<p>ინტერვიუ "ორლანდო სიტის" ბრაზილიელ ახალწვეულთან <br> "მილანისა" და "რეალის" ყოფილი ვარსკვლავი, "ოქროს ბურთის" 2007 წლის ლაურეატი <strong>კაკა</strong> დღეს MLS-ის ლიგაში "ორლანდოს" ღირსებას იცავს.</p><p>32 წლის ბრაზილიელმა ახალ ლიგაში უკვე ხუთი მატჩი ჩაატარა, ორი გოლი გაიტანა და ერთი შედეგიანი პასი შეასრულა. ამ დღეებში მან ინტერვიუ მისცა La Gazzetta dello Sport-ს, სადაც პირველ შთაბეჭდილებებზე ისაუბრა.</p><p><strong>- უკვე იგრძენით სხვაობა ევროპულ ფეხბურთთან შედარებით?</p><p></strong>- პირველ რიგში, ეს არის ერთი მატჩი კვირაში. აქ უფრო მეტი დრო ეთმობა მატჩისთვის მომზადებას. ამიტომაც, მეტოქე ყოველთვის ასი პროცენტით არის მზად ფიზიკურად. აქედან გამომდინარე, თამაშები თანაბარ ბრძოლაში მიმდინარეობს. ვფიქრობ, MLS ამ მხრივ, უფრო დაბალანსებულია.</p><p><strong>- სადებიუტო მატჩში 62 ათასი მაყურებლის წინაშე გოლი გაიტანეთ. ელოდით?</p><p></strong>- ბრაზილიაში ნაკლები მაყურებელი მიდის სტადიონზე, მათ შორის მნიშვნელოვან მატჩებზე. ადრე არასოდეს გამიტანია ახალ კლუბში პირველივე მატჩში გოლი. ძალიან ამაღელვებელი მომენტი იყო.</p><p><strong>- მართალია, რომ ამერიკაში გადაბარგება თვით დევიდ ბექჰემმა გირჩიათ?</p><p></strong>- იქამდე, სანამ "მილანში" პარტნიორები გავხდებოდით, მას რამდენჯერმე ფლორიდაში შევხვდი ტურნეს დროს. ის ბევრ კარგს მიყვებოდა MLS-ის შესახებ. ამბობდა, რომ ეს არის შესანიშნავი ჩემპიონატი, რომელშიც შეიძლება სიამოვნების მიღება. დიახ, მისმა აზრმა გავლენა იქონია ჩემს გადაწყვეტილებაზე. ის რომ არა, სავარაუდოდ, უარვყოფდი ამერიკელთა წინადადებას.</p><p><strong>- ჭორები იმის შესახებ, რომ MLS-ში აპირებდით გადასვლას, მთელი სეზონის განმავლობაში ვრცელდებოდა. როდის მიიღეთ საბოლოო გადაწყვეტილება?</p><p></strong>- სერია A-ს ჩემპიონატის დასრულების შემდეგ ოდნავ დავასწარი გალიანის, რომელიც ბრაზილიაში გამგზავრებას აპირებდა რაღაც საკითხების მოსაგვარებლად და იმის გასარკვევად - ვგეგმავდი თუ არა სამშობლოში დაბრუნებას. იმ მომენტში მოლაპარაკებები გავმართე "ორლანდოსთან" და კონტრაქტი გავაფორმე. გალიანი პირველი იყო, ვინც ამის შესახებ შეიტყო. მე მისი მადლიერი უნდა ვიყო ყველაფრისთვის, რაც ჩემთვის გააკეთა.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">რეალში გადასვლა - მნიშვნელოვანი ნაბიჯი კარიერაში</span></strong></div></p> <strong>- ოკეანის გაღმა გადაბარგებაზე გადაწყვეტილების მიღებას ხელი შეუწყო იმ ფაქტმა, რომ მსოფლიოს ჩემპიონატზე არ წაგიყვანეს?</p><p></strong>- გარკვეულწილად, ასეა. ყველაფერს ვაკეთებდი იმისთვის, რომ მსოფლიოს საშინაო ჩემპიონატზე მოვხვედრილიყავი. როცა საბოლოოდ მივხვდი, რომ მუნდიალზე არ წამიყვანდნენ, სერიოზული ცვლილებების აუცილებლობაზე დავფიქრდი.</p><p><strong>- "მილანი" უფრო კონკურენტუნარიანი რომ ყოფილიყო, იტალიაში დარჩებოდით?</p><p></strong>- რთული სათქმელია. კიდევ ერთი სეზონის გატარება გუნდში, სადაც ამდენი მნიშვნელოვანი მომენტი მქონდა, ჩემთვის ბედნიერება იქნებოდა.</p><p><strong>- შეადარეთ 2003 წლის "მილანი" 2013 წლის "მილანს", როცა გუნდში დაბრუნდით.</p><p></strong>- "რეალში" ოთხი წელი გავატარე. რა თქმა უნდა, "მილანში" უკვე სხვა ფეხბურთელები თამაშობდნენ. ძველი გვარდიიდან დარჩნენ მხოლოდ ბონერა და აბიატი. და ინძაგიც მუდმივად გვერდით იყო. მაგრამ გასახდელში ყველაფერი სრულიად განსხვავებული ჩანდა.</p><p><strong>- გინახავთ "მილანის" მატჩები ინძაგის ხელმძღვანელობით?</p><p></strong>- ძალიან ცოტა. შედეგებს თვალს ვადევნებ და ვხვდები, რომ გუნდს რთული სეზონი აქვს. მაგრამ ოპტიმისტი ვარ. ორი-სამი წელი და ყველაფერი წესრიგში იქნება. მაგალითი "იუვენტუსისგან" უნდა აიღონ.</p><p><strong>- ინძაგის მსგავსად სამწვრთნელო კარიერის დაწყება ხომ არ გსურთ?</p><p></strong>- დღეს ამ კითხვაზე უარყოფით პასუხს გაგცემთ. ვნახოთ, შესაძლოა, სამი ან ოთხი წლის შემდეგ აზრი შევიცვალო. მაგრამ დღეს ასეთი ვარიანტი გამორიცხულია. სინამდვილეში, ფეხბურთში დარჩენას ვაპირებ, მაგრამ უფრო ხელმძღვანელის როლში ვხედავ საკუთარ თავს, როგორც ლეონარდო.</p><p><strong>- წინასწარ რომ გცოდნოდათ - როგორ აეწყობოდა თქვენი კარიერა "რეალში", დატოვებდით "მილანს"?</p><p></strong>- მადრიდული წლები რთული, მაგრამ ბედნიერი იყო. ვაღწევდით შედეგებს: მოგება ჩემპიონატში, ესპანეთის თასზე, ესპანეთის სუპერთასზე... 29 გოლი გავიტანე ოთხ სეზონში. არ მიმაჩნია, რომ ეს ცუდი შედეგი იყო. "რეალში" მიღებული გამოცდილება პროფესიული თვალსაზრისით ძალიან სასარგებლო გამოდგა. როგორც ფეხბურთელმა, მოვუმატე. ამ ნაბიჯს ერთ-ერთ უმნიშვნელოვანესად მივიჩნევ კარიერაში. როცა მოვხუცდები, შემეძლება ასე თქმა: "ვთამაშობდი "მილანში" და "რეალში"! ცუდი არ არის.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">რჩევა ახალგაზრდებს: გაემგზავრეთ იტალიაში</span></strong></div></p> <strong>- დღეს იტალიურ ფეხბურთს ჩავარდნა აქვს. ყველაფერში დამნაშავე ეკონომიკური კრიზისია?</strong></p><p>- დიახ. შეზღუდული ფინანსური საშუალებებით რთულია ისეთ გიგანტებთან კონკურენცია, როგორებიც არიან "პარი სენ-ჟერმენი", "ჩელსი", "მანჩესტერ სიტი" ან სხვები. იტალიისთვის ახლა რთული პერიოდია. მაგრამ, მეორე მხრივ, ეს სირთულეები გიბიძგებენ რაღაც გმირობაზე. მიყვარს მაგალითად "იუვენტუსის" მოყვანა, რომელიც ბრწყინვალე შედეგებს აჩვენებს. ტურინელებმა პრაქტიკულად გაინაღდეს მორიგი ჩემპიონობა და ჩემპიონთა ლიგის მოგების კარგი შანსი აქვთ. ცხადია, რომ სხვები უნდა დააკვირდნენ იმათ მუშაობას, ვინც ტურინში ხელმძღვანელ თანამდებობებზე არიან.</p><p><strong>- 2003 წელს ეკონომიური სიტუაცია დღევანდელის მსგავსი რომ ყოფილიყო, ჩახვიდოდით "მილანში"?</strong></p><p>- მე არ ამირჩევია იტალია. იტალიამ ამირჩია მე. ამიტომაც შემიძლია მხოლოდ მადლობა გადავუხადო ამ ქვეყანას იმისთვის, რასაც ახლა წარმოვადგენ. დღესაც მხიბლავს იტალია. და არა მხოლოდ ფეხბურთის, არამედ ცხოვრების სტილის, ხალხისა და გულშემატკივრების გამო. ახალგაზრდებმა რჩევა რომ მკითხონ, ასე ვიტყოდი: "გაემგზავრეთ იტალიაში!"</p><p><strong>- გალიანის ვის შეძენას ურჩევდით?</strong></p><p>- კევინ მოლინოს. შესანიშნავი ფორვარდია ტრინიდადიდან. მას დიდი პოტენციალი აქვს და სარგებლობის მოტანა შეუძლია.</p><p><strong>- თქვენ მოგიწიათ ბალოტელის გვერდით თამაში. ის გაფუჭებული ტალანტია თუ მის ნიჭიერებაზე ლაპარაკი შეცდომაა?</strong></p><p>- სიმართლე გითხრათ, არ ვადევნებ თვალს მის გამოსვლას "ლივერპულში". მარიოს გვერდით ერთი სეზონი ვითამაშე და შემიძლია დამაჯერებლად ვთქვა, რომ ნიჭი აქვს. მიმაჩნია, რომ ის ყოველთვის ვერ გრძნობს პასუხისმგებლობას. ასე იყო იტალიაში და ასეა დღეს ინგლისში. ის აშკარად არ აფასებს ამ ასპექტს.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">ნაკრებში გამოძახებას ისევ ელოდება</span></strong></div></p> <strong>- მოდით ბრაზილიის ნაკრებზე ვილაპარაკოთ. ფიქრობთ, რომ დუნგა ისევ განიხილავს კაკას ნაკრების პოტენციურ კანდიდატად?</strong></p><p>- 2014 წლის ბოლოს ორ ამხანაგურ მატჩში ვითამაშე არგენტინისა და იაპონიის წინააღმდეგ. ამის შემდეგ გამოძახება არ ყოფილა. დუნგა კარგად მიცნობს, საქმის კურსია იმაზე, რა შემიძლია მოედანზე. არ მგონია, რომ MLS-ში გამოსვლამ ამ მხრივ მავნოს. ველოდები. დარწმუნებული ვარ, რომ თუ სტაბილურ და კარგ თამაშს ვაჩვენებ, შანსს მომცემენ.</p><p><strong>- მსოფლიოს ჩემპიონატს გულშემატკივრის სტატუსით უყურეთ. რა გრძნობა დაგეუფლათ გერმანიასთან 1:7-ის შემდეგ?</strong></p><p>- ხანგრძლივი ნაღველი და იმედგაცრუება. როგორც ყველა ბრაზილიელს. სასწაულს ველოდით, რომელიც არ მოხდა. ეს ძალიან მძიმე მომენტი იყო ბრაზილიური ფეხბურთის ისტორიაში.</p><p><strong>- ამბობენ, რომ MLS-ში აპირებენ გადასვლას ხავიერ ერნანდესი და ზლატან იბრაჰიმოვიჩი. ამაში თქვენი დამსახურებაცაა?</strong></p><p>- ვფიქრობ, ნაწილობრივ. როცა დავთანხმდი აქ ჩამოსვლას, ფეხბურთის განვითარების იდეაც მამოძრავებდა. ეს დაიწყო ბექჰემმა, გააგრძელა ანრიმ. ახლა აქ არის ვილია, ჩამოდიან ჯერარდი და ლემპარდი, ასევე "ტორონტოში" თამაშობს ჯოვინკო. ყველას შეეძლო მშვიდად კარიერის ევროპაში გაგრძელება. ამერიკაში კარგად იხდიან? დიახ. მაგრამ მთავარი ის არის, რომ აქ ცხოვრება სასიამოვნოა.</p><p><strong>- თუ არ ჩავთვლით კრიშტიანო რონალდოსა და ლიონელ მესის, ვის გამოყოფდით თანამედროვე ფეხბურთში?</strong></p><p>- ნეიმარს. მე მასთან ერთად ნაკრებში მიმუშავია და ვიცი, რა შეუძლია. ის ფენომენია.</p><p>- დღეს იტალიასა და სხვა ქვეყნებში აქტუალურია რასიზმის პრობლემა და ძალადობა ტრიბუნებზე. როგორ ებრძვიან ამას MLS-ში?</p><p>- ამ მოვლენებში ღრმა ფესვებია. ყველაფერი აღზრდამდე მიდის. ეს არა საფეხბურთო, არამედ სოციალური პრობლემაა. ძალიან სამწუხაროა იმის ხილვა, როგორ იყენებენ ადამიანები სტადიონს საკუთარი ბინძური საქმეებისთვის. ფეხბურთის დაცული უნდა იყოს. MLS-ში ასეთი პრობლემა არ არის: აქ მატჩებზე სრული შემადგენლობით მოდიან ოჯახები ბებიებითა და ბაბუებით. აქ ყველაფერი სუფთა და შესანიშნავია.</p><p><strong><span style="color: #ff0000;">დოსიე</span></strong></p><p><strong>რიკარდო იზეკსონ დოს სანტოს ლეიტე "კაკა"</strong></p><p>დაიბადა: 1982 წ. გამა (ბრაზილია)</p><p>საფეხბურთო კარიერა: 2001-03 - სან პაულუ; 2003-09 - მილანი; 2009-2013 - რეალი; 2013-14 - მილანი; 2014-დან - ორლანდო.</p><p>ბრაზილიის ნაკრები: 89 თამაში, 29 გოლი</p><p><strong>ყოველდღიური სპორტული გაზეთი "ლელო"</strong></p>
papa
დიახ, მისმა აზრმა გავლენა იქონია ჩემს გადაწყვეტილებაზე. ის რომ არა, სავარაუდოდ, ვუარყოფდი ამერიკელთა წინადადებას. ჟურნალისტი მწყრალად არის ქართულთან გასაგებია,მაგრამ რედაქტორი არ ყავს ამ საიტს? ვუარყოფდი რა ქართულია?
Opta-ს რეიტინგით მუნდიალზე ფავორიტი შეიცვალა
"რეალმა" "დორტმუნდს" სძლია და ნახევარფინალში პსჟ-ს შეხვდება
ხვიჩას მორიგი წარმატება და ქართული კლუბების წარუმატებლობა?! - რას ვნახავთ ივლისში
"ბორჯღალოსნები" | მომავალი მეტოქე - "ჩიტასი"
"ბაიერნი" პსჟ-ს ბარკოლაში სოლიდურ თანხას შესთავაზებს
პსჟ-ს ორი ფეხბურთელისთვის საკლუბო მუნდიალი დასრულდა
"ოქროს ბურთი" მისთვის ჯერ ადრეა" - მაკელელემ იამალზე ისაუბრა
"რეალი" გონსალო გარსიას არ გაუშვებს
ბონიფისი ან ვლაჰოვიჩი - "მილანი" ფორვარდის დამატებას ცდილობს
დარვინი "ნაპოლის" უახლოვდება - ნუნუესი სავარაუდოდ, "პარტენოპეის" ფორვარდი გახდება
დაბრუნება 18 წლის შემდეგ - ანხელ დი მარია კვლავ "როსარიო სენტრალში" ითამაშებს
შჩესნიმ გაახანგრძლივა - პოლონელი "ბარსელონაში" კიდევ 2 წელი დარჩება
ალეგრიმ დაადასტურა - ლუკა მოდრიჩი კარიერას "მილანში" განაგრძობს
"ჩემი ფეხბურთელები სასურველი შედეგისთვის მზად არიან" - "იბერიას" მწვრთნელმა "მალმიოსთან" დაპირისპირებაზე ისაუბრა
სიომინი: კვარაცხელია "ოქროს ბურთის" პრეტენდენტია, პსჟ გვარდიოლას "ბარსელონაზე" უკეთესია, საფონოვი...
20 წ. | ცვლილებებით და როტაციით მასპინძელ იტალიასთან
ევრობასკეტზე გამგზავრების წინ საქართველოს U20 ნაკრებმა ლატვიას სპარინგ-მატჩში უმასპინძლა
"ნოიერიც ასევე უეხეშა იგუაინს" - დონარუმას აგენტი გამოექომაგა
"ნაპოლი" ოსიმენს ემუდარება - ნიგერიელმა გადაწყვეტილება მიიღო
"ლიონს" კიდევ ერთი წამყვანი ფეხბურთელის გაყიდვა მოუწევს
პსჟ "რეალის" გარემარბის შეძენას ცდილობს - მისი ღირებულება 90 მილიონია
მესი VS რონალდო უკვე საუდის არაბეთში? - "ალ-აჰლის" არგენტინელი ვარსკვლავის დამატება უნდა
მიზეზი ფულია - თურქი ჟურნალისტი ოსიმენის "მანჩესტერ იუნაიტედთან" შეუთანხმებლობაზე და ნიგერიელის სატრანსფერო საგაზე
ლეგენდარული მარიო ზაგალო გარდაიცვალა
"კარგი ბიჭია; ცუდია, რომ მსოფლიო ჩემპიონატზე არ იქნება" - კაკამ ხვიჩაზე ისაუბრა
"რეალი" ფეხბურთელებს არნახულ თანხას დაჰპირდა - საკლუბო მუნდიალის მოგება სტრატეგიული მნიშვნელობისაა
პატო "ორლანდო სიტიში" გადავიდა
მადრიდის "რეალის" 5 ყველაზე ცუდი ტრანსფერი
"მილანმა" ტრანსფერი შეათანხმა - "როსონერიმ" "ტორინოს" კაპიტანი შეიძინა
"რეალმა" როდრიგოს გაყიდვა გადაწყვიტა - ბრაზილიელის დამატება "არსენალს" სურს
ვინ სად გადავიდა? - ბოლო სატრანსფერო დღის გარიგებები
მილიონობით გულშემატკივარს კვარაცხელიასგან მხოლოდ ეს სურს?! - "ტაქტიკური სიმტკიცე" და "გრილიშიზაცია"...
კაკას თანაგუნდელი მეუღლეზე ძალადობის ბრალდებით დააპატიმრეს
"რეალმა" "დორტმუნდს" სძლია და ნახევარფინალში პსჟ-ს შეხვდება
48 მლნ ევრო მცველში - მადრიდის "რეალმა" მესამე ტრანსფერი განახორციელა
უოლკერი პრემიერ ლიგას დაუბრუნდა და ახალ გუნდში ჩაირიცხა
"სირცხვილია" - რონალდინიომ ბრაზილიის ნაკრები მიწასთან გაასწორა
ჩაომ "კომოს" ბოლო მომენტში უარი უთხრა და პრემიერ ლიგის ვარიანტი აქვს
ვინისიუსის წინაპრები ტიკარის ტომის წარმომადგენლები ყოფილან
"თამაში საშინელ სტადიონებზე გვიწევს, მსაჯები ჩვენს წინააღმდეგ არიან" - ვინისიუსი
პსჟ "რეალის" გარემარბის შეძენას ცდილობს - მისი ღირებულება 90 მილიონია
კაკამ მესისა და რონალდოს შორის საუკეთესო დაასახელა
ალეგრიმ დაადასტურა - ლუკა მოდრიჩი კარიერას "მილანში" განაგრძობს
"ოკლაჰომა-სიტი" მონსტრი ხდება: კარმელო უესტბრუკთან და ჯორჯთან წავიდა
ანჩელოტი ბრაზილიის ნაკრების მწვრთნელობას არ აპირებს
ბონიფისი ან ვლაჰოვიჩი - "მილანი" ფორვარდის დამატებას ცდილობს
პსჟ-ს, შესაძლოა, ტრანსფერების განხორციელება აეკრძალოს
პსჟ-ს შემტევის ძმა შეიძლება "მილანში" გადაბარგდეს
პსჟ-ს ორი ფეხბურთელისთვის საკლუბო მუნდიალი დასრულდა
კაცნაკლულმა ურუგვაიმ ბრაზილიას სძლია და კოპას 1/2-ფინალში გავიდა [VIDEO]
კვარაცხელია "რეალის" წინააღმდეგ. პსჟ-მ ოკეანისგაღმა დესანტი გადასხა - ორმა ფეხბურთელმა გუნდი ნაადრევად დატოვა
კაკა ბრაზილიაში ქერა მოდელზე დაქორწინდა [PHOTO]
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
საუკეთესო 4 ფეხბურთელი, რომლებმაც კარიერა დაინგრიეს - ვინ არიან ისინი