p><p>ანგარიში მასპინძლებმა მესამე წუთზე გახსნეს. დერეფანი ჩვენმა გუნდმა მოედნის ცენტრთან ახლოს მოიგო, მაგრამ უკანახაზელებმა ათი მეტრის წესი დაარღვიეს და ფრანგმა არბიტრმა დაგვაჯარიმა. პორტუგალიელთა შუამარბმა <strong>პედრუ ბეტანკურმა</strong> საჯარიმო ზუსტად დაარტყა - 3:0.</p><p>ანგარიშის გასათანაბრებლად "ბორჯღალოსნებს" ექვსი წუთი დასჭირდათ. საჯარიმო ფულბეკმა <strong>მერაბ კვირიკაშვილმა</strong> დაარტყა - 3:3.</p><p>ნელ-ნელა გამოიკვეთა ჩვენი გუნდის უპირატესობა შერკინებაში. პორტუგალიელები ჩვენს მორკინალებს ვერაფერს უპირისპირებდნენ და ხშირად ჯარიმდებოდნენ. რამდენიმე შეცდომა ლუზიტანელებს რაკში თამაშისასაც დავაშვებინეთ. შედეგად, კვირიკაშვილმა კიდევ სამი საჯარიმო გაიტანა და 28-ე წუთისთვის 12:3 დავწინაურდით.</p><p>ამის შემდეგ გუნდი უფრო თამამად ათამაშდა და უკვე ლელოს გატანაზე დაიწყო ფიქრი. ამის დასტურად აუტში გადატანილი ორი საჯარიმოც გამოდგება.</p><p>ტაიმის დასასრულს ერთი წუთი აკლდა. კვირიკაშვილმა საჯარიმო აუტში გადაიტანა. დერეფანი მეტოქის ლელოდან ათ მეტრში <strong>გიორგი ჩხაიძემ</strong> სუფთად მოიგო. მოლი შევკარით, დავძარით, რამდენიმე მეტრით წინ წავიწიეთ; მერე თამაში რაკში გადავიდა, სადაც პორტუგალიელები ისევ დაჯარიმდნენ. "ბორჯღალოსნებმა" შერკინება მოითხოვეს.</p><p>მეტოქის ჩათვლის მოედნიდან ხუთ მეტრში მასპინძლებმა თამაშის წესი ისევ დაარღვიეს. არბიტრმა თავისუფალი დარტყმა დანიშნა. მესამეხაზელმა <strong>დიმიტრი ბასილაიამ</strong> ბურთი სწრაფად გაათამაშა და უკნიდან შეტევაში ჩართულ შუამარბ <strong>თედო ზიბზიბაძეს</strong> გაატანა, რომლის შეჩერება ერთბაშად სამმა პორტუგალიელმა სცადა, მაგრამ უშედეგოდ.</p><p>კვირიკაშვილმა გარდასახვა ხელსაყრელი პოზიციიდან ვერ გაიტანა - 17:3. ასე დასრულდა პირველი ტაიმი.</p><p>მეორე ნახევარი პირველის იდენტურად დაიწყო. სამ წუთში პორტუგალიელებმა საჯარიმოს დარტყმის უფლება მიიღეს და ბეტანკურმა ისიც გაიტანა - 6:17. მერე, სამწუთიანი შუალედით "მეკომ" და ბეტანკურმა კიდევ თითო საჯარიმო გაცვალეს - 9:20.</p><p>57-ე წუთიდან მოყოლებული, "ბორჯღალოსნების" უპირატესობა ისევ საგრძნობი გახდა.</p><p>59-ე წუთზე მორიგი საჯარიმო კვირიკაშვილმა აუტში გადაიტანა. დერეფანი მეტოქის 22-მეტრიანი ზონის ხაზთან ისევ სუფთად მივიგეთ, მოლი შევკარით, რამდენიმე მეტრით წინ წავიწიეთ და მერე ბურთი მარჯვნივ, გრძელ ფრთაზე გავიტანეთ. მორკინალების ერთი დარტყმის შემდეგ ცხრა ნომერმა <strong>ვაჟა ხუციშვილმა</strong> მოსხეპით კიდევ უფრო მარჯვნივ კვირიკაშვილი ჩართო იერიშში, რომელმაც ბურთი მეტოქის ათმეტრიანი ნიშნულის ხაზთან მიიღო. ის ცრუ მოძრაობით ორ პორტუგალიელს დაუსხლტა, 22-მეტრიან ზონაში შეაღწია და მარჯვნივ, კიდესკენ <strong>გიორგი შკინინს</strong> გადააწოდა. ბურთი ერთ-ერთ პორტუგალიელს მოხვდა და ისევ კვირიკაშვილს დაუბრუნდა. მან ლელომდე ისე ირბინა, ხელი ვეღარავინ შეუშალა.</p><p>"მეკომ" თავადვე გარდასახა - 27:9. საგულისხმოა, რომ კვირიკაშვილმა, რომელიც ერთ-ერთი საუკეთესო იყო, გუნდს 24 ქულა მოუტანა (ერთი ლელო, ხუთი საჯარიმო და ორი გარდასახვა).</p><p>ცხადია, ჩვენს გუნდს პრემიალური ქულის აღების შანსიც გაუჩნდა. მით უფრო, რომ 72-ე წუთზე დერეფნიდან წამოწყებული მორიგი შეტევა ისევ ლელოთი დასრულდა. აუტი მარჯვენა ფრთაზე 10-მეტრიან ხაზთან მოვიგეთ. ბასილაიამ ბურთი ხუციშვილს ჩამოუგდო. ამან იქვე მგეზავ <strong>ლაშა ხმალაძეს</strong> გადააწოდა, რომელმაც ცრუ მანევრით გარღვევაზე შეცვლაზე შესული გარემარბი <strong>თამაზ მჭედლიძე</strong> გაიყვანა. ამან 30 მეტრი ირბინა და მარცხნივ, იქვე მიმყოლ <strong>ლაშა მალაღურაძეს</strong> გადააწოდა, რომელმაც დაუყოვნებლივ უკეთეს მდგომარეობაში მყოფი შუამარბი <strong>დავით კაჭარავა</strong> მოძებნა.</p><p>გარდასახვა ისევ კვირიკაშვილმა გაიტანა - 34:9.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</strong></span></span></p><p><span style="font-size: x-small;"><span style="color: #ff0000;"><strong><a href="/mtavari/video.html?view=video&video=3571" target="_blank"><img src="pictures/artimages/image16/7ac8964f190187d987c03916311f66ce.jpg" border="0" alt="Sportall.Ge" title="საქართველოს მორაგბეთა ნაკრებმა პორტუგალიაში გაიმარჯვა [VIDEO]" /></a></strong></span></span></div></p></p><p>"ბორჯღალოსნებს" მეოთხე ლელოს გატანის შანსიც მიეცათ, მაგრამ ტექნიკური წუნის გამო ეს ვეღარ მოხერხდა. მიუხედავად იმისა, რომ პრემიალური ქულა ვერ ავიღეთ, საქართველოს ნაკრები ისევ პირველ ადგილზეა.</p><p><p><div style="text-align: center;"><span style="font-size: x-small;"><span style="color: #008000;"><strong>იხილეთ ფოტოგალერეა</strong></span></span></p><p><a href="/mtavari/photo.html?view=categories&category=463" target="_blank"><img src="pictures/artimages/image16/e17002aad545bbc4c8d6feaeb0ea921b.jpg" border="0" alt="Sportall.Ge" title="პორტუგალია-საქართველო 9:34 - მითი დაიმსხვრა [VIDEO+PHOTO]" /></a></div></p></p><p><p><div style="text-align: center;"><span style="color: #ff0000;"><strong>* * *</strong></span></div></p> ჩვენმა უშუალო კონკურენტმა, რუმინეთის ნაკრებმა მოულოდნელად სტუმრად ბდღვირი ადინა რუსეთის ეროვნულ გუნდს - 34:3. თამაში ტუაფსესთან ახლოს, დაბა ნებუგში გაიმართა.</p><p>"სტეჟარიმ" მატჩი შესანიშნავად წარმართა და მეტოქე ყველა კომპონენტში დაჩაგრა. ამასთან ერთად, მასპინძლებს ოთხი ლელო გაუტანა და ერთი პრემიალური ქულაც მიითვალა. შედეგად, "მუხის ფოთლები" საქართველოს ნაკრებს დაეწია, თუმცა პირველობა ვერაფრით ჩამოართვა.</p><p>მორიგ შეხვედრას რუმინეთის ნაკრები შინ გამართავს ესპანეთის ეროვნულ გუნდთან, რომელმაც მადრიდში დიდი გაჭირვებით მოუგო ერთა თასის დებიუტანტ ბელგიის ნაკრებს - 11:6 და სატურნირო ცხრილში ბოლო ადგილს თავი დააღწია.</p><p>"შავი ეშმაკების" სასახელოდ უნდა ითქვას, რომ ერთა თასის ძირძველ მეტოქეს მედგარი წინააღმდეგობა გაუწიეს, რითაც დაამტკიცეს, რომ მომდევნო ტურში, შინ პორტუგალიის ნაკრებთან მატჩში გამარჯვებისა და ერთა თასზე ადგილის შენარჩუნების შანსი აქვთ.</p><p>ამასობაში, რუსეთის ნაკრები თბილისში გვესტუმრება და წაგების შემთხვევაში, მეორე ადგილის დაკავების თეორიულ შანსსაც დაკარგავს. შესაბამისად, "ბორჯღალოსნები" მსოფლიოს თასის საგზურს შესარჩევი ტურნირის დასრულებამდე ორი ტურით ადრე მოიპოვებენ.</p><p><span style="color: #3366ff;"><strong>ევროპის ერთა თასი. II ტური</strong></span></p><p><em><strong>პორტუგალია-საქართველო 9:34</strong></em></p><p>პორტუგალია (15-9) აგილარი, ფორუ, ბეტანკური, ლიმა, მარი (ნუნუ 69), მირანდა (სალემა 75), რებელუ (მაგალიაეში 73). (1-8) სეგურადუ (მედეირუში 75), ტაჯერი (კორეია 57), როშა (ალვეში 57), დუშსანტუში, გ. უვა (ბრანკუ 66), ბეკუ, ალმეიდა (და კოშტა 53), ვ. უვა.</p><p>3ს: ბეტანკური.</p><p>საქართველო (15-9) კვირიკაშვილი, შკინინი (მჭედლიძე 66), კაჭარავა, ზიბზიბაძე (მალაღურაძე 66), მაჩხანელი, ხმალაძე, ბეგაძე (ხუციშვილი 41). (1-8) ნარიაშვილი (ჟვანია 53), მამუკაშვილი (ბრეგვაძე 53), ჩილაჩავა (ფეიქრიშვილი 53), მიქაუტაძე (ნემსაძე 62), დათუნაშვილი, კოლელიშვილი, ჩხაიძე (სუთიაშვილი 62), ბასილაია.</p><p>3ლ: ზიბზიბაძე, კვირიკაშვილი, კაჭარავა. 5ს,2გ: კვირიკაშვილი.</p><p>მსაჯი: სედრიკ მარშა (საფრანგეთი).</p><p><em><strong>რუსეთი-რუმინეთი 3:34</strong></em></p><p>რუსეთი: ს - კუშნარიოვი.</p><p>სინბინი: გერასიმოვი, ოსტრიკოვი.</p><p>რუმინეთი: 4ლ - ბურსეა, ლუკაჩი, დუმიტრუ, მანოლე. 2ს,4გ: ვლაიკუ.</p><p><em><strong>ესპანეთი-ბელგია 11:6</strong></em></p><p>ესპანეთი: ლ - კოვაჩევიჩი. 2ს - სნი.</p><p>ბელგია: 2ს - ვილიამსი.</p><p><span style="color: #3366ff;"><strong>ერთა თასი</strong></span></p><p><em>ა გ თ მ ფ წ ბ ქ</em></p><p>1. საქართველო 2 2 0 0 +60 9</p><p>2. რუმინეთი 2 2 0 0 +55 9</p><p>3. ესპანეთი 2 1 0 1 +2 5</p><p>4. რუსეთი 2 1 0 1 -28 4</p><p>5. ბელგია 2 0 0 2 -40 1</p><p>6. პორტუგალია 2 0 0 2 -49 0</p><p><span style="color: #3366ff;"><strong>მსოფლიოს თასის შესარჩევი</strong></span></p><p><em>ა გ თ მ ფ წ ბ ქ</em></p><p>1. საქართველო 7 6 1 0 +134 28</p><p>2. რუმინეთი 7 6 1 0 +104 28</p><p>3. რუსეთი 7 4 0 3 -34 18</p><p>4. ესპანეთი 7 1 2 4 -55 10</p><p>5. პორტუგალია 7 1 1 5 -70 7</p><p>6. ბელგია 7 0 1 6 -79 6</p><p><strong>III ტური</strong></p><p><span style="text-decoration: underline;">22 თებერვალი</span></p><p>საქართველო-რუსეთი</p><p>ბელგია-პორტუგალია</p><p>რუმინეთი-ესპანეთი</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p>
-
რეზო110
GiorgiG83-ს. გუშინ ისევ ავტვირთე თავიდან იგივე დროს, საღამოს 7 საათისთვის და ჩემდა სამწუხაროდ ისევ არ არის კომენტარი. თუ სიმბოლოებზე და სიტყვების რაოდენობაზეა შეზღუდვა ეგ აღარ ვიცი უკვე, ბევრი დავწერე, ახალი ალბათ არც არაფერი მითქვია რაც არ იცით, მაგრამ მაინც გულდასაწვეტია. რა ხდება ვეღარ გავიგე
-
GiorgiG83
რეზო110 -ს თუ მოგიხერხდება კომენტარის თავიდან დაფიქსირება სიამოვნებით გავეცნობით. 9 ნომრის და აგრესიული დაცვის პრობლემას, ლეგიონერების ხშირად უთამაშებლობის საკითხს ხომ არ შევხებოდით?
-
რეზო110
რედაქციას!!! გუშინ საღამოს გადმოგიგზავნეთ კომენტარი საღამოს შვიდის მერე, ასე რვის წუთებზე. იქნებ ნახოთ ჯანკში, ან სპამში ხომ არ არის ჩავარდნილი.მსგავსი ადრეც მომხდარა
-
vazha
კი მარა ჩXუბი როდის მოხდა?
-
GiorgiG83
რუმინელებს იდელაური კალენდარი აქვთ - სახლში ბელგია და ესპანეთი, ქულების თანაფარდობისას ბალანსის მიხედვით ალათ გადაგვასწრებენ და თბილისში რუმინეთის დამარცხების გარეშე პირველ ადგილს ვერ დავიკავებთ. მეუცნაურა რუსების ასეთი მარცხი - იმედია ჩევნი პირველ ადგილზე არ გაშვებით არ იყო ეს წაგება ნაკარნახევი და თუ ეგრეა მათთან ჩვენც პრემიალური უნდა ავიღოთ (ისევე როგორც გამოჩნდა რომ პორტუგალიასთანაც უნდა აგვეღო, რადგან რუმინეთი ესპანეთთან და ბელგიასთან სავარაუდოდ პრემიალურს დაიმსახურებს. ახლა მადრიდულ პრემიალურზე უნდა ვიფიქროთ და თბილისურ 2 ტრიუმფზე)
-
GiorgiG83
რუმინელებს იდელაური კალენდარი აქვთ - სახლში ბელგია და ესპანეთი, ქულების თანაფარდობისას ბალანსის მიხედვით ალათ გადაგვასწრებენ და თბილისში რუმინეთის დამარცხების გარეშე პირველ ადგილს ვერ დავიკავებთ. მეუცნაურა რუსების ასეთი მარცხი - იმედია ჩევნი პირველ ადგილზე არ გაშვებით არ იყო ეს წაგება ნაკარნახევი და თუ ეგრეა მათთან ჩვენც პრემიალური უნდა ავიღოთ (ისევე როგორც გამოჩნდა რომ პორტუგალიასთანაც უნდა აგვეღო, რადგან რუმინეთი ესპანეთთან და ბელგიასთან სავარაუდოდ პრემიალურს დაიმსახურებს. ახლა მადრიდულ პრემიალურზე უნდა ვიფიქროთ და თბილისურ 2 ტრიუმფზე)
"ბორჯღალოსნები" | ირლანდიასთან პიარდი, სამხრეთ აფრიკასთან ქარლი
"არ ვითხოვთ ფულს, ვითხოვთ შესაძლებლობას" - ლევან მაისაშვილი
ბორჯღალოსნები | ექვსი ერის 24-გზის გამარჯვებული თბილისში - ირლანდიასთან 5 ივლისს „მიხეილ მესხზე“
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
მოურინიოს პორტუგალიის ნაკრების მწვრთნელად არ დანიშნავენ
"ესპანელი ბიჭუნა ხარ" - მახაჩევმა თოფურიას მიმართა
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია
[VIDEO] ლობჟანიძემ MLS-ში საგოლე პასი შეასრულა
[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა
სკანდალი. "მსაჯი რეციდივისტი და მძარცველია - მამარდაშვილის მომენტის გამო პენალტი არ უნდა დანიშნულიყო" - ესპანური მედია
[VIDEO] მამარდაშვილის მოგერიებები, "აკიდებული" პენალტი და "ვალენსიას" ათმატჩიანი წაუგებელი სერიის შეწყვეტა
საფრანგეთში რეფორმა იგეგმება, რათა პსჟ ვადამდე არ გახდეს ჩემპიონი
პსჟ ორი ფეხბურთელის შეძენას აპირებს და დაცვის ეკვადორული ცენტრი ეყოლება
"შახტარს" "ნაპოლის" მიერ სუდაკოვში შეთავაზებული თანხა ეცოტავა
საქართველოს ნაკრების ფეხბურთელმა შეიძლება ესპანური კლუბი დატოვოს
სასამართლომ მერაბ კვირიკაშვილი უდანაშაულოდ ცნო
თედო აბჟანდაძე "ბორჯღალოსნების" პროგრესზე, ნინიაშვილის წარმატების ფაქტორებსა და საკლუბო სირთულეებზე
ავარიისას დაღუპულის მამა - მერაბ კვირიკაშვილს თუ ასე უნამუსოდ, თავხედურად გაამართლებდნენ, არ მეგონა
მამუკა გორგოძე სტეფანწმინდის "ყაზბეგს" ეწვია და მორაგბეებს საკუთარი გამოცდილება გაუზიარა
"არ ვითხოვთ ფულს, ვითხოვთ შესაძლებლობას" - ლევან მაისაშვილი
ᓡᓐᓤᓠᓐᓜᓒეთᓘᓡ ᓓᓘᓕᓘᓖᓘᓝᓜᓔბᓘᓡ 37 ᓒᓣᓜᓓᓨᓘ 65 ᓥᓐᓠᓗᓕეᓚᓘ მოᓠᓐᓒᓑᓔ იᓠიᓪხᓔბᓐ
დავით კაჭარავა რაგბის კავშირის გამგეობის თავმჯდომარედ აირჩიეს
"მიმიფურთხებია ყველა იმ ადამიანისთვის, ვინც ჩემი 20 წელიწადი 2 დღეში გაყიდა და იფიქრა, რომ მე სამშობლო რუსეთში გავცვალე" - დავით კაჭარავა
დავით კაჭარავა რაგბის კავშირის გამგეობაში აირჩიეს
კარიერაში ძალიან მძიმე პერიოდი მიდგას, - თედო ზიბზიბაძე მსოფლიოს თასს ტოვებს
საქართველო-იტალია ბათუმში შედგება
ავარიისას გარდაცვლილის მამა: მეც გამიჩნდა მერაბ კვირიკაშვილის მიმართ სიბრალულის განცდა, მაგრამ დანაშაული უნდა ეღიარებინა
"ბორჯღალოსნებმა" რუსების ძლევით მსოფლიოს თასის საგზური გაინაღდეს! [VIDEO]
"ბორჯღალოსნების" შემადგენლობა ნოემბრის ტესტ-მატჩებისთვის
მორაგბე გიორგი ლომინაძე - სულ ერთად ვართ და მერაბ კვირიკაშვილს ჩქარა არასდროს უვლია
მოედნები კახეთში და პარტნიორი დედოფლისწყაროში
ჯორჯიის შტატი მსოფლიო თასზე საქართველოს მორაგბეთა ნაკრებს უქომაგებს - ოფიციალური განცხადება
საქართველო - იტალიის სარაგბო მატჩის არბიტრი ცნობილია
საქართველოს რაგბის კავშირის პრეზიდენტად დავით კაჭარავა დანიშნეს
"ბორჯღალოსნები" სტუმრად პორტუგალიას პირველი ტაიმის შემდეგ ამარცხებენ
საქართველოს მორაგბეთა ნაკრებმა პორტუგალიაში გაიმარჯვა [VIDEO]
მორაგბე მერაბ კვირიკაშვილის საქმეზე განაჩენი გამოცხადდება
ქართული ლეგიონი: ორი ლიდერია, შვიდი საპლეიოფოშია
"რუსეთშიც ვთამაშობდი და ჩემი ყოფილი გუნდიც არის საქართველოში ნამყოფი" - დავით კაჭარავა რუსეთის ნაკრების შესაძლო შეკრებაზე საქართველოში კომენტარს აკეთებს